د امريکا د پوځ لوی درستیز وايي، د هيواد ځواکونه یې یو څو کاله نور هم په افغانستان کې پاته کیږي. د ایران ولسمشر حسن روحاني وايي، د اټومي موافقې له مخې به ایران ته تر راتلونکي کال پوري له بهرنیو هیوادونو سره د وسلو د پلور او پیر فرصت برابر شي. دا او نور مهم خبرونه له ازادي ستوډيو.
د افغانستان د ټاکنو د ملاتړ ډلې (ESG) د افغانستان د انتخاباتو پر کمیسون ټینګار کړی چې په شدت کار دې وکړي څو د انتخاباتو د پایلو په اعلان کې د نور ځنډ مخه ونیول شي. د ټاکنو د ملاتړ ډله (ESG) د افغانستان د انتخاباتو له کلیدي بسپنه ورکوونکو څخه جوړه ده چې په کې د یوناما په شمول، اروپایي ټولنه، د استرالیا حکومت، جرمني، ایټالیا، جاپان، ناروې (چې د شمالي اروپا استازیتوب کوي)، بریتانیا، د امریکا متحده ایالات - همداراز ناټو هم شامل دي. د ټاکنو د ملاتړ دې ډلې نن په یوه اعلامیه کې ویلي چې پر انتخاباتي... Читать дальше...
د ارزګان ولایت سیمه ییز چارواکې خبر ورکوي چې په ارزګان کې نامعلومو وسله والو د یوي روغتیايي پرمختیايي پروژي مسؤل او کارکوونکې برمته کړي دي. د دغه ولایت د والي ویاند زړګي عبادي نن ناوخته ازادي راډيو ته وویل چې نامعلومو وسله والو دغه کسان د ترینکوټ ښار اړوند په ده یک نومي سیمه کې هغه مهال برمته کړي چې کله دوی په یاد سیمه کې د یو کلينيک په ساختماني چارو بوخت وو او دغلته يې د سیمې خلکو ته روغتیايي کلینيک جوړاوه. عبادي وايي، دا تر اوسه معلومه نه ده چې دغه کسان چا برمته کړي دي. ده یک سیمه د ترینکوټ... Читать дальше...
د پاکستان د استخباراتي سازمان مشر او د بهرنیو چارو وزارت مرستیال کابل ته راغلي.
د امریکا لوی درستیز جنرال مارک میلي د (اې بي سي) ټلویزیون سره په یوې مرکه کې ویلي چې افغانستان ته د امریکايي پوځيانو د تک دلیل د سپټمبر د ۱۱مې ڼېټې د پېښې د تکرار مخنیوی و.
د خوست امنیتي چارواکي وايي، چې تېره شپه د یاد ولایت د تریزیو او علي شیرو ولسوالۍ اړوند سیمه کې د یو ماین په چاودنه کې درې پولیس وژل شوي او درې نور ټپیان دي. د خوست د امنیې قوماندانۍ ویاند ازادي راډیو ته وویل چې په یاده سیمه کې پر یوې امنیتي پوستې وسله والو برید کړی و، کله چې سیمې ته پولیس ورتلل، نو ماین پرې چاودنه کړې. ځايي خلک وايي، په دې پېښه کې د تریزیو او علي شیرو ولسوالۍ د جنايي جرمونو مدیر هم وژل شوی دی. د یو بل خبر له مخې نن ماسپښین د تڼیو ولسوالۍ اړوند د دره ګي په سیمه کې د یو ملکي... Читать дальше...
د کابل په کاه فروشۍ سیمه کې د وحید مشهور په بچه بروت د چاینکي رسټورانټ. هغه رسټورانټ چې اویا کاله مخکې جوړ شوی دی. نور د شفیع کریمي په راپور کې.
د لوبو له میدانه د دې اوونۍ په خپرونه کې د افغان کرکټ د یولسو پرله پسې یو ورځنیو سیالیو د ماتې په لاملونو غږېدلي یوو.
د انتخاباتي موضوعاتو د ترينګلتیاوو په دوام نن یو شمېر نوماندانو د انتخاباتو خپلواک کمېسیون د وروستۍ پرېکړې په اړه اعتراض وکړ.
د لغمان د کرنې او مالدارۍ ریاست په دې ولایت کې د وریژو د تولیداتو له زیاتوالي خبر ورکوي. د دې ولایت د کرنې او مالدارۍ رئیس محمد جمیل خوشحال نن ازادي راډيو ته وویل چې تېر کال یوې هکټار ځمکې څلور ټنه شولې کړې وې، خو سږ کال دا حاصل له څلورو ټنو زیات شوی دی. نوموړي د دغه زیاتوالي لامل د وریژو د کښت په برخه کې د عامه پوهاوي زیاتوالی، د کرنیزو ناروغیو مخنیوی او د بارانونو زیاتوالی یاد کړل. د کرنې وزارت د معلوماتو پر بنسټ، په کلنې ډول افغانستان اوس مهال ۵۷۴ زره ټنه وریژو ته اړتیا لري، خو په دې هېواد... Читать дальше...
