Къилбаседа Кавказера COVID-19: велла 2 стаг, ун даьлла 573 стагана; Нохчийн поэт Яричев Iумар кхелхина; Калининградехь веха нохчо набахте хьажийна, Нохчийчуьрчу тIамех видео аккаунте эцарна; Экстремизме аудиофайл лелорна гIуда тоьхна Гуьмсерчу вахархочунна
Оьрсийчоьнан Конституцин тIетохаршна кхаьжнаш таса гIур бу я бац Къилбаседа Кавказан бахархой? ТIекхочуш ю Оьрсийчоьнан Конституцин тIетохаршна кхаьжнаш таса йиллина хан – Товбеца-беттан 1-ра де. Оха хиттира Къилбаседа Кавказерчу мехкийн бахархошка, муха мах хадабо цара Конституци юкъайохуьйтучу пунктийн, баха дагахь буй уьш кхаьжнаш таса. "Ас лоцур дац цигахь дакъа. Репрессешна кIел хиллачу къаьмнашна реабилитаци ярх долу низам лелаш дац, гIалгIайх а хьакхало иза. Тхан жигархошна дуьхьал бехкаш тийсина, политикаца доьзна хьийзабо уьш. Читать дальше...
Тахана, Мангал-беттан 11-чу дийнахь 79-чу шаре ваьлла нохчийн яздархо Яричев Iумар кхелхина ехха цамгар текхна аьлла, хааме даьккхина махкарчу хаамийн гIирсаша. 1941-чу шарахь Мангал-беттан 22-чохь дуьненчу ваьллера поэт ТIехьа-Мартанарчу ГIулара эвлахь. Оьрсийчоьнан а, Нохчийчоьнан а яздархойн цхьанакхетараллийн декъашхо вара Яричев. Оьрсийн а, нохчийн а меттанашкахь язйинчу байтийн автор ву иза. 1970-чу шарера 1991-чу шаре кхаччалц Нохчийчохь а, Москвахь а, Ростовехь а арайийлина цуьнан стихийн гуларш. Читать дальше...
Къилбаседа Кавказехь тIаьххьарчу зерашца коронавирусан уьнах велла ши стаг, вирус къаьстина кхин а 573 вахархочуьнца. Эпидеми ца яржийта кхоьллинчу оперативан штабан дIахьедарца, Ставрополан кIоштахь а, Къилбаседа ХIирийчохь а велла ву и шишша стаг. Инфекци чуеачхьана кхелхина Къилбаседа Кавказехь верриг а 602 стаг. Къаьсттина дукха ун даьлла нах бу Дагестанехь – 97: Дагестанехь + 97 (6 272 ву эпидеми яьржичхьана) Ставрополан кIошт + 87 (3 425) Кхарачой-Чергазийчоь + 82 (1 889) Краснодаран... Читать дальше...
Луларчу мехкашкара гIуьтту кеманаш гIолехьа стенна хета Нохчийчуьрчу бахархошна?
Официалан зерашца, яхначу буса а, дийнахь а Оьрсийчохь 8 799 вахархочуьнца хааелла коронавирусан инфекци, яздо"Кавказ.Реалиино". Эпидеми яьржичхьана ах миллион сов бу ун даьлла нах. Цхьана дийнахь велла 174 дархо. Вирус юкъаяьлчхьана 6 500 сов пациент кхелхира. Роспотребнадзоро дIахьедарца, цхьана дийнахь 330 эзар лабараторин талламаш бина. Лоьрийн тергонехь ву 322 эзар гергга дархо. Дукха хан йоццуш Дуьненчуьрчу могушалла Iалашъяран организацино (ВОЗ) дIахьедира, коронавирусах Оьрсийчохь леш болчийн статистикех кхета хало ду аьлла. Читать дальше...
ТIаьххьарчу дийнахь а, буса а Нохчийчохь коронавирусан ун хааделла кхин а 20 стагаца, яздо "Чечня Сегодня" агенталло. Регионерчу Роспотребнадзоран зерашца, карарчу беттан 11-чохь бинчу хаамца, эпидеми яьржичхьана Нохчийчохь тестех чекхваьккхина 75 327 вахархо. ТIаьххьарчу 24 сахьтехь 1 864 стагана йина тест. Цул совнах, дарба хилла 1 119 пациентана, кхелхина 16 дархо.
Терроран тIелетарш дан кхайкхамаш бина аьлла, бехкевинчу Калининградерчу 27 шо долчу Халимов Айтахьаьжина набахтехь даккха 3, 5 шо хан тоьхна кхелахоша. "ВКонтактерчу" шен пена тIехь зорбане яьккхина хилла цо Нохчийчуьрчу тIамех лаьцна документалан видеороликаш. "Кавказский узел" агенталло бина цунах лаьцна хаам. Халимовс пайдаэцна роликаш интернетехь яьржина дукха хан ю, историн материалаш лоруш ю уьш, аьлла, дIахьедина цуьнан адвокато Бонцлер Марияс. Билггал ши видеоролик шен аккаунте а эцнера ша... Читать дальше...
Нохчийчуьрчу чоьхьарчу гIуллакхийн министраллан декъаца юкъахь талламаш бинчул тIаьхьа, ВКонтактерчу социалан машанехь даржон дихкина аудиофайл гучуяьлла республикерчу прокуратурана. Гуьмсан кIоштарчу вахархочо шен аккаунтехь зорбане хIоттийна хилла и материал, кхечаьрга ладогIийта а, шайн агIонашка дIаэца а аьтто буьтуш, яздо меттигерчу хаамийн гIирсо. Экстремистийн материалаш лерина, федералан тептаре ерзийна материалаш яржийна цо аьлла, административан гIуллакх айдина цунна дуьхьал республикан прокуратурано. Читать дальше...
