Новости за 02.05.2021

په لوګر کې د تېرې جمعې ورځې پر ماښام د ترسره شوي موټر بم حملې زیاتره قربانیان د دې ولایت د یوې لیرې پرتې ارزې ولسوالۍ د یوه کلي اوسېدونکي وو. د دغې حملې د ۲۲ قربانیانو جنازې نن سهار له کابله په هلیکوپټرو او الوتکو کې د ازرې ولسوالۍ د اکبرخېلو کلي ته انتقال او نن له غرمې وړاندې ټولې په یوځایي خاورو ته وسپارل شوې. د دې ولسوالۍ یو قومي مشر حیات نور اکبرزوی ازادي راډیو ته وویل چې په اکبرخېلو کلي کې نږدې په هر کور کې یو ماتم دی او دا پېښه د دې کلي د اوسېدونکو لپاره په تېرو کلونو کې بې‌سارې ده. ښاغلی اکبرزوی وايي... Читать дальше...

د لوګر ولایت د وړمې شپې د خونړۍ پېښې د قربانیانو د ځینو کورنیو غړي، د خپلو عزیزانو د امنیت په ساتنه کې امنیتي بنسټونه پړه بولي. د جمعې په شپه د لوګر په مرکز پل علم ښار کې په موټر بم چاودنه کې ۲۶ تنه ووژل شول او ۱۱۰ نور ټپیان شول. محمد صابر چې د لوګر ولایت په خونړي موټر بم برید کې یې د کورنۍ غړي وژل شوي وايي "موږ په کومه ګناه وژل کېږو." نوموړی زیاتوي، په یاده پېښه کې یې درې د تره زامن او یو خوریې ځوانیمرګان شول. محمد صابر وايي چې وژل شوي خپلوان‌یې د کانکور په ازموینه کې د ګډون لپاره پل علم... Читать дальше...

امریکايي ځواکونو په هلمند ولایت کې 'انتونیک' نظامي کمپ نن افغان ځواکونو ته وسپاره.  دا خبره د دفاع وزارت ویاند فواد امان ازادي راډيو ته وکړه.  ده زیاته کړه: "ټاکل شوې ده افغان ځواکونه د هلمند او افغانستان په جنوب کې د اوسېدونکو د امنیت ټينګولو په خاطر د ترورېزم پر ضد د دې کمپ فعالیتونه او عملیات پر مخ یوسي. همداراز ټاکل شوې ده په راتلونکو څو ورځو کې هغه برخې چې امریکايي ځواکونه په‌کې حضور لري، افغان ځواکونه‌یې مسؤلیت واخلي."  دا کمپ په ۲۱۵ میوند قول اردو کې موقعیت لري.   له افغانستانه د امریکايي... Читать дальше...

په افغانستان کې د ناټو ملکي استازی یو ځل بیا ټينګار کوي چې دغه ائتلاف له افغانستان سره اوږدمهاله اړیکو ته ژمن دی. سټیفانو پونتېکورو پر خپله ټويټرپاڼه لیکلي چې ناټو ائتلاف په افغانستان کې د اړیکو د نوي فصل په پرانیستو سره د "زړه‌ورو افغان ځواکونو" ملاتړ ته ژمن دی. ښاغلي پونتېکورو دا خبره وروسته له هغه پر ټويټر لیکلې چې د افغانستان د ملي امنیت سلاکار حمد الله محب نن د ناټو له ملکي استازي سټيفانو پونتېکورو سره ولیدل. د ملي امنیت شورا پر ټویټرپاڼه لیکلي چې دواړو لورو په دې کتنه کې د ناټو او افغانستان... Читать дальше...

ځینو د خپلو سوځول شویو کورنیو غړو د پیدا کولو لپاره د ورځې تر نا وخته پلټنه کوله، خو له ایرو پرته‌یې نور څه ونه‌موندل. د کابل ښار ۱۷مې حوزې اړوند سیمه کې د اورلګېدنې له کبله د سیمې خلکو ته هم زیان رسېدلی، هټۍ او کورونه‌یې سوځېدلي دي.

