د بوسنیا په موستار ښار کې له یوه پخواني پله څخه د ټوپ وهلو نړیوالې سیالۍ شوې دي چې پکې ۱۲ ښځو او ۱۲ سړیو برخه اخیستې ده. د ښځو سیالي کاناډایۍ او د سړیو هغه هسپانیوي لوبغاړي ګټلې ده. د سیالیو برخوالو ویلي دي چې د موستار له پله څخه د ټوپوهنې احساس جلا دی. د اې اېف پي له ویډیو جوړ رپورټ.
واشنګټن ایکزامینر: واشنګټن ایکزامینر ورځپاڼې په یوه لیکنه کې پر امریکا د سپټمبر د یوولسمې تروریستي بریدونو کالیزې او له افغانستانه د امریکایي ځواکونو وتلو ته پام اړولی دی. لیکواله یې بیټ بیلې لیکي، د ۲۰۰۱ کال د سپټمبر په ۱۱مه په هېواد کې د ماتم او وېرې فضا هله خوره شوه چې د القاعده ترهګرو د امریکا په خاوره کې د یو لړ تروریستي بریدونو په لړ کې ۲۹۷۷ امریکایان ووژل. د سپټمبر له یوولسمې وروسته، زموږ ملت په افغانستان کې جګړې ته اړ شو، هغه هېواد کې چې واکمنو طالبانو د دغو بریدونو پلان جوړونکو ته خوندي پټنځایونه ورکړي وو. Читать дальше...
د افغانستان د بشري حقونو د وضعیت په اړه د ملګرو ملتونو ځانګړي راپورټر د بشري حقونو د وضعیت په تېره بیا پر ښځو د طالبانو زیاتېدونکي محدویتونه د سختې اندېښنې وړ بللي. د ریچارډ بېنیټ د کلني راپور یوه ابتدایي بڼه د ملګرو ملتونو د بشري حقونو د شورا له خوا خپره شوې. تمه ده د دې راپور وروستۍ او بشپړه بڼه د ملګرو ملتونو د بشري حقونو شورا ۵۴مې ناستې ته وړاندې شي چې له پرون سپټمبر ۱۱مې پيل او د اکټوبر تر شپږمې دوام کوي. د ملګرو ملتونو ځانګړي راپورټر ریچارډ بېنیټ په خپل راپور کې سپارښتنه کړې چې د افغانستان... Читать дальше...
نن د افغانستان د ښځو د حقونو د فعالې تمنا زریاب پریاني د خوراکي اعتصاب دولسمه ورځ ده. تمنا زریاب پریاني چې د طالبانو له خوا په مظاهرو کې د ګډون په تور زنداني او د راپورونو په اساس شکنجه شوې وه، ټینګار لري چې له طالبانو سره مالي مرستې چې د دې په خبره د دغه جنسي اپارټایډ د رژيم د دوام یو اساسي عامل دی باید ژر تر ژره ودرول شي. تمنا زریاب پریاني چې څو میاشتې مخکې له افغانستان راوتلې اوس یې په جرمني کې خوراکي اعتصاب کړی. له اغلې پریاني سره پرون د جرمني د بهرنیو چارو وزارت استازي ګیورک کلوسمان لیدلي... Читать дальше...
د افغانستان او هانګ کانګ د فوټبال د ۲۳کلنو ملي ټیمونه نن سه شنبه په تاشکند کې د سیالۍ ډګر ته ښکته کېږي. لوبه د افغانستان په وخت د مازدیګر په څلور نیمو بجو پیلېږي. د اسیا د فوټبال کنفدراسیون اعلان کړی چې دواړه ټیمونه په یوه تدارکاتي سیالۍ کې سره مخامخېږي او دا لوبه یې د اسیا جام ته له پرمختګ سره مرسته نه کوي. دا جام ۲۰۲۴ کال کې په قطر کې ترسره کېږي. د افغانستان د فوټبال ۲۳کلنې لوبډلې له هانګ کانګ سره تر لوبې مخکې ایران او ازبکستان ته خپلې لوبې بایللي دي. د هانګ کانګ لوبډلې هم له ایران او ازبکستان نه ماتې خوړلې ده. Читать дальше...
په مراکش کې د تېرې شنبې شپې زلزلې د وژل شویو کسانو شمېر ۲۸۶۲ ته پورته شوی دی. رویټرز خبري اژانس لیکلي چې د دغه هېواد په زلزله ځپلې سیمه کې ځایي اوسېدونکو څلورمه پرلهپسې شپه هم په خلاصه فضا کې تېره کړه. د مراکش په تاریخي ښار مراکش کې د ژغورنې ټیمونه لا هم تر خاورو لاندې د بندو پاتې شویو کسانو د ایستلو هڅو ته دوام ورکوي. د ژغورنې له دغو ټیمونو سره د بریتانیا، اسپانیا او قطر د ژغورنې ډلې هم ملګرې شوي دي. زلزله کې د ټپیانو شمېر هم ۲۵۶۲ ښودل شوی او ویل شوي چې چارواکو ته دا څرک نه لګېږي چې څومره کسان به لا هم تر خاورو لاندې وي.
