د بشري حقونو څار سازمان د سي ای اې له ملاتړ برخمن افغان پوځیان په بې محاکمې وژنو او جدي سرغړونو تورن کړي. تر ۷۰ زیات کسان هغه وخت ووژل شول چې د پاکستان یوه رېل اور واخیست. په پاریس کې نجونو له چاکلیټ جوړ لباسونه اغوستي و. ازادي سټوډیو د شپې په ۸ بجو له پیشګام ټلویزیون وګورئ.
د انتخاباتو خپلواک کمېسیون یو غړی وايي چې د درملوګ کمپنۍ د جمهوري ریاست په انتخاباتو کې د ۴۷ زره رأی ورکوونکو عکسونه څېړلي او کمېسیون ته یې لېږلي دي.
تمنا زریاب لومړی ځل په دیارلس کلنۍ کې میاشتنی عادت تجربه کړ ډېری انجونې د میاشتني عادت تر تجربې پورې په دې اړه نه پوهېږي. نور جزیات د هیلۍ اسد په ویډیویي راپور کې
له خلکو ګوښه شوی سپین ږیری چې له کلونو راهیسي عرفاني او عشقي شعرونه لیکي. حیدري وجودي د افغانستان د دري ادبیاتو وتلی لیکوال او شاعر دی. نوموړی د روانې اوونۍ په پیل کې اتیا کلن شو. د ازادي راډيو خبریالې هیلۍ اسد د ښاغلي وجودي ژوند او فن ته لنډه کتنه کړې ده.
هغه امریکایې جنرال چې د اسلامي دولت ډلې پر وړاندې عملیات یې څارل، د دې ډلې د مشر ابوبکر البغدادي د وژل کېدو د عملیاتو په اړه نور جزیات خپاره کړي دي. بغدادي د اکتوبر پر ۲۶مه د امریکا د ځانګړو ځواکونو د عملیاتو په نتیجه کې په سوریه کې ووژل شو. د امریکا ولسمشر اعلان وکړ چې البغدادي د خپل انتحاري واسکټ په چاودنه کې ووژل شو. د امریکا د مرکزي قوماندانۍ مشر جنرال کینیت فرانک مک کينزي نن د اکتوبر په ۳۱مه ویلي چې د البغدادي د مړي پاتې برخې د هغه تر وژل کېدو ۲۴ ساعته وروسته په سمندر کې ښخې شوي دي. ... Читать дальше...
د افغانستان دفاع وزارت په ارزګان او غور ولایتونو کې د طالبانو پر وړاندې د هوایي او ځمکنيو عملیاتو خبر ورکړ. د دفاع وزارت مرستیال ویاند فواد امان نن پنجشنبه ازادي راډیو ته وویل، په دې عملیاتو کې ۵۷ طالبان وژل شوي دي. دی وایي: "تېره شپه د ارزګان په ګیزاب ولسوالۍ کې ۳۰ طالبان وژل شوي او د هغوی د مهماتو یوه لویه زېرمه له منځه وړل شوې، دغه راز د غور په چغچران ولسوالۍ کې په درېیو هوایي بریدونو کې ۲۷ وسله وال طالبان وژل شوي او پنځه موټرسایکلونه یې ویجاړ شوي دي." د افغانستان دفاع وزارت دغه راز په یوې... Читать дальше...
د افغانستان ملي امنیت شورا وایي، ټولې هغه ادعاوې به وارزول شي چې د افغان ځواکونو له خوا د بشري حقونو د سرغړونې په اړه شوي دي. د بشري حقونو د څار ډلې هیومن رایټس واچ نن پنجشنبه په یوه راپور کې ادعا کړې چې د امریکا د مرکزي استخباراتو سي آی اې له ملاتړه برخمنې افغان قطعې په بې محاکمې وژنو، په زور د خلکو په بې درکه کولو، بې توپیره هوايي حملو او د بشري حقونو په نورو سرغړونو کې لاس لري. خو د افغانستان د ملي امنیت شورا ویاند کبیر حقمل نن رسنیو ته په یوه استولي پیغام کې ویلي چې په دې کې ځیني تورونه ناسم دي او له همدې کبله به څېړنه وشي. Читать дальше...
د افغانستان د کډوالو او راستېدونکو چارو وزارت وايي، د پناه ورکونې د قانون د نشتوالي له امله نشي کولی چې د بهرنیو پناه غوښتونکو ستونزو ته رسېدنه وکړي.
د افغانستان د عامې روغتیا وزارت وايي، په ۲۰۱۸ میلادي کال کې د سینې د سرطان شااوخوا ۳۰۰۰ پېښې ثبت شوي، خو امکان لري چې د دغو پېښو شمېر تر دې دوه برابره زیات وي.
