Орусияга АКШнын улуттук коопсуздук боюнча кеңешчиси Жон Болтон келгени жатат. Анын иш сапары президенттер Дональд Трамп менен Владимир Путиндин болжолдуу саммитине даярдык катары каралууда. АКШ менен Орусиянын президенттери буга чейин көп тараптуу жыйындардын алкагында эки ирет жолугушса да атайын эки тараптуу саммит өткөрүшө элек.
Тегеранда полиция парламент имаратын карай жүрүш жасагандарга көздөн жаш агызган газ чачыратты. Күтүүсүз жерден уюшулган нааразылык дүйшөмбүдө эртең менен шаардагы Чоң базардын алдында чыккан. Көмүскө базарда өкмөттүн колдоосуна карабай ирандын акчасы - риалдын 10% кунун жоготкону адамдардын нааразылыгын пайда кылган. "Азаттыктын” иран редакциясына келген видеодо кыжырданган жүздөгөн демонстрант Чоң базардын тегерегине топтолуп, акча алмаштырган күркөлөрдү жаап салууну талап кылышкан. Ошондой... Читать дальше...
Бишкек шаарынын мурдагы мэри Кубанычбек Кулматовдун абактагы мөөнөтү узартылып, 28-августка чейин камакта калды. Мындай чечимди бүгүн шаардын Биринчи май райондук соту чыгарды. Бул тууралуу Жогорку соттон “Азаттык” радиосуна кабарлады. Мурдагы мэрдин абактагы мөөнөтүн узартуу өтүнүчүн тергөө органдары келтирген. Буга чейин КСДП УКМКнын тергөө абагына камакка алынган Бишкектин мурдагы мэри Кубанычбек Кулматовду камакка алуу боюнча райондук, шаардык соттун чечимдерин жокко чыгаруу боюнча Жогорку сотко арыз жолдонгонун билдирген. Читать дальше...
Бүгүн Бишкек шаарынын Октябрь райондук соту Башкы прокуратуранын казакстандык жаран, активист Муратбек Тунгышбаевди Казакстанга кайтарып берүү токтомун күчүндө калтырды. Тунгышбаевдин жактоочулары Нурбек Токтакунов жана Замир Жоошев Башкы прокуратуранын мындай токтомунун үстүнөн арыз менен сотко кайрылган. Соттук чечим кассациялык түрдө күчүнө киргендиктен эми УКМК Тунгышбаевди каалаган учурда Казакстанга өткөрүп бериши мүмкүн.
Өзбекстанда Улуттук коопсуздук кызматынын (УКК) Бухара облустук башкармалыгынын жана облустук прокуратуранын жетекчилери баштаган бир топ мурунку кызматкерлери соттолду.
Кыргызстандык жаш футболчу дүйнөлүк футбол таймашынын чейрек финал оюндарынын салтанаттуу беттешин баштап берет. Анталияда туристтерди тейлеген кыргызстандык мигранттар. Мектептин жыртык тешигин бүтөгөн Өрүктүнүн мугалимдери. Гилас баасына нааразы болгон оштук багбандар. Айран менен топуракты боёкко айланткан сүрөтчүнүн талкуу жараткан эмгектери.
Түркиядагы шайлоого көз салган Европа коопсуздук жана кызматташтык уюмунун байкоочулар тобунун жетекчиси Игнасио Санчес Амор шайлоо өнөктүгүндө оппозициялык партияларга бирдей шарт түзүлбөй, Эрдоган менен анын башкаруучу партиясы бардык тараптан, анын ичинде маалымат каражаттарында артыкчылыкка ээ болгонун белгиледи. "Медиа, анын ичинде мамлекеттик телеканалдар талапкерлер жөнүндө тең салмактуу маалымат тараткан жок", - деди эл аралык миссиянын жетекчиси дүйшөмбүдө Анкарада өткөн маалымат жыйында. Читать дальше...
Бүгүн Бишкектин Октябрь райондук соту казакстандык активист жана блогер Муратбек Тынгышбаевди экстрадициялоо боюнча Башкы прокуратуранын чечимин колдоду. Ошону менен башкы көзөмөл органынын чечимин жокко чыгаруу боюнча адвокат Нурбек Токтакуновдун арызы четке кагылды. Бул тууралуу бүгүнкү соттук отурумга катышкан укук коргоочу Рита Карасартова “Азаттыкка” кабарлады. - Сот экстрадицияны туура деп чечип, "Кылмыш-жаза процессуалдык кодекстин 131-беренесине ылайык ага каршы арыздансаңар болот" деп койду. Читать дальше...
