په افغانستان کې د شنبې د ورځې د انتخاباتو د نتیجو په اړه د ولسمشر اشرف غني وار له مخه څرګندونې، د دې ترڅنګ به ووینئ چې د پاکستان صدراعظم عمران هڅې کوي چې د واشنګتن او تهران د لانجې منځګړیتوب وکړي. داسې ترمینل هم دلته لیدلی شئ چې په ټوله نړۍ کې ساری نه لري.
د افغانستان ولسمشر محمد اشرف غني د فساد په اړه د ټولو هغو تورونو سپیناوي ته تیار دی چې د ولسمشرۍ د دوو نورو کاندیدانو لخوا پر ده لګول شوي دي. عبدالله عبدالله او رحمت الله نبیل ویلي، د کابل بانګ پخوانی د د ولسمشریزو ټاکنو د کمپاین لپاره له زندانه ویستل شوی.
د افغانستان د انتخاباتو خپلواک کمېسیون وايي، د شنبې ورځې ولسمشریزو انتخاباتو ته یې چمتوالی بشپړ کړی دی. بلخوا د افغانستان امنیتي ادارې د ټاکنو ورځې ته د بشپړو امنیتي تدابیرو ډاډ ورکوي.
د افغانستان د کورنیو چارو وزارت ویلي، د کندهار په ۱۴مه حوزه کې چاودنې د یوه محلي خبریال عبدالحمید هوتکی او یوه ماشوم په ګډون څلور کسان وژلي او شپږ کسان ټپیان کړي دي. چاودنه تېره شپه شااوخوا اته بجې د کندهار ښار د ټانک سیمه کې د محمد اشرف غني په مشرۍ د دولت جوړوونکي ټاکنیز ټیم د کمپاین دفتر ته نزدې رامنځته شوه. ددغه وزارت ویاند نصرت رحیمي پر خپلې ټویټرپاڼې لیکلي، په ټپیانو کې یوه ښځه او یو ماشوم هم شامل دي. د افغانستان له ازادو رسنیو د ملاتړ ادارې (نی) ویلي، د عبدالحميد هوتکي په ننګرهار کې د هېواد په نوم د یوه محلي راډيو ټلويزيون خبريال و.
د ملګرو ملتونو د مرستندویه ماموريت يا يوناما د پکتیا ولايتي دفتر د ساتونکو مشر د خپل يوه سرتېري لخوا وژل شوی دى. د پکتيا د پولیسو ویاند سردار ولي تبسم نن وويل، پېښه تېره شپه د خپلمنځي شخړې له امله رامنځته شوې او د څېړنې لپاره یې تخنیکي ډله ټاکل شوې ده. د ښاغلي تبسم په وینا هغه سرتېرى هم وژل شوی چې پر خپل قوماندان یې ډزې کړې وې.
د افغانستان په جنوبي ولایت هلمند کې چارواکي وایي، ولسي جرګه کې د هلمند د خلکو استازي غلام ولي افغان په دفتر کې په لښکرګاه ښار کې چاودنه شوې. د لومړنیو معلوماتو له مخې په چاودنه کې ښاغلي افغان ته زیان نه دی رسېدلی خو دوه نور کسان ټپيان شوي دي. د هلمند د والي دفتر مطبوعاتو مسئول زاهد اتل ازادي راډیو ته وویل چې چاودنه نن له غرمې وروسته په شاوخوا دوو بجو شوې. د نوموړي په وینا د ښاغلي افغان د دفتر په یوه خونه کې مقناطیسي ماین ځای پرځای شوی و. تراوسه ددې چاودني مسئوليت چاپه غاړه نه دی اخستی.
د ترکيې دولتي رسنۍ وايي، ددغه هېواد په جنوب ادانا ولایت کې د پوليسو پر يوه بس د سړک غاړې ماین په چاونه کې پنځه کسان ټپيان شوي دي. انادولو خبري اژانس د والي محمود ديميرتاش په حواله راپور ورکړى چې دا چاودنه د کومې منفجره وسيلې يا هم د بل ډول بم له کبله شوې ده. والي ویلي، په ټپيانو کې يو تن د پوليسو افسر دى. د ټولو ټپيانو وضعيت د ډاډ وړ ښوول شوى دى. د سي ان ان ټلويزيون ترکۍ څانګې د بس او نورو وسايطو تصویرونه خپاره کړي، چې سخت تخريب شوي دي. تر اوسه نه ده معلومه چې په دې چاودنه کې څوک لاس لري.
د بریتانیا صدراعظم بوریس جانسن د ایران له ولسمشر حسن روحاني څخه غوښتي چې په ایران کې زنداني بریتانوۍ ښځه نازنین زاغري راتکلف او نور دوه تابعیته بندیان خوشې کړي. جانسن دا غوښتنه پرون د ملګرو ملتونو په عمومي اسامبله کې مطرح کړې ده. د بریتانیا صدراعظم ویلي چې په دې اړه له روحاني سره مخکینۍ خبرې رغنده وې، خو ډېر یې هم قناعت پرې نه دی حاصل شوی. نازنین زاغري راتکلف یوه ایراني الاصله بریتانوۍ ښځه ده چې له دریو کلونو راهیسې د لسګونه نورو بهرني تابعیت لرونکو ایرانیانو په څېر، په زندان کې شپې او ورځې سبا کوي. Читать дальше...
