Кхилбаседа Кавказехь 6 велла, ун даьлла 568 стагана; Десантхошна кIело йинчу шина нохчочунна хенаш тоьхна; ГIирмехь нохчийн летар дIадижийтина; Кадыровн хьехамчас Турлаевс бехкаш доху Ичкерин агIончашкара
Луларчу мехкашкара гIуьтту кеманаш гIолехьа стенна хета Нохчийчуьрчу бахархошна? Соьлж-ГIалара аэропорт шоръян сацамбина Iедало. Мехкан премьер-министра Хучиев Муслима дийцарехь, мах бу оцу белхан 15,5 миллиард сом. "Лакхара хир ю керлачу аэровокзалан таронаш, шарахь цигахула чекхвалалур ву 1,5 миллион пассажир", - хаам бина Хучиевс Мангал-беттан 3-чу дийнахь. Балханна бух кечбина бер бу шо гергга хан яьлча, ткъа ша реконструкци яхлур ю 2024-чу шарралц. Проекте инвестицеш яхка лаам къадийна массех дуьненаюкъарчу фондо... Читать дальше...
"Дера, цомгаш хилла нах оццул дукха хир бу аьлла ца хетара цхьанне а. Дукха хан йоццуш керла 5-гIа дарбан хIусам схьайиллира 80 дархочун лерина. Ши де далале цигахь 40 меттиг дIалецира". Кхарачой-Чергазийчохь коронавирусан ун даржарх а, Черкесскехь а, кхечу гIаланашкахь а цомгаш хиллачу лоьрех а лаьцна "Настоящее время" телеканалан эфирехь дуьйцу "Эхо Кавказан" корреспонденто Гукемухов Мурата.
Бисултанов Апти БIаьхочун тезет Бараман га лаьцна доцу вешин куьг а, Кошан борза тIе диллина доцу йишин куьг а, ЦIий а мискана хьожа а, ткъарш-ткъиршанехь Когаш кIеллахь кегло IиндагIаш а. ⠀⠀ Саьхьарчу гIамаршкахь ДогIанан тIадамаш санна, ХIоранна а Сих а дегIах а худало Дуьненчохь тIаьхьа мел йисначу Тийналлин тIаьххьара тIадамаш а. Синметтехь кеглучу Лазаман гаьргаш а, ХIораннан бIаьргашка хIиттина лаьтта. Матта тIе кхачале Массо а дош кхачадаларна, ХIораннан а Легашка хIиттина лаьтта НеIалт а... Читать дальше...
ГIажарийчоьнан Iедалхоша вен кхайкхийна, 2020-чу шеран юьххьехь инарла Сулеймани Касем верна бехкевен стаг. Талламчийн версица, иза юкъахь болх беш хилла Американ а, Израилан а иччархошца, царна буьйранча волчу меттигах информаци дIа а кхачош. «Исламан революцин гIаролхоша» арахьа дIахьочу тIеман барамех жоп лучу «Къудс» декъан буьйранча, инарла Сулеймани Касем вийра Дечкен-беттан 3-чу дийнахь, Багдадан аэропортехь Американ Цхьаьнатоьхначу Штатийн кеманашца дIаяьхьначу операцехь. БIеннашкахь Американ... Читать дальше...
Политикийн вовшашка йолу гамонаш а, цара лов халонаш а Деношкахь Железноводск гIалин кхело набахтехь такха 1 шо 7 бутт хан кхайкхийна Магасехь стохка хиллачу гуламехь къепе йохорна Оздоев Ризванна. Амма иза, шарахь изоляторехь кхаьбна хилар юьхьар а эцна, цIавахийтина кхело. Адвоката Атабиев Кязима хаийтира "Кавказ.Реалиига" Оздоев ша Росгвардин белхахочунна тIе гIант кхоьссина хиларх къера хиллийла, амма цо ша бехке цалорийла. "Талламехь йолчу видео чохь гуш ду гIант ницкъхочунна тIекхетта доцийла... Читать дальше...
Кхин а шина кIиранна лаьцна юьту Ессентукерчу кхело гIалгIайн юкъараллин жигархо Саутиев Зарифа. Цуьнан адвокато Дзугаев Билана бина и хаам "Кавказ.Реалиига". "Зарифин аьтто ца хилла гIуллакхан материалаш йовза, хIунда аьлча, цунна тIекхоьхьуш яц уьш. Хала лайра цо Ессентуке бина некъ. Худаелла иза, гIелъелла. Диабет ю цуьнца. Цхьа къинхетам бу, коронавирусан ун цунах ца хьакхаделла. Кхин а ши кIира даьлча юха а кхеле ялор ю иза", - дийцина Дзугаевс. Карладоккху, стохка аьхка лецира Саутиева... Читать дальше...
ГIалмакхойчуьрчу Талламан комитето зуламан гIуллакх долийна 35 шо долу зуда а, цуьнан 3 бер а дерна тIехула, яздо "Кавказ.Реалиино". Элистарчу цхьана хIусамехь оршотан дийнахь, урс а диттина, йийна карийра жима зуда а, цуьнан 2009-чу а, 2012-чу а, 2020-чу а шерашкара бераш а, хаам бо комитетан зорбанчаша. Талламчаша хеттарш дина берийн дега а, доьзалан гергарчаьрга а, бевза-безачаьрга а.
