Новости за 12.06.2018

АКШ менен Түндүк Кореянын лидерлери өзөктүк курал маселесин талкуулашты. Украинада жемкорлордун иши өзүнчө сотто каралмай болду. Казакстанда кечкисин Интернетке кирүү мүмкүн болбой жатканын жарандар айтууда. Түндүк Осетиянын электрди өзүнө да, кошуналарына да бекер кылып берген тургуну. Кезектеги футбол чемпионатынын 351 калысына бут кийим каерде тигили? Алыскы Сибирь аймагына чакан саякат. “Манас” кытай тилинде – Бээжинде кыргыз-кытай кызматташтыгы тууралуу документтер кабыл алынып, чоң сахнада "Манас" операсы коюлду.

"Биз Түндүк Кореяны өзөктүк куралдан арылтабыз". Мындай пикирин бул өлкөнүн лидери Ким Чен Ын менен шейшембиде Сингапурда жолуккан АКШ президенти Дональд Трамп "Америка добушу" радиосуна курган маегинде айтты. Трамп кезинде кайым айтышып жаткан Ким менен тил табышканын да ишара кылды.

Грек премьер-министри Алексис Ципрас Греция менен Македония мурдагы Югославиянын курамына кирген өлкөнүн аталышы боюнча макулдашууга жетишкенин билдирди. Эки өлкөнүн талашы 1991-жылы Македония Югославиядан тынч жол менен бөлүнүп чыгып, Македония Республикасы деген аталышка ээ болгондон бери уланып келаткан.  Афины Балкан өлкөсүнө чектеш провинциясы менен жаңы коңшусунун аталышы окшош экенине каршы болгон. Гректердин каршылыгынан улам Македония Улуттар Уюмуна мурдагы Югославия Республикасы Македония деген аталыш менен кабыл алынган. Читать дальше...

Иран бийлиги орозо айында чабуулдарды пландаган “террордук түйүндүн” 27 мүчөсү камакка алынганын билдирди. Чалгын министрлиги интернет сайтына жарыялаган билдирүүдө кармалгандар Тегеранда жана башка чоң шаарларда “террордук операцияларды” жасоону көздөгөнү айтылат. Министрлик бир топ курал-жарак жана ок-дары конфискацияланганын маалымдады.   Билдирүү Ирандын сакчылар корпусу коңшу Ирактан кирүүнү көздөгөн “террордук топтордун” үч жолку аракетинин мизи кайтарылып, 13 киши өлтүрүлгөнү жарыялангандан кийин чыкты. Читать дальше...

Бишкек шаардык соту Жогорку Кеңештин депутаты, “Ата Мекен” фракциясынын лидери Алмамбет Шыкмаматов боюнча райондук соттун чечимин жокко чыгарып, ишти кайра тергөөгө жөнөттү. Мындай чечим тергөөдө кемчиликтер болгону менен түшүндүрүлдү. Бишкектин Биринчи май райондук соту былтыр 19-декабрда Шыкмаматовду күнөөлүү деп таап, 5 миллион сом айыпка жыккан эле.

Украинанын Одесса облустук кеңеши 12-июнда Мария Гайдарды ээлеген ордунан бошотту. Гайдар арызын эки күн мурун жазып, анын себебин коомчулукка ачык айткан эмес. 35 жаштагы Мария - 1992-жылы Орусиянын мурдагы президенти Борис Ельциндин тушунда өкмөт башчынын милдетин аткарган экономист Егор Гайдардын кызы. Мария Гайдар орус президенти Владимир Путинди сынга алып келет. Ал кезинде Орусиянын Киров облусунун губернаторунун орун басары болуп иштеген. Ал Одесса облусунун губернаторунун орун басары... Читать дальше...

Премьер-министр Мухаммедкалый Абылгазиев "түндүк-түштүк" деп бөлүнүүнү, уюшкан кылмыштуулук коркунучун чечилбеген маселелер катары баалады. Бул тууралуу ал 12-июнда Жогорку Кеңеште комитетте былтыркы жыл үчүн отчет берип жатып билдирди.

Донбасстын аймагына Улуттар Уюмунун тынчтыкты сактоочу күчтөрүн жайгаштыруу боюнча бир жаңсыл чечим кабыл алынган жок. Бул маселени талкуулап жаткан "Норманд төрттүгү" аттуу топтогу Германиянын, Франциянын, Украинанын жана Орусиянын тышкы иштер министрлери мунасага келе албай коюшту.

Кыз ала качуунун оор кесепеттери тууралуу канчалык көп айтылганына карабай Кыргызстанда бул көрүнүш тыйыла элек. Камоолор, үй-бүлөнүн кыйрашы, кайра-кайра кыйылган өмүрлөр да жаштарга сабак болбогону өкүндүрөт. Кыз ала качуу көйгөйү Талас облусунда ушул убакта да орчундуу.