د االقاعده شبکې مشر اسامه بن لادن لس کاله مخکې د مې د میاشتې په دویېمه نېټه پاکستان کې د ځانګړو امریکايي ځواکونو په عملیاتو کې ووژل شو. د شکیل افریدي په نوم هغه ډاکټر چې په ایبټ اباد کې یې د اسامه بن لادن د استوګنې د ځای په موندلو کې له امریکا سره مرسته کړې وه، تر اوسه هم زنداني دی. د ډاکټر افریدي وکیل د امریکا له متحدو ایالتونو غواړي چې د پاکستان له زندان څخه د نوموړي په خوشې کیدو کې مرسته وکړي. نور په دې راپور کې وګورئ.

امریکايي ځواکونو د یوه هوايي حمله په پایله کې هغه توغندي په نښه کړي چې پر کندهار هوايي ډګر د توغول کېدو لپاره چمتو شوي وو. په افغانستان کې د امریکايي ځواکونو ویاند ساني لګېت پر خپل ټویټر لیکلي، دا برید پرون مازدیګر شوی. ښاغلي لګېت په دې اړه نور جزئیات نه‌دي ورکړي، خو دا ټویټ‌یې نږدې پر دې هوايي ډګر د یوه توغندي له لګېدو او ډزو دوه ساعته وروسته کړی دی. لګېت وايي، د کندهار پر هوايي ډګر ډزو ځاني او مالي زیان نه‌لري. که څه هم د دې پېښې مسؤلیت چا نه‌دی منلی، خو طالبانو پرون خبرداری ورکړ چې د مې... Читать дальше...

د سپېس اېکس خصوصي شرکت جوړه کړې فضايي بېړۍ له نړیوال فضايي تم‌ځایه ځمکې ته خوندي راستنه شوه. په دې بېړۍ کې څلور ستورمزلي سپاره وو.   د امریکا فضايي ادارې ناسا نن راپور ورکړ چې امریکايي ستورمزلي مایک هاپکنز، ویکټور ګلوور، شانن واکر او د جاپان سویچي نوګوچي د ځايي وخت درې نیمو بجو په سپېدو د مکسیکو په خلیج کې ښکته شول.   دا په ۱۹۶۸م کال کې د اپولو ۲ فضايي بېړۍ له سفر راهیسې لومړی ځل دی چې امریکايي ستورمزلي په سپېدو کې ځمکې ته رسېدلي.   ستورمزلي ځمکې ته د "توان" په نوم یوه بېړۍ کې ښکته شول او... Читать дальше...

د ایران د بهرنیو چارو وزیر جواد ظریف د هغو څرګندونو په اړه بخښنه وغوښته چې په یوه افشا شوي ثبتي غږ کې ده پر سپاه پاسداران انتقاد کړی وو.  جواد ظریف نن پر خپله انسټاګرام پاڼه ولیکل چې دی هلیه لري د سپاه پاسداران ځواکونو د پخواني وژل شوي قوماندان قاسم سلیماني کورنۍ او ایرانیان دی وبخښي چې ده د دغه ځواک او سلیماني په اړه ناندریزې څرګندونې کړې وې.   په افشا شوي غږ کې ظریف پر پاسداران انقلاب ځواکونو او سلیماني انتقاد کوي چې په ډیپلوماسي کې يې لاسوهنه کوله او سلیماني له روسیې سره جلا اړیکې درلودې.... Читать дальше...

د طالبانو د سرې قطعې شپږ غړي د ننګرهار ولایت په سرخ رود ولسوالۍ کې ووژل شول. د ننګرهار مطبوعاتي دفتر نن په یوه بیان کې وویل چې طالبانو ته دا تلفات تېره شپه په غازي بابا سیمه کې د امنیتي ځواکونو د حملې په نتيجه کې واوښتل. په اعلامیه کې راغلي چې په حمله کې دوه کسان ټپیان شوي دي. طالبانو تر اوسه په دې اړه رسنیو ته څه نه‌دي ویلي. د راپورونو پر بنسټ، د طالبانو سره قطعه په ۲۰۱۶ کال کې جوړه شوې او د افغانستان په بېلابېلو سیمو کې یې په څو پراخو حملو کې ونډه لرلې ده. د ننګرهار ولایت په ځینو سیمو... Читать дальше...

