Москвахь герзаш диттина, шина стагана чевнаш йинчаьрца нохчий а лецна. Уьш бехкебо, стаг вен гIортарна а, бакъо йоцуш герз лелорна а; Карантинан раж йохийначаьргара схьаяьхна машенаш дуьхьал ахча ца делча, юха ца ло Нохчийчохь; Iедалхошна лийна кегийрхой лецна латтош бу, кхетош-кхиоран болх беш, Къуръан Iамош
Коронавирусан ун кхета кхерам хиларна марханаш къобалдеш вовшашка чу ца боьлху Францерчу Ниццехь беха нохчий. Самукъа далийта дай-наноша Марха достуш дIасалоьлуьйту бераш, амма баккхийнаш болчу чу ца дохуьйту уьш а. Кху шарахь Iийдан ламаз а ца хилира, бохуш дуьйцу къевлинчу маьждиган хьалха меттигерчу вевзаш волчу нохчийн совдегаро Аслана.
Москван къилбаседанехь кIиран дийнахь хиллачу тасадаларшкахь 10-зза гергга герзаш диттина хилар тIечIагIдина РБК агенталлана Москварчу чоьхьарчу гIуллакхийн урхаллехь а. Мордовера веана хилла Седов Николай дуккха а чевнашца дарбан цIийне вигина. Иза воцург а лазийна Самаран кIоштара веана Мусаев а. Агенталле шахьарарчу ницкъахоша дийцарехь, Каширскан некъаца лаьттачу цIеношна гергарчу автомобилан паркингехь герзаш диттина хиларх хаам бинера полицега суьранна ворхI сахьт долучу заманчохь. Кхаьчначу... Читать дальше...
Цхьа могIа Европерчу пачхьалкхашкахь оршотан дийнахь дуьйна, Стигалкъекъа-беттан 25-чу дийнера схьа, коронавирусан инфекци бахьана долуш юкъадаьхна карантинан дехкарш гIелдина. Мадридехь а, Барселонехь а магийна доттагIашца а, гергарчаьрца а вовшахкхета, схьайоьллуш ю урамашкахь хIиттийна ресторанаш а, бараш а. Хьалхо раж малйинчу Испанин цхьайолчу регионашкахь кхин а маьрша даьлла дIасалелар. Пляже баха магийна бахархошна, нагахь санна, социалан дистанци ларъеш хилахь. Италехь болх бан йолаелла спортан хIусамаш а, бассейнаш а. Читать дальше...
ТIаьххьарчу дийнахь а, буса а Къилбаседа Кавказехь коронавирусан уьнах кхелхина 19 стаг, керла тIекхетта инфекцица 540 пациент. Эпидеми ца яржийта вовшахтоьхначу оперативан штабан зерашца, Дагестанехь велла 13 стаг, ГIалгIайчохь -кхоъ, Ставрополан махкахь - шиъ, Нохчийчохь - цхьаъ. Верриг а Къилбаседа Кавказехь кхелхина эпидеми юкъаяьлчхьана 266 дархо. Къаьсттина дукха цомгаш нах къаьстина Дагестанехь: 110: Дагестанехь +110 (4205) Краснодаран кIоштахь +90 (3337) ГIебарта-Балкхаройчохь+83 (2334)... Читать дальше...
"Осал Нах 95" телеграм-чатехь Нохчийчоьнан куьйгалхой емалбина нах кхетош-кхиош бу, Къуръан а Iамош, яздо "Кавказ.Реалиин" портало, цхьана лаьцначу стеган нанас бинчу хаамна тIетевжина. Охан-беттан 4-чу дийнахь дуьйна дIавигна ву цуьнан кIант. "Социалан машанашкахь яржийний хаьа суна, цо шена гечдар доьхуш, дIаязйина видеоролик, амма цуьнга хьажа ницкъ ца тоьира суна. Сан йоьIаршна гина. Адвокаташка ца девлла тхо, кхин тIе а вон дарна кхоьру цунна", - дийцина нанас. Шена кIант ган лууш, иза лаьцначул... Читать дальше...
Охан-баттера схьа дуьйна таханалерачу дийне кхаччалц чоьхьарчу гIуллакхийн министраллан белхахоша Нохчийчохь машенаш схьайохуш ю карантинан раж йохийначу нахера, хаам бина меттигерчу бахархоша КIошташкарчу полицин дакъошкарчу паркингашкахь латтош ю шоферашкара схьяьхьна машенаш, яздо "Кавказ.Реалиино". Болчу хаамашца, 200 гергга Нохчийчуьра вахархо таро йоцуш ву шен машен юхаерзо. Машенийн долахоша дицарехь