Новости за 30.10.2019

د افغانستان د لویې څارنوالۍ چارواکي وايي، ډېر ژر به د هغو کسانو پر دوسیو څېړنې پيل شي چې د انتخاباتو کمېسیون ډیجیټال مرکز د قفل ماتولو په تړاو دوی ته معرفی شوي دي. د لویې څارنوالۍ ویاند جمشید رسولي ازادي راډيو ته وویل، دا موضوع په جدي ډول څیړل کیږي، خو لومړی باید د ټاکنو کمېسیون دوی ته ډاډ ورکړي چې دغه کسان د قانون پر اساس له دندوې لرې شوې دي. ښاغلي رسولي وویل، څارنوالۍ د ټاکنو له کمېسیون څخه غوښتي چې تورن کسان له دندو لرې کړي. د میزان په ۲۸مه د ټاکنو کمېسیون د ډیجیټال سنټر مهرولاک ماتېدو د... Читать дальше...

د افغانستان د ټاکنو خپلواک کمېسیون وايي، د ولسمشرۍ ټاکنو پایلې په اعلان کې د ځنډ دلیل دا دی چې د درمالوګ کمپنۍ به دقیق ډول رایې وارزوي او پاکې او تقلبي رایې بېلې کړي.

د خبریالانو د ساتنې کمېټې (سي پي جی) افغانستان په روان ۲۰۱۹ کال کې د نړۍ په کچه شپږم هېواد بللی چې د خبریالانو د وژنې قضیې په کې نه څېړل کېږي.

د ترافیکي قوانیو اکثره ماتووونکي دولتي چارواکي او زورواکان دي. نور جزییات د شفیع کریمي په راپور کې وګورئ

د افغانستان د پوهنې وزارت په ښوونځيو کې د نجونو د میاشتني عادت پرمهال د پوهاوي پروګرام د پراخولو خبره کوي. د افغانستان په دودیزه ټولنه کې د میاشتني عادت په تړاو خبرې کول لا هم شرم ګڼل کېږي.

د افغانستان په ختیځ کې د ننګرهار ولایت کې دولتي سرچینې په هسکه مېنه او مومندره ولسوالیو کې د دولت نهو وسله والو ته د مرګ ژوبلي د اوښتو خبره کوي. د ننګرهار د والي دفتر په یوې اعلامیې کې ویلي، دغه مخالفین د بې پیلوټه الوتکې له خوا په نښه شوي دي. په اعلامیه کې ویل شوي چې تېره ورځ پنځه داعش اورپکي وژل شوي او څلور طالبان ټپیان شوي دي. تراوسه دغو ډلو په دې اړه څه نه دي ویلي. د ننګرهار د والي دفتر ویلي په دغو هوايي بریدونو کې یو ملکي وګړی چې د لوګر اوسېدونکی دی هم وژل شوی دی.

د افغانستان د سولي لپاره د امریکا ځانګړي استازي له پاکستاني چارواکو سره د افغانستان د سولي په اړه خبرې پای ته ورسولې.

د افغانستان دودیزو جامو نويو ډولونو د دغو جامو مینه وال ډېر کړي او ځینې خلک خو یې په رسمیاتو کې هم اغوندي. دا جامې اوس نه یوازې په افغانستان کې دننه، بلکې بهر کې هم ښه بازار لري. په دې اړه نور معلومات د لیمه هادي په ویډیويي راپور کې وګورئ.

د افغانستان په جنوب کې پوځي چارواکي په زابل او ارزګان کې د فاتح په نوم پوځي عملياتو کې د پرمختګ خبره کوي. د ۲۰۵ اتل قول اردو ویاند یحیی علوي ازادي راديو ته وويل، د افغانستان ګډو ځواکونو د تېرو ۲۴ ساعتونو راهيسي د زابل په نوبهار، شينکۍ او د ارزګان په ګېزاب ولسواليو کې د وسله والو پر پټنځايونو او مرکزونو ځمکني او هوائي بريدونه کړي دي. د علوي په خبره په زابل کې ۴۷ وسله وال وژل شوي او ۱۶ نور ژوبل دي. د هغه په خبره د ارزګان په ګېزاب کې هم ۱۱ مخالفين له منځه وړل شوي دي. د دولت مخالفانو تراوسه د فاتح عملیاتو په اړه څه نه دي ویلي.

د روسیې ولسمشر ولادیمیر پوتین نن هنګري ته ځي او د برښنا اړوند بحثونه یې د سفر مهمه اجنډا یاده شوې ده. دی به نن د هنګري له صدراعظم ویکتور اوربان سره په پلازمېنه بوداپست کې وګوري. هنګري او روسیه دواړه غربي لیبرالي ارزښتونه ردوي او له کله چې روسیې د کریمیا ټاپووزمه له خپلې خاورې سره یوځای کړه، ښاغلی اوربان هر کال یو وار او په ۲۰۱۷ کال کې دوه واره له ولادیمیر پوتین سره لیدلي دي. اوربان پر روسیې د اروپايي ټولنې د بندیزونو د کمولو یو قوي وکیل ګڼل کیږي. هنګري ته د روسیې د ولسمشر ولادیمیر پوتین تر... Читать дальше...