د زابل ولایت چارواکي وايي، تېره شپه د دې ولایت د مرکز کلات د کمربند پر دوو امنیتي پوستو د وسله‌والو طالبانو په حمله کې دوه پولیس او ۱۴ وسله‌وال طالبان وژل شوي دي. د زابل امنیه قوماندان جنرال ویس صمیمي ازادي راډیو ته وویل چې د وسله‌والو طالبانو په دې ډله‌ییزه حمله کې همداراز دوه پولیس او ۶ وسله‌وال طالبان ټپیان شوي او حمله کوونکي د افغان ځواکونو له سخت مقاومت سره مخامخ شول. صمیمي زیاتوي: "نښته ډېره درنه وه، دښمن خپل هدف ته ونه‌رسېد او ۲۰ تنو ته‌یې مرګ‌ژوبله واوښته." د صمیمي په وینا جګړې د شپې تر ناوخته دوام کړی. Читать дальше...

له ایران سره د ۲۰۱۵ م کال د اټمي تړون غړو هېوادونو د شنبې په ورځ په وینا کې د خبرو درېیم پړاو پای ته ورساوه. دا خبرې د دې لپاره دي چې د امریکا متحده ایالات او ایران بېرته د دې اټمي تړون بشپړ عملي کېدو ته ستانه شي. د چین، جرمني، فرانسې، روسیې، بریتانیا، ایران او د امریکا متحده ایالاتو لوړپوړو چارواکو ویلي چې په ویانا کې د ایران د اټمي تړون په اړه خبرې یې د مې تر اوومې نېټې پورې پای ته رسولې دي. د فرانسې، جرمني او بریتانیا ډیپلوماتانو د دې درېیم پړاو خبرو په اړه ویلي چې ډېرې ورو مخته تللې دي. ... Читать дальше...

د افغانستان عامې روغتیا وزارت خبرداری ورکوي چې په دغه هېواد کې د کرونا ویروس درېیمه څپه تشخیص شوې او له ختیځ څخه لوېدیځ ته د حرکت په حال کې ده. د دغه وزارت د ویاند مرستیال میرویس علیزی: "تر ټولو زیاتې پېښې په ننګرهار، لغمان،کونړ، کندهار، کابل، هرات، هلمند، نیمروز، میدان وردګ او لوګر کې ثبت شوې دي، موږ تر اوسه د کرونا درېیمه څپه کې نه‌یو، خو د درېیمې څپې له جدي ګواښ سره مخ یو، خو که د مثبت والي میزان ته وګورو دوه اوونۍ وړاندې د مثبت‌والي میزان د ٦ او ٧ ترمنځ و چې اوس د مثبتو پېښو شمېر ١٠ تر ١٢ ترمنځ... Читать дальше...

د کابل شمال په ۱۷مه حوزه کې د تېرې شپې د اورلګېدنې له کبله ۷ تنه مړه شوي او لږترلږه ۱۰۰ موټر سوځېدلي دي. اور تېره شپه نږدې ۹ بجې د تېلو په یوه ډک ټانکر کې ولګېد او ۱۴ تنه نور یې ټپيان کړي، خو دا لا معلومه نه‌ده چې د اورلګېدو لامل څه دی. د افغانستان د کورنیو چارو وزارت وايي چې د معلومولو لپاره‌یې څېړنې پیل کړې دي. د دې وزارت ویاند طارق ارین د یکشنبې په ورځ «۱۴۰۰ کال د غويي ۱۲» رسنیو ته په استولي پیغام کې ویلي: "د اورلګېدو د علت معلومېدو پر موضوع کار کوو. لومړني معلومات دا دي چې لومړی اور د تېلو... Читать дальше...

د افغانستان د کورنیو چارو وزارت د کابل په شمال کې د تېرې شپې په اورلګېدنه کې د ۷ کسانو د وژل کېدو خبر ورکوي. د دغه وزارت ویاند طارق ارین نن په یوه پیغام کې رسنیو ته وویل چې دا اورلګېدنه د تېلو په یوه ټانکر کې وشوه.   ښاغلی ارين زياتوي: "د تېرې شپې اورلګېدنې له کبله په سیمه کې د اوو کسانو مړي موندل شوي دي. زموږ ژغورونکي ډلې په سیمه کې کار کوي، ښایي دا شمېره بدله شي. د تېرې شپې په دې پېښه کې ۱۴ کسان ټپیان شوي دي." د راپورونو له مخې په دې اورلګېدنه کې چې تېره شپه د کابل د قلعه مراد بېک په سیمه... Читать дальше...

