په ایران کې یوې زلزلې ۶ کسان وژلي او شاوخوا ۴۰۰ نور یې ټپيان کړي. په عراق کې مظاهرې اوس د یوه انقلاب په لور روانې دي. په چین کې یو موټر جوړ شوی چې معلوموي ډریور خوشاله دی که خپه. ازادي ستوډیو د شپې په ۸ بجو له پيشګام ټلویزیون وګورئ.
د روسيې د بهرنيو چارو وزير پر واشنګټن د وروستي تور لګولو له کبله انتقاد وکړ. سرګي لاوروف واشنګټن تورن کړ چې نه دى توانېدلى داسې شواهد وړاندې کړي، څو ثابته شي چې مسکو د منځ واټنه اټومي وسلو د کنټرول له تړون يا (INF) څخه په سرغړونې په خپله خاوره کې ميزاييل ځاى پر ځاى کړى دى. واشنګټن له دغه تړون څخه وروسته له هغې ووت، چې پر مسکو يې تور ولګاوه، د دغه تړون له محدوديتونو په سرغړونې يې له ځمکې څخه هوا ته يو توغول کېدونکى ميزاييل ځاى پرځاى کړى دى. دغه اقدام او په بدل کې د مسکو عمل د نړۍ... Читать дальше...
په چين کې نن داسې موټر نندارې ته وړاندې شو، چې ډېر حساس دى او کولاى شي د چلوونکي احساس درک کړي. دغه موټر د کوريايي شرکت کيا له خوا چې هيوندا يې رهبري کوي، جوړ شوى دى. دغه موټر کمرې او ډېر پرمختللي سېنسرونه لري، چې د چلوونکي د وضعيت له درک کولو سره عمل کوي. د هيونداى شرکت د مارکيټينګ د برخې مسوول وو يان بينګ په دې اړه وويل: ”دغه موټر کولاى شي د شخص څېره د کمرو په مرسته وپېژني. د کمرو په مرسته د چلوونکي حالت ځان ته معلوم کړي او د چلوونکي څوکۍ په اسانۍ عياره کړي. په دې ډول هوا،... Читать дальше...
د امريکا د متحدو ايالتونو د بهرنيو چارو وزير خبردارى ورکړ، چې د روسيې او چين په څېر هېوادونو د نورو ملتونو ډيموکراتيکو ازاديو ته خطر پېښ کړى دى. مايک پامپيو له غربي متحدانو غوښتنه وکړه، چې د خپلې ازادۍ دفاع دې وکړي. د جرمني په پلازمېنه کې د برلين دېوال د نړول کېدو د دېرشمې کليزې په مناسبت جوړو شويو مراسمو ته په وينا کې پامپيو وويل: خپلواک ملتونه له هغو هېوادونو سره د ارزښتونو په رقابت بوخت وو، چې د خپلو اتباعو پر حقونو يې سترګې پټې کړې وې. د امريکا د بهرنيو چارو وزير وويل: د غرب... Читать дальше...
د ايران يوه چارواکي ويلي د ايران هوايي ځواک، په جنوب لوېديځ کې يوه نامعلومه بې پېلوټه الوتکه ويشتلې ده. ايسنا دولتي اژانس ويلي چې دغه بې پېلوټه الوتکه نن سهار د خوزستان ولايت د ماهشهر بندري ښار پر فضا ويشتلې ده. په راپور کې نه دي ويل شوي چې دغه الوتکه پوځي وه که تجارتي. نيمه دولتي اژانس مهر وروسته راپور ورکړ، چې د الوتکې د بدن ټوټې ترلاسه شوي او چارواکي ورباندې تحقيقات کوي. د دې موضوع په اړه سم د لاسه امريکايي چارواکو څرګندونې نه دي کړي، خو فاکس نيوز د امريکا يوه پوځي چارواکي... Читать дальше...
د افغانستان د ټاکڼو خپلواک کمېسیون د رأیو په بیا شمېرلو کې ځنډ د اندېښنې وړ ګڼي.
د افغانستان دفاع وزارت د روسیې د استخباراتو د مشر هغه څرګندونې ردوي چې ویلي یې دي، داعش په مرکزي اسیا کې د بریدونو لپاره په افغانستان کې اډه جوړوي.
