Новости за 22.05.2020

Нехан могашалла Iалашъеш къахьоьгучу медикийн проблемаш йовзуьйту интерактиван карта кхоьллина Оьрсийчоьнан медикийн йозушйоцчу "Лоьрийн альянс" юкъаралло. Оцу хьокъехь "Кавказ.Реалиига" хаам бира проектан куьйгалхочо Коновалов Ивана. Проект юкъаяьлла дац ши де бен, амма хIинцале 400 арз ду карти тIехь билгалдаьккхина, ткъа кху муьрехь гучудоккхур ду юкъаралло кхин а 400. Царалахь бу Кавказан регионашкарчу медикаша бина а, медикийн эшамех наха бен а леткъамаш. "Дагестанера кхочу аьрзнаш кеп-кепара ду. Читать дальше...

Къилбаседа Кавказехь алсамдуьйлу уьнах беллачийн терахь, дийнахь буса велла 28; Ставрополера тIеман лоьраш бахана Дагестанна гIодан – лазартни йиллина цара Буйнакскехь; ГIалгIайчохь стохка кху хенахь йиначул 60% дукха йина хьарамлонаш; Сочерчу имама доьху нахе коронавирусах ларбалар, Марха достуш ара цабийлар

Мархашан досту де тIекхочуш, кхача бухку керла туька схьайиллина Венехь бевзаш болчу ЧалаевгIеран доьзало. Европерчу нохчашна товш ду цара арахьоьцу йоьхьаш, масала. Кху муьрехь туька елларца нахана кхача бораха хилийта лиира шайна, боху совдегарша.

Гамалеян цIарахчу эпидемиологин а, микробиологин а Халкъан талламан центрерчу белхахоша шайна тIехь зийна шаьш коронавирусана духьал кхоьллина вакцина, яздо "Интерфаксо", центран директорна, Оьрсийчоьнан Iилманийн академин академика Гинцбург Александра еллачу информацина тIе а тевжаш. Гинцбурга дийцарехь, вакцина шайна тIехь зуьйш дакъалаьцна иза кхоьллинчара а, юхьанцара талламаш дIабаьхьначара а, технологаша а. Цхьа а вац царах вакцино могашалла эшийна, "массо а ву дийна, могуш-маьрша, шайн балхах воккхавеш ", - аьлла Гинцбурга. Читать дальше...

Москварчу апелляцин Хьалхарчу кхело юхабаьккхина сенатор Iийна Арашуков Рауф а, цуьнан да а, кхин кхо фигурант а стаг верна толлучу девнаца доьзна Москва гIалин кхело кхидIа а лаьцна латто бина сацам. "Москварчу апелляцин Хьалхарчу кхело Мосгоркхелан сацам юхабаьккхина, хьалхалеррачу кхеле юхаталла хьажийна лаьцна латто хан яхъярх долу гIуллакх", - аьлла кхелан пресс-векалта Буданова Любовас. Дечкен-беттан 30-чу дийнахь, Федерацин Кхеташонехь Инарла прокурореан Чайка Юрийн къамеле ладоьгIуш а Iаш... Читать дальше...

Черкесскерчу цхьана дешаран хьукматехь болх бен 60 шо долу суртдиллархо лаьцна, шегара дуккха а штампаш, клишеш, урхаллийн мухIарш а дохуш. Кхарачой-Чергазийчуьрчу Iедалан документаш, паспорташ, визанаш кечъеш хилла цо, карийна, масала, цо кечдина Доминикана-мехкан кехаташ а, дийцира республикерчу полицин пресс-векалтехь. "Таллам берззалц олийла дац, цуьнга шайна документаш кечдайтинчу бахархойх хиндерг", - элира урхаллехь. Карарчу хенахь дIаса ца ваха, цIахь Iан декхаревина ву суртдиллархо.... Читать дальше...

