Новости за 05.05.2020

ТIаьххьарчу дийнахь-буса 10 102 стагаца хааелла коронавирус Оьрсийчохь. Велла цунах 95. Ишта бу вирусна дуьхьалоечу Штабан хаам. Эпидеми яьржичхьана схьа Оьрсийчохь тесташа ун кхетта хилар гайтина 155 370 стагехь. Верриг а велларг ву 1451. Вирусо уггаре дукха нах лецна меттиг Москва ю. Цигахь 5714-зза билгалъяьлла вирус. Стигалкъекъа-беттан 11-г1а де тIекхаччалц къастийна ю Оьрсийчохь карантин. Цуьнан хьелаш а талхийна, арахь нисбеллачу бахархошна гIуданаш детта полицино. Дерриг а дуьнетIехь... Читать дальше...

ТIаьххьарчу 24 сахьтехь Къилбаседа Кавказехь коронавирусах велла пхи стаг, ун хьакхаделла кхин а 530 вахархочух; Марханаш даста нах маьрша хир бу, нагахь санна… Даудов Мохьмада хоуьйту оцу хьоланна хIун оьшу; Коронавирус кхетта Дагестанан муфтина а, цуьнан доьзална а; Нохчийчуьрчу дега юкъара бер ГIалгIайчуьрчу нене дIа цадалийтарна 12500 евро гIода тоьхна Оьрсийчоьнна Европерчу адамийн бакъонийн кхело.

ГIалгIайчуьрчу яхархочун Губашева Асин арз теллина Европан адамийн бакъонашкахула йолчу кхело. Цо бинчу сацамо бахарехь, Оьрсийчоьно талхийна Европан конвенцин 8-гIа дакъа – «Адаман а, доьзалан а дахарца лараме хилар». ГIалгIайчуьрчу кхело сацам биннашехь, бер нене дIа цакхачорна бехке бу меттигера пурстоьпаш. 2012-чу шарахь ГIалгIайчоьнан кхело Губашевага дIаяла сацамбина иза марехь хиллачо ядийна, Нохчийчу дIайигина йоI. Доьзал боьхна беран массех бутт бен боцчу заманахь. Иза ган ГIалгIайчу вахначу... Читать дальше...

ТIаьххьарчу 24 сахьтехь Къилбаседа Кавказехь коронавирусах велла, официало баржочу хаамца, пхи стаг. Ун хьакхаделла кхин а 530 вахархочух. Цхьацца ву велларг Дагестанехь а, Адыгейхь а, Къилбаседа ХIирийчохь а, ГIебарта-Балкхаройчохь а, Ставропол-махкахь а. COVID-19 яьржичхьана схьа оцу уьнах Къилбаседа Кавказехь верриг а кхелхинарг ву 106 стаг. Уггаре дукха бу дийнахь-буса шайца вирус гучуяьлла нах Дагестанехь. Терахьаш ишта ду: Краснодар-мохк, керла 97 (1437 юьхьанца дуьйна) Къилбаседа ХIирийчоь... Читать дальше...

Нохчийчоьнан парламентан спикера Даудов Мохьмада шен инстаграм-агIонехула йинчу эфирехь хаийтина, муха хила деза махкахь хьал Марха достучу деношкахь нах арабовлийта. Нагахь санна тахана а, гергарчу кIиранашкахь а наха карантин лар а йина, коронавирус яржар лахлахь, даима а санна дIахьор ду Марха досту деза денош Нохчийчохь, аьлла Даудовс. "Вайга бохург а дина, вай чохь совцахь, йиш хила мега Марха даста арадовла. Иза вайх дозуш ду. Хуьлий дарбан хIусамашкара тобелла арабуьйлурш, цомгуш а хилла... Читать дальше...