امریکا په هند کې د کرونا ویروس د خورا زیاتې خپرېدا له کبله د روانې اوونۍ د سې شنبې له ورځې له هند څخه ورتلونکو ته اجازه نه‌ورکوي.   د سپینې ماڼۍ ویانده جین ساکي وايي، د امریکا د ناروغیو د کنټرول او مخنیوي د ادارې په سپارښتنه پرېکړه وشوه چې له هنده متحده ایالاتو ته د ورتلونکو کسانو پر سفر بندیز ولګول شي.  د سپینې ماڼۍ د ویاندې په وینا، دا بندیز په دې خاطر لګول کېږي چې په هند کې د دې ویروس پرمختللې بڼه په چټکه خپرېږي.  هند پرون اعلان وکړ چې په تېرو ۲۴ ساعتونو کې یې شاوخوا څلور لکه مثبتې پېښې ثبت کړي چې دا یو نوی ریکارډ دی. Читать дальше...

کابل چاپ ورځپاڼو په خپلو نننيو ګنو کې په افغانستان کې د روانې جګړې او د دوام پر مهال‌یې د قربانیانو چې ملکیان دي، په اړه تبصرې او لیکنې کړې دي. ویسا ويسا ورځپاڼې په خپله نننۍ ګڼه کې «دا کرغېړنه جګړه افغان وژنه ده» تر نوم لاندې مقاله خپره کړې. د مقالې لیکونکی ليکي، د افغانستان د روانې بدمرغې جګړې غیر اسلامي او غیر انساني څېره ورځ تر بلې رابربنډېږي. د لوګر د پُل علم د جمعې ورځې چاودنه چې د ګڼ شمېر ملکي وګړو روژه‌ماتی یې په وینو ولړه او دا د دې ادعا ښه ثبوت دی.  ليکوال وړاندې ليکلي، که ادعا... Читать дальше...

د افغانستان لویه څارنوالي وايي، په درېيو میاشتو کې یې په پوځي برخه کې ۶۰۴ جنايي دوسیې څېړلي دي.  د لویې څارنوالۍ ویاند جمشېد رسولي تېر ماښام ازادي راډیو ته وویل، دا قضیې د تېر ۱۳۹۹ کال په وروستیو درېيو میاشتو کې څېړل شوې دي.  ښاغلی رسولي وايي: "دا ۶۰۴ قضیې په ټول افغانستان کې پېښې شوې، ثبت شوي او غور پرې شوی دی. په دې قضیو کې د قتل، غلا، اخلاقي جرمونو، مخدره موادو، ترافیکي جرمونو، اداري فساد او نورو مواردو په شان قضیې شاملې دي چې د افغانستان په قوانینو کې جرم ګڼل کېږي." ده په دې اړه چې د دغو... Читать дальше...

د کندهار پر هوايي ډګر د طالبانو له لوري له ډزو وروسته، په افغانستان کې د امریکايي او ناټو ځواکونو عمومي قوماندان یو وار بیا خبرداری ورکړ چې که د دوی پر ځواکونو برید وشي، نو کلک ځواب به ورکړل شي.  جنرال سکاټ مېلر په یوه وېډیويي پیغام کې چې د امریکايي ځواکونو ویاند ساني لګېت پرون (شنبه) پر ټویټر خپور کړ؛ ویلي، پر نړیوالو ځواکونو برید به تېروتنه وي: "موږ پوځي وسایل لرو چې د ائتلاف د قواوو پر ضد هر ډول حملې ته ځواب ووایو او همداراز داسې پوځي امکانات لرو چې د افغان امنیتي ځواکونو ملاتړ پرې وکړو." ... Читать дальше...

