Новости за 17.02.2021

د افغانستان ملي امنیت وايي، د لوګر د والي په مرستیالې د بريد طراح یې نیولی دی. د ملي امنیت د عمومي ریاست له لوري په خپره شوې خبرپاڼه کې راغلي، دي چې نيول شوى کس مصباح الله نومېږي او په لوګر کې یې په بېلابېلو هدفي وژونو او د ماینونو په جوړولو کې لاس درلود. په اعلامیه کې ویل، چې دغه شان یاد کس پلان درلود چې په یو وسله واله حمله کې د لوګر د والي مرستیاله رابعه ستانکزۍ له منځه یوسي. ملي امنیت ریاست د اعلامیې ترڅنګ یوه ویډیو هم خپره کړې، چې یو تن په کې ځان مصباح الله بولي او په بېلابېلو جـرمونو اعتراف کوي. Читать дальше...

شاوخوا یو کال وروسته له هغه چې واشنګټن له طالبانو سره د تاوتریخوالي کمولو په شرط له افغانستانه د خپلو ځواکونو د ایستلو په اړه موافقه لاسلیک کړه، د ناټو د غوڅ ملاتړ ماموریت عمومي قومندان جنرال سکاټ مېلر وايي چې طالبانو خپلې حملې زیاتې کړي دي. په افغانستان کې د ناټو د غوڅ ملاتړ ماموریت عمومي قومندان جنرال سکاټ مېلر وايي، د پخوا په پرتله د طالبانو تاوتریخوالی ډېر شوی دی. د ده په خبره، دا وضعیت پرمختګ ته چې هیله ده د افغانستان لپاره به یو تاریخي پړاو وي، لاره نه هواروي. سکاټ مېلر دا خبرې رویټرز خبري اژانس ته کړي، چې د چارشنبې په ورځ خپرې شوې.

د بې پولې خبریالانو سازمان په خپل تازه ټویټ کې له نړیوالې جزايي محکمې غوښتي، چې د افغانستان وضعیت په اړه په خپلو څېړنو کې د خبریالانو پر وړاندې جنایت ته هم ځای ورکړي. د بې پولې خبریالاانو سازمان له خبریالانو د یوناما د وروستي ملاتړه د هرکلي ترڅنګ له نړیوالې جزايي محکمې غوښتي، چې په افغانستان کې د خبریلانو د وژنې قضیې وڅېړي. د جنګي جرمونو نړیوالې جزايي محکمې مرکز د هالند په هاګ ښار کې دی، دغه بنسټ د لویو حقوقي مسایلو ترڅنګ په هغو هېوادونو تمرکز کوي، چې جنګي جرمونه په کې ترسره شوي وي. په دغه... Читать дальше...

په نوې دهلي کې د افغانستان سفارت وايي،  چې د افغان جمهور رییس یو لیک او (څادر) دغه سفارت ته استولي چې د چشتیه طریقې صوفي معین الدین چشتي پر قبر یې خور کړي. ‎په هند کې د افغانستان سفارت په راجستان کې د اجمیر شریف پر حرم د یو څادر د خورولو خبره کوي. ‎د دغه سفارت سرپرست طاهر قادري د چهارشنبې په ورځ ازادي را‌‌‌‌‌‌ډیو ته وویل، چې دا څادر له یو لیک سره د افغانستان د جمهور رییس محمد اشرف غني له خوا دوی ته استول شوی او ټاکل شوې چې په هند کې د دغه هېواد استازي یې د جمعې په ورځ د اجمیر شریف زیارت ته یوسي. Читать дальше...

د دایکنډي ولایت چارواکي وايي چې په دې ولایت کې ۴ امنیتي ځواکونه وژل شوي دي.  د دایکنډي والي محمدرضا همدرد نن چهارشنبه (د سلواغې ۲۹مه) ازادي راډیو ته وویل چې دا پېښه نن سهار هغه مهال د کجران ولسوالۍ په صوف تنګي کې وشوه چې د امنیتي ځواکونو د هاموې موټر په لاره کې ماین وچاودېده. ښاغلي همدرد زیاته کړه: "له بده مرغه څلور تنه شهیدان شوي او ۲ ټپیان دي، هلته درې ماینونه کشف شوي وو، یو یې خنثی کړ، خو دوهم ماین د ملي اردو پر هاموې وچاودېده."  تراوسه کومې ډلې د دې برید مسوولیت په غاړه نه دی اخېستی.