د افغانستان پوهنې وزارت جوګي ماشومانو ته د زده کړې د زمینې د برابرولو خبره داسې مهال کوي چې جوګيان لاهم افغاني پېژندپاڼه نه لري.
د کاپيسا ولايت چارواکي وايي د يوه توغندي په چاودنه کې يو تن وژل شوى او ٢ تنه نور ټپيان شوي دي. د کاپيسا د امنيې قوماندانۍ وياند عبدالشايق شورش ازادۍ راډيو ته وويل، دغه چاودنه نن سهار په نجراب ولسوالۍ کې شوې ده. ده وويل چې توغندى په صالح خېلو سيمو کې په کرنيزه ځمکه کې ځاى پر ځاى شوى و، چې د يوي پر وخت چاودلى دى. ښاغلى شورش وايي د پېښې قربانيان ملکي وګړي دي. تر اوسه معلومه نه ده، چې دغه توغندى د چا له خوا هلته ښخ کړاى شوى و. د ازادۍ راډيو خبريال وايي د پېښې سيمه د وسلوالو طالبانو په کنټرول کې ده.
د امريکا دفاع وزارت وايي، د سوريې په شمال ختيځ کې د تېلو د ساحو عوايد چې امريکا خوندي کړي، د امريکا متحدو کرد جنګياليو ته انتقالېږي، نه د واشنګټن خزانې ته. د امريکا د دفاع وزارت وياند جانتن هوفمن (Jonathan Hoffman) پرون خبريالانو ته وويل: ”د تېلو د دغو ساحو عوايد امريکا ته نه، بلکې د سوريې ډيموکراتيکو ځواکونو ته ځي.“ د سوريې د ډيموکراتيکو ځواکونو رهبري کردان کوي. هوفمن وويل: هدف دا دى، چې د سوريې ډيموکراتيکو ځواکونو ته زمينه برابره شي چې د داعش ډلې په وړاندې په مبارزه کې خپل قوت ولري... Читать дальше...
د ایران دولتي رسنيو راپور ورکړى، په ازربایجان شرقي ولايت کې یوې زلزلې لږ تر لږه پنځه کسان مړه کړي دي. د زلزلې شدت د ریښتر په کچه پنځه اعشاریه نهه درجې بلل شوی دی. د لومړنیو راپورونو له مخې په دې زلزله کې چې نن (جمعه) سهار پر ځايي وخت د سهار پر دوو بجو او ١٧ دقیقو وشوه لږ تر لږه ١٢٠ کسان ټپیان شوي دي. چارواکي وايي، شدید باران سیمې ته د ژغورنې عمليات ټکني کړي دي. په سیمه کې تر زلزلې وروسته تر څلوېښتو زیات ټکانونه احساس شوي دي. د امریکا د جیولوژیکي سروې مرکز د دې زلزلې شدت... Читать дальше...
د فراه امنيه قومانداني وايي په څلورو هغو ولسواليو کې به پوځي عمليات وشي، چې مرکزونه يې د ناامنيو له کبله د فراه ولايت مرکز ته لېږدول شوي دي. ګلستان، بکواه، خاک سفيد او شېبکوه هغه ولسوالۍ دي، چې رسمي کارونه يې په مرکز کې ترسره کېږي. د فراه د امنيې قوماندانۍ وياند محب الله محب وايي، ډېر ژر به دغه څلور ولسوالۍ له وسلوالو تصفيه شي: ”د نورو ولسواليو د ښه والي په خاطر د دغو ولسواليو مرکزونه مرکز ته لېږدول شوي دي. امنيتي ځواکونه پلان لري هغه ولسوالۍ بېرته ونيسي چې مرکزونه د فراه ولايت... Читать дальше...
