Новости за 04.05.2020

Мехкан 1-чу клиникерчу хирургин №3 декъан кхаа белхахочо "дIаэцна" дарбадан валийначу пациентера коронавирус, боху kuban24.tv-н портало. Гарехь, байначу беттан 23-чу дийнахь шайн хIусаме валийначу пациентера кхетта царна ун. COVID-19 ю ала хаалуш вацара иза, амма цуьнца иза хилар тIаьхьа гучудаьлла, боху лоьраша. Цомгуш хиллачу медикашлахь ву операцеш еш хилла хирург а, реанимацера ши лор а. Ун хьакхадалар бахьана долуш, цIахь шаьшбевлла Iан дIабахийтина хирургин №3 декъера белхахой, ткъа пациенташ инфекцин хIусаме дехьабаьхна. Читать дальше...

Юьхь а, бIаьргаш а уьнах ларден пластикан масканаш ян йолийна ХIинжа-ГIаларчу берийн "Кванториум" технопаркехь, хаамбо Дагестанан дешаран а, Iилманийн а министралло. ГIирс кечбо 3D-принтерца, цкъачунна арахецна 100 маска. Деношкахь дIакхачор ю уьш ХIинжа-ГIаларчу шина дарбан хIусамерчу лоьрашка. COVID-дархошца болх беш лоьрашна вирусах Iалашбала аьтто бийр бу цара. "Билггал мел арахьоьцур ю масканаш, ала хала ду, 10-зза сов боккхур бу оха болх", - элира "Кавказ. Реалиига" технопаркан дакъа ларалучу... Читать дальше...

СOVID-19 Кавказехь, Нохчийчоьнан сагIа, Хасу-Юрт къевлина

Соьлж-ГIаларчу футболхойн «Ахмат» клубан тренера Шалимов Игора, ахча дац шайгахь, шайна гIо дахьара бохуш, Iедале леткъа нах, деш-дуьтуш а доцуш, даим чIеIаш болу «эрна юурш» бу, элира ша социалан машане йиллинчу видео чохь. "Стенна деш ду шуна гIо? ХIун хийцадаларе сатуьйсуш? " – хоьттура цо. Дахарна мел леткъарш тховкIело йоцчу нахал (бомж) дика беха. Балхахь мел волчунна ло ахча, бохура цо. "Нагахь санна хьо "маьхза юуург" велахь, хьуна хIумма а ца деш, ахча эца лаахь – и хьан къастам бу", - бехкаш дохура Шалимовс. Читать дальше...

Дийнахь-буса Къилбаседа Кавказехь коронавирусах велла виъ стаг. Карийна ун кхин а 598 стагехь. Коронавирусана духьалоечу Оперативан штабо бечу хаамца, кхелхинчех шиъ Ставропол-махкара ву, цхьацца ву ГIалгIайчуьра а, Краснодар-махкара а. 101 стаг кхелхина Къилбаседа Кавказехь ун даьжичхьана схьа. Дийнахь-буса уггаре дукха нахаца карийна COVID-19 Дагестанехь – 160. Штабо коронавирус яржарца тIаьххьарчу дийнахь довзуьйту хьал ишта ду: Дагестан +160 (1958 верриг) ГIебарта-Балкхаройчоь +105... Читать дальше...

Коронавирусца къийсам латтош пайдаоьцучу шен StopCov.ge порталехь хIирийн верси юкъаяьккхина Гуьржийчоьнан Iедало. Хьалхо яьккхира портал абхазин верси тIе а. Портал юьхьанца дуьйна яра гуьржийн, ингалсан, эрмалойн, азербайджанхойн меттанашкахь. Хьажархойн аьтто бу коронавирусан ститистика йовза а, лоьрийн а, кхечу говзанчийн а хьехамаш схьаэца а, шайн хеттаршна жоьпаш каро а. Гуьржийчоьно доладо шен халкъан, оцу декъахь бу Абхазин а, Къилба ХIирийчоьнан а бахархой. Иштта дIахьедар даржийна... Читать дальше...

ГIебарта-Балкхаройчуьрчу дарбанийн хIусамашка коронавирусна дуьхьал къийсам латтон медицинан гIирс кхачийна Нохчийчоьно. "ХIуо кечден 20 аппарат а, цаьрца лелош йолу масканаш а дIаелла ГIебарта-Балкхаройчуьрчу дарбан хIусамашка", - хаам бина Нохчийчоьнан куьйгалхочо Кадыров Рамзана. Нохчийчоь кийча ю луларчу кхечу регонашна гIодан а, аьлла цо. 634 стаг билгалваьлла ГIебарта-Балкхаройчохь коронавирус йолуш, кхелхина уьнах ши вахархо, товелла 101.

Рамадан синталламан бутт хилла ца Iаш, хIора доьзало марзонца йоккху беркатан зама ю бусалба нахана. Оцу баттахь дийнахь юучух цакхеташ лардо цара шайн парз, малх чубуьзча доьзалца а, беза-бевзаршца стоьлан гонах ховша. Кхушара пандеми бахьанехь я хьеший а бац, я стоьлаш яц а хIиттийна.

Къилбаседа ХIирийчоьнан клиникан дарбан хIусамехь 200 сов компьютеран томографи йо дийнахь. Ишта хаам бина "Кавказ.Реалиига" оцу хIусаман администрацерчу хьасто. "Доккхачу декъанна томографица билгалйоккху коронавирус. Амма адамах иза хьакхаелла йоццушехь, томографино гойтуш меттигаш а йогIу. Денна лоьраша а, аппаратурано а бен болх доза доцуш дукха бу. Хьалха 30 томографи ян бен ца магадора гIирсаца цхьана дийнахь, белхан низамца а догIуш, лоьрашна тIехь а бацара кхин сов болх", - элира республикан клиникин векало. Читать дальше...

Дагестанерчу Хасу-Юьрта боьлху а, чуьра арадовлу а некъаш дихкина Стигалкъекъа-беттан 3-чу дийнахь 20.00 сахьт даьлча, хаам бина гIалин мэрин пресс-векалто. ГIали чохь транспорт лелар а сацийна. Лерринчу хьаштийн машенашна бен ца магадо новкъахь хила. Сацамбинарг ю коронавирусна дуьхьалоен гIалин штаб. "Адам цIахь соцу хьал кхайкхадаре терра, кху беттан дезденошкахь массо а хьукматаш къевлина хирг хиларе терра, иштта сацам бина оперативан штабо", - билгалдаьккхира Хасу-Юьртан администрацин пресс-векалтан белхахочо. Читать дальше...