د افغانستان ولسمشر اشرف غني د حزب اسلامي د رهبر ګلبدین حکمتیار څرګندونو ته په غبرګون کې ویلي، ددغه هېواد سرتېري په رضاکارانه ډول او له کوم جبر پرته د امنیتي او دفاعي ځواکونو له لېکو سره یو ځای شوي دي.
د افغانستان د پخوانیو والیانو ټولنې ددغه هېواد له حکومت، طالبانو او نړیوالې ټولنې وغوښتل چې د افغانستان د سولې خبرې له سره پیل کړي. په ورته وخت کې د سولې په چارو کې د دولت وزیر نن ځینو اروپايي سفیرانو سره کتلي او د افغانستان د سولې پر راتلونکو ګامونو یې خبرې کړې دي.
دا فلم په ایټالیا کې د "ونیز" جشنوارې تر ټولو غوره داستاني فېلمونو ته نوماند دی. په دغه فلم کې د افغان ښځو د ژوند بېلابېل اړخونه انځور شوي دي. شفیع کریمي د دغه فلم نندارې ته تللی او دا راپور یې برابر کړی.
ملګري ملتونه وايي هيڅوک حق نه لري له افغانانو د رایې ورکولو حق واخلي. امریکا وايي که په سعودي د وروستي برید د عامل په اړه ډاډ ترلاسه کړي پوځي ګام اخلي. د ایران، ترکیې او روسیې ولسمشران په سوریې او سیمې خبرې کوي. ازادي سټوډیو د شپې په ۸ بجو له پيشګام ټلویزیون وګورئ.
په افغانستان کې د ولسمشریزو ټاکنو رانزدې کېدو سره، د ناټو چارواکي وایي چې نړیوال ځواکونه به د ټاکنو د امنیت په ټینګولو کې د دولتي ځواکونو مرسته وکړي. د افغانستان دفاع وزارت وايي، د ناټو له همکارۍ سره به د ټاکنو امنیت لا ډاډمن شي.
د ارزګان په ولایت کې یوه نهه کسیزه کورنۍ چې، سرپرست یې جنګونو ترې اخیستی، خپل یوازینی زوی ښوونځي ته لیږي چې، په راتلونکی کې قلم پورته کړي نه ټوپک . تفصیل د شریف اله شرافت په راپور کې.
د افغانستان په جنوبي ولایت غزني کې چارواکي وايي، د غزني د تخنیکي او مسلکي انسټټیوټ د محصلینو پر موټر د ماین چاودنې یو کس وژلی او پنځه نور یې ټپیان کړي دي. چارواکی وایي چې چاودنه د قلعه جوز په سیمه کې داسې مهال شوې چې ددغه انسټټیوټ ښځینه او نارینه محصلان نن (دوشنبه، وږي ۲۵مه) شاوخوا ۱۲ بجې د غزني ښار پر لور روان وو. ددغه انسټټیوټ آمر نعمت الله مومند په چاودنه کې د پنځو نارینه محصلینو ټپي کېدل او د یوه کس وژل کېدل تاییدوي. په سیمه کې د پولیسو یوه چارواکي ازادي راډیو ته وویل، ماین له وړاندې په موټر کې د ډرېور تر څوکۍ لاندې ځای پرځای شوی و. Читать дальше...
د افغانستان لپاره د ملګرو ملتونو مرستندویه ماموریت (یوناما) په دغه هېواد کې له راروانو ولسمشریزو انتخاباتو بشپړ ملاتړ څرګند کړی او ویلي یې دي چې د خلکو د رأیه ورکولو حق خوندیتوب لپاره باید ټولې هڅې وشي. یوناما د دوشنبې په ورځ (وږي ۲۵مه) په خپرې کړې خبرپاڼې کې ویلي، هیڅوک حق نه لري چې د رأیه ورکولو لپاره راجسټر شويو افغانانو څخه د رأیې حق واخلي. یوناما په افغانستان کې د رڼو او عادلانه ټاکنو پر ترسره کېدو ټینګار کړی او د افغانستان له ټاکنیزو کمیسیونونو، مدني ټولنو، نوماندانو او نورو ټولو ښکېلو... Читать дальше...
له لوګر ولایت څخه ورکړل شوي راپورنه وايي، د محمد اغې په ولسوالۍ کې د نجونو لېسې ته نږدې د وسله والو طالبانو او امنیتي ځواکونو ترمنځ نښته کې یوه ماشومه زده کوونکې وژل شوې او یوه بله سخته ټپي شوې ده. د لوګر د پوهنې ریاست په یو بیان کې ویلي، دا زده کوونکې نن د لس بجو په شااوخوا کې هغه مهال په مرمیو ولګېدې چې په یوه خېمه کې په درس ویلو بوختې وي او د ښوونځي په سل مترۍ کې یې د وسله والو طالبانو او حکومتي ځواکونو ترمنځ نښته وشوه. د لوګر د پوهنې د ریاست چارواکي په دې نښته کې د وژل شوې زده کوونکې نوم... Читать дальше...