АКШ менен Түндүк Корея лидерлеринин көптөн күтүлгөн жолугушуусу Сингапурда акыры өттү. Швейцарияда Гүлнара Каримованыкы делген жүздөгөн миллион доллардын тагдыры чечилүүдө. 62 жаштагы кытайлык аял ондогон чакырым Гуаңжу кысыгын сүзүп өтүп дүйнөлүк рекордду жаңылады.

Башкы прокуратура “Ата Мекен” партиясынын камактагы лидери Өмүрбек Текебаевдин ишин кайра кароодон баш тартты. Бул тууралуу Текебаевдин адвокаты Таалайгүл Токтакунова “Азаттыкка” кабарлады. Башкы көзөмөл органынын басма сөз кызматынын өкүлү Жаркынай Азиева адвокаттар көрсөткөн жаңы жагдайлар соттун жүрүшүндө каралганын “Азаттыкка” билдирди:  - Адвокаттар арызда көрсөткөн жагдайлар негиз катары соттун жүрүшүндө каралган. Ошондуктан Кылмыш-процессуалдык кодекстин 384-беренеси боюнча жаңы ачылган жагдайлар катары ишти кайра кароого негиз жок. Читать дальше...

Башкы прокуратура УКМКнын Коррупцияга каршы күрөш кызматынын материалдарынын негизинде Бостери айыл аймагындагы Бактуу-Долоноту айылында жайгашкан ипподром менен дене тарбия комплексинин курулушуна байланыштуу кылмыш ишин козгоду. Башкы көзөмөл органынын маалыматына караганда, кылмыш иши Кылмыш-жаза кодексиинин 304 (“Кызмат абалынан кыянаттык менен пайдалануу”), 306 (“Мамлекеттик сатып алууну өлкөнүн кызыкчылыгына каршы жүргүзүү”) жана 171 (“Ишенип тапшырылган мүлктү ээлеп алуу”) беренелери менен козголду. Читать дальше...

14-15-июнда аба ырайы туруксуз болот. Көпчүлүк аймактарда мезгил-мезгили менен жаан жаап, күн күркүрөп, бийик тоолуу райондордо кар жаайт. Ош, Жалал-Абад, Баткен, Нарын, Ысык-Көл облустарынын дыйканчылык аймактарында, Чүй, Талас облустарынын тоо этектеринде жана тоолуу райондорунда катуу жаан-чачын жаайт. Батыштан соккон шамалдын ылдамдыгы секундасына 4-9 метрден, 15-20 метрге жетиши мүмкүн.  13-июнда түнкүсүн жаан-чачын болбойт. Күндүз Кыргыз тоо кыркаларында өткүн өтүп, күн күркүрөп, бийик тоолуу райондордо кар жаайт. Читать дальше...

Жалал-Абад облусундагы Ала-Бука-Чаткал жолундагы Иштамберди кенин иштетүүгө каршы жергиликтүү тургундар митингге чыгышты. Бул маалыматты Ала-Бука районунун акими Эмилбек Абдыкадыров “Азаттыкка” ырастады. Анын айтымында, учурда митингге чыккандар менен өкмөттүн Жалал-Абаддагы өкүлү Кыянбек Сатыбалдиев жолугуп жатат. Жергиликтүү тургун Бекжан Станбековдун айтымында, митингге чыккан 200-300дөй адам ишкана мыйзамсыз иштеп жатканын белгилеп, экологиялык зыяндарын текшерүүнү жана элге компенсация төлөп берүүнү... Читать дальше...

Швейцариянын банкында Өзбекстандын мурдагы президентинин кызы Гүлнара Каримовага таандык деп эсептелген 800 миллион доллардын тагдыры чечилүүдө.

Сингапурда бүгүн АКШ менен Түндүк Кореянын лидерлеринин көптөн бери күтүлгөн жана “тарыхый” деп мүнөздөлгөн саммити өтүп, анын соңунан президент Дональд Трамп Корей жарым аралын өзөктүк куралдан арылтуу жараяны “абдан тез башталат” деп жарыялады. Бирок бул жараянды ишке ашыруунун чоо-жайы али алдыда сүйлөшүлөт. АКШ Түндүк Кореядан “өзөктүк куралдан толук, текшерилген жана кайра кайткыс” жол менен арылууну талап кылып келатат.

Сингапурда бүгүн АКШ менен Түндүк Кореянын лидерлеринин көптөн бери күтүлгөн жана “тарыхый” деп мүнөздөлгөн саммити өтүп, анын соңунан президент Дональд Трамп Корей жарым аралын өзөктүк куралдан арылтуу жараяны “абдан тез башталат” деп жарыялады. Бирок бул жараянды ишке ашыруунун чоо-жайы али алдыда сүйлөшүлөт. АКШ Түндүк Кореядан “өзөктүк куралдан толук, текшерилген жана кайра кайткыс” жол менен арылууну талап кылып келатат.

Дүйнө тааныган залкар жазуучубуз Чыңгыз Төрөкулович Айтматовдун 90 жылдык мааракесинин алдында ал жөнүндө менин эсимде калган үч окуя эске түшөт.

