Ушул дем алышта Канадада өткөн “Чоң жети” саммити АКШ менен анын өнөктөштөрүнүн ортосундагы ажырымды бүтөй алган жок. Тескерисинче, мурунку экономикалык өнөктөштөрдүн ортосунда соода талашы мурдагыдан да катуу күч алышы мүмкүн болуп турат.
АКШ президенти Дональд Трамп Түндүк Кореянын лидери Ким Чен Ын менен Пхеньяндын өзөктүк арсеналы тууралуу сүйлөшүү үчүн Сингапурга учуп келди. Андан мурда Түндүк Кореянын лидери Ким Чен Ын келгенин Сингапурдун тышкы иштер министри Твиттерге жазган. Сингапурдагы жолугушууга барыш үчүн Трамп Канадада өтүп жаткан “Чоң жетинин” жыйынынан эрте кеткен. Бул жолугушууну ал Түндүк Кореяга берилген “жалгыз мүмкүнчүлүк” деп атап, анын ийгиликтүү болоруна ишеним билдирген. АКШ президентин мамлекеттик катчы Майк Помпео... Читать дальше...
Кыргыз Республикасынын Эл артисти, Токтогул атындагы мамлекеттик сыйлыктын лауреаты Саламат Садыкова “Азаттыкта” мейманда болуп, улуттук дөөлөттү улантып жаткан адамдардын кыргыз коомундагы орду, чыгармачыл чөйрөдөгү абал жана жеке жашоосу жөнүндө ой-толгоолорун ортого салды.
Иран АКШны өзөктүк программа боюнча келишимден чыгуу аракетинен баш тарттырууга берилген мөөнөт аяктап жатканын ЕБ лидерлерине эскертти. “Келишимди сактап калуу колуңардан келерин азыр көрсөтүшүңөр керек. Иран Европанын саясатчыларынын бүтпөгөн убадасын күтүп отура бербейт. Талкуулоо мөөнөтү аяктап калды. Европа чечкиндүү кадам жасабаса, Иран өзөктүк жана башка программалар боюнча кийинки кадамдарга өтөт”, - деди өлкө парламентинин спикери Али Ларижани. Ирандын президенти Хасан Роухани Шанхай кызматташтык уюмунун саммитинде сүйлөп... Читать дальше...
Орусиянын президенти Владимир Путин Украина менен абактагыларды алмаштыруу маселесин талкуулоого али эрте экенин билдирди. Бүгүн Циндао шаарында өткөн ШКУ саммитинде журналисттердин “Орусияда өтө турган Дүйнөлүк футбол биринчилигинин алдында айрым украиналык туткундар бошотулушу мүмкүнбү?” деген суроосуна Путин “бул маселе качан чечилерин айтууга али эрте” деп жооп берди. Петро Порошенконун маалымат кызматы билдиргендей, украин лидери 9-июнда Путин менен телефондон сүйлөшүп, орус абактарында... Читать дальше...
Ташкентте өткөн дин аалымдарынын жыйынында Казакстан, Өзбекстан жана Кыргызстанда орозо айт майрамын 15-июнда белгилөө чечими кабыл алынды. Бул тууралуу Кыргызстандын Мусулмандарынын дин башкармалыгынан кабарлашты. Өзбекстандын мусулмандарынын дин башкармалыгы уюштурган орозо айынын башталышы, орозо, курман айт күндөрүн тактоо боюнча тегерек үстөлгө Кыргызстан, Казакстандан дин кызматкерлери катышкан. Анда дин аалымдары айдын чыгуусун жана орозо айынын башталышы, айт күндөрүн бирдиктүү белгилөөдө... Читать дальше...
Соңку 70 жылда тропикалык циклондордун ылдамдыгы 10% төмөндөгөн. XXI кылымда токойлордун аянты кыскарат. Желденген топко окшош сфера - арена. Кишинин манжаларындай иштеген биогибрид робот.
Монгол президенти Халтмаагийн Баттулга бул тууралуу мамлекет башчы Сооронбай Жээнбеков менен жолуккан учурда билдирди. Баттулга расмий Бишкек Монголияда дипломатиялык өкүлчүлүгүн ачат деген ишенимин билдирип, сентябрда өтчү "Көчмөндөр оюнуна" өз делегациясы менен келерин айтты. Өз кезегинде мамлекет башчы Сооронбай Жээнбеков “биздин жолугушуубуз эки өлкө ортосундагы достуктун жана жемиштүү кызматташуубуздун мындан аркы өнүгүшүнө өбөлгө түзөт", - деди. Эки тарап парламенттик демократияны өнүктүрүү тууралуу пикир алмашып... Читать дальше...