د افغانستان امنیتي ادارې ډاډ ورکوي چې د رای ورکوونکو د امنیت د نیولو لپاره افغان پوځیان پوره چمتو دي او دوی هم بشپړ پلان ورته نیولی دی.
ویل کېږي چې د نادعلي ولسوالۍ اکثره کورنۍ ځکه خپلې نجونې ښوونځي ته نه لېږي چې د ښځینه ښوونکو ترڅنګ ځانګړې ودانۍ نه لري.
د ترکیې ولسمشر رجب طیب اردوغان نن په انقره کې د حسن روحاني او ولادیمیر پوتین خپلو ایراني او روسي سیالانو کوربه دی. د فرانسې خبري اژانس د راپور له مخې تمه ده چې اردوغان، روحاني او پوتین په ادلب کې د سوریې حکومت د پرمختګ په اړه خبرې وکړي. ادلب د سوریې په شمال لویدیځ کې د حکومت ضد اورپکو وروستۍ اډه بلل کېږي. روسیې او ترکیې تېر کال په ادلب کې د امن سیمې پر جوړلو هوکړه کړې وه تر څو ادلب د سوریې حکومت له عملیاتو خوندي پاتې شي. له ۲۰۱۷ میلادي کال راهیسې دا د سوریې د جګړې په اړه د یادو درېیو هیوادونو د مشرانو پنځمه ناسته ده. Читать дальше...
د سعودي عربستان پر نفتي تاسیساتو تر برید وروسته، د امریکا ولسمشر ډونالد ټرمپ ویلي، هېواد یې چمتو دی داسې اقدامات وکړي چې دغه برید تلافي کړي. د تېرې شنبې ورځې برید له امله د سعودي عربستان د نفتو د تولید کچه نیم په نیمه راښکته شوې ده. ولسمشر ټرمپ پرون پر خپلې ټویټرپاڼې ولیکل:" د سعودي عربستان د نفتو پر تاسیساتو برید شوی، دلیل شته چې باور وکړو ګرم څوک دی، په تمه یو چې له سعودي عربستان څخه یې واورو چې په باور یې دا حمله به چا کړې وي او دا چې تر کومو شرایطو لاندې اقدام کولی شي. " د سعودي عربستان... Читать дальше...
د امریکا د متحدو ایالتونو ولسمشر ډونالد ټرمپ وایي، داسې نښې شته چې متحده ایالات باور وکړي چې د سعودي عربستان د تېلو د تولید پر سترو چاڼ ځایونو حمله چا کړې ده.
بریتانوۍ ګارډین ورځپاڼې په یوه مطلب کې روسیې ته د طالبانو د یوه پلاوي تګ او له روسي چارواکو سره یې خبرو ته پام اړولی دی.
د کابل چاپ د نن ورځې ورځپاڼو د بېلابېلو مسایلو په اړه مقالې او تبصرې خپرې کړي دي.
په فراه ولایت کې د سړک غاړې د یو ماین په چاودنه کې پنځه تنه وژل شوي دي. د فراه د امنیې قوماندانۍ ویاند محب الله محب ازادي راډیو ته ویلي چې ماین د یکشنبې په ورځ د شېخ کارېز په سیمه کې د ملکي کسانو په یوه موټر الوتی دی. دی وایي: پنځه تنه ښځې او ماشومان چې په یو موټر کې سپاره وو، د شېخ کارېز په سیمه کې د ماین په یوې چاودنه کې چې د طالبانو له لوري خښ شوی و، ووژل شول. ښاغلي محب وویل چې په همدې سیمه کې بیا له طالبانو سره په یوې نښته کې شپږ تنه وسله وال طالبان وژل شوي او درې نور ټپیان شوي دي. د... Читать дальше...
په پکتیا کې دوه تنه وسله وال مخالفین د خپل راکټ د مرمۍ د چاودنې له امله ووژل شول. د پکتیا د امنیې قوماندانۍ ویاند نن دوشنبه ازادي راډیو ته وویل چې پېښه تېر ماسختن مهال د احمد ابا ولسوالۍ اړوند زرګل سیمه کې په وسله والو مخالفینو د راکټ د مرمۍ د انفجار له امله رامنځته شوې چې دوه تنه پکې وژل شوي دي. دی وایي، وژل شوي وسله وال د کندهار ولایت اوسېدونکي وو. تر اوسه کومې مخالفې وسله والې ډلې په دې اړه رسنیو ته څه نه دي ویلي.