د افغانستان د وضعیت د ارزونې او دلته د خپلو ځواکونو د پاتې کېدو او یا هم ایستلو په اړه د ناټو د دفاع وزیرانو د غونډې له پیلېدو او پرېکړې تر اعلان وړاندې، نیوزیلانډ په دې هېواد کې د خپل شل کلن پوځي ماموریت د پای ته رسولو اعلان کړی. دا هېواد اوس‌مهال په افغانستان کې یوازې شپږ تنه عسکر لري. د نیوزیلانډ صدراعظمې جاسیندرا اردر رسنيو ته ویلي، په افغانستان کې د خپل پوځي ماموریت د دوام اړتیا نه ویني. اغلې اردر زیاته کړې، په افغانستان کې د سولې روان بهیر د سیاسي حل لپاره غوره لار ده او نور په یاد... Читать дальше...

د افغانستان د ولسي جرګې د چهارشنبې (د سلواغې ۲۹مه) د ورځې عمومي ناستې ازاد بحث تر ډېره د دغه هېواد په اقتصادي مسایلو په ځانګړي ډول د هرات د اسلام قلعه پر پېښې ور ټول وو. وکیلانو ټینګار کاوه، که ياد ګمرک کې له فساده مخنیوی شوی وای، د ګمرکي اسنادو د طی مراحل کېدو پړاو چټک او لومړي خدمتونه سم وای، دا شان غمېزه به نه پېښېده. د ولسي جرګې رئیس میر رحمان رحماني د چهارشنبې (د سلواغې ۲۹مه)د ورځې په عمومي ناسته وویل چې حکومت باید سوداګرو ته د اوښتو زیانونه تاوان ورکړي. ښاغلي رحماني زیاته کړه: "په اسلام... Читать дальше...

د هرات – اسلام قلعه په لویه لار کې د ماین په چاودنه کې دوه امنیتي ځواکونه وژل شوي او دوه نور ژوبل شوي دي.  د هرات د امنیه قوماندانۍ ویاند عبدالاحد ولي ازادي راډیو ته وویل، پېښه نن چهارشنبه (د سلواغې ۲۹مه) سهار نهه نیمې بجې په روزنک سیمه کې هغه مهال وشوه چې د امنیتي ځواکونو موټر پر ماین وخوت.  د دې پېښې مسوولیت تر دې دمه کومې دلې په غاړه نه دی اخېستی.

ټاکل شوې د هند ای پي اېل کرکټ سیالیو ته د لوبغاړو رانیولو مراسم سبا پنجشنبه ماسپښین درې بجې په چنای ښار کې ترسره شي. ددې لیګ بولي ته ټول ټال ۱۰۹۷ لوبغاړو نوم لېکنه کړې وه چې ۸۱۴ خپله هندي او ۲۸۳ بیا بهرني لوبغاړي دي. خو د ای پي اېل ادارې له ۱۰۹۷ لوبغاړو له ډلې یوازې ۲۹۲ غوره کړل او اوس به دا ۲۹۲ لوبغاړي بولي ته وړاندې کېږي. د آی پي ایل لیګ ته ۳۰ افغان لوبغاړو نوم لېکنه کړې وه چې۷ لوبغاړي مجیب الرحمن، رحمن الله ګُربز، قیس احمد، نوین الحق، نوراحمد لکڼوال، کریم جنت او فضل حق فاروقي شارټ لېست شوي دي. Читать дальше...

د زیمبابوې کرکټ لوبډلې د افغان لوبډلې پر وړاندې سیالیو ته خپله لوبډله اعلان کړه. ټاکل شوې د افغانستان کرکټ ملې لوبډله د راتلونکې مارچ میاشتې په دوهمه او لسمه نېټه د زیمبابوې پر وړاندې دوه ازمایښتي (ټیسټ) سیالۍ ترسره کړي. د زیمبابوې کرکټ بورډ د افغانستان پر وړاندې یادو لوبو ته د سین ویلمسن په مشرۍ خپله ۱۵ کسیزه لوبډله اعلان کړه. افغانستان به تر ټېسټ سیالیو وروسته د زیمبابوې سره درې شل اووریزه لوبې هم وکړي. لومړۍ شل اوورېزه لوبه د مارچ په ۱۷مه، دوهمه د مارچ په ۱۹مه او درېیمه هم د یادې میاشتې په ۲۰مه نېټه ترسره کېږي. Читать дальше...