د افغانستان دفاع وزارت د روسيې د يوه امنيتي چارواکي د څرګندونو په ځواب کې وايي، چې په افغانستان کې د داعش ډلې لوى مرکزونه نابود شوي دي. د افغانستان د دفاع وزارت مرستيال وياند فواد امان نن ازادۍ راډيو ته وويل، د افغانستان امنيتي ځواکونه توانېدلي چې په افغانستان کې داعش ډله ماته کړي: ”افغان ځواکونه توانېدلي دي، په افغانستان کې د داعش ډلې تر ټولو ستر پټنځايونه او سنګرونه نابود کړي. د دوى کليدي کسان او رهبري يې له منځه وړې ده. فعلاً داعش ډله په افغانستان کې د نابودۍ په حال کې ده.“ تر... Читать дальше...
د بغلان امنيه قوماندان وايي، چې پوليسو په دې ولايت کې په زياته پيمانه نشه يي مواد کشف او ضبط کړي دي. مل پاسوال محمد ويس صميمي نن جمعه رسنيو ته وويل، چې په دې تړاو يو کس نيول شوى دى: ”د بغلان د امنيې قوماندانۍ د مخدره موادو په وړاندې د مبارزې مديريت پرون د شمرق ورودي دروازې پر عمومي لويه لار د ځانګړو عملياتو پر مهال ٢٥ کيلوګرامه هيروين او يو موټر نيولي دي.“ د چارواکو په خبره دغه اندازه نشه يي مواد له کندوز ولايت څخه بغلان ته وروړل شوي وو او په پام کې وه چې کابل ته ولېږدول شي. ... Читать дальше...
عراقي امنیتي ځواکونو په بغداد کې لږترلږه شپږ او بصره کې څلور اعتراض کوونکي په ډزو وژلي. دا په داسې حال کې ده چې په دې هېواد کې د حکومت ضد اعتراضونو د کمېدو کومه نښه نښانه نه ښکاري. پولیسو او روغتیايي سرچینو د پنجشبې په ورځ وویل چې په امنیتي ځواکونو او اعتراض کوونکو ترمنځ نښتو کې لسګونه نور ټپیان شوي هم دي. راپورونه وايي چې امنیتي ځواکونو په مرکزي بغداد کې د شهیدانو پل ته نږدې په معترضانو ډزې کړي چې شااوخوا ۳۵ کسان یې ټپیان کړي دي. اعتراض کوونکو هڅه کوله چې پر دجلې سیند دوو پلونو ته یې نږدې... Читать дальше...
د ایران په ختیځ د اذربایجان ولایت کې یوې زلزلې لږترلږه پنځه کسان وژلي دي. دا خبر د ایران دولتي رسنیو ورکړی. د زلزلې شدت د ریښتر په کچه پنځه اعشاریه نهه بلل شوی دی. د لومړنیو راپورونو له مخې په دې زلزله کې چې نن (جمعه) سهار په سیمه ییز وخت په دوه بجو او ۱۷ دقیقو وشوه، لږترلږه ۳۱۲ کسان ټپیان شوي دي. چارواکي وايي، شدید باران سیمې ته د ژغورنې د هڅو د رسول له ستونزو سره مخ کړي او جزیات هم روښانه نه دي. په سیمه کې تر زلزلې وروسته تر څلوېښتو زیات ټکانونه احساس شوي دي. د امریکا د جیولوژیکي سروې... Читать дальше...
ډيپلوماټ خپرونې هغې پېښې ته کتنه کړې چې د تاجکستان د حکومت په وینا شل داعش غړي له افغانستانه دغه هېواد ته واوښتل او د دې هېواد نظاميان یې ووژل.
د افغانستان د بهرنیو چارو سرپرست وزیر ادریس زمان پرون په کابل کې د امریکا له سفیر جان بس سره د سولې د بهیر په اړه خبرې وکړې. د افغانستان د بهرنیو چارو وزارت په یوه خبرپاڼه کې وايي چې په دې کتنه کې د افغانانو په مشرۍ او مالکیت د سولې پر بهیر ټینګار وشو. په خبرپاڼه کې د امریکا د سفیر له قوله ویل شوي چې وايي، د سولې په بهیر کې د امریکا ګډون د دې بهیر د انحصار په معنا نه ده او دا په افغانانو پورې اړه لري چې د خپلې راتلونکې په اړه پرېکړه وکړي. د امریکا او طالبانو ترمنځ د سولې خبرې له نهو پړاوونو وروسته په سپټمبر میاشت کې لغوه شوې. Читать дальше...