امریکایانو د دوشنبې په ورځ پر دغه هېواد د سپټمبر یوولسمې د تروریستي برید د ۲۲مې کالیزې یاد ونمانځه. د ۲۰۰۱ کال د سپټمبر په ۱۱برمته کوونکو له مسافرو ډکې دوه الوتکې په نيويارک کې د نړيوال سوداګريز مرکز له برجونو سره وجنګولې. درېیمه الوتکه په پنسلوانیا ایالت کې ولوېده او څلورمه یې په واشنګټن کې د پنټاګون مرکزي دفتر ته څېرمه ولګېده. د امریکا ولسمشر جوبایډن په خپل ایکس پاڼه لیکلي: "موږ نن هغه ۲۹۷۷ ارزښتناک خلک چې د سپټمبر یوولسمې '۱۱/۹' له موږ ولوټل یادوو او هغو ټولو شیانو باندې تم کېږو چې د سپټمبر هغه سهار په ایرو او لوګو کې ورک شول. Читать дальше...
د کرکټ د اسیا جام سیالیو په لړ کې هند وتوانېد پاکستان ته ماتې ورکړي. د هند او پاکستان لوبه د اورښتونو په سبب څو واره وځنډېده او ان دوهمې ورځې ته غځول شوې وه چې بلاخره هند پکې بریا خپله کړه. هند ټولټال ۳۵۶ مندې وکړې، خو پاکستان دغه هدف ته په رسېدو کې پاتې راغی او خپل ټول لوبغاړي یې په ۱۲۸ منډو له لاسه ورکړل. د هند لپاره په دې لوبه کې ویرات کوهلي او کې ایل راهول سلیزې ووهلې او په بالېنګ کې بیا کولدیپ یادوف په یواځې د پاکستان پنځه لوبغاړي اوټ کړل. هند د څلورو غوره ټيمونو په پړاو کې په دې بریا سره د جدول سر ته وخوت. Читать дальше...
د شمالي کوریا رهبر کیم جونګ اون د روسیې له ولسمشر ولادمیرپوتین سره د لیدنې لپاره روسیې ته روان شوی. کیم جونګ اون په خپل زغروال او ځانګړي ټرېن کې روسیې ته سفر کوي. د کیم جونګ اون زرغون بخونی ټرېن د مرمۍ ضد او په بېلابېلو دفاعي او پرمختللیو امنیتي وسایلو سمبال دی. کرملین تایید کړې ولادمیر پوتین راتلونکو ورځو کې له کیم جونګ اون سره ګوري. شمالي کوریا له هغو په ګوتو شمارو هېوادونو ده چې پر اوکراین د روسیې د یرغل له پيله یې د مسکو ملاتړ کړی او ادعا کوي چې د لوېدیځ غچ اخیستونکی دریځ د اوکراین پر خاورې د روسیې د برید لامل شوی. Читать дальше...
د ملګرو ملتونو د بشري حقونو شورا ۵۴مه ناسته په جینوا کې د سپټمبر له ۱۱مې پيل شوې او تمه ده د اکټوبر تر ۶مې دوام وکړي. د ملګرو ملتونو د بشري حقونو په شورا کې د افغانستان دایمي سرپرست استازی د بشري حقونو شورا د ۵۴ناستې په درشل کې ټینګار لري چې د بشري حقونو د ځانګړي راپورتر ریچارډ بېنیټ ماموریت باید تمدید او لا پسې تقویه شي. نصیراحمداندیشه ازادي راډيو ته په یوه پيغام کې هغه غوښتنې مطرح کړي چې تمه ده دی یې د بشري حقونو د شورا ۵۴ناستې کې وړاندې کړي. هغه وویل: "د افغانستان د ځانګړي راپورتر ماموریت باید تمدید او تقویت شي. Читать дальше...
په تورخم کې د تېرې اوونۍ د ډزو په تړاو پاکستان ادعا کوي چې د طالبانو حکومت هڅه کوي د ناقانونه ودانیو په جوړولو سره د دغه هېواد پر خاوره یرغل وکړي. د پاکستان حکومت د دوشنبې په ورځ ادعا وکړه چې د طالبانو حکومت د یوې 'ناقانونه' ودانۍ په جوړولو سره هڅه کړې چې د دغه هېواد په خاورې برید وکړي. اسلام اباد د طالبانو ځواکونه په هغه پېښه کې په 'بې توپیره ډزو' تورن کړل چې تېره اوونۍ د تورخم بندر د تړل کېدو لامل شو. خو د طالبانو حکومت له دې پېښې وروسته وویل چې د دوی ځواکونو د افغانستان په خاوره کې یوه پخوانۍ... Читать дальше...