پېښو ته د رسېدو په چارو کې د دولت وزارت وايي، په کابل کې نږدې اتیا سلنه د تیلو ټانکونه غیرمعیاري جوړ شوي او دا یو لوی خطر دی.
ارزګان کې کلیوالي مېرمنې غواړي خپل ارمانونه پوره کړي د دغه ولایت یو شمېر کلیوالې مېرمنې وايي، لوی ارمان يې پر زوړنو کې زده کړې دي. په دې اړه نور حال شریف الله شرافت په راپور کې لیدلی شئ
د امریکا ولسمشر پر ایران غږ وکړ چې د امریکا د فدرالي پولیسو یا اف بي آی اجنټ رابرټ لیوینسن که ور وسپاري، دا به د تهران له لوري یو ښه ګام وي.
کابل چاپ ورځپاڼو په خپلو نننیو ګڼو کې تر ډېره د ولسمشریزو ټاکنو او د رایې بیا شمېرنې بهیر په تړاو لیکنې او تبصرې چاپ کړې دي.
د روسیې د بهرنیو چارو وزارت وايي، تمه لري چې د عدالت نړیواله محکمه به په هغه دعوه کې چې اوکراین د روسیې پرضد پیل کړې ده د کریملین استدلال پوره په پام کې ونیسي. دې وزارت په دې اړه څرګندونې پرون په یوه بیان کې کړې دي. له دې یوه ورځ مخکې د ملګروملتونو دې اړوندې محکمې حکم وکړ چې دا صلاحیت ورکړل شوی دي چې د کییف هغه شکایت چې وايي روسیه د اوکراین په ختیځ کې له تروریستانو سره مالي مرسته کوي واوري. د روسیې د بهرنیو چارو وزارت په بیان کې راغي دي چې مسکو د عدالت له نړیوالې محکمې غواړي د کریملین استدلال واوري او بالاخره د اوکراین ادعا باطله اعلان کړي.
جنوبي کوریا وايي، متحدایالات په ډېر فعال ډول هڅه کوي چې د کوریا په ټاپووزمه کې د امنیت او اټمي مسایلو په اړه د بحث لپاره شمالي کوریا یو ځل بیا د خبرو مېز ته راولي. د شمالي کوریا د کال د پای هغه مهلت د رارسېدو په حال کې دی چې پیونګ یانګ وايي باید په دې ډول خبرو کې د واشنګټن له لوري د انعطاف د زیاتېدو باعث شي. د جنوبي کوریا د ملي امنیت سلاکار نن خبریالانو ته وویل، سېول د شمالي کوریا د مشر کېم جونګ اون مهلت ته په جدي نظر ګوري. چونګ یوی یونګ زیاته کړه، شمالي کوریا د کال د پای مهلت ښودلی چې د دې هېواد د دریځ ښيي. Читать дальше...
ولسمشر حسن روحاني د ایران په جنوب لویدیځ کې د اومه تېلو د یوې نوې لویې زېرمې د موندلو اعلان وکړ. ښاغلي روحاني وویل چې نوې موندل شوې زیرمه به د ایران د تېلو ذخایر یو په درې زیات کړي. روحاني پرون وویل: "مونږ امریکا ته اعلان کوو چې موږ یو شتمن هېواد لرو او ستاسو له دښمنۍ او ظالمانه بندیزونو سره سره د ایران د تېلو د صنعت کارکوونکي او اینجنیران د ۵۳ میلیارد بيرلو په کچه د تېلو د دې لویې زیرمې په کشف بریالي شول." دا اعلان په داسې حال کې کېږي چې متحدایالتونو پر ایران د انتهايي فشار د زیاتولو په مقصد... Читать дальше...
د پکتیا امنیتي چارواکي وايي، چې تېره شپه د یاد ولایت د ځاځي آریوب او څمکنیو په ولسوالیو کې په دوو جلا جلا پېښو کې ۱۱ وسله وال وژل شوي دي. د پکتیا د امنیې قوماندانۍ ویاند سردار ولي تبسم نن سهار مشال راډیو ته وویل، چې وسله والو ته یاده مرګ ژوبله په ځاځي آریوب کې د افغان ځواکونو په هوايي برید او په څمکنیو کې وسله والو ته د خپل ماین په چاودنه کې اوښتې ده. د ده په وینا چې په وژل شویو کې د احمدخېلو لپاره د طالبانو نومول شوی ولسوال هم شامل دی. ده زیاته کړه: "بیګاه شپه په دوو ولسوالیو کې ۱۱ تنه وسلوال... Читать дальше...