ورځپاڼه لیکي، داسې ښکاري چې اوس د افغانستان حکومت د سولې په اړه پیاوړی او مناسب دریځ لري او هیلې شته که وړاندیز شوی پلان‌یې عملي شي، تل‌پاتې سوله راتلی شي.

د امریکا متحده ایالتونو د کانګرس استازو جرګې په شلمه پېړۍ کې د عثماني امپراتورۍ پر مهال د ارمنیانو وژنه د یوې نسل وژنې په توګه یاده کړه. جرګې دا مسله په یوه مصوبې کې مطرح کړې ده. د استازیو جرګې دا غیر الزامي لایحه پرون په ۴۰۵ موافقو او ۱۱ مخالفو رایو تصویب شوه. د امریکا د استازیو جرګې دې کار د ترکیې غوصه پارولې ده. انقرې ګواښ کړی چې د امریکا د استازیو جرګې دا کار د امریکا او ترکیې اړیکې زیانمنولی شي. د رپوټونو په اساس عثماني امپراتورۍ په لومړۍ نړیواله جګړه کې یو نیم میلیون ارمنیان تر خپل واک لاندې سیمو کې وژلي او ایستلي دي. Читать дальше...

د پاکستان له لوري د هاوان پر مرمۍ په کونړ کې درې افغان مېرمنې روانه اونۍ ووژل شوې.

د بشري حقونو لپاره اروپايي محکمې پر بوسنيا هرزګوينا انتقاد وکړ چې نه دى توانېدلى په موستار ښار کې د ښاروالۍ انتخابات وکړي. په دغه ښار کې چې په قومي لحاظ سره وېشل شوى، تر يوې لسيزې زياته موده کې د قانوني لانجې له کبله دغه انتخابات نه دي شوي. د فرانسې په سټراسبورګ کې د بشري حقونو لپاره اروپايي محکمې پرونى حکم د موستار ښار د يوې اوسېدونکې او سياستوالې ايرما باراليا د قانوني شکايت په ځواب کې صادر کړ. باراليا خپل قانوني شکايت کې استدلال کړى چې موجوده قانوني لانجه د دې سبب شوې چې دا ونه کړاى شي د ښاروالۍ په انتخاباتو کې برخه واخلي. Читать дальше...

د کيوبا ولسمشر د هاوانا او واشنګټن ترمنځ په زياتېدونکي کړکېچ کې له کيوبا څخه د مسکو ملاتړ وستايه. کرملين د کيوبا د ولسمشر میګل دایاز کانل خبرې ژباړلي چې پرون يې له مسکو د باندې له ولسمشر ولادیمير پوتين سره د کتنې پر مهال کړې وې، "د کيوبا په وړاندې د امريکا د متحدو ايالتونو تهاجم په زياتېدو دى." د روسيې ولسمشر خپل کيوبايي سيال ته ويلي، روسيې تل د کيوبا خپلواک دريځ او مستقل سياست ته ځانګړى تمايل لرلى دى. ښاغلي پوتين ويلي، "موږ خوشحاله يو چې د کيوبا حکومتولي په غښتلي کېدو ده." کيوبا د سړې جګړې... Читать дальше...

د روسیې دفاع وزیر سرګي شويګو وايي، کرد جنګياليو د سوريې په شمال ختيځ کې د ترکيې له سرحدي سيمو په بشپړه توګه وتلي دي. دا کار د انقرې او مسکو ترمنځ د موافقې له مخې شوی دی. ښاغلي شويګو وويل، د کرد جنګيالي تر وتلو وروسته د روسيې او سوريې پوځيان سرحدي سیمې ته تللي دي. شويګو وويل، د کرد جنګياليو وتل پرون تر ورکړل شوي مهلت مخکې بشپړ شوی دی. بلخوا د ترکيې ولسمشر رجب طيب اردوغان په دې اړه پرون سې شنبه په انقره کې وويل، "زموږ د معلوماتو له مخې، روسيې زموږ چارواکو ته دا پيغام ورکړى چې سيمې له تروريستي... Читать дальше...

د افغانستان د سولي حرکت غړي پر کونړ د پاکستان د راکټي بريدونو او د دواړو هېوادونو د امنیتي سرتېرو ترمنځ د جګړې مخنیوي غوښتنه کوي. ددغه ولسي حرکت ویاند بسم الله وطندوست ازادي راډیو ته وویل، "د سولې ولسي حرکت ټول غړي خواشيني دي چې يو ځل بيا د پاکستان له لوري د افغانستان پر خاوره بريدونه شوي دي. پر حکومت او طالبانو مو غږ دى چې په ګډه د پاکستان له لوري د دغسې بريدونو مخه ونيسي." د روانۍ اونۍ په پیل کې د کونړ په ناړۍ ولسوالۍ کې د افغانستان او پاکستان سرحدي سرتېرو ترمنځ د جګړې راپورونه ورکړل شول. د... Читать дальше...