“Азаттык” радиосунун түркмөн кызматы – “Азатлык” радиосунун кабарчысы Солтан Ачиловага өткөн жекшембиде белгисиз эки киши кол салды. 69 жаштагы журналисттин өмүрүнө буга чейин да нечен жолу коркунуч жаралган. 9-июнда Ачилова Йолотен шаарындагы туугандарыныкына барган. Алардын биринин үйүнөн чыгып баратканда артынан калбай ээрчип жүргөн машинени байкаган. Жарым сааттан кийин үйдөн чыккан соң велосипед минген эки бейтааныш эркек анын жолун тороп, үйдүн ичинен эмнени сүрөткө тартып чыкканын көрсөтүүнү талап кылган. Читать дальше...

Бишкекте "Коопсуздук тармагына парламенттик көзөмөл жүргүзүү" деп аталган талкуу өтүп жатат. Анда коопсуздук тармагындагы иш-аракеттерди көзөмөлдөө багытындагы парламент менен жарандык коомдун кызматташтыгын күчөтүү маселеси ортого салынууда.  Иш-чараны "Демократия жана жарандык коом үчүн коалициясы", Коомдук иликтөөлөр институту уюштурган. Коомдук иликтөөлөр институтунун директору, жарандык активист Рита Карасартова талкуу коопсуздук тармагына парламенттик көзөмөлдү арттыруу максатын көздөй турганын "Азаттыкка" билдирди. Читать дальше...

Экономикалык кылмыштарга каршы күрөш боюнча мамлекеттик кызмат (Финполиция) Бишкектеги окуу жайларынын биринде алдамчылык фактысы катталганын кабарлады. Маалыматта айтылгандай, бул кызматка 2017-жылдын сентябрь айында окуу үчүн ар бири 2900 доллардан (жалпысынан 145 миң доллар) төлөшкөнүн билдирип, чет элдик 50 студент кайрылган. Бирок акча төлөнгөнү тууралуу кагаз берилген эмес. Жыйынтыгында контракт төлөбөгөнү үчүн студенттер окуудан айдалган.  Финполиция тергөөнүн кызыкчылыгы үчүн окуя кайсы окуу жайында болгонун билдирүүдөн баш тартты. Читать дальше...

62 жаштагы Соң Жи Ши Кытайдын түштүгүндөгү деңиз кысыгынан сүзүп өтүп, суу марафонун багындырган эң улгайган аял катары рекордду жаңылады. Ал ишембиде таңкы саат 5:38де сууга кирип, түш оой - үчтөн тогуз мүнөт өткөндө берки жээкке жетип келген. Жалпысынан рекордсмен суучул Хайнань аралы менен Гуандун вилаетинин ортосундагы 27 чакырым, 200 метрди сүзүп өттү. Соң Жи Шиге чейин Гуанжоу кысыгын багындырган аялдардын эң улуусу 55 жашта болчу.

"Норманд төрттүгүнө" кирген Германиянын, Франциянын, Орусиянын жана Украинанын тышкы иштер министрлери Берлинде жолугуп, Украинанын чыгышына тынчтык сактоочу күчтөрдү жайгаштыруу боюнча бир пикирге келе алышкан жок.   Германиянын тышкы иштер министри Хайко Маас БУУнун күчтөрүн жайгаштыруу идеясын Киев, Москва дагы колдорун билдирип, бирок миссиянын мандаты жана жайгаша турган аймагы тууралуу көз караштар “кескин айырмаланарын” белгиледи.   Орусиянын тышкы иштер мекемесинин жетекчиси Сергей Лавров... Читать дальше...

Тышкы иштер министри Эрлан Абдылдаевдин маалыматы боюнча, 2019- жылдын 14-15-июнунда Шанхай Кызматташтык Уюмунун (ШКУ) кезектеги саммити Бишкекте өтөт. Ага чейин Кытайдын төрагасы Си Цзинпин Кыргызстанга мамлекеттик сапар менен келет. Мамлекет башчы Сооронбай Жээнбеков 6-8-июнь күндөрү Кытайда мамлекеттик сапар менен жүргөн учурда бул өлкөнүн лидерин Кыргызстанга чакырган. Уюмдун алкагында ар тараптуу кызматташтыктын мүмкүнчүлүгүн талкуулоо максатында Бишкекте министрлер менен тармактык мекемелердин... Читать дальше...

Мьянманын абагында отурган "Рейтер" агенттигинин эки журналисти кыйноого жана психологиялык басымга кабылганын билдирип чыгышты. Журналисттер Ва Лон жана Куа Со О дүйшөмбүдө  сүйлөп калууга мүмкүнчүлүк алышты. Алар кармалгандан кийин абактын өкүлдөрү үч күн бою уйку бербей, эки саат сайын суракка алышканын, "Тыңчы эмессиңерби?" деп басым көрсөтүшкөнүн, сурак маалында үч саат бою чөгөлөтүп отургузуп коюшканын айтышты. Буга Мьянманын бийлиги жооп кайтара элек. Эки журналист "мамлекеттик сырды ачыкка чыгарган" деп айыпталууда. Читать дальше...