ټاکل شوې چې تر راتلونکو دوو ورځو پورې په کابل کې د موی تای سیالۍ پیل شي. د افغانستان د موی تای فدراسیون رئیس امیرحسین حسیني نن چهارشنبه (د سلواغې ۲۹مه) ازادي راډیو ته وویل چې د دې سیالیو له جوړولو هدف د لوبغاړو د مهارتونو لوړول او د ورزشکارانو د سولې غږ اوچتول دي. ښاغلی حسیني وویل چې دغه سیالۍ د یوې ورځې لپاره د جمعې په ورځ د ٤٠ ورزشي کلپونو او د ٨٠ لوبغاړو ترمنځ ترسره کېږي. د افغانستان د موی تای فدراسیون تېره اوونۍ هم د موی تای نړېوالې ورځې په مناسبت سیالۍ ترسره کړي.

د نړۍ په یو شمېر هېوادونو، په تېره بیا د امریکا په متحدو ایالاتونو کې د کرونا مثبتې پېښې مخ په کمېدو دي.  د جان هاپکېنز پوهنتون له شمېرو سره سم، تر پرون سې شنبې(د سلواغې ۲۸مه) پورې په ټوله نړۍ کې په کرونا ویروس د اخته شوېو کسانو شمېر نژدې یو سلو لس میلیونو ته ورسېد.  تر پرون پورې له دې ویروسه څه کم ۲ میلیونه ۴ لکه ۱۲ زره تنه مړه شوي وو.  جان هاپکېنز پوهنتون د امریکا په متحدو ایالتونو کې په کرونا ویروس د اخته کسانو شمېر نژدې ۲۸ میلیونه ښودلی، خو وايي چې د جنورۍ له وروستیو څخه په متحدو ایالاتونو... Читать дальше...

ملګروملتو خبرداری ورکړ چې د مارب ښار د نیولو لپاره د حوثي یاغیانو یرغلیز عملیات کېدای شي د سلګونو زرو تنو د بې ځایه کېدو سبب شي.  مارب د یمن د رسمي دولت یوه وروستۍ پاتې اډه ګڼل کېږي.  د رویټرز خبري اژانس د راپور له مخې، لکونو تنو  چې د یمن د شپږ کلنې جګړې په لړ کې د خپلو مېنو پرېښودو ته اړ شوي، مارب سیمې ته پناه وړې او د دې ښار مرکز خورا پراخ شوی دی.  د یمن د حکومت د یوه چارواکي په وینا د جګړې جبهه اوس د دې ښار د لوېدیځ ۳۰ کیلومترۍ ته رسېدلې او مارب ته د ورغلیو پناه غوښتونکو د ژوند په اړه اندېښنې په زیاتېدو دي.

د ملګرو ملتونو امنیت شورا نن چهارشنبه (د سلواغې ۲۹مه) د نړۍ په هغو سیمو کې چې جګړې روانې دي، د کووېډ – ۱۹ واکسین د تطبیق لپاره د لارو چارو په لټولو بحث کوي.  د بریتانیا د بهرنیو چارو وزیر ډومنیک راب به دا غونډه رهبري کړي.  دی به د جګړو په سیمو کې د اوربند غوښتنه وکړي، څو له لارې یې د واکسین د رسېدو زمینه برابره شي. د راپورونو پر اساس د نړۍ په څو سیمو له هغې ډلې یمن، جَنوبي سوډان او ایتوپیا کې څه باندې ۱۶۰ میلیونه کسانو ته د نا امنیو او ناسمو شرایطو په سبب د واکسین د رسولو تطبیق ممکن نه دي بلل شوي. Читать дальше...

د بند امیر سیاحت ځایونه نه یوازې په اوړي کې بلکې په ژمي کې هم د سیلانیانو لپاره په زړه پورې دي. د بامیان بند امیر په افغانستان کې لومړی ملي پارک دی چې هر کال د زرګونو سیلانیانو له خوا لیدنه ترې کېږي. نور په دې راپور کې وګورئ.