ТIаьххьарчу дийнахь а, буса а Къилбаседа Кавказехь коронавирусан уьнах велла 6 дархо, кхин а 568 стагана ун даьлла. Эпидеми ца яржийта Iалашонца кхоьллинчу оперативан штабо дийцарехь, Краснодаран кIоштахь велла ши пациент, Дагестанехь а, ГIалгIайчохь а, Нохчийчохь а, Ставрополан махкахь а цхьацца кхелхина. Ун даьржичхьана Къилбаседа Кавказехь кхелхина COVID-19 вирус кхетта 594 стаг. ТIаьххьарчу 24 сахьтехь динчу зерашца, къаьсттина дукха бу ун даьржина нах Дагестанехь – 107: Дагестанехь... Читать дальше...
Ростов-ГIаларчу тIеман кхело тахана, шинарин дийнахь, бехк тIе а чIагIбина, шайн кхелан сацам бовзийтина, Нохчийчуьрчу Улус-Кертахь 2000-чу шарахь Псокверчу десантхошна тIелатар динера аьлла, таIзаре валийначу Дудиев Нажмудина а, Донашев ИбрехIимна а. "Дудиевна 18 шо хан кхайкхийна набахтен шогачу хьелашкахь даккха. Донашевна 19 шо хан тоьхна", - аьлла, яздо "Интерфакс" агенталло, кхелан пресс-гIуллакхойн информайцех пайда а эцна. 2000-чу шарахь Чиллан-беттан 29-чохь даккхийн дарашца Соьлж-ГIалара арабевлла... Читать дальше...
ГIалгIайчуьрчу Наьсаран кIоштахь ницкъаллин структурашкарчу белхахоша сацийнера меттигера кхо вахархо чохь волу Hyundai Solaris машен. Автомобилах хьовсучу заманчохь герз даьккхина цаьргара, яздо "Интерфакс-Юг" агенталло, шен хьасташна тIетевжина. "Эккажакъонгий-Юьртарчу цхьана урамехь полисхойн тидам хиллера, шеконашца цхьанна тIехьа терго латточу тобанах. ТIебахначу полисхоша шайга кехаташ хаьттича, дуьхьалбевллера уьш. Кхуьй а дIалаьцна хилла ницкъахоша. Ткъа церан машенех хьовсучу хенахь "Калашниковн" автомат а... Читать дальше...
Нохчийчоьнан куьйгалхочун Кадыров Рамзанан хьехамчас, махкахь тIемаш боьлхучу заманчохь Оьрсийчоьнна дуьхьал лаьттинчу Турлаев ШаIас емалбина "Масхадовна а, Ичкерина а ямартбевлла, Европе бевдда бахана" гIаттамхойн буьйранчаш а, министраш а. Цу хьокъехь цо еха интервью елла "Грозный" телеканална. "Тахана царна эхь ца хета. Iамеркан байракх оьций, арабовлу уьш. [...] дуьнентIехь мел йолу байракхаш а товш ю царна, амма нохчийниг ца мега-кх", - боху Турлаевс. Иштта, Кадыровн хьехамчас бакъ ца до... Читать дальше...
ГIирмерчу Ялта гIалин администрацин куьйгалхочун гIоьнчех Сейдаметов Диляверах хьакхалуш дIадахначу пIераскан дийнахь конфликт нисъелла Ялтехь Нохчийчуьрчу бахархойн, яздо "Вести Крым" хаамийн гIирсо. Инцидент хиллачул тIаьхьа гIаличуьра бовда аьтто хилла цу тобан. Порталан корреспонденте хиллачух дийцина ГIирмерчу гIезалойн Автономин куьйгаохочо Умеров Эйваза. "Таханалерачу дийнахь оцу конфликтана бехке болу Нохчийчоьнан векалш кху регионера арабевлла шайн даймахка дIабахна", - аьлла, дIахьедина цо. Читать дальше...
Шайн дахарна кхерам боллушехь, коронавирусан ун кхетта нах кIелхьарбоху Дагестанерчу лоьраша. Амма массера а ца болу аьтто “ЦIечу зонера” раж лан.
2000-чу шарахь Басаев Шемала куьйгалла дечу тобанахь Нохчийчохь Оьрсийчуьрчу эскархошна тIелатар дина аьлла, лаьцна латточу Дудиев Нажмудинан а, Донашев ИбрехIиман а хьокъехь шаьш бина сацам дIакхайкхор бу тахана Къилбаседа Кавказан федералан гонашкарчу тIеман кхело. Цу шина стагана бехке дуьллуш ду бандитизм лелор а, тIеман гIаттамехь дакъалацар а, Оьрсийчоьнан тIемангIуллаккхой байа гIортар а. "Новости" агенталло бина цунах хаам. Талламчийн версица, Нохчийчуьрчу Улус-Кертана гергарчу хьуьнхахь хиллачу тIамехь нохчийн тIемалоша... Читать дальше...
Оьрсийчоьнан актер Ефремов Михаил юкъахь а волуш хиллачу некъан бохамехь лазийнарг велла дарбан цIийнехь, яздо ТАСС агенталло. Инцидент ма хилли дIалаьцна Ефремов медицинан экспертизех чекхваккха вигнера. ТIаьхьо гучудаларца, актер маларх кхетта хилла аьлла, хаам бина Москварчу полицин пресс-гIуллакххойн куьйгалхочо Васенин Владимира. ДIасавалар а дихкина, цIа вахийтина Ефремов, аьлла, тIечIагIдина ТАСС агенталллана ницкъаллийн структурашкарчу церан хьасташа. Полицино бехкзуламан гIуллакх диллинера... Читать дальше...
