Новости за 08.05.2020

Европан адамийн бакъонашкахула йолчу кхело дуьххьара кхайкхам хьажийна Оьрсийчоьне дилх телха цамгар йолчу берана оьшучу молханца гIодар доьхуш. Кисловодскерчу кхело ах шо долчу меттигерчу Кешишянц Адина гIодан Iедалхой декхаре биннашехь, цунна оьшу деза молха "Спинраза" эца реза ца хилла Ставропол-мехкан Iедал. Европан кхело, хан яйар беранна кхераме дуйла а кхетош, листа ца даьккхина йоьIан ден-ненан арз, амма декхарейина Оьрсийчоь беранна сихонца молха хилийта. Дилхан атрофи йолуш, халчу хьолехь ю Кешишянц Ада. Читать дальше...

Къилбаседа Кавказехь дийнахь-буса уьнах велла 3 стаг, лаьцна вирус кхин а 519 стага. Блогерна Абдурахманов Тумсона тIелеттарг дарешдан волавелла ша лаьцначу Швецерчу полицина. Артиста Алсус Дагестанерчу дарбан хIусамашка сагIийна ахча хьажийна.

Къилбаседа Кавказера ши республика, ГIалгIайчоь а, ГIебарта-Балкхаройчоь а ю Оьрсийчохь бахархошна кхочу рицкъ уггаре лахара долчу мехкийн могIарахь шолгIачу а, кхоалгIачу а меттехь. Массанхьачул а кIезиг кара рицкъ кхочу бахархой болчу регионийн рейтинг иштта ю: Тыва - 34,7% бахархой буьсу тоъал рицкъ доцуш ГIалгIайчохь - 30,5% ГIебарта-Балкхаройчохь - 24,2% Алтайхь - 24,2% Жуьгтийн автономин махкахь - 23,9%. Оьрсийчуьрчу стистикан Росстат урхаллина тIе а тевжаш, News.ru портало бечу хаамца... Читать дальше...

Бераш дуьненчу девллачул тIаьхьа, уьш дехойн лоруш ду Нохчийчохь а, ГIалгIайчохь а. Цундела, дукха хьолахь, да а, нана а къаьстинчул тIаьхьа доьзал марзхошкахь буьсуш бу, иштта нанна бераш ган бакъо ца яла а тарло. Цу кепарчу ситуацехь тIаьххьара инстанци хилла дIахIуттуш ю Францерчу Страсбургера Европера адамийн бакъонашкахула кхел (ЕСПЧ), бохуш, яздина "Настоящее Время" телеканало. "Дегайовхонца еха" ХIара шиъ къаьстинчул тIаьхьа, хиллачу цIийндас йоI ца гойтучу ГIалгIайчуьрчу Губашева Асетехьа... Читать дальше...

Стигалкъекъа-беттан 7-чу дийнахь, еарахь, схьаделла магийна ерриг а Бангладешехь ун даржарца доьзна цхьана баттахь эха баттахь къевлина латтийна маьждигаш. Дакка шахьарахь коьрта ларалуш долчу Байтул Мукъаррам маьждигна чубоьлхучара леррина дила деза куьйгаш, ларъян еза дистанци.

Дагестанерчу информацин агенталло бечу хаамца, махкарчу дарбан хIусамашна ахча хьажийна евзаш йолчу Оьрсийчуьрчу эшарлакхархочо Алсус. Деллачу ахчан барам бовзуьйтуш бац. Дагестанерчу дарбан хIусамашна уьнах адамаш ларден духар а, молханаш а оьцур ду Алсус динчу сагIанах. Коронавирусана дуьхьалоечу Оперативан штабо бахарехь, 2 372 стаг ву Дагестанехь коронавирус кхетта. Товелла 391 вахархо. Велла уьнах 16. Карантинехь латтош ву Дагестанехь 3 667 стаг.

ТIаьххьарчу дийнахь-буса Къилбаседа Кавказехь COVID-19 цамгаро дахар хадийна кхаа стеган, ун кхетта кхин а 519-нна. Коронавирусана духьалоечу Оперативан штабо бечу хаамца, цхьацца стаг дIаваьлла Дагестанехь, Кхарачой-Чергазийчохь, Къилбаседа ХIирийчохь. Краснодар-махкара бу дийнахь-буса шайца уггаре дукха ун хааделларш – 99 стаг. И терахь лахдаларе терра довзуьйту оха хьал: Краснодар-мокх +99 керла (юхьанца дуьйна - 1732 стаг) Дагестан +96 (2468) Къилбаседа ХIирийчоь +94 (1436) ГIебарта-Балкхаройчоь... Читать дальше...

Нохчийн блогерна Абдурахманов Тумсона тIелатарна Швецин полицино лаьцна кхобу стаг тоьшаллаш дан волавелла талламхошна. Цо чIагIдарехь, иза бехке вац – мелхо а, жIов а карахь, Абдурахманов летта цунна тIе. Оппозиционера-блогера шен YouTube-эфирехь хаийтина талламца долу хьал. Цо бахарехь, Швецин полицино довзийтина хеттамийн протоколан дакъа. Лаьцначо дийцина, шена Абдурахманов а, цунна ша а вевзаш вара дукха хенахь дуьйна, ша Абдурахмановс кхайкхина вахара иза волчу хьошалгIа, ткъа цо шена етта йолийра, аьлла. Читать дальше...

Арахьарчу туристашна махка бахка некъ боьллур бу Гуьржийчоьно Товбецан-беттан 1-чу дийнахь. И хаам бина Iедалан куьйгалхочо Гахария Георгийс. Оцу дийнахь пачхьалкх дагахь ю машенийн а, кеманийн а некъаш маьршадаха, аьлла премьер-министра. "Оха некъаш доьллур ду, луларчу мехкашца долчу дозанашкахь кхерамзаллин хьал а чIагIдеш, туризман маьIнехь пайдейолчу пачхьалкхашца бертан къамелаш а деш", - аьлла Гахарияс. Министрийн кабинетан куьйгалхочо бахарехь, Тбилисехь а, Руставехь а Стигалкъекъа-беттан... Читать дальше...

Дуьненан шолгIачу тIеман ветеранаш чохь бехачу БуьритIерчу тIекIелдинчу кхаа цIенна хьалха Оьрсийчоьнан лерринчу ницкъийн Росгвардин дакъоша кегий парадаш хIиттийра пIераскан Iуьйрана. Селезнёв Иван а, Пруссакова Владимир а, Чернов Иван а вехачу цIеношна гергахь оркестро лекхира тIеман заманарчу эшарийн мукъамаш, цул тIаьхьа Росгвардин дакъош, карахь Орсийчоьнан а, Толаман а байракхаш а йолуш, чекхбевлира ветеранийн корашна хьалхахула. Дуьненан шолгIачу тIеман 112 ветеран дийна ву тахана Къилбаседа ХIирийчохь. Читать дальше...

ХIинжа-ГIаларчу таравматологин а, ортопедин а республикан центран декъан куьйгалхо хилла ву Халитов Салим. "Карара Хан" телеканалана дийцира цо ша а, Дагестанера кхиболу дуккха нах а хIунда ца теша коронавирус хьакхаеллачу а, и ун кхетта беллачу а бахархойх лаьцна Iедалша официалан кепара далочу терахьех.