د افغانستان د مالیې وزارت سوداګرو ته ډاډ ورکوي چې د هرات په اسلام قلعه ګمرک کې د اور لګېدنې پېښې له ارزولو وروسته به زیانمنو شوېو ته جدي رسېدنه وشي. د ماليې وزارت مطبوعاتي مسوول فرید نوښت نن چهارشنبه (د سلواغې ۲۹مه) ازادي راډیو ته وویل چې د هرات د اسلام قلعه په ګمرک کې د اور لګېدنې پېښه د مالیې وزارت او بېلابېلو ګمارل شوېو کمېټو او کمېسيونونو له لوري تر نظارت لاندې ده. نوموړي وویل، که څه هم پېښه کې سوداګرو ته زیات مالي زیان اوښتی، لسګونه نقلیه وسایط او سوداګریز مالونه سوځېدلي، خو په وینا یې د... Читать дальше...

د پاکستان د 'پي.ای. اې' یا د نړېوال هوایي شرکت مشر اېرمارشل ارشد ملک په یوه ورځنۍ سفر کابل ته راغلی او د افغانستان د ملکي هوایي چلند ادارې له عمومي رئیس محمد قاسم وفایي زاده او يو شمېر افغان سوداګرو سره يې لیدلي دي. د پاکستان د نړیوال هوایي شرکت دفتر نن چهارشنبه (د سلواغې ۲۹مه) په خپل خپاره کړي بیان کې ویلي، دوی غواړي افغانستان ته خپل سوداګریز پروازونه لا زیات کړي او کندهار، هرات او مزار شریف ته هم پروازونه ولري. د افغانستان د ملکي هوایي چلند ادارې مشر له پاکستانه راغلي پلاوي ته ډاډ ورکړی چې... Читать дальше...

د روغتیايي کار کوونکو د معلوماتو پر اساس د خوب د ګولیو ډېر کارول زیات زیانونه لري. روغتیايي کارپوهان وايي، د خوب ګولۍ انسان  د خولې، پوزې او سږو په سرطان اخته کوي. ​ ارزګان کې روغتیا پالان وايي، دغه ولایت کې د جګړو له امله د هغو کسانو شمېر زیات شوی چې د خوب ګولۍ خوري. ۴۷ کلن محمد رسول د دې ولایت د ترینکوټ ښار په درملتونونو کې د خوب هغه ګولۍ لټوي چې تر ټولو قوي وي. دی وايي، له تېرو ۵ کلونو راهیسې کله چې د ترینکوټ ښار شااوخوا سیمو کې جګړو زور واخېست او دی له خپلې سیمې بې ځایه شو، د خوب ګولیو ته يې مخه کړه. Читать дальше...

په خوست کې یو شمېر خلک وايي چې امنیه قوماندانۍ د ښاروالۍ له خوا په هغه ځمکه کې چې ۷ کاله مخکې دوی ته د کورونو د جوړولو لپاره ویشل شوې، د تاسیساتو جوړول پیل کړي دي. دوی زیاتوي، ولایتي ادارې د امنیه قوماندانۍ د تاسیساتو لپاره د اداري کمپلېکس نږدې سل جریبه ځمکه بېله کړې، پولیس د هغې سیمې پر ځای، دوی ته په ویشل شوې ځمکه کې تاسیسات جوړوي. بل لوري ته د خوست د امنیه قوماندانۍ چارواکي وايي چې د قانوني اسنادو او قوالې له مخې ځمکه د دوی ده او په دې ځای کې د امنیه قوماندانۍ لپاره د تاسیساتو جوړول له کابله په قرارداد ورکړل شوي دي. Читать дальше...

د افغانستان په شمال کې د ملي اردو چارواکي وايي، د بغلان – سمنګان په لویه لار یې د طالبانو د اخاذۍ په سیمه او چک پاینټ برید کړی او لس تنه طالبان یې وژلی دي. د ۲۱۷ پامیر قول اردو په اعلامیه کې راغلي چې افغان هوايي ځواکونو د سرخ کوتل او تاجکانو په سیمه کې بریدونه کړي. لس طالبان یې وژلي او ۷ نور یې ټپیان کړي دي. د اعلامیې له مخې د طالبانو یو شمېر وسلې او مهمات له منځه وړل شوي. وسله والو طالبانو د ور اوښتې مرګژوبلې په اړه څه نه دي ویلي. مخکې هم د افغانستان د شمالي ولایتونو په لویو لارو د طالبانو د چک پاینټونو د لګېدو راپورونه ورکړل شوي.

