COVID-19 вирусах кхин а цхьа дархо велла Нохчийчохь, ун даьлла 26-нна. Карантинан раж ца ларъен регионаш билгалъяьхна чоьхьарчу гIуллакхийн министралло, Дагестан а ю царлахь. Тоьках ахча схьагулдеш болх жигарбаккхар тIедожийна нохчийн Iедалхоша. Европерчу цхьайолчу пачхьалкхашкахь карантин лагIйина. Масала, Чехехь, Францехь, Швецехь.
Шеман къилба-малхбалерчу гуманитаран объекташна кеманашца тохарш дарна бакъонашларъяран Amnesty International организацино бехк биллина Шеман Iедалхошна а, царна тIехIоьттинчу Оьрсийчоьнна а. ТIеман зуламаш ду ала тарло уьш аьлла, дIахьедина бакъонашларъярхоша. Де хьалха зорбане даьккхинчу шен рапортехь Amnesty International организацино дуьйцу, документашца тоьшаллаш а далош, артиллерица а, хIаваэхула а Идлиб провинцина 18-зза тохарш дарх стохка Стигалкъекъа-баттера кху шеран Чиллан-батте кхаччалц. Читать дальше...
Бераллера схьа дуьйна Францерчу Ниццехь вехаш ву Беркханов Тамерлан. Дика дешна, цхьа говзалла кара а ерзийна, адамашна шегара пайда хилийта лууш вара иза жимчохь дуьйна. Шена тховкIело еллачу пачхьалкхана ша дикачу агIор гайтар уггар а коьрта дара цунна. Монакохь а, Сан-Тропехь а, Куршавелехь а, Ниццехь а, кхечу гIаланашкахь а виллаш ечу гIишлошъяран компанехь таханалерчу дийнахь болх бечу Тамерланца цхьаьнакхийтира Маршо Радион корреспондент. Ша хаьржина говзалла къастийначу студенташна цо дийцира, оцу белхан кIоргаллех. Читать дальше...
Дуьненчуьрчу цхьа могIа пачхьалкхаша, шайлахь Европан мехкаш а долуш, коронавирусаца доьзна кхайкхийна карантинан раж оршотан дийнахь дуьйна малйина. Германехь схьайиллина яккхий туьканаш, адамашна бакъо елла вовшашна тIеттIа даха а, цхьайолчу регионашкахь болх бан юьйлаелла ресторанаш а. Швейцарехь схьайиллина юккъера школаш а, туьканаш а, кафеш а, музейш а, кхинйолу хьукматаш а. ДIасаваха карахь бакъо а йоцуш ураме бовла йиш ю Францин бахархойн а. Болх бан йолалуш ю туьканаш. Ресторанаш а, бараш а цкъачунна йоьллуш яц. Читать дальше...
Тоьках тIехьарчийна декхар схьагулдеш, болх болабе аьлла, дIахьедийна Нохчийчохь. WhatsAppан месенджерехула дIасабаржийна цу хьокъехь аудио хаам, яздо "Кавказ.Реалии" портало. Пачхьалкхан Думан депутатан Делимханов Адамчух тера долчу озехь хаам бечо боху, "стратегин объект" лоруш ю энергин сфера. Цу юкъахь болх бечаьрга массаьрга а кхайкхамбо аудио тIехь, нехан хIусамашкахула чекхбуьйлуш, тоьках а, кхинболчу энергин гIирсех а ахчанаш схьагулде аьлла. Делимхановс бахарехь, декхарш схьалахьор тIедожийна мехкан куьйгалхочо Кадыров Рамзана. Читать дальше...
ТIаьххьарчу 24 сахьтехь Къилбаседа Кавказехь, коронавирусана дуьхьалоечу Оперативан штабан хаамца, ши стаг велла, ткъа ун кхетта кхин а 506 вахархочунна. Кхелхина шиъ Дагестанера ву. Верриг а Къилбаседа Кавказехь 122 пациент велла COVID-19 вирус хилла. Уггаре дукха бу дийнахь-буса COVID-19 шайца хилар тесташа билгалдаьккхина нах Дагестанехь. Дийнахь-буса а, ун даьржичхьана схьа а цомгуш хиллачу къилбаседа-кавказхойн терахьаш иштта ду: Дагестан + керла 119 (юьхьанца дуьйна 2772) Краснодар-мохк ... Читать дальше...
ТIаьххьарчу дийнахь а, буса а Оьрсийчоьнан 84 регионехь коронавирусан ун даьлла 11 656 вахархочунна аьлла, хаам бо вирусна дуьхьал къийсам латто вовшахтоьхначу оперативан штабо, яздо "Коммерсанто". Цхьана дийнахь цомгуш хиллачийн рекорде терахь ду иза. Де хьалха 11 012 пациент вара COVID-19 вирус йолуш. Верриг а ун кхетта ву 221 344 стаг. Инфекци яьржина нах дукха хиларца Италел а, Великобританел а хьалхаяьлла Оьрсийчоь дуьненчуьрчу пачхьалкхашлахь 3-чу меттигехь нисъелла. Яхначу буса а, дийнахь а коронавирусах велла 94 пациент. Читать дальше...
Оьрсийчоьнан чоьхьарчу гIуллакхийн министралло цIерш яьхна карантинан раж ца ларъечу регионийн-лидерийн. Изоляцин низамаш къаьсттина дохадо Краснодаран а, Ставрополан а, Приморскан а кIошташкахь а, Дагестанехь а, хаам бина "Новости" агенталле урхаллан юкъара къепе ларъечу декъан хьаькамо Валяев Юрийс. "Карантинан раж йохочу бахархойх хIиттийначу протоколашка хьаьжча, Краснодаран а, Ставрополан а, Приморскан а кIошташ а, Дагестан а хьалха ю", - аьлла Валяевс. Карладоккху, коронавирусаца къийсам... Читать дальше...
Я нахана тIехь зераш дар, я адам доьхна хьийзаран хӀорда юккъехь кхетам чохь хиларан гIайре – шолгIа бутт а бу дуьненера зорбан гIирсаш тIаьхьа ца кхуьу, шведаша COVID-19 уьнца къийсам латторан кепан муха мах хадо беза бохучунна.
Ставрополан кIоштарчу Приэтокски олучу юьртахь 11 стагана чевнаш йина, граната а эккхийтина, яздо "Интерфакс" агенталло. Регионерчу чоьхьарчу гIуллакхийн министралло дийцина, инцидент нисъяларан бахьана бахархойн вовшашлахь даьлла дов хила тарло аьлла. "Вина де даздеш гулбелла хилла Георгиевск гIалин гонашкарчу цхьана хIусамехь. Чохь-кертахь иккхинчу конфликтана тIехула мила ву ца хуучу стага граната кхоьссина хилла кхеран керта. Лазийна 11 стаг", - яздо меттигерчу чоьхьарчу гIуллакхийн министралло бинчу хаамехь. Читать дальше...
Коронавирусан инфекцех Нохчийчохь уьссолгIа пациент велла аьлла, хаам бина могушаллин министро Сулейманов Эльхана. "Новости" агенталло Iораяьккхина цунах информаци. "Лоьраш каде хьийзашшехь, эпидеми яьржичхьана 9 стаг велла вайн", - аьлла Сулеймановс "Грозный" телеканалан эфирехь. Министро бахарехь, тIаьххьарчу информацица, верриг а махкахь ун даьлла ву 759 вахархо, царах 369 дарбан хIусамашкара аравалийтина, гIоле а хилла. Иштта, тIаьххьарчу дийнахь а, буса а кхин а 26 стагаца къаьстина COVID-19. Читать дальше...