Карантинан хьелашкахь къаношна а, цомгашчарна а гIо деш, Венехь бехачу нохчийн кегийрхоша акцеш дIахьо. 16 шарера 25 шаре бевллачу кегийчу наха, эца а оьцуш, хIусамашка дIакхачадо кхачанан сурсаташ а, цомгашчу нахана оьшу молханаш а. Хууш ма-хиллара, коронавирусан эпидеми яржар бахьана долуш карантинехь бисина къаной уггар а аьтто боцуш, Iаьткъа нах бу. Маса ун дала кхерам болчийн тобанехь лоручу церан аьтто бац чуьра арабийла. Цундела Нохчийчуьра схьабевлла мухIажарш йоллу Австрехь дIахьочу гIоьналлин акцех дIакхийтира. Читать дальше...

Цхьа шо ах шо долчу БуьритIерачу Персаева Арнеллина дарба дайта гулъечу фонде 1 миллион сом хьажийна вевзаш волчу футболиста Кокорин Александра. Шен хилла сацам бовзийтира цо Оьрсийчуьрчу видеоблогерца Савин Евгенийца хиллачу эфирехь. Беранна дийна диса оьшучу Америкерчу Zolgensma молхан мах бу 2,1 миллион доллар. Гулдинчу ахчанна цкъачунна тIе ца тоьу 90 миллион сом, ткъа молха ца хилча ца долу Стигалкъекъа-бутт берзале. - Суна евза и истори, йисина хан дуккха яц. Вайх доьзна ду цуьнан дахар. Читать дальше...

Республикерчу могушаллин министраллехь прокуратуре таллам байта гIерта гIалгIайн адвокат Плиев Муса тIера ца волу ша бохучунна. Махкахь дукхачу нахана ун даларна а, денна нах леш хиларна а саготта волчу юристана хетарехь, могушаллин министралло республикерчу эпидемиологин хьолах кхачо йоллуш информаци луш яц. Цуьнца доьзна ду Плиевн прокуратуре валар, яздо "Кавказ.Реалии" портало. "ГIалгIайчоьнан могушаллин министралло бахархошка дийца ма дезза ца хоуьйту инфекци ца яржийта шаьш лелочух а, бахархошна гIо дан мел оьшу медицинан гIирсан а... Читать дальше...

Дагестанерчу Дербентан кIоштахь 600 гергга стаг ву, шайн-шайн цIакхача араваьлла, Оьрсийчоьнан-Азербайджанан доза делларе хьоьжуш. КIоштан куьйгалхочун декхарш кхочушдечу Шихаев Фуада шен инстаграм-агIонехь бахарехь, дозане гуллуш бу нах хIинца а. Цо дийцарехь, IаьIначу нахах цхьаберш хьешан цIийне а, маьждиге а, садоIучу базе а дIатарбина, кхечара хан йоккху бухарчу бахархойн хIусамашкахь. Нах дозане хьалхийтинарг ю фейк - хабарш хилла даьржина, Азербайджано Стигалкъекъа-беттан юьххьехь схьадоьллу коронавирус бахьанехь къевлина доза... Читать дальше...

Шина дийнахь моггӀара Оьрсийчохь COVID-19 ун кхеттачу нехан терахь ду 10,5 эзар. 145 эзар стаг ву верриг а махкахь коронавирус кхетта. Цомгаш хилларш дукха хиларца хьалха яьлла ю Москва а, цунна гонахара кIошташ а. Ткъа Оьрсийчуьрчу кхечу регионашкара хьал довзуьйту "Карара Хан" телеканалан материало.

Дагестанан муфтий Абдуллаев Ахьмад а, цуьнан доьзал а цомгуш бара коронавирусах. Цунах лаьцна мехкан муфтиятан официалерчу сайтехула хаийтина муфтийн хIусамнанас Гамзатова Iайнас. Зудчо бахарехь, доьзалехь массарел а хала лов ун Ахьмад-Хьаьжас. АбдулаевгIеран доьзална герга болчу наха довзийтира "Кавказ.Реалиина" хьал – цIеранаш тобелла цамгарх, амма ша муфти цкъачунна дарбан хIусамехь ву. Лоьраша бахарехь, толуш ву иза а. Шен къамелехь Гамзатовас дийцина шайна дарба лелийначу ХIинжа-ГIалин... Читать дальше...