نن چهارشنبه (د سلواغې ۲۹مه) د ناټو دفاع وزیرانو دوه ورځنۍ غونډه پيلېږي، په افغانستان کې د ناټو د پوځي حضور په اړه هم په دې غونډه کې بحث کېږي.  د افغانستان دفاع وزارت وایي، پنجشنبه به په افغانستان کې د ناټو د عسکرو د پاتې کېدو یا ایستلو په پرېکړې بحث وشي.   د دغه وزارت ویاند روح الله احمدزي ازادي راډیو ته وویل چې د افغانستان استازی هم د ناټو د دفاع وزیرانو په دې انلاین غونډه کې برخه اخلي.  ښاغلي احمدزي ډاډ وښود چې د افغان ځواکونو، نظام او خلکو نه به د ناټو ملاتړ په خپل ځای پاتې وي.  له دې... Читать дальше...

نن چهار شنبه (د سلواغې ۲۹مه) سهار د ملي دفاع وزارت او ملي امنیت ریاست دوه افسران په کابل کې وژل شوي دي.  د کابل امنیه قومانداني دا خبره په یوه لنډ بیان کې تایید کړې ده.  د بیان له مخې چهارشنبه په ۷ نیمو بجو د دفاع وزارت د اوپراسیون امر ډګروال عبدالقیوم ځاځی او زوی یې فهیم چې د ملي امنیت د ریاست افسر و د کابل د بګرامي ولسوالۍ په حسین خیلو سیمه کې د طالبانو له خوا په ډزو سره وژل شوي دي.   دا دواړه کسان دندې ته په لار چې هدف ګرځول شوي.  وسله والو طالبانو څه تبصره نه ده کړې.  افغان حکومت د... Читать дальше...

هشت صبح هشت صبح ورځپاڼې د ناټو د غړو هېوادونو د دفاع وزیرانو د نن ورځې ناستې ته په اشارې لیکلي چې دغه ناسته د افغانستان لپاره خورا برخلیک ټاکونکې ده. وړاندې راغلي، دا غونډه داسې مهال جوړېږي چې طالبانو له امریکا سره شوې هوکړه په بشپړه توګه نه ده عملي کړې او  ان د خبرو ميز يې  هم پرېښي. ورځپاڼې لیکلي، په افغانستان کې د تاوتریخوالي کچه دا مهال خورا لوړه ده او دا وېره شته چې راتلونکي پسرلي کې به په ډراماټیک ډول لا زیات شي. د لېکوال په وینا، طالبانو ته څو-څو ځله خبرداری ورکړل شوی چې د تاوتریخوالي... Читать дальше...

د بلخ د امنیې قوماندانۍ وایي چې نژدې دوه سوه میله بېلابېلې وسلې او تجهیزات یې د ډایاګ پروګرام ته وسپارل.  دغې قوماندانۍ پرون سې شنبه (د سلواغې ۲۸مه) په یوه خپره کړې خبرپاڼه کې ویلي چې ددغه ولایت امنیه قوماندان سید معراج الدین سادات ۱۹۳ میله بېلابېلې وسلې او پوځي تجهیزات چې له غیر مسولو وسله والو او جنایتکارانو څخه ترلاسه شوي وو، په شمال زون کې د ډایاګ د پروګرام مسول ته وسپارل. د طالبانو د واکمنۍ تر نسکورېدو وروسته په افغانستان کې د ډایاګ پروسه پیل شوې، خو انتقاد کوونکي وایي چې د وسلو او تجهیزاتو د راټولولو دغه پروسه دومره بریالۍ نه وه.

د افغانستان حکومت د ناټو د غوڅ ملاتړ د ماموریت د یوه لوړ رتبه جنرال براین مانیس د خدمتونو ستاینه وکړه.  د افغانستان دفاع وزارت په یوه خپره کړې خبرپاڼه کې ویلي چې د دې وزارت د وړاندیز پر اساس او د ولسمشرۍ له منظوري وروسته د ښه پوځي خدمت مډال پرون سې شنبه (د سلواغې ۲۸مه) د دغه ماموریت د عملیاتي چارو مرستیال جنرال مانیس ته ورکړل شو.    د خبرپاڼې له مخې د دفاع وزارت سرپرست شامحمود میاخېل په دې اړه جوړو شوېو مراسمو کې وویل چې جنرال مانیس ته دغه مډاله له افغان ځواکونو سره د ښې همکارۍ او د هغه د هڅو په خاطر ورکړل شو. Читать дальше...