Уьнна дуьхьалоечу Оперативан штабан информацица, тIаьххьарчу дийнахь-буса Къилбаседа Кавказехь коронавирусах велла 28 вахархо, ун кхетта кхин а 499 стагана. Беллачех Дагестанера ву 24 стаг, ГIалгIайчуьра а, Ставропол-махкара а – шишша. Юьхьанца дуьйна схьа Къилбаседа Кавказехь уьнах кхелхина 218 вахархо. ТIаьххьарчу дийнахь-буса коронавирус кхетта: Дагестан +109 (верриг а 3 855) Краснодар-мохк +92 (3 066) ГIебарта-Балкхаройчоь +71 (2091) Къилбаседа Х1ирийчоь +69 (2 456) Ставропол-мохк... Читать дальше...

100 стаг чувижо таро йолу лазартни схьайоьллуш бу тIеман лоьраш Дагестанерчу Буйнакскехь, боху "Интерфакс" агенталло. COVID-19 ун кхеттачу дагестанхошна дарба лелор ду цигахь. 22 машенах лаьттачу ковранахь веанарг ву 100 сов эскархо, шайлахь 70 медик а волуш. Лазартнин долахь ю пехашна хIо латтаден аппараташ, пациенташ тергалбен монитораш, УЗИ а, рентген а йоккху гIирс. Таро ю тIеман лоьрийн цIий талла а, уьнан битамаш каро а. Кеп-кепара йолчу информацица, коронавирус яьржичхьана схьа Дагестанехь велла 40-50 медик. Читать дальше...

Туапсе кIоштан а, Сочи гIалин а имама Шхалахов Батмиза Мархийн дезденош шайн-шайн хIусамашкахь дIадахьар доьху бусалбанашка, хаам бо "Туапсен керланаш" ("Вести Туапсе") газето. Хьоьху Шхалаховс нахана кешнашка бахар юкъахдитар а, Марха къобалдеш, нахехула дIаса цалелар а. Стигалкъекъа-беттан 23-24-чу деношкахь досту Марха. Марха досту де (Iийд ал-Фитр) – уггаре дезачу денойх ду бусалбанашна. Марханаш кхобучу Рамадан-беттан тIаьххьара де ду иза. Оцу дийнахь нах бIеннашкахь лела вовшашка хьошалгIа, Марханаш къобалдеш.

Карарчу шарахь 100 сов стаг нисвелла ГIалгIайчохь хьарамлонашна кIел. Оцу хьокъехь хаам бина "Кавказ.Реалиига" мехкан чоьхьарчу гIуллакхийн министраллехь. "104 стаг ву кхушара харцонна буханисвелларг, зуламаш деш ду хан хене мел йолу. Коронавирус яьржинчу беттанашкахь жоьлгаллин керла кепаш юкъаевлла, масала, изоляцин хьал талхийна ахь, гIуда охьадилла, олий, смс йогIу, я хьуна цхьа компансаци ю луш, хьайх лаьцна информаци ло, олу – Iехало нах", - дуьйцу полицин векалша. Коронавирусана дуьхьал молха ду духкуш... Читать дальше...

Москвахь "Яндекс.Еда" сервисан цIарах юург нехан хIусамашка кхачочу Узбекистанерчу жимчу стагах лаьцна яздо "Свобода" Радионо. "КIиран дийнахь кIезиг болх хуьлу сан, ткъа карантинехь-м хIора де а кIиран ду", - дуьйцу Москварчу "Яндекс.Еда" сервисан курьеро Мухьаммада. 22 шо ду Узбекистанера дуьйна Москва болх бан веанчу Мухьаммадан. ХIинца кхоалгIа кхаьчна иза кхуза. Ша санначу къинхьегаман мигранташца цхьаьна вехаш ву иза шахьарарчу юкъарчу петарахь. Цуьнан даймахкахь Бухарахь гергара нах биссина жимачу стеган... Читать дальше...

«Карарчу Хенан» («Настоящее Время») эфирехь «Кавказский узел» газетан коьртачу редактора Шведов Григорийс дийцира, мел яьржина коронавирус Нохчийчохь, муха латтабо цуьнца къийсам. Стенна дуьйцур дац Кадыров Рамзана, вирус шех хьакхаялар мел бакъ хилахь а, ца хилахь а, шен могашаллах лаьцна, муха хийцина уьно Нохчийчуьра дахар – оцу хьокъехь ду Шведовн къамел.