د افغانستان په شمال ختیځ کې سیمه ییزې سرچینې وايي، تېره شپه ۱۲ بجې طالبانو د خان اباد ښار اړوند د تپه اختر سیمه کې د عامه نظم پولیسو پر پوستې برید کړی او پنځه سرتېري یې وژلي دي. د ولسوالۍ یوې معتبرې حکومتي سرچینې د نوم نه افشا کېدو په شرط نن (عقرب ۸مه) ازادي راډیو ته وویل، طالبانو په دغه سیمه کې اته سرتېري چې ټپيان هم په کې وو، له ځان سره بیولي دي. امنیتي چارواکو تراوسه په رسمي ډول په دې اړه څه نه دي ویلي. ذبیح الله مجاهد چې ځان د طالبان ویاند معرفي کوي وايي چې ددوی کسانو په دغه برید کې پنځه... Читать дальше...

د افغانستان اجرائيه رئيس عبدالله عبدالله وايي، په افغانستان کې د سولې د هر ډول هڅې حاکميت او مالکيت بايد د افغانانو په لاس کې وي. ښاغلي عبدالله دا څرګندونې تېر ماښام په کابل کې د ترکيې د جمهوريت د تاسيس د ٩٦يمې کليزې په مناسبت جوړو شويو مراسمو ته وکړې. هغه وویل، د افغانانو لپاره سوله تل لومړيتوب لري. "په داسې حال کې چې د انتخاباتو په شپو – ورځو کې د خلکو ټول پام رايو ته وي، بيا هم د افغانستان د وګړو اصلي لومړيتوب چې سوله ده، بايد هېڅکله له ياده ونه باسو. هغه سوله چې مشري او مالکيت يې د افغانانو... Читать дальше...

د افغانستان په شمالي ولایت جوزجان کې امنیتي چارواکي وایي، په مردیان ولسوالۍ کې په یوه چاودنه کې ۱۰ طالبان وژل شوي دي. سمونيال عبدالواحد وجدان د جوزجان امنیه قومندان ازادي راډيو ته وويل، چاودنه پرون ماسپښين شوې ده او ۱۲ ملکي کسان یې هم ټپیان کړي دی. ښاغلي وجدان زیاته کړه: "يو فلاینګ کوچ ډوله موټر چې د طالبانو له خوا په کې منفجره مواد ځاى پر ځاى شوي وو او غوښتل يې په لويو لارو او پوستو کې ورڅخه کار واخلي، د مرديان ولسوالۍ د جنګل اريغ کلي په بازار کې چاودلى دى. په پېښه کې د دښمن ١٠ تنه وژل شوي او... Читать дальше...

د افغانستان په شمال کې د فاریاب چارواکي وايي، په دغه ولايت کې بهرني اتباع زيات شوي چې ډېرى يې د داعش د خراسان څانګې غړي دي. د فاریاب والي نقیب‌الله فایق پرون سې شنبه (عقرب ۷مه) په يوه کنفرانس کې وويل، دغه بهرنيان په څو ولسواليو کې ځاى پر ځاى شوي دي. هغه وویل: "په داعش ډلې پورې تړلي کسان د غور ولايت له ځينو برخو راغلي او په ګرزيوان او کوهستان ولسواليو کې له خپلو کورنيو سره يوځاى شوي دي. ځمکني او هوايي ځواکونه به دغه بهرني اتباع په نښه کوي. په وروستيو کې د فارياب په بېلابېلو برخو کې د بهرنيو اتباعو... Читать дальше...

د پاکستان يوې محکمې د پخواني صدراعظم نواز شريف محکومېدل د دوو نورو مياشتو لپاره وځنډول. له دې سره نواز شريف کولاى شي خپله درملنه وکړي. د اسلام اباد عالي محکمې پرون (اکټوبر ۲۹مه) دا پرېکړه په داسې حال کې اعلان کړله، چې ٦٩ کلن شريف ته د ورکړل شوي لنډمهاله ضمانت موده په ختمېدو وه. د پاکستان د صدراعظم عمران خان د مطبوعاتو او خپرونو ځانګړې مرستیالې فردوس عاشق اعوان پرون په دې اړه وویل، د ښاغلي شریف خراب روغتیايي حالت ته په پام سره دا پرېکړه شوې ده. اغلې اعوان زیاته کړه: "موږ پوره هیله من یو چې میا صاحب [نواز شریف] خپل علاج باندې پام وکړي. Читать дальше...

له دغه جنجال وروسته د انتخاباتو کمېسیون د موضوع د ارزونې په هدف، د دوو کمېشنرانو په مشرۍ یو پلاوی وګماره چې له څو ورځو ارزونو وروسته‌یې په نهو پاڼو کې یو راپور خپور کړ.

په لبنان کې له دوو اوونيو راهيسې د حکومت ضد اعتراضونه روان وو، خو د اصلاحاتو د بستې له وړانديز سره سره دغه اعتراضونه ختم نه‌شول.

پنتاګون ویلي، په سپټمبر مياشت کې يې د هوايي حملو شمېر ١١١٣ ته رسېږي، حال دا چې په اګسټ مياشت کې امریکايي ځواکونو په افغانستان کې د دولت پر مخالفینو ۸۱۰ بریدونه کړي وو.