Новости за 07.06.2020

ТIедогIучу пIераскана (Мангал-беттан 12-чу дийнахь) схьадоьллур ду ГIалгIайчуьра маьждигаш. Рузбана баха мегар ду бахархошна оцу дийнахь, аьлла мехкан муфтиято. «Амма», аьлла, беш бу и кхайкхам – юкъахь ламазаш дан мегар ду нахана, нагахь санна оцу хенале махкахь коронавирусо ден зенаш лагIлахь. Къилбаседа Кавказан массо а мехкашкахь, коронавирусах халкъ лардеш, къевлина лаьттина маьждигаш Зазадоккху-беттан юккъерчу деношкахь дуьйна схьа.

Дагестанера тутмакхаш чубохкучу № 4 дарбан хьукматехь болх бан йолаелла коронавирус гучуйоккху лаборатори. Цунна шенна кечйина чоь, хIоттийна оьшу г1ирс. Леррина кечбина набахтийн системера лоьраш бу цамгар билгалйоккхуш, боху набахтийн урхаллин (УФСИН) пресс-векалто. Мангал-беттан 7-чу денна 5858 стагехь карийна Дагестанехь коронавирус, велла оцу уьнах 303 вахархо.

Оьрсийчоьнан уьнна духьалоечу Оперативан штабан тIаьххьарчу хаамца, коронавирусах дийнахь-буса Дагестанехь велла 5 стаг, Ставропол-махкахь – 3, ГIебарта-Балкхаройчохь – 2, Краснодар-махкахь а, Кхарачoй-Чергазийчохь а – цхьацца. Юхьанца дуьйна уьнах кхелхина Къилбаседа Кавказехь 576 стаг. Бохаман терахьаш иштта ду (цомгуш хилларш - дийнахь-буса а, юьхьанца дуьйна а): Дагестан +115 (5858) Ставропол-мохк +89 (3079) Краснодар-мохк +87 (4399) ГIебарта-Балкхаройчоь +76 (3348) Кхарачой-Чергазийчоь... Читать дальше...