ډیلي مېل لیکي چې د ټاکنو روانه لانجه، دا احتمال زیاتوي چې افغانستان به د ۲۰۱۴ کال د انتخاباتو په څېر یو ځل بیا د بحران خوا ته ولاړ شي.
د ننګرهار چارواکي وایي، د ۲۴ ساعتونو پر مخ د تورخم د پولې له پرانېستل کېدو سره د تورخم په ښارګوټي کې ګمرکي خدمتونه هم د ۲۴ پرمخ هم فعاله شوي چې ورسره عواید هم د پخوا په پرتله ډېر زیات شوي دي. د ننګرهار د والي ویاند عطاالله خوګیاڼي تیره ورځ ناوخته ازادي راډیو ته وویل: "تقریباً د ورځې په متوسط ډول لس میلیونه افغانۍ زمونږ په عوایدو کې زیاتوالی راغلی دی، د ګمرک ټولې اسانتیاوې د تورخم په ښارګوټۍ کې د ښاروالۍ ادارې له لوري خلکو او مسافرینو ته برابرې شوي، اوس ۲۴ ساعته باروړونکي موټر او عام خلک تګ راتګ... Читать дальше...
په جوزجان کې د لومړي ځل لپاره له طبعي ګازو د ۴۰ میګا واټه برېښنا د تولید دستګاه پرون په فعالیت پیل وکړ. د افغانستان د کانونو او پترولیم وزارت وایي، دغه دستګاه د بیات پاور په پانګونه په شبرغان کې چې د طبعي ګازو ډیرې زیرمې لري، جوړه شوې او پرون یې په آزمایښتي بڼه فعالیت پیل کړ. د دغې دستګاه له تولید شوې بریښنا به چې د افغانستان د برېښنا شرکت د شبکې له لارې انتقالیږي، په جوزجان، سرپل او فاریاب ولایتونو کې په لسګونه زره کورنۍ ګټه پورته کړي. په اوس وخت کې د برېښنا له پلوه افغانستان تر ډېره د منځنۍ... Читать дальше...
د سپینې ماڼۍ د ملي امنیت سلاکار وایي، متحده ایالات د ترکیې له خوا د روسیې د دفاعي توغندیو د سیسټم پر پېرلو ډېر په غصه دی او که انقره له دغې معاملې لاس وانخلي، ښایي له نویو بندیزونو سره مخ شي. رابرټ اوبراین له سي بي اس ټلویزون سره په مرکه کې وویل چې ترکیه به د دغو بندیزونو اغیز احساس کړي. د اوبراین اشاره هغو بندیزونو ته وه چې د ده په وینا د امریکا د کانګرس د دواړو ګوندونو په ملاتړ به تصویب شي. د سپینې ماڼۍ د ملي امنیت سلاکار دغه څرګندونې داسې مهال کوي چې ټاکل شوې د ترکیې ولسمشر رجب طیپ اردوغان... Читать дальше...
د ایران د بهرنیو چارو وزارت وایي، د امریکا د فدرالي پولیسو یا اف بي آی د یوه پخواني اجینټ په اړه یې چې له ۲۰۰۷ م کال راهیسې په ایران کې تری تم شوی، دوسیه پرانستلې ده. ایران وایي، دا په دې معني نه ده چې ګواکې دغه اقدام د دې ښکارندويي کوي چې دغه سړی په ایران کې محاکمه شوی دی. د ایران د بهرنیو چارو د وزارت ویاند عباس موسوي پرون وویل، د اف بي آی پخوانی کارکونکی رابرټ لیوینسن په ایران کې کومه عدلي یا جرمي قضیه نه لري. هغه زیاته کړه، د یوه لادرکه شوي کس په اړه که هغه د ایران په هرځای کې وي، د دوسیې پرانستل یوه عادي مسئله ده. Читать дальше...
په داسې حال کې چې د نړۍ له قدرتونو سره د ایران د اټمي پروګرام په سرلانجه یوې نوې مرحلې ته داخله شوې، تهران په بوشهر کې د دویمې اټمي بټۍ د جوړولو کار پیل کړ.
د افغانستان د کورنیو چارو سرپرست وزیر او د ننګرهار چارواکي په دې ولایت کې د اسلامي دولت ډلې یا داعش د ماتې خبر ورکوي.