د بشرِ حقونو د څار نړیواله ډله وايي چې د امریکا د مرکزي استخباراتو له ملاتړه برخمن افغان وسله والو ځواکونو ځانګړې قطعې د بشري حقونو په سرغړونو کې لاس لري.
په خوست کې ۲۴ میله بېلابېلې تفنګچې او په تړاو یې دوه تنه نیول شوي. د خوست امنیتي چارواکي وایي، د ملي امنیت ریاست ځواکونو ۲۴ میله بېلابېل ډوله تفنګچې او د دې تفنګچو زیات شمېر مرمۍ نیولي دي. د خوست ملي امنیت ریاست رسنیز دفتر مسؤل ازادي راډیو ته وویل چې د د دې وسلو په تړاو یې یو سړی او یوه ښځه نیول شوي چې غوښتل یې یادې وسلې د پکتیا ولایت زرمت ولسوالۍ څخه خوست ته انتقال کړي، لاس په لاس نیول شوي.
د ارزګان ولایت سیمه ییز چارواکي وايي، وسله والو طالبانو دوه ملکي کسان په مرموز ډول وژلي دي. د دغه ولایت مرستیال والي محمد سعید سعادت ناصري نن ازادي راډيو ته وویل چې وسله والو طالبانو دغه کسان تېره شپه د ترینکوټ ښار اړوند په نچین سیمه کې هغه مهال وژلي، کله چې دوی پر موټرسایکل له ښاره خپلو کورونو ته روان وو. دوی وايي، وژل شوي کسان دواړه وروڼه دي. له دې سره د سیمې خلک هم وايي چې وژل شوي کسان ملکيان او د وسله والو طالبانو له لوري وژل شوي دي. وسله والو طالبانو تر اوسه په دې اړه رسنیو ته څه نه دي ویلي.
چارواکي د پاکستان په اسلام اباد کې د اپوزیسیون ګوندونو له خوا د جماعت علمای اسلام ګوند د مشر مولانا فضل الرحمن په نوښت د ازادۍ په نوم ور روان لاریون ته لارې او کوڅې په نښه کړي
د راډیويي مجلې دا ګڼه مو په ځينو هنري او فرهنګي مسایلو راښکلې کړې ده.
د ننګرهار د هسکې مېنې ولسوالۍ په جودرې کلي کې د میزان په ۲۶مه یوه خونړۍ پېښه شوه. د دغه سیمې اوسېدونکي چې ډېری کروندګر دي اسلامي دولت نومې وسلهواله ډله (داعش) د دغې پېښې مسؤله بولي. د ازادي راډیو خبریال اکرامالله اکرام او تمیم اخګر د هسکې مېنې ولسوالۍ جودرې کلي ته تللي او دغه مستند یې جوړ کړی دی.
د پاکستان د پنجاب ایالت په رحیم یار خان سیمه کې د (تېز ګام ایکسپریس) په نامه یوه اورګاډي کي د اور لګېدنې له امله لږ تر لږه ۶۵ کسان وژل شوي او ۳۳ نور تپیان شوي دي.
د افغانستان په جنوب ختیځ پکتیا کې چارواکي وايي، په زرمت ولسوالۍ کې له دولتي ځواکونو سره په جګړه کې پنځه طالبان وژل شوي او درې ټپیان شوي دي. د پکتیا د والي ویاند عبدالله حسرت نن (عقرب/لړم ۹مه) ازادي راډیو ته وویل، ددغو طالبانو او د ۲۰۳ تندر قول اردو سرتېرو ترمنځ جګړه تېره شپه د زرمت ولسوالۍ په سرکۍ سیمه کې شوې ده. ښاغلي حسرت وویل، په جګړه کې د پوځ یو سرتېری هم ټپي شوی دی. طالبانو ویلي چې ددوی اورپکو د دولتي ځواکونو پر کاروان برید کړی. د طالبانو یوه ویاند ذبیح الله مجاهد د ۱۴ دولتي عسکرو د وژل... Читать дальше...
نیویارک ټایمز طالبانو ته د سولې په برخه کې د افغانستان د حکومت د نوي وړاندیز مساله څیړلې ده.
د بشري حقونو د څار ډله وايي، د امریکا د مرکزي استخباراتو له ملاتړه برخمنې افغان قطعې په بې محاکمې وژنو، په زور د خلکو په بې درکه کولو، بې توپیره هوايي حملو او د بشري حقونو په نورو سرغړونو کې لاس لري. د بشري حقونو د څار ډلې یا هیومن رایټس واچ په خپل راپور کې، چې نن (پنجشنبه) یې خپور کړ، د دغو قطعو د فسخه کېدو غوښتنه کړې او ویلي یې دي چې د ۲۰۱۷ او ۲۰۱۹ کلونو ترمنځ یې په افغانستان کې د سي آی اې له ملاتړه د دغو برخمنو ځواکونو ۱۴ قضیې څېړلي دي. د بشري حقونو د څار ډله وايي، دغو ځواکونو د جنګي مقرراتو... Читать дальше...