Нобел сыйлыгынын лауреаты Малала Юсуфзай аялуу катмардагы аялдардын жана кыздардын билим алуусуна 3 млрд. АКШ долларын бөлүп берүү тууралуу “Чоң жетинин” чечимин жогору баалады. 20 жаштагы лауреаттын айтымында, бул чечим көп кыздардын келечекке ишенимин бекемдейт. “Чоң жетинин” саммитине катышкан Канаданын премьер-министри Жастин Трюдо бул аракетти “чыр-чатактуу аймактагы аялдар менен кыздардын билим алуусуна салынган эң чоң инвестиция” деп атады. Канада акчанын 300 миллионун өз казынасынан бөлөт. Читать дальше...
Түндүк Кореянын лидери Ким Чен Ын Сингапурга учуп келди. Бул тууралуу Сингапурдун тышкы иштер министри тастыктап, Түндүк Кореянын лидери менен аэропортто учурашып жаткан сүрөтүн Твиттерге койду. Ушул эле күнү кечинде Трамп жана америкалык делегациянын келиши күтүлүп жатат. АКШ президентин мамлекеттик катчы Майк Помпео жана улуттук коопсуздук боюнча кеңешчи Жон Болтон коштоп келет. Трамп Сингапурга жөнөп жатып өзүн “ишенимдүү” сезип жатканын журналисттерге айткан. "Баарлашуунун алгачкы мүнөтүндө... Читать дальше...
11-июнда көпчүлүк аймактарда өткүн өтүп, күн күркүрөшү, бийик тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо 14 метрге жетиши ыктымал. Абанын температурасы: Чүйдө түнкүсүн 13…18, күндүз 24…29; Таласта түнкүсүн 11…16, күндүз 23…28; Баткенде түнкүсүн 14…19, күндүз 26…31; Ош, Жалал-Абадда түнкүсүн 14…19, күндүз 26…31; Ысык-Көлдө түнкүсүн 6…11, күндүз 17…22; Нарында түнкүсүн 5…10; күндүз 17…22. Бишкекте күндүз өткүн өтүп, күн күркүрөйт. Читать дальше...
Лейлек районунда өзгөчө кырдаал режими киргизилип, селдин кесепеттерин жоюу иштери жүрүп жатат. Айрым айылдардын жашоочуларын тез арада чатырларга чыгаруу каралууда. Бул тууралуу Өзгөчө кырдаалдар министрлиги маалымдады. Жеринде райондук Жарандык коргонуу комиссиясы тактоо иштерин жүргүзүп жатат. Алдын ала маалыматтар боюнча Лейлек, Катраң, Сумбула, Тогуз-Булак жана Ак-Суу айыл аймактарында бир бала бакчанын, 80 үйдүн короо-жайын суу каптаган. Селдин кесепеттерин жоюу үчүн тиешелүү мамлекеттик... Читать дальше...
Кыргызстанда менчик театрлардын саны жыл сайын өсүп жатат. Театр ишмерлер бирикмеси учурда өлкө боюнча кырктан ашуун жеке менчик театр бар экенин айтты. Азыркы тапта бул чыгармачыл топтордун жарымынан көбү каражат табуу максатын көздөп, мектептерге, бала бакчаларга, тойлорго оюн-зоок уюштуруу менен гана чектелип жатса, айрымдары заманбап театр искусствосун жаратууга умтулат.
9-июнда Омбудсмен аппаратынын кызматкерлери Молдовановкадагы №27 колонияда ачкачылык жарыялагандар менен жолугуп чыкты. Акыйкатчынын өкүлдөрү аларды ачкачылык кармоодон баш тартууга чакырган. Абактагылар ачкачылыкты талаптары аткарылганда гана токтоторун билдирген. Мекеменин расмий сайтында 11-июнда бул тууралуу кененирээк маалымат берилери жазылат. Омбудсмен аппаратынын маалыматында учурда абакта 60 киши ачкачылык кармап, анын ичинен 11 киши колун кесип, 10 киши оозун төөнөп алган. 8-июнь... Читать дальше...
Бүгүн, өкмөт башчы Мухаммедкалый Абылгазиев баштаган өкмөт мүчөлөрү жана Чыңгыз Айтматовдун жакындары жазуучунун “Ата-Бейит” Улуттук тарыхый-мемориалдык комплексиндеги кабырына гүл коюп, куран окушту. Чыңгыз Айтматов 2008-жылдын 10-июнь күнү каза тапкан. Быйыл улуу жазуучу, ойчул Чыңгыз Айтматовдун 90 жылдыгына арналган ар кандай маданий иш-чаралар өлкө боюнча өтүп жатат. Мамлекеттик жана өкмөттүк эмес уюмдар жазуучунун чыгармачылыгы боюнча ар кандай сынактарды жарыялашты. “Азаттык” дагы Чыңгыз Айтматов тууралуу эң мыкты дилбаян... Читать дальше...
Түркмөнстан миграциялык мыйзамдарды бузган жарандар үчүн мунапыс берүү маселесин карап жатканы белгилүү болду. Бул чара чет өлкөдө жүрүп, убагында биометрикалык паспорт албай калган түркмөн мигранттарына дагы тиешелүү.