د هلمند د مرکز لښکرګاه اړوند په باباجي سيمه کې يو منځنی ښوونځی سوځېدلی دی. د سيمي خلک وايي، ښوونځی په مکمل ډول سوځېدلی دی. د هلمند د پوهني رياست هم مني چي د باباجي د سيمې اړوند د کرغجد اوليا په نوم ښونځی سوځېدلی دی، خو علت يې معلوم نه دی. ښوونځی برښنا نه لري او نه د اورلګېدنې کومې سيمې ته نږدی دی. د پوليسو يوې سرچينې ازادي راډيو ته ويلي چې د ښوونځي د ادارې له خوا د مچیو ځالې ته اور اچول شوی چې وروسته اور پراخه شوی او ښوونځی سوځېدلی دی. د پوهنې رياست وايي، په دې اړه پلټنې کوي. دا په داسې... Читать дальше...
د امریکا ولسمشر د یو شمېر امریکايي چارواکو دا څرګندونې رد کړې چې ډونالد ټرمپ له کوم شرط پرته د ایران له ولسمشر حسن روحاني سره لیدو ته تمایل ښودلی دی. ډونالد ټرمپ په خپل یو ټوېټ کې لیکلي: جعلي خبرونه وايي چې ما له کوم قید او شرط پرته له ایرن سره لیدو ته تمایل ښودلی، خو دا څرګندونې ناسمې دي. د امریکا ولسمشر دا ټوېټ د سعودي عربستان پر نفتي تاسیساتو تر برید یوه ورځ ورسته کړی دی. تر دغې حملې وروسته چې مسؤلیت یې یمني حوثیانو په ځان ومانه، امریکا ایران ته د شک په سترګه ګوري. ټرمپ د ۲۰۱۸ کال د جولای... Читать дальше...
د افغانستان د کرکټ ملي ټیم پرون شپه بنګله دېش ته په یوه شل اوریزه لوبه کې ماته ورکړه. دا لوبه د بنګله دېش په پلازمېنې ډاکه کې وشوه چې افغانستان پکې ۱۶۴ منډې وکړې او د بنګله دېش ټول لوبغاړي یې په ۱۳۹ منډو وسوځول. د افغان لوبډلې کپټان راشد خان د لوبې په اړه وویل: تر ۱۶۰ زیاتې منډې جوړول تل سخت کار وي، خو په بنګله دېش کې تل داسې کېږي، یا به اول کار باسي، یا منځ کې او یا هم په پای کې، نو تل باید ذهناً د دې شرایطو لپاره اماده اوسې، اصل کار زموږ مشرانو لوبغاړو محمد نبي او اصغر وکړ، دوی مسؤلیت ومانه او تر پایه ولوبېدل. Читать дальше...
د افغانستان جمهوري ریاست د دغه هېواد د اجرائیه رئیس عبدالله عبدالله څرګندونې رد کړې چې ویلي یې وو، ولسمشر اشرف غني په انتخاباتي چارو کې لاسوهنه کوي او په خپل کمپاین کې دولتي امکانات کاروي. د ارګ ماڼۍ په یوه بیان کې پرون مازیګر راغلي چې ولسمشر غني د اساسي قانون له مخې په اجرائیوي، قضايي او تقنیني برخو کې د خپل صلاحیت له مخې اجرات کوي. د ارګ ماڼۍ دا بیان وروسته تر هغه خپور شو چې د افغانستان اجرائیه رئیس او ولسمشریزو ټاکنو ته کاندید عبدالله عبدالله پرون په یوه غونډه کې ولسمشر غني تورن کړ چې انتخاباتي... Читать дальше...
د تونس خلکو پرون د دغه هېواد په ولسمشریزو ټاکنو کې برخه واخیسته. دا له ۲۰۱۱ کاله چې د عرب پسرلی بلل کېږي، په تونس کې د ولسمشرۍ دوهمې ټاکنې دي. پرون له دې چې ویل کېږي کمو خلکو رایه ورکړې، اندېښنې پیدا شوې. رسنیزه څېره نبیل کرويي، د اسلامپاله ګوند مشر عبدالفتاح مورو او صدراعظم یوسف چاهد د ولسمشرۍ ټاکنو درې اصلي کاندیدان وو چې پرون خلکو رایه ورکړي. ویل کېږي چې یوازې ۲۸ فیصده د رایې ورکونې په شرایطو برابرو کسانو رایه کارولې ده. د ټاکنو لومړنۍ پایلې تر بېګاه ناوخته هم نه وې معلومې.
ایران د امریکا هغه تورونه رد کړل چې د سعودي عربستان د تېلو پر یوه لوی چاڼځای برید یې د دوی کار باله.
