Новости за 28.06.2020

ТIаьххьарчу дийнахь а, буса а Къилбаседа Кавказехь кхелхина 8 коронавирусан ун даьлла стаг, инфекци яьлла кхин а 484 стагана. Эпидеми ца яржийта вовшахтоьхначу оперативан штабан зерашца, Дагестанехь а, ГIебарта-Балкхаройчохь а, Ставрополан махкахь а велла шишша дархо, Краснодаран кIоштахь а, Нохчийчохь а цхьацца велла.  Верриг ун даьржичхьана велла Къилбаседа Кавказехь 761 COVID-19 вирус кхетта стаг. ТIаьххьарчу 24 сахьтехь динчу зерашца, къаьсттина дукха бу ун даьлла нах Ставрополан кIоштахь - 98. Читать дальше...

Гуьмсерчу 23 шо долчу жимачу зудчун Умаева Мадинин кхалхарх репортаж йинчу "Грозный" ЧГТРК-н корреспонденто Батукаев Хьамзата латкъамаш бина социалан машанахь ша хьийзош ву аьлла. Инстаграмерчу шен аккаунтехь пост хIоттийна цо. Иштта, цхьа могIа негативе комментареш язйира бакъонашларъярхочо Саратова Хедас шен инстаграмерчу пена тIе хIоттийначу видеона бухахь а. Цу тIехь Батукаевс интервью ю оьцуш еллачун ненера Довлетмирзаева Хутматера. Бахархоша бехкаш даьхна корреспондентера, "товш доцучу кепехь" зудчуьнца дина къамел бахьанехь. Читать дальше...

Дуьненчохь коронавирусан ун даьлла нах 10 миллионе гIоьртина. Эпидеми яьржичхьана велла  500 эзар стаг. Къаьсттина дукха бу COVID-19 вирус кхетта нах Iамеркан Цхьаьнатоьхначу Штаташкахь - 2,5 миллион сов ву ун токхург. 128 эзар пациент кхелхина. Ун даьлла нах алсам хиларца шолгIачу меттигехь ю Бразили. 1 миллион 300 эзар ву цигахь COVID-19 вирус кхетта. КхоалгIачу меттигехь ю Оьрсийчоь - 634 эзар дархо ву пачхьалкхехь цомгаш. Эпидеми чуеачхьана кхелхина 9 073 стаг.  ТIаьххьарчу дийнахь а, буса а коронавирус къаьстина 6 791 стагаца. Читать дальше...

Нохчийчохь коронавирусан инфекцех кхин цхьа стаг велла аьлла, хаамбина мехкан могушалла Iалашъяран министро Сулейманов Эльхана. ТIаьххьарчу информацица, Нохчийчохь лоьраша зуьйш ву 3 826 пациент. COVID-19 вирус кхетта ву 1 677 дархо.  Товелла, карантинера дIаваьккхина 1 181 стаг. Верриг и уьнах кхелхина  Нохчийчохь 22 дархо. Министро юха а кхайкхам бина меттигерчу бахархошка, масканаш лелоран а, социалан дистанци ларъяран а, кхин долу санитаран хьелаш Iалашдаран а мехаллех.

Кху беттан 12-чохь марзойн хIусамехь еллачу Умаева Мадинин нанас Довлетмирзаева Хутмата шен невце Хамидов Висхьаьжига шена гечдар дехна. Видео "Чечня Сегодня" агенталло зорбане яьккхина. Хамидовна а, цуьнан гергарчарна а хьалха бехказайийлина зуда, шен йоI цуьнан хIусамдас йийна, ткъа цуьнан наха зулам къайладаьхьна аьлла, шеконаш кхоллаяларна "Шуьга массаьрга а сайна гечдар деха еана со. ШайтIано Iехийнера со, эдадиташка ла а дийгIина", - боху йоьIана нанас, ХамидовгIеран кертахь. "Тхо девлла-кх хьуна къинтIера... Читать дальше...