АКШ президенти Дональд Трамп “Чоң жетинин” Канададагы саммитинде жыйынтыктоочу коммюникеге кол койбоого тапшырма бергенин жарыялады. Трамптын Твиттердеги билдирүүлөрүндө мындай чечим Канаданын премьер-министри Жастин Трюдонун билдирүүлөрүнө каршы кадам экени жазылат. Саммит соңунда өткөн маалымат жыйында АКШнын металлургия продукцияларына бажы төлөмдөрүн киргизгени сынга кабылган. Трамп АКШнын бажы төлөмүн киргизүүсү америкалык товарларды чектөөгө жооп экенин белгиледи. Эл аралык соода жүргүзүүдөн... Читать дальше...
Кыргызстандын президенти Сооранбай Жээнбеков июнь коогалаңынын сегиз жылдыгына байланыштуу кайрылуу таратты. “Июнь окуясы баарыбыз үчүн чоң сабак болууга тийиш жана тарыхтын бул кайгылуу сыноосу бабалардан мураска калган Кыргызстандын келечеги үчүн ынтымактуу, биримдигибизди бекемдөө зарыл экенин далилдеди”, - деп айтылат кайрылууда. Сегиз жыл мурда сепаратисттер менен улутчулдар өткөн кылымдагы улут аралык жаңжалдын өчпөй калган чогун кайра тутандырганын белгилеп, оор абалдан чыгууга көмөк кылган акылман элге... Читать дальше...
Кыргыз президенти Сооронбай Жээнбеков ушул жылдын 2-8-сентябрында Ысык-Көлдө өтүүчү Бүткүл дүйнөлүк "Көчмөндөр оюнундагы" спорттук иш-чараларга Шанхай кызматташтык уюмунун бардык мамлекеттеринен командаларды катышууга чакырды. Жээнбеков өз сөзүндө "Көчмөндөр оюнун" БУУнун Башкы Ассамблеясынын резолюциясы диний, улут аралык диалогдун, өз ара мамиленин жана кызматташуунун инструменти катары тааныганын белгиледи. Кыргызстандын президенти Сооронбай Жээнбеков ШКУ саммитине катышуу үчүн Бээжинден,... Читать дальше...
Быйыл каргашалуу июнь коогасына сегиз жыл болот. Укук коргоочулар улут аралык эрегиштердин алдын алуу үчүн мамлекет өткөн тарыхтан сабак алып, ар кандай чатактарга жол бербөө аракеттерин тынбай көрүшү керектигин айтып келишет. Бүгүнкү күндө Ошто маанай кандай, көп улуттуу аймакта ынтымакты чыңдоо жаатында өкмөттүн иш-аракетин жергиликтүүлөр сезип жатабы, кыргыз-өзбек жаштарынын өз ара мамилеси кандай? Ушул жана башка суроолор менен “Азаттык” шаар тургундарына микрафон узатты.
400дөн ашуун адамдын өмүрүн алган 2010-жылкы апаат мындан толук сегиз жыл мурда болгон. Бул күнгө карата Ошто жана Жалал-Абадда маркумдарды эскерүү иш-чаралары өттү. Бирок коогалаңда жакындарын жоготкондор калабадагы кылмыштарга айыптуулар дагы деле жазага тартылбай жатканына даттанып келишет. Ошол эле кезде июнь окуясына саясий баа берилбей калды деп сынга алгандар да бар.
Сегиз жыл мурда болгон июнь окуясынан кийин сыртка чыгып кеткен кыргызстандык өзбек саясатчылар жана коомдук ишмерлер: К. Батыров, Х. Худайбердиев, Р. Эгамбердиев, Б. Ахмедов, Х. Каримов, Й. Салимов, Д. Хайдаров президент Сооронбай Жээнбековго кайрылуу жолдошту. Анда алар жеке коопсуздугу үчүн аргасыздан башка мамлекеттерде баш калкалап жүргөнү, БУУ баштаган адам укуктары боюнча бир катар эл аралык уюмдардын июнь окуясы боюнча кайрылууларына бийлик көңүл бурбай, коогалаңга байланыштуу кылмыш иштери калыс иликтенбей калганы айтылат. Читать дальше...
Кытайдын Циндао шаарында өтүп жаткан Шанхай кызматташтык уюмунун кезектеги саммитинде негизги болуп коопсуздук маселеси талкууланды. Жыйынтыгында Циндао декларациясы, терроризм, сепаратизм жана экстремизмге каршы туруу, маңзатка каршы күрөш, азык-түлүк коопсуздугу, айлана-чөйрөнү коргоо боюнча ШКУга мүчө мамлекет башчылардын биргелешкен чечимдерин кошкондо 20га жакын документ кабыл алынды. Кол коюлган документтер арасында майда, чакан жана орто ишкерликти илгерилетүү боюнча уюмга мүчө өлкөлөр... Читать дальше...
