Новости за 28.11.2020

Оьрсийчоьнан хIордан ницкъаша лардеш хила тарло Путин Владимирца дуккха хенахь дуьйна хьошаллехь йолчу Кривоногих Светланин хинкема, чIагIдо "Собеседник" газето. Интернетерчу цхьа сурт даладо цо тоьшаллина. Яхтина уллехь хичухула лелаш диверсина дуьхьаллаьтта хинкема ду суьрта тIехь гойтуш, Балтинкерчу флотан "Юнармеец Балтики" ду и кема. Кривоногих Светланин компанин долара чхта лардеш ду иза, боху  "Собеседнико". Петербугана гена йоцчу Кронштадна гергахь  2020-чу шеран Охан-баттахь даьккхина сурт. Читать дальше...

Американ тIеман министран декхарш кхочушдеш волу Миллер Кристофер Сомали хьалххе дIакхайкхийна йоцу визит дIаерзийна ваьллачул тIаьхьа масех сахьт даьлча вала араваллачу террорхочо бомба эккхийтина Могадишохь, дуккха а нах болчу кафе чохь, хаам бо "Американ аз" агенталло. Цкъачунна болчу хаамца, вийна лаххара а 7 стаг. Оцу тIелатарх жоьпалла шена тIелаьцна «Аш-Шабаб» олучу террорхойн тобано. Пентагоно бинчу хаамца, Сомалихь а, Джибутехь а дIатарбинчу Американ эскархошца "Thanksgiving day" (Далла хастам бон де) даздеш дакъалаьцна Миллера. Читать дальше...

ПIераскан дийнахь а, буса а Къилбаседа Кавказехь коронавирусах кхелхина 31 пациент, цамгар гучуяьлла кхин а 1133 вахархочуьнца. Оьрсийчоьнан уьнна дуьхьалоечу штабо бечу хаамца, Дагестанерчу дарбан хIусамашкахь велла 10 стаг. Краснодар-макхахь – 8, Ставропол-махкахь – 7, Нохчийчохь – 3, ГIебарта-Балкхаройчохь – 2, ГIалгIайчохь – 1. Дийнахь-буса COVID-19 цамгар кхетта нах уггаре дукха бу Ставропол-махкахь. 24 сахьтехь а, пандемин берриг муьрехь а ун хьакхаделлачийн статистика иштта ю: Ставропол-мохк... Читать дальше...

ГIажарийчоьнан пачхьалкхан телевизионехула вистхуьлуш гIажарийн президента Роухани Хьасана бехке йина Израиль физик-ядершик Фахризаде Мохсен верна. Хьалхо Iилманча верехь Израилан лар ю аьлла, дIахьедар динера цу мехкан арахьарчу гIуллакхийн министралло. Фахризаде верна бекхам бан дош делла оцу исламан республикан аятоллан тIеман хьехамчо Дехкан Хосейна. Фахризаде велла госпиталехь пIераскана дийнахь Тегеранна гергахь иза вен гIоьртинчул тIаьхаь. Цуьнан машен эккхийтина, цул тIаьхьа масатоп йиттина цунна. Читать дальше...

Набахтех мукъа а юьтуш, бехкалахь такха кхо шо кхайкхийна стаг ницкъаша маршонах ваккхарна Дагестанерчу Леваши кIоштан кхело меттигерчу яхархочунна. Ши бутт хьалха Тагзиркент юьртахь ехачу цуьнан цIенIте цуьнан гергарчу жимчу стага зуда ялийна, иза ша маре йига ядийна аьлла. Шина дийнахь кхаьбна йоI оцу зудчун хIусамехь, захалш реза хиллалц, бохуш. Амма кхоалгIачу дийнахь ядийнарг едда, шен цIа дIаяхана. Кхо бутт хьалха нускал дадорна бехке веш, Дагестанан Магарамкентан кIоштахь лецира кхо вахархо. Читать дальше...