د ازادي راډيويي مجلې د دې اوونۍ په ګڼه کې مو ځيني مطالب راخیستي.
د کرنې وزارت اټکل کوي چې په روان کال کې د زعفرانو د تولید کچه به د ۱۸ او ۲۰ ټنو ترمنځ وي. د کرنې د وزارت ویاند اکبر رستمي تېر ماښام له ازادي راډیو سره په خبرو کې په دې اړه جزیات ورکړل او ویې ویل: "په ۱۳۹۷ کال کې مو مجموعي تولیدات ۱۶ متریک ټنه وو، خو تمه ده چې سږکال د زعفرانو تولید له ۱۸-۲۰ ټنو ورسېږي." ښاغلي رستمي زیاته کړه چې که د افغانستان د زعفرانو تولید په همدې ډول دوام وکړي، نو تر ۱۴۰۰ لمریز کاله پورې به یې کچه دوه چنده لوړه شي. د کرنې وزارت وايي، سږکال د هرات، دایکنډي، بامیان، ننګرهار،... Читать дальше...
د افغانستان جمهوري ریاست د فساد پرضد د افغان حکومت د مبارزې په اړه د سیګار د نوي راپور هرکلی کړی دی.
د افغانستان د کډوالو او راستنېدونکو چارو وزیر وايي، په ترکیه کې د لسګونو زرو افغان کډوالو لپاره د قانوني کاري فرصتونو د برابرولو په اړه له ترکیې سره موافقه په وروستيو پړاوونو کې ده. عالمي بلخي پرون ازادي راډیو ته وویل، ترکيې له افغان حکومت سره په اصولو کې دا خبره منلې او زیاته یې کړه چې دا ژمنه افغان کډوالو ته په ترکیه کې د قانوني کاري فرصتونو د برابرولو لپاره د هڅو په ترڅ کې شوې ده. ده وویل: "په ترکیه کې د افغان کډوالو د قانوني کولو او مدیریت د هڅو په ترڅ کې زموږ تخنیکي ټیمونو خبرې کړي، ترکیه... Читать дальше...
په امریکا کې یوې محکمې ولسمشر ډونالد ټرمپ له خپلې خیریه ټولنې څخه د سیاسي او تجارتي ګټو د ترلاسه کولو په خاطر په دوه میلیونه ډالر نغدي جریمې محکوم کړی دی. د نیویارک د سترې محکمې قاضي پرون د نومبر په اوومه ټرمپ ته امر وکړ چې د غیر انتفاعي موسسو د یوه ګروپ د زیانمنولو له کبله دوه میلیونه ډالر ورکړي، څو هغه دعوه چې دولتي څارنوالې لیتيتیا جیمز پیل کړې، پای ته ورسېږي. دا دعوه په ۲۰۱۸ کال کې د ټرمپ د بنسټ پرضد پیل شوې وه چې په ترڅ کې یې دا خیریه بنسټ په دوامدارو غیر قانوني کارونو تورن شوی. یو تور... Читать дальше...
د ازادي راډیو مشر پرون د تاجکستان له ولسمشر سره په کتنه کې غوښتنه وکړه چې د ازادي راډیو خبریالانو ته په دې هېواد کې د ازاد فعالیت اجازه ورکړي.
د فرانسې ولسمشر اروپايي هېوادونو ته د ناټو د روان وضعیت په اړه خبرداری ورکړی او ویلي یې دي چې دا ټلواله د مړینې په حال کې ده. ایمانوئل مکرون پرون پنجشنبه له ایکونومېسټ مجلې سره په مرکه کې که څه هم ټینګار وکړ چې امریکا د اروپا متحده ده، خو ویې ویل چې هغه څه چې اوس روان دي، د ناټو مغزي مړینه ښيي. د مکرون دا تبصره جرمني، امریکا او د ناټو عمومي منشي رد کړه، خو روسیې یې ډېرژر هرکلی وکړ. د جرمني صدراعظمې انګيلا مېرکل وویل چې مکرون مبالغه کوي. مېرمن مېرکل د ناټو له عمومي منشي ینس سټولټنبرګ سره په... Читать дальше...