روانه اوونۍ د ملګرو ملتونو د څلوراويايمې عمومي اسامبلې پر مهال د بریټانیا، جرمني، فرانسې او جاپان مشرانو هڅه وکړه، چې د امریکا او ایران رهبران د ډپلوماسۍ بیا پيل ته وهڅوي. د پاکستان صدراعظم عمران خان هم ویلي چې متحدو ایالتونو او سعودي عربستان ترې غوښتي، چې د کړکېچ د کمولو لپاره منځګړیتوب وکړي. اخوا د فرانسې ولسمشر ايمانويل مکرون پرون وویل، که د ايران ولسمشر حسن روحاني له خپل امريکايي سيال ډونالد ټرمپ سره له کتنې پرته له امريکا ووځي،دا به د فرصت له لاسه ورکول وي. د بريتانيا صدراعظم چې له روحاني... Читать дальше...
ځینو غربي خپرونو په افغانستان کې د سولې پر مسالې او د هلمند په موسی قلعه کې وروستیو عملیاتو باندې تبصرې کړي دي.
د کابل د نن ورځې چاپ ورځپاڼو تر ډېره د راتلونکو ولسمشریزو ټاکنو په اړه مقالې او تبصرې خپرې کړي دي.
د امریکا د استازو جرګې او په دې جرګه کې د اکثر ډیموکراتانو مشرې نانسي پلوسي د امریکا متحده ایالتونو د ولسمشر ډونالډ ټرمپ د استیضاح د لارو چارو لټولو امر کړی دی. پلوسي دا کار وروسته تر هغه کړی چې د اوکرایین له ولسمشر ولادمیر زیلینسکي سره د امریکا د ولسمشر ډونالډ ټرمپ د ټيلیفوني خبرو جزییات افشا شوي. نانسي پلوسي پرون وویل، ولسمشر باید د خپل عمل پروړاندې مسوول وي او هیڅوک له قانونه پورته نه دی. هغې وویل د همدې لپاره دې د استازو جرګه د ټرمپ د استیضاح په لارو چارو پلټنه وکړي. ویل کیږي په هغو ټيلیفوني... Читать дальше...
د امریکا ولسمشر ډونالد ټرمپ وايي، د ثبات په اړه د ډاډ ترلاسه کولو لپاره، متحده ایالات له خپلو افغان شریکانو سره همکارۍ ته دوام ورکوي. ښاغلي ټرمپ د ملګرو ملتونو عمومي اسامبلې ته په وینا کې وویل، له بده مرغه طالبانو د "وحشیانه حملو" لاره خپله کړې ده.
ناپېژاندو کسانو د پکتیا کې یو قومي مشر وکیل جان محمد جلالي چې د عبدالله عبدالله په مشرۍ د ثبات او همپالنې ټاکنیز ټیم غړی و، په ډزو وژلی دی. ښاغلی جلالي پرون سه شنبه (تلې دویمه) په ګردېز ښار کې په نښه شو. د افغانستان اجراییه رئیس عبدالله عبدالله د هغه وژنه غندلې او له امنیتي ادارو یې غوښتي چې وژونکي یې ومومي. د دغه قومي مخور د وژنې مسئولیت تردې مهاله چا نه دی منلی.
په کندهار ښار کې د محمد اشرف غني د انتخاباتي کمپاین پر دفتر د ماین په چاودنه کې درې کسان وژل شوي او اووه تنه نور ټپیان دي. د کندهار د امنیه قومندانۍ ویاند جمال ناصر ازادي راډیو ته وویل، چې چاودنه تېر ماښام (تلې دویمه) د اتو بجو په شااوخوا کې د دولت ساز ټیم پر دفتر وشوه. هغه وویل: د محمد اشرف غني د کمپاین دفتر چې د کندهار ښار په څوارلسمه امنیتي حوزه کې دی، پر دیوال یې یو ماین نښلول شوی و چې انفجار یې وکړ، په دغه پېښه کې د یو ماشوم په ګډون درې ملکیان ووژل شول." د نوموړي په خبره، اووه تنه ټبیان هم چې یوه یې ښځه ده تول ملکیان دي. Читать дальше...
پاکستاني چارواکو ویلي چې په دغه هېواد کې د سه شنبې ورځې شدیدې زلزلې لږ تر لږه ۲۳ کسان مړه او سلګونه نور ټپیان کړي دي. زلزلې د پاکستان تر ولکې لاندې کشمیر په ګډون پلازمېنه اسلام اباد، لاهور، جهلم، خیبر پښتونخوا، سوات او ځینې نورې سیمې ولړزولې.
په افغانستان کې د میزان شپږمې ولسمشریزو ټاکنو لپاره د کمپاین دوه میاشتنۍ موده نن پای ته رسېږي. د افغانستان د ټاکنو قانون له مخې ټاکنیز کمپاین باید د انتخاباتو له ورځې ۴۸ ساعته وړاندې ودرول شي.
ډونالډ ټرمپ د ملګرو ملتونو عمومي اسامبلې ته په وینا کې وویل، د نړۍ سوله خوښو هېوادونو ته تر ټولو لوی امنیتي ګواښ د ایران د رژیم له خوا متوجه دی.
