نجيبه نور دلاوري په يو بېساري اقدام کې د جوزجان ولايت مرکز د شبرغان ښار په يوه حوزه کې د قوماندانې په توګه وټاکل شوه. د هغې پلار شپږ کاله وړاندې د وسلهوالو طالبانو غړی و، خو بیا یې دا ډله پرېښوده او اوس په کور دی.
د پاکستان پوځ وایي، ۴ سرتېري یې په جنوب لوېدیځ کې د افغانستان له خاورې د وسلهوالو په ډزو کې وژل شوي او ۶ نور ټپیان شوي دي. د پاکستان د پوځ د خبرپاڼې له مخې پر سرتېرو یې د بلوچستان ژوپ ښارګوټي ته نږدې نن هغه مهال ډزې وشوې چې په سیمه کې یې یوه جوړه شوې موانع کتله. پوځ ویلي، د متقابلو ډزو په نتیجه کې وسلهوال د پېښې له ځایه وتښتېدل. د دې پېښې مسؤلیت کومې ډلې نهدی اخیستی او د پاکستان پوځ هم په دې اړه نور جزئیات نهدي ورکړي. پاکستان چې له افغانستان سرهیې پر ډيورند کرښه د امنیتي موانعو جوړول... Читать дальше...
په بلجیم کې د هغه ایراني ډیپلومات چې د پاریس په یوه څنډه کې د ایران د مخالفانو پر یوه لاریونیې بم چاودنه پلان کړې وه، د ۲۰ کلونو بند سزا وروسته له هغې تأیید شوه چې هغه د استېناف له دعوا ډډه وکړه. د اسدالله اسدي په نوم د ویانا مېشتي دغه ایراني ډیپلومات مدافع وکیلانو نن وویل چې مؤکلیې پرون سې شنبه په ۲۰۱۸ کال د پاریس په لمنه کې په تبعید شوې، د ایران د مجاهدین خلق ډلې پر یوه لاریون د بمي حملې د پلانولو پر تور پر ترورېستي هڅې مجرم وپېژندل شو. درې نورو تورنو ته هم د بند سزاوې ورکړل شوې دي. د حملې... Читать дальше...
د افغان خبریالانو د خوندیتوب کمېټې د طالبانو هغه تور بېاساسه وباله چې د افغانستان یو شمېر رسنۍ یې په یو اړخیز ډول په راپور ورکولو تورنې کړې دي. دغې کمېټې نن په خپله ټویټرپاڼه کې لیکلي چې د افغانستان رسنیو په ډېرو ستونزمنو شرایطو کې په خپلو راپورونو کې انډول او د بېپریتوب اصل په پام کې نیولی دی. دغې کمېټې دغهراز ویلي چې د رسنیو او خبریالانو په وړاندې هېڅ ډول ګواښ د منلو نهدی. د طالبانو ویاند ذبیحالله مجاهد نن چهارشنبې په خپله ټویټرپاڼه لیکلي چې له څو ورځو راهیسې دوی د یو شمېر رسنیو د داسې... Читать дальше...
که څه هم د افغان حکومت او طالبانو ترمنځ د سولې له خبرو نهه میاشتې اوړي، خو په افغانستان کې د تاوتریخوالي زیاتېدو د جګړې د پای ته رسېدو لپاره د خلکو هیلې مړاوې کړې دي. د احمد شاه مسعود زوی احمد مسعود د دغه اندېښنو په دوام وایي، د افغانستان د سولې له پروسې او په پایله کې یې د ګډ حکومت له رامنځته کېدو هرکلی او ملاتړ کوي، خو که د سولې خبرې پایله ورنهکړي، پوځي لارې هم شته. دی وايي، که څوک په زور په خلکو ځانونه مني د خپلو ملاتړ کوونکو سره یوځای بهیې په وړاندې ودرېږي. ښاغلي مسعود د چهارشنبې په... Читать дальше...
د افغانستان د احصائیې او معلوماتو ملي ادارې د برېښنايي تدکرو د وېش څانګې سلګونه کارکوونکو دوی ته د څو میاشتو معاشونو د نهورکړې په غبرګون کاري اعتصاب کړی دی. دوی وایي له پنځو میاشتو راهیسې په کابل او یو شمېر ولایتونو کې د برېښنايي تذکرو د کارکوونکو معاشونه نهدي اجرا شوي او دې چارې له اقتصادي ستونزو سره مخ کړي دي. دوی د ملي فني مرستې د څانګې (اېنټياې) کارکوونکي دي چې د کار له پیلهیې پنځه میاشتې اوړي. دوی له همدې امله له تېرې ورځې (سې شنبې) راهیسې کاري اعتصاب کړی، یو شمېر دغو کارکوونکو له... Читать дальше...
له افغانستانه د بهرنیو عسکو د وتلو د بهير له پيل سره جوخت، په دغه هېواد کې د جګړو شدت! تازه د بغلان ولايت سيمهيیزو چارواکو تأيید کړې چې د بغلان برکه ولسوالۍ نن ( چهارشنبه) د طالبانو په لاس سقوط شوه. د برکې ولسوال تاج محمد شېرزاد ازادي راډیو سره په خبرو کې وویل چې دوی دا ولسوالۍ د تجهیزاتو د کموالي له امله خپله پرېښوده. ښاغلی شېرزاد زیاتوي: "هو موږ په دې کې مصلحت ولیده، نو د امنیت مدیر، د بورکې امنیه قوماندان، ولسوال او د پاڅون کوونکو قوماندانانو ټولو غونډه وکړه، مقاومت مو ونهشو کولای، پر... Читать дальше...
جرمني د انصار انټرنېشنل په نوم د اسلامي ټولنې پر فعالیت بندیز ولګاوه. جرمني دغه اقدام وروسته له هغې کوي چې د دې هېواد په لسو ښارونو کې چارواکو د دې ټولنې پر دفترونو د عملیاتو په نتیجه کې د دې ټولنې ځینې وسایل ضبط کړل. د جرمني د کورنیو چارو وزیر هورست زیهوفیر نن (د مې په ۵مه)چهارشنبې وویل، که غواړئ چې له ترورېزم سره مبارزه وکړئ نو باید مالي سرچینې یې وچې کړئ. دغه ټولنه چې په دوزلدورف کې مېشته ده وایي، هدف یې په نړۍ کې له مسلمانانو سره مرسته کول دي. د دې ټولنې د مشر په وینا یوازې په ۲۰۱۸ کال... Читать дальше...
له افغانستانه د بهرنیو ځواکونو له وتلو سره سم د ناامنیو پراخېدل د دې لامل شوي چې ځینې کورنۍ له دغه هېواده د کډه کېدو پرېکړه وکړي. ۳۰ کلن شفیق غواړي د ښه ژوند په نیت په غیرقانوني توګه د مرګ په ګواښونکو لارو، اروپا ته ولاړ شي. دی چې پلار، مور، مېرمن او یوه کوچنۍ لور لري ازادي راډیو ته یې وویل، په افغانستان کې د ښې راتلونکې لپاره هېڅ هیله نه لري. شفیق نه غواړي اولادونه یې د جنګ او بې وزلۍ قرباني شي، ځکه یې د ارام ژوند په خاطر د کډوال کېدو پرېکړه کړې: "موږ ډېر تشویشونه لرو، باید هېواد پریږدو او یوې خوا ته لاړ شو. Читать дальше...
د خوست سوداګرو، مدني فعالانو، روڼ اندو او حکومتي مامورینو د مرستې یو صندوق جوړ کړ چې د هغې لارې د دې ولایت ۳۰ زره زده کوونکو ته کتابونه چاپ او د هغوی په اختیار کې ورکړل شي. د څو کلونو راهیسې د نورو ستونزو په خوا کې په خوست کې زده کوونکو ته نوي کتابونه نه دي ورکړل شوي چې له دې کبله د زده کوونکو د زده کړو بهیر له ستونزو سره مخامخ دی. د چهارشنبې (د غويي ۱۵مه) په ورځ د پوهنې له بهیره د ملاتړ هغه غونډه چې د قومي مشرانو، مدني فعالانو، سوداګرو او روڼ اندو په ګډون جوړه شوې وه، ویناوالو وویل، پوهنه... Читать дальше...
کابل ښاریان د کوچني اختر په رانږدې کېدو په ښار کې د خوراکي موادو په ځانګړي توګه د وچو میوو له لوړو بیو شکایت لري. دوی وايي چې د وچو میوې په ځانګړي توګه د بادامو، پستو او چهار مغزو په هره کیلو کې ان تر دوو سوو افغانیو زیاتوالی راغلی. د کابل ښار اوسېدونکي ۳۲ کلن هارون ازادي راډیو ته وویل: "هټیوال د اختر له را رسېدو سره وچه مېوه ګرانه پلوري ان د یو کیلو بادامو بیه چې پخوا ۷۰۰ افغانۍ وه اوس یې په ۹۰۰ افغانۍ پلوري." خو د کابل په منډوي کې د وچو ميوې یو پلورنکی محمد امین بیا وايي: "ځینې وخت بازار... Читать дальше...
د قرغیزستان ولسمشر صدر جپاروف د اساسي قانون هغه تعدیل توشیح کړ چې تېره میاشت په ټولپوښتنه یا ریفرانډم کې تایید شوی و. د جپاروف مخالفین تور پورې کوي چې د دغه تعدیل له مخې به د هغه صلاحیتونه خورا زیات شي. د قرغیزستان وګړو د اپریل په ۱۱مه ټول پوښتنه کې د اساسي قانون د تعدیل په پلوي رایې ورکړې، خو تر اوسه دا نه ده په ډاګه شوې چې په متن کې یې څه لیکل شوي دي. د نوي تعدیل شوي قانون له مخې د قرغیزستان د پارلمان څوکۍ په سلو کې ۲۵ یعنې نوي څوکیو ته راکمېږي او ولسمشر ته صلاحیت ورکوي چې قاضیان او د قانون د تنفیذ ادارو مشران وټاکي. Читать дальше...
په کابل کې د امریکا د سفارت سرپرست او شارژدافیر راس وېلسن د کابل په کلکانو کې پر روغتیایي کار کوونکو نننۍ برید غندلی او پر ملکیانو یې د حملو د سمدستي درولو غوښتنه کړې ده. د کابل د امنیه قوماندانۍ ویاند فردوس فرامرز تایید کړه چې دغه چاودنه کې چې پر یوه کاسټر ډوله موټر شوې، یو تن وژل شوی او درې تنه ټپیان دي. ویل شوي چې په دې موټر کې د پنجشیر روغتیایي کار کوونکي سپاره وو. طالبانو رسنیو ته په یوه استولي خبرپاڼه کې په دې پېښه کې خپل لاس لرل رد کړي دي او ویلي یې دې چې روغتیایي کار کوونکي یې د وسله والو له بریدونو مصؤن دي. Читать дальше...
د افغانستان د صنعت او سوداګرۍ وزارت وايي چې د ننګرهار د اوسپنې په سکتور کې د پانګونې کچه لس میلیونو ډالرو ته لوړه شوې ده. د دغه وزارت ویاند فواد احمدي نن چهارشنبه (د غویي په ۱۴مه) ازادي راډيو ته وویل، په یاد ولایت کې د اوسپنې د ویلي کولو ۱۳ فابريکې فعاله دي چې د ګول سیخ او اوسپنیزو توکو بېلابېل تولیدات لري. د ښاغلي احمدي په خبره د اوسپنې ویلي کولو یاده فابریکه هره ورځ له لسو څخه تر دېرش ټنو اوسپنې د ویلي کولو او د ګول سیخ تولیدونکي فابریکې په ورځ کې له ۲۵ تر اویا ټنو ګول سیخ د تولید وړتیا لري. Читать дальше...
د بریتانیا، کاناډا، جرمني، ايټالیا، جاپان او امریکا لوړپوړي ډیپلوماټان به د کرونا وبا او نورو نړیوالو ننګونو په اړه په 'جي اووه' غونډه کې خبرې کوي. نن چهارشنبه (د غويي ۱۵مه) په لندن کې د دغې درې ورځنۍ غونډې وروستۍ ورځ ده. بډایه هېوادونو د روغتیا پر نړیوالې ادارې ټينګار کړی چې د کرونا ویروس ضد وسایلو د برابر وېش ادارې یا کوواکس له لارې دې لږ پرمختللو هېوادونو ته دې د کرونا واکسین وویشي. امریکا د روغتیا نړیوال سازمان له کوواکس سره تر بل هر هېواد ډېره، د څلور میلیارده ډالرو مرسته کړې ده.... Читать дальше...
د جوزجان چارواکي په دې ولایت کې د ولسي پاڅونوالو د یوه قوماندان او د هغه د درې ملګرو د وژلو خبر ورکوي. د جوزجان د امنیه قوماندانۍ ویاند مسعود نعیم ازادي راډیو ته یوازې دومره وویل چې دا پېښه تېره شپه شوې او نور جزئیات یې ورنه کړل، خو د ولسي پاڅونوالو یوه غړي محمد اکرام ازادي راډیو ته وویل چې طالبانو د فیض آباد ولسوالۍ په کوکلداش کلي کې پر امنیتي پوستي بریدونه کړي وو چې په نتیجه کې یې د قوماندان عبدالرحمن په ګډون څلور تنه ووژل شول. د راپورونو له مخې د دې کلي ولسي پاڅونوال چې د ملي امنیت د ادارې... Читать дальше...
تمه ده چې د اروپا د فوټبال جام دوهم فینالیست به نن معلوم شي. د ریال مادرېد او چلسي د فوټبال لوبډلې د افغانستان پر وخت د شپې ۱۱ نیمې بجې په لندن کې لوبه پیلوي. تېره اوونۍ دواړو لوبډلو لوبه یو-یو مساوي کړې وه. مانچسټر سیټي تېره شپه د پاریس سنټ جرمن ټیم ته دوه د صفر په مقابل کې ماته ورکړه او د اروپا د فوټبال جام فاینل ته ووت.
په بدخشان کې وروستیو سیلابونو خلکو ته ډېر زیانونه اړولي دي. د بدخشان د والي ویاند نېک محمد نظري رسنیو ته ویلي چې دغو سیلابونو چې په لسو ولسوالیو کې راوتلي، په سلګونو کورونه او په زرګونو جریبه کرنیزه ځمکه یې ویجاړه کړې ده. د ښاغلي نظري په وینا دغو سیلابونو چې له دوو ورځو راهیسې بهیږي، تر ټولو ډېره ویجاړي په جرم ولسوالۍ کې پېښه کړې ده. د چارواکو په وینا دغو سیلابونو دغه راز له تېرې ورځې راهیسې د بدخشان ـ کابل لویه لاره هم بنده کړې او د خلاصون لپاره یې هڅې روانې دي. پر بدخشان سربېره د افغانستان... Читать дальше...
د پکتیکا د سر روضې ولسوالۍ امنیه قوماندان جمعه شا په ماین چاودنه کې ووژل شو. د پکتیکا د امنیې قوماندانۍ ویاند شا محمد ارین نن چهارشنبه (د غويي ۱۵مه) رسنیو ته وویل چې د سر روضې ولسوالۍ امنیه قوماندان د دې ولسوالۍ دیوانه بابا سیمې ته په لاره وه چې پرې ماین وچاودېد او ووژل شو. ارین زیاته کړه: "د پکتیکا ولایت د سر روضې ولسوالۍ دیوانه بابا پر امنیتي پوستو تېره شپه ناوخته وسله والو طالبانو بریدونه وکړل، جنګ شدت موندلی او د ولسوالۍ امنیې قوماندان څارمن جمع شا یې د ملاتړ لپاره سیمې ته روان شوی چې پرې... Читать дальше...
د بغلان چارواکو تایید کړه چې د دې ولایت برکه ولسوالۍ طالبانو نیولې. د برکه ولسوال تاج محمد شېرزاد ازادي راډیو ته وویل، ولسوالۍ یې له اوو میاشتو راهیسې د طالبانو په محاصره کې وه او کله چې د طالبانو بریدونه پرې لازیات شول، د مهماتو او امنیتي پرسونل د کمښت له کبله تیره شپه مجبور شول چې ترې راووځي. ښاغلي شېرزاد زیاته کړه: "د نظامي شورا ټول غړي سرې کښیناستو، مشوره مو وکړه او پرېکړه مو وکړه ولسوالۍ پریږدو." شېرزاد وویل چې ځواکونو ته یې تلفات نه دي رسیدلي او اوس هغوی د برکه ولسوالۍ په څنډو کې ځای پرځای شوي دي. Читать дальше...
د امریکا د بهرنیو چارو وزیر انتوني بلېنکن له اوکراینه د ملاتړ څرګندونو په خاطر دغه هېواد ته پر لاره دی. دا سفر تر هغه وروسته کیږي چې روسیې تېره میاشت د اوکراین له سرحدي سیمو او کریمیا څخه خپل ځواکونه په شا کړل. د امریکا د بهرنیو چارو وزارت ویاند نېډ پرایس ویلي، اوکراین ته د بلېنکن سفر ښيي چې متحده ایالاتونه "د روسیې د روان یرغل" پر وړاندې د اوکراین د خپلواکۍ او ځمکنۍ بشپړتیا کلک ملاتړي دي. له دې وړاندې د اوکراین پولو ته نژدې د روسي پوځیانو خوځښتونو اندیښنې پارولې وې، خو مسکو د اپریل په ۲۳مه... Читать дальше...
د امریکا استخباراتي ادارو خبرداری ورکړی چې له افغانستانه د دوی د ځواکونو له وتلو وروسته به د ښځو شته لاسته راوړنې له ګواښ سره مخامخ شي. د امریکا د استخباراتو ملي شورا په خپل یوه راپور کې چې پرون سې شنبه (د غويي ۱۴مه) خپور شو ویلي، طالبان لا هم د ښځو د حقونو د محدودولو په برخه کې په خپل ثابت دریځ پاتې دي. دا شورا چې د امریکا د استخباراتي ټولنو د لوړې کچې یوه تحلیلي اداره ده وایي، که طالبان افغانستان کې ملي واک ترلاسه کړي، د ښځو هغه لاسته راوړنې به له پامه وغورځوي چې تېرو دوو لسیزو کې یې درلودې. Читать дальше...
کابل چاپ نننیو ورځپاڼو په بېلابېلو موضوعاتو د سولې پر پڅ بهیر، د جګړې پر شدت او مشروعیت او همدا شان د اسامه بن لادن د وژل کېدو د لسم تلین په اړه لیکنې او تبصرې خپرې کړي دي. هشت صبح هشت صبح لیکلي، د بهرنیو ځواکونو د وتلو له پیل سره د دولتي ځواکونو او طالبانو ترمنځ خونړیو جګړو زور اخیستی چې دواړو لورو ته ځاني تلفات اړوي او فکر کېږي چې دواړو لورو سولې ته شا کړې او تصمیم لري چې قضیه د جګړې له لارې یوې خوا ته کړي. په سرمقاله کې راغلي، په هلمند، غزني، فراه او ځینو نورو ولایتونو کې جګړو وښودله چې... Читать дальше...
د افغانستان د هوا پېژندنې ملي ادارې په را روانو ۲۴ ساعتونو کې د هېواد په ۲۴ ولایتونو کې د درنو اورښتونو او سېلابونو د راوتلو اټکل کړی دی. دغې ادارې پرون سې شنبې (د غويي ۱۴مه) په یوه خبرداري کې ویلي چې له نورستانه تر هرات او له غزني تر بلخ ولایت پورې په ۲۴ ولایتونو کې له ۱۰ څخه تر ۳۰ ملي مترو پورې د اورښت اټکل شوی دی. پرون هم د افغانستان په لویدیځو ولایتونو له دې ډلې هرات او غور کې سېلابونو لږ تر لږه ۳۴ کسان مړه کړل.
د افغانستان د ملي دفاع وزارت وايي، د دولت د وسله والو مخالفانو د هر ډول حملو شنډولو ته چمتووالی لري. دغه وزارت دا څرګندونې وروسته تر دې کوي چې په تېرو څو ورځو کې له ارزګان، زابل، فاریاب، کاپیسا، خوست، بغلان، غزني، فراه او نورو ولایتونو هم د ناامنیو راپورونه ورکړل شوي دي. د ملي دفاع وزارت مرستیال ویاند فواد امان ازادي راډیو ته وویل: "له خپلو خلکو او هېواد څخه د دفاع په لاره کې زموږ د ملي دفاعي او امنيتي ځواکونو پياوړتيا د هرې ورځې په تېرېدو سره زياتېږي. دې ځواکونو د هېوادوالو د سر او مال ساتنه... Читать дальше...