Бишкектин Октябрь райондук сотунун судьясы Бекболот Жаналиев “Ата Мекен” партиясынын камактагы лидери Өмүрбек Текебаевдин адвокаттарынын арызын кабыл алган жок. Бул тууралуу жактоочулардын бири Таалайгүл Токтакунова “Азаттык” радиосуна билдирди. - Сот арызды атүгүл өндүрүшкө да кабыл алган жок. "Мыйзам боюнча мындай иштер кабыл алынбайт" дейт. Башкы прокуратура "биздин чечимге макул болбосоңор сотко баргыла" деп өз токтомунда расмий түрдө жазып жатат. Сот тескери айтып жатат. Эми адвокаттар Октябрь... Читать дальше...
Бишкекте Х театр фестивалы өтүп жатат. Кароо-сынакка аймактардан 18 театр келди. Бул жолку иш-чара бир үй-бүлөдөн чыккан залкар театр ишмерлери Муратбек Рыскуловдун 110 жылдыгына, Сабира Күмүшалиеванын 100 жылдыгына жана таланттардын уулу, атактуу режиссёр Искендер Рыскуловдун чыгармачылыгынын 60 жылдыгына арналган.
Жогорку Кеңештин депутаттары УКМКнын ишин көзөмөлдөй турган атайын парламенттик комитет түзүү демилгесин коомдук талкууга койду.
Кылмыш дүйнөсүндө “Карышкыр” деген каймана ат менен белгилүү Мурсалым Өмүрзаков Аламүдүн райондук сотунун чечими менен эки айга камакка алынды. Бул тууралуу Ички иштер башкармалыгынын басма сөз кызматкери Эрнис Осмонбаев “Азаттыкка” маалымдады: - Уюшкан кылмыштуу топтордун ар кандай кылмышка шектүү фактылары текшерилип жаткан. Буга чейин козголгон кылмыш ишинин негизинде анын үйүндө тинтүү жүргүзүлдү. Ал учурда эки кичине баштык баңгизат табылды. Азыр эки айга камалды. Милициянын маалыматында... Читать дальше...
Режеп Тайып Эрдоган Түркиядагы президентик шайлоодо жеңгени расмий жарыяланды. Брюсселге чогулган Евробиримдиктин министрлери миграциялык кризис боюнча орток пикир таба алышкан жок. Казакстандын митинг учурунда кармалгандарга айып акча салынып, четинен бошотула баштады.
Ош мамлекеттик университетинин теология факультети соңку төрт жылда ислам таануу жаатында элүүгө жакын китеп чыгарды. Анын ичинде диний агартуучулук, биографиялык, тарыхый маселелер боюнча фундаменталдык жана илимий эмгектер бар.
Ысык-Көл облусунун Түп районунун Каркыра жайлоосунда малчылардын майрамы белгиленди. Иш-чара райондук жетекчилик жана жергиликтүү элдин демилгеси менен өтүп, малчыларга майрамдык маанай тартуулоо максатын көздөдү.
Түркиянын Борбордук шайлоо комиссиясы Режеп Тайып Эрдоган президенттик шайлоодо жеңишке жеткенин жарыялады. Ал күнү түрктөр парламентти да шайлашты. Өлкө парламенттик системадан президенттик башкарууга өтүп жаткан убакта ансыз да авторитаризм үчүн сынга кабылган Эрдоган өз бийлигин мындан ары күчөтүшү күтүүлүүдө.
Кыргызстандык мушкер Азат Үсөналиев Монголияда өткөн бокс боюнча эл аралык мелдеште жеңүүчү болду. Жаштар иштери, дене тарбия жана спорт боюнча мамлекеттик агенттиктин маалымат кызматынан билдиришкендей “Ulanbaatar Cup-2018” мелдеши 19-июндан 25-июнга чейин Улан-Батор шаарында өттү. Ага Монголия, Орусия, Казакстан, Индия, Кытай, Тайланд, Түштүк жана Түндүк Корея, Иран, Кытай Тайбэйи жана Кыргызстандын мушкерлери катышты. 52 килограммга чейинки салмакта таймашка чыккан Азат Үсөналиев жалпысынан үч беттеш өткөрдү. Читать дальше...
Европадагы миграциялык кризисти жекшемби күнү Евробиримдикке кирген өлкөлөрдүн лидерлери Брюсселдеги формалдуу эмес саммитте талкуулады.
Жалал-Абад облусунун Ала-Бука районунда жайгашкан Иштамберди алтын кенинин иши убактылуу токтотулду. Мунун алдында кенге барчу жолдун боюнда жайгашкан айылдарда айрым жергиликтүү тургундар бир канча жолу нааразылык акцияларды өткөргөн болчу. "Азаттык" Иштамбердидеги абалды, айтылган дооматтарды жеринен барып иликтеп келди.
Аба ырайы 26-июнда көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрден, 15-20 метрге жетет. Абанын температурасы: Чүй өрөөнүндө түнкүсүн 11…16, күндүз 22…27; Баткен облусунда түнкүсүн 11…16, күндүз 25…30; Ош, Жалал-Абад облустарында түнкүсүн 12…17, күндүз 26…31; Талас жергесинде түнкүсүн 9…14, күндүз 22…27; Ысык-Көл дубанында түнкүсүн 6…11, күндүз 20…25; Нарын облусунда түнкүсүн 5…10, күндүз 20…25 градус болот. 26-июнда Бишкек шаарында күндүз өткүн өтүп... Читать дальше...
НАТОнун баш катчыcы Йенс Столтенберг 11-12-июлда өтчү Түндүк Атлантикалык Альянстын жыйынында Македонияны бул уюмга мүчөлүккө кабыл алуу тууралуу расмий сүйлөшүүлөрдү баштоо жөнүндө чечим кабыл алынганы жатканын билдирди. “Саммитте НАТОнун лидерлери [Македонияны] мүчөлүккө кабыл алуу боюнча сүйлөшүүлөрдү баштоону чечет деп ишеним менен күтүп жатам”, - деди баш катчы 25-июнда. Столтенбергдин билдирүүсү Европа Биримдиги менен НАТОнун мүчөлөрү болгон Греция менен Македониянын узакка созулган талашы чечилип... Читать дальше...
Энесай Кыргыз каганатынын тарыхы тууралуу орус илимпозу, археолог, кыргыз таануучу, профессор Юлий Сергеевич Худяков менен маек.
"Human Rights Watch" (HRW) укук коргоо уюму кыргыз бийлигин казакстандык жарандык активист Муратбек Тунгышбаевди Казакстанга өткөрбөөгө чакырды. Бул тууралуу уюм бүгүн тараткан билдирүүдө айтылат. Анда активист Казакстанга өткөрүлсө кыйноого жана саясий куугунтукка кабылышы мүмкүн экени эскертилген. “Казакстан бийликти сындагандардын жана өзгөчө ойлонгондордун оозун басуу боюнча көп жылдык тажрыйбасы менен белгилүү. Кыргызстандын бийлиги Тунгышбаевдин Казакстанга экстрадицияланышына жол бербеши керек”... Читать дальше...
Баткенде шаардык кеңештин У.М. аттуу депутатынын үйүнөн 960 грамм героин табылды. Бул тууралуу Ички иштер министрлигинин (ИИМ) басма сөз кызматы кабарлады. Маалыматка ылайык, козголгон кылмыш ишинин негизинде Баткендин ички иштер башкармалыгынын баңгизаттарды мыйзамсыз жүгүртүүгө каршы кызматы 1963-жылы туулган У. М. аттуу жарандын үйүн тинтүүгө алып, көмүр сактаган жайынан бир килого жакын баңгизат тапкан. Шаардык кеңештин бул депутаты баңгизаттарды мыйзамсыз жүгүртүүгө шектүү катары милициянын тизмесинде турган. Читать дальше...
Бишкек-Нарын-Торугарт жолундагы автоунаа кырсыгынан бир адам каза болуп, үчөө жараат алды. Бул тууралуу Өзгөчө кырдаалдар министрлиги кабарлады. Бүгүн түштөн кийин болгон кырсыкта МАN үлгүсүндөгү жүк ташуучу унаа менен "Ford Focus" үлгүсүндөгү унаа кагышкан. Учурда каза болгон жана жабыркаган адамдардын аты-жөнү такталууда. (BkA)
