Новости за 05.06.2020

Ша-шена пачхьалкхан статус кхайкхийначу Абхазерчу Оьрсийчоьнан векалт эккха кечъеш, бомба ю йиллина, аьлла, баьржина хаам бакъ ца хилла, аьлла мехкан полицехь. Оьрсийчоьнан векалт лаьтта Сухумера Аидгыларан урам бара делккъехь къевлина, векалт толлуш яра жIаьлешца. Iуьйранна 11 сахьт долуш кхаьчна хилла телефонехула векалтан гIишлонах бомба йиллина боху хаам Абхазин чоьхьарчу гIуллакхийн министралле. Ткъа цул а хьалха, селхана сарахь, электронан кехатехула изза хаам кхаьчна Оьрсийчоьнан дипломаташка а. Читать дальше...

БуьритIера Ленинан кIоштара кхел деношкахь кхидIа а листа гулллур ю Цкаев Владимир верах долу дов. И хаам кхаьчна "Кавказ.Реалиига" вийначун зудчуьнгара. Кхелан-медицинан экспертиза юхаяйтар дехначу цхьана адвокатан дехарца юкъахъяьллера кхел стохка гурахь. Болх болор бу кхело Мангал-беттан 10-чу дийнахь. "Экспертизин жамI кхелахоша довзуьйтур ду. Амма кхеташ дац, стенна эшна цунна 7 бутт, иза дуьххьара еш экспертиза а ца хилча? " -  аьлла къадийра Цкаева Земфирас нийсо йийриг хиларх йолу шеко. Читать дальше...

Дийнахь-буса 8 стаг велла уьнах, 566 цомгуш хилла Къилбаседа Кавказехь; шен доттагI - вице-премьер Висмурадов могуш-маьрша ву, боху Кадыровс; Буйнакскехь воI вийна дас; динозавран тIодийн лар толлуш бу ставрополхой

Iилманехь шех игуанодон олучу саьрмакан ларш карийна Ставропол-махкахь, миллионаш шераш хьалха яьхначу оцу дийнатан ларш хIинццалц хааелла а яцара Оьрсийчоьнан территори тIехь, боху геофизикаша. Ларш физикан а, химин а буха тIехь толлуш ю карарчу хенахь. Оцу хьокъехь "Кавказ.Реалиига" хаам бира Къилбаседа Кавказан федералан университетан геофизикан а, пайде маьIданаш толлучу а кафедрин доцента Якушев Валерийс. "Цхьайолчу хьосташа бахарехь, и тайпа ларш цкъа а ца хааелла Оьрсийчоьнан лаьтта тIехь... Читать дальше...

ГIишлош а йохош, дитташ а эгош, онда мох белира кхаарин сарахь Нохчийчохь. Еарин дийнахь Соьлж-ГIаларчу муниципалан белхалоша дIаяха йолийра бохаман тIаьхьенаш. Тодан долийра дохийна гIилойн тхевнаш, дIадехира мохо эгийна дитташ, меттахIитто йолийра йохийна газан биргIанаш, дIатесира хедда тоькан серий. Хаамийн гIирсаша дийцарехь, Нохчийчохь мох баьлча лазийнарг ву 11 стаг, царах цхьанна еза чов йина.

Даьллачу девнехь шен кIант вийна дас Дагестанерчу Буйнакскан кIоштахь. Мехкан чоьхьарчу гIуллакхийн министраллерчу пресс-векалто бахарехь, некхах тоьхначу герзах кхачийна лазийнарг дарбан хIусаме, цигахь дIаваьлла. Дас талламе динчу дарешкахь дийцина, шен кIант ткъа шо сов хан яра наркотикех веттало, цIахь-чохь зуламаш деш хьийзара, гергарчаьрца маьттаза лелара, царна байа кхерамаш туьйсура, аьлла. ВоI вийнарг лаьцна ву, къастош бу цуьнан кхидIа хинболу кхоллам. "Кавказ.Реалиино" хьалхо бовзийтира оцу хиламах тера бохам. Читать дальше...

Нохчийчоьнан вице-премьер Висмурадов Абузайд коронавирусах цомгуш а хилла, дарбан цIийне кхачийна аьлла яьржина информаци харцйина мехкан куьйгалхочо Кадыров Рамзана. "Хан - 22.40, Патриот соьца кхузахь хиъна Iа, вуьззина могуш а ву, кхача диканиг а бу", –хеза chechnyatoday.com сайтерчу видео чохь Кадыровн аз. Ресурсо билгалдоккху и видео мехкан куьйгалхочо ша яьккхина хилар. Тоьшалла арахецнарг ву «Грозный» телекомпанин директор Дудаев Ахьмад. Ткъа Кадыров гуш вац кадрехь.  Еарийн сарахь... Читать дальше...

Iазап лайначо дуьйцу, дош хIунда ца хета Нохчийчоьнна Европан адамийн бакъонашкахула кхело а, Цхьаьнатоьхначу Къаьмнийн Вовшахтохараллан адамийн бакъонашкахула комитето а бохург

Нохчийчоьнан вице-премьер, лерринчу ницкъийн «Терек» декъан буьйранча Висмурадов Абузайд, коронавирусах цомгуш хиларх шеко йолуш, дарбан цIийне кхачийна. Оцу хьокъехь информаци яржийна массех хаамийн гIирсо, телеграм-каналашна тIе а тевжаш. "Висмурадов Абузайд Соьлж-ГIалахь дарбан хIусамехь Iуьллу коронавирусан битамашца, цуьнгара хьал хало ду", - яздо, масала, "112" телеграм-канало. Хаам цкъачунна бакъ а ца бина, я харц а ца бина официалехь. Хьалхо даьржира, Нохчийчоьнан куьйгалхо Кадыров... Читать дальше...