Республикашкара конституцин кхелаш дIайохуш ю; Кадыровс дIадаха аьлла берийн майданна тIера васташ - Капитан Америка а, Адам-Гезг а; Дербент-гIопан пен чубоьжна. Меттигерчу Iедало Москва йо бехке
Москва-махкарчу кхело 14 шо хан тоьхна набахтин луьрачу хьолехь такха Дагестанера схьаваьллачу студентана-медикна Абдулазизов IабдулIазизна. Иза бехкевина лаккхара жоьпалла долу девнаш зуьй талламча Шишкина Евгения ерна. "Медиазона" портало бечу хаамца, Абдулазизовс шен доттагIчуьнца Грунский Кириллца цхьаьна реза хилла мехах зуда ен, цара герз диттина йийна Шишикина, ягийна цуьнан машен. 18 а, 17 а шераш хилла церан зулам дечу хенахь. Хьалхо талламчаша даржийра, Шишкина шен болх бахьанехь йийна хила тарло, аьлла. Читать дальше...
Лахьан-беттан 17-хь ерриг а Австрехь ковидан пандемия бахьана долуш йолаелла локдаун (lockdown), вуьшта аьлча къовламе дӀакъастар а, ткъа иштта кхечу дехкарийн а система. Оцу бахьаница оршотан дийнахь дерриг а адам арадаьллера оьшург эца.
ТIаьххьарчу 24 сахьта чохь Къилбаседа Кавказехь 15 пациент велла коронавирусах, цомгуш хилла 1009. Оперативан штабан хаамца, Краснодар-махкахь уьнах велла 5 стаг, Ставропол-махкахь - виъ, ГIебарта-Балкхаройчохь, ГIалмакхойчохь, Дагестанехь – шишша. Пандемих Къилбаседа Кавказехь берраш а белларш бу 3356 официалан терахьашца. Дийнан-бусан а, юхьанца схьа а йолу статистика: • Ставропол-мохк + 217 (24809) • Краснодар-мохк + 161 (19869) • Дагестан + 97 (17619) • Кхарачой-Чергазийчоь + 89... Читать дальше...
Эзар шерашкахь лаьттина Дагестанерчу Дербент-гIопан пенан дакъа чудоьжна, хаам баржийна, Дербентехь мэр Iийначу, тахана республикан пачхьалкхан секретар волчу Абакаров Хизрис. "Дехха даьхкинчу догIанаша тхан Дербентехь бохийна гIопан къилбера пен, Орта-Капы кевнашкара дакъа. Иза боккха эшам бу гIалина. ГIопан къилбера пен – иза Дуьненаюкъарчу ЮНЕСКО-н хазанийн дакъа ду", – яздина хьаькамо шен инстаграм-агIонехь. Абакаровс бахарехь, "кийрахь дог доцчу бюрократино кхачийна хьал бохаме". Дербентера... Читать дальше...
Оьрсийчоьнан Пачхьалкхан Дума лерина ю къаьмнийн республикашкара конституцин кхелаш дIаяха. Иштта дIайохуш и тайпа кхелаш Москвахь а, Петербургехь а, Калиниград-махкахь а. Низаман текст яьккхина лахарчу палатин сайте, яздо Маршо Радион оьрсийн сервисо. Низаман проект чуелларш бу пачхьалкх кхиоран комитетан куьйгалхо Крашенинников Павел а, Федерацин кхеташонан конституцин низамийн комитетан куьйгалхо Клишас Андрей а. Низам, иза тIеэцахь, болх бан долалур ду 2023-чу шарахь. ТIеэца кечдина ду низам. Читать дальше...
Нохчийчоьнан куьйгалхо Кадыров Рамзан реза ца хилла Куьрчалахь крела йинчу берийн майданахь дехкийнчу васташна. Цунна хетарехь, бераш ловзучу меттехь бахка хьашт дац америкахойн Marvel-комиксашкара турпалш. "ДIаяха еза хIара коьртехь кхоьллина персонажаш, хIара фантази. Вайн бакъболчу турпалхойн суьрташ дIадетта", - омра дина Кадыровс. Мехкан куьйгалхо реза ца хилларш бу Капитан Америка, Аьчка стаг, Стаг-Гезг, кхиболу а комикс-турпалхой – иза го социалан машанашкахь яьржинчу видео чохь. Хьалхо хаам баьржира... Читать дальше...