د کندهار امنیتي چارواکي وايي چې په څو جلا عملیاتو کې یې د ۲ پاکستانیانو په شمول ۱۳ وسله وال نیولي دي. د کندهار د پولیسو ویندوی جمال ناصر بارکزي پرون (چهارشنبه) خبریالانو ته وویل چې په نیول شویو کسانو کې دوه پاکستانیان هم شته چې مسیر او محمدعبدالله نومېږي او د ده په وینا کندهار ته د جاسوسۍ لپاره ورغلي وو. ده همداراز ادعا وکړه چې له دغو دوو تنو څخه یو یې د پاکستان د پولیسو غړی دی.
د کندهار په سپین بولدک ولسوالي کې پرون په یوه چاودنه کې لږترلږه ۷ تنه ټپیان شول. د کندهار د پولیسو ویندوی جمال ناصر بارکزي ازادي راډیو ته وویل، پرون ماسپښین په یوه موټرسایکل کې د اېښودل شوي بم په چاودنه کې ۷ ملکیان ژوبل شول. ویل کېږي چې د حملې هدف د کندهار ښار د اتمې حوزې د پخواني امر جاجو ورور و، خو هغه ته زیان نه دی اوښتی. تراوسه د دې چاودنې مسوولیت کومې ډلې په غاړه نه دی اخیستی.
د ټویټر عملیاتي رييس جګ دورسي پرون (چهارشنبه) وویل، په دې ټولنیزه شبکه کې هر ډول سیاسي تبلیغات منع کوي. د رویټرز خبري اژانس د راپور له مخې، ښاغلي دورسي وویل، ټولنیزې شبکې تبلیغ کوونکو ته غیرعادلانه لوړوالی ورکوي چې په منحرفوونکو معلوماتو خلک تر اغېز لاندې راولي. تر دې وړاندې د روان اکتوبر په لومړیو کې د فیسبوک عملیاتي رييس مارک زاکربرګ د امریکا په کانګریس کې د فیسبوک له لارې د سیاسي تبلیغاتو له بندېدو سره مخالفت وکړ، ویې ویل چې سیاستوال حق لري چې په فیسبوک کې د بیان ازادي ولري.
د جاپان په شوري لرغونې کلا کې نن سهار اور ولګېد او نژدې ده چې د یونسکو له لوري د نړیوالو میراثونو په لیست کې دا شامله لرغونې ودانۍ ویجاړه کړي. دا کلا د جاپان په جنوب کې په اوکیناوا ټاپو کې ده. جاپاني رسنۍ وايي، د اور لمبې د ودانۍ په اصلي برخه کې بلې شوي دي. تراوسه د اورلګېدو علت نه دی څرګند.
د ناټو عمومي منشي ینس سټولټنبرګ د اوکراین په ختیځ کې د جګړې له لومړۍ کرښې د اوکرایني ځواکونو او د روسیه پلوو بېلتون غوښتونکو د وتلو هرکلی وکړ. دواړو خواوو پرون د لوهانسک په سیمه کې د جګړې له کرښې د شاته کېدو بهیر پېل کړی دی. ینس سټولټنبرګ ټینګار وکړ چې مسکو هم خپل ټول ځواکونه د اوکراین له ختيځه وباسي. د ناټو عمومي منشي پرون د اکټوبر په ۳۰مه، د اوکراین په بندري ښار ادېسه کې خبریالانوته وویل: "ناټو په زغرده وايي چې روسیه ځانګړی مسئولیت لري چې خپل ټول ځواکونه او پوځي مامورین له ختيځ اوکراینه... Читать дальше...
د فراه یوشمېر اوسېدونکي ادعا کوي چې د ښار د صنعتي ښارګوټي ځمکه په غیر قانوني ډول یوشمېر خلکو ته وېشل شوې او په بدل کې یې رشوت اخیستل شوې دي. د فراه یوشمېر اوسېدونکو ازادي راډیو ته ویلي، په صنعتي ښارګوټي کې د فابریکو او صنعتي کارخانو پر ځای ځینو زورواکو پر قانون تیری کړی او شخصي کورونه او باغونه يې جوړ کړي دي. د فراه اوسېدونکي، صدیقیار وویل، "دلته متاسفانه، هېڅ پوښتنه نه ده شوې او دا ښارګوټی په شخصي استوګنځای بدل شوی دی." د فراه والي محمد شعیب ثابت پرون د اکټوبر په ۳۰مه ازادي راډیو ته وویل چې... Читать дальше...
