Новости за 02.05.2020

ТIаьххьарчу дийнахь а, буса а Къилбаседа Кавказехь коронавирусах велла 4 пациент, цомгуш хилла 426 вахахрхо. Оперативан штабан информацица, Адыгейхь велла 2, ГIалгIайчохь а, Нохчийчохь а цхьацца кхелхина. Эпидеми яьржичхьана Къилбаседа Кавказехь коронавирусан инфекцех велла верриг а 90 стаг. Баларш дукха хиларца билгалъяьлла ГIалгIайчоь. Цигахь вирус иккхичхьана велла 23 пациент. Къасттина дукха нах бу COVID-19 вирус яьлла Дагестанехь - 109: Дагестанехь - 109 (эпидеми яьржичхаьна 1662) Къилба... Читать дальше...

Коронавирусан ун даьлла 2 процент бахархой бу Москвахь. Шоьтадийнахь шахьаран мэро Собянин Сергейс далийна и зераш. Цо бахарехь, кеп-кепарчу тобанаша бинчу скрининган талламаша гайтина цу тайпа жамIаш. "Пандеми яьржинчу дуьненчуьрчу гIаланашца дуьстича, хIара терахь лахара ду. Вайн аьтто хилла инфекци ца яржийта, Москван бахархоша карантинан низамаш лардарна", - яздина Собянина шен блогехь. Ишта цо билгалдаьккхина, Москвахь Охан-беттан 30-чохь дуьйна вирус толлуш тесташ яр шозза совдаьлла хилар а. Читать дальше...

Охан-беттан 1-чу дийнахь леринчу рейсаца Нью-Йоркан Кеннеди цIарахчу аэропорте кхачийначу медицинан аппаратех а, дегI Iалашдаран барзакъех а, дезинфекцин гIирсех а 660 эзар гергга долларшкахь чот кховдийна Iамеркан Цхьанатоьхначу Штататшна Оьрсийчоьно. ABC телекомпанино дийцина цунах, Федералан къаьсттина ситуацешкахула йолчу урхаллан(FEMA) хаамна тIе а тевжаш. FEMA-с гайтинчу тептарца, Нью-Йорке кхачийна хилла ИВЛ (пехашка садоIуьйту гIирс) 45 аппарат а, газах ларден 4 эзар М-95 туьтмIаьжиг а (противогаз)... Читать дальше...

Коронавирусан пандемия бахьана долуш карантинан раж дIаяхъярна, юкъара транспорт болх беш хир яц Нохчийчохь. Регионерчу транспортан а, зIенийн а министралло бина и хаам, яздо "Новая газетано". "Карарчу беттан дезачу деношкахь, 11-чу дийне кхаччалц, юкъара транспорт махкахь лелар яц. Массаьрга а дехар ду изоляцин раж лайъяр а, чохь сацар а", - аьлла ду хаамехь. Оьрсийчохь шен дозанаш дIакъевлинчех хьалхара регион ю Нохчийчоь. Охан-беттан 5-чу дийнахь дуьйна кхачан сурсаташ а, медицинан гIирс а кхоьхьучарна а... Читать дальше...

Нохчийчохь тIаьххьарчу дийнахь а, буса а коронавирусах дарба хилла 45 пациентана аьлла, хааамбина могушаллин министро Сулейманов Эльхана, яздо "Чечня Сегодня" агенталло. ПIераскан суьйранна динчу дIахьедарца, Нохчийчохь COVID-19 вирусах хьалхаваьлла 276 вахархо. Верриг а ун даьлла ву 504 стаг. Цул совнах, лоьраша зуьйш ву, эпидемиологин хьал телхинчу мехкашкара цIа веана 2452 нохчийн вахархо. Эпидеми яьржичхьана 7 стаг велла Нохчийчохь вирусах. Коронввирусан инфекци яржарца доьзна Нохчийчохь лелачуьра сацийна юкъара транспорт.