په خوست کې د بې سرحده ډاکترانو ټولنې په روغتون کې روغتیايي کارکوونکي د ولادت په وخت د میندو د مړینې د کچې د کمولو هڅې کوي. ملګرو ملتونو ویلي، افغانستان یو له هغو هېوادونو دی چې د زېږون پر مهال د مور او ماشوم د مړینې پېښې په کې زیاتې دي.
د پلازمېنې پراګ د چارلز پوهنتون د فلسفې په پوهنځي کې له مرګونې پېښې یوه ورځ وروسته چې په کې ۱۳ کسان وژل شوي او ۲۵ ټپیان دي، د دې سیمې اوسېدونکو د پوهنتون په اصلي انګړ کې د پېښې قربانیانو ته د خواخوږۍ ترڅنګ د درناوي مراسم ترسره کړل.
زهرا رحیمي ۵ کاله مخکې د امریکا متحدو ایالتونو ته کډواله شوه. کله چې د خپل هېواد په باب خبرې کوي، اوښکې تویوي خو وايي چې په امریکا کې ژوند د دې سبب شوی، چې هغه وکړای شي زیاتې بریاوې ترلاسه کړي.