قرغزستان او تاجکستان موافقه وکړه چې خپل ځواکونه له لانجمنې سرحدي سیمې شا ته کړي. د دواړو خواوو ترمنځ په سرحدي نښته کې د ملکیانو په شمول ۴۰ تنه وژل شوي او لسګونه نور ژوبل شوي دي. د دغو دوو ګاونډیو هېوادونو د ملي امنیت چارواکو پرون (شنبه) له پولې د ځواکونو پر ایستلو سلا وکړه. د دواړو خواوو پلاوو وروسته له دې له یو بل سره د باتکین په سیمه کې ولیدل چې د تاجکستان ولسمشر امام علي رحمان او د قرغزستان ولسمشر سادیر جباروف ټیلیفوني خبرې وکړې. د ازادي راډیو خبریالانو پرون د قرغزستان په سرحدي سیمه... Читать дальше...

افغان چارواکو د لوګر د موټربمي برید په وړاندې خورا تند غبرګون وښود.  طالبانو یې مسؤلیت لا نه‌دی منلی، خو افغان چارواکي وايي چې دا برید دې ډلې کړی دی.  د حج او اقافو وزیر محمد قاسم حلیمي د لوګر حملې ته په اشارې پر طالبانو تند انتقادونه وکړل، ویې‌ویل: "دا د دین دښمنان د افطار په ساعت کې د طلبه کرامو په سکن باندې انتحار و انفجار کوي، دا کوم دین دی، دا کوم جهاد دی؟ د میوند پُل ورانول جهاد دی، په حافظانو باندې راکټ ورول جهاد دی؟" وړمه شپه د لوګر په پل علم کې په یو موټربمي برید کې لږترلږه ۲۶ تنه ووژل شول او ۱۱۰ نور ژوبل شول. Читать дальше...

د امریکا جمهور رییس جوبایډن وايي، په افغانستان کې یې د القاعده ګواښ کمزوری کړی دی. جمهور رییس بایډن د فبروري په ۲۸مه د امریکا کانګرس ته د جمهور رییس په توګه له ټاکل کېدو وروسته، په خپله لومړۍ وینا کې د القاعده ډلې پر وړاندې پیل کړې جګړه کې امریکا بریالۍ وبلله. نوموړي وویل: "موږ بن لادن ته سزا ورکړه، موږ په افغانستان کې د القاعده ګواښ کمزوری کړ، له شلو کلونو مېړانې او قربانۍ وروسته، اوس یې وخت دی چې دغه ځواکونه بېرته وطن ته ستانه کړو. " خو د امریکا د جمهور رییس له څرګندونو دوه ورځې وروسته،... Читать дальше...

ګڼو لویدیځو ورځپاڼو او انلاین رسنیو له افغانستانه د مې میاشتې په لومړۍ نېټه د ټولو امریکايي سرتیرو د وتلو د بهیر د رسمي پیل او ترې یوه ورځ مخکې په لوګر کې په مرګوني موټري بمي چاودنه تبصرې او لیکنې خپرې کړي دي. ګلوب اېنډ مېل ګلوب اېنډ مېل کاناډايي ورځپاڼې لیکلي، د لوګر د مرکز پل عالم د موټري بمي برید په قربانیانو کې زیات یې د لېسې زده کونکې دي. ګارډین د ګارډین ورځپاڼې هم د ټولو امریکايي سرتیرو له وتلو سره هم مهاله په لوګر کې د جمعې د ماښام خونړۍ چاودنه یاده کړې چې لسګونه ولسي خلک یې مړه او ټپیان کړل. Читать дальше...

په نيمروز ولایت کې د واټونو پر غاړه، په تېره بیا د زرنج ښار په تفریحي ځایونو کې خيرن او شوړېدلي څادرونه ليدل کېږي چې تر دې څادرونو لاندې هغه معتادین ناست دي چې له ایرانه په زور راشړل شوي دي، خو دا ټول معتادین د نيمروز ولايت نه دي، بلکې ځينې يې د افغانستان د نورو ولايتونو اوسېدونکي دي. په دوی کې یو د بلخ ولایت اوسېدونکی ابراهیم دی او بل د دایکنډي اوسېدونکی غلام دی. دوی يو کال مخکې له ايرانه هرات او نيمروز ولایتونو ته په زور راشړل شوي. دا چې دې ولايتونو کې نشه يي مواد اسانه او ارزانه پيدا کېږي،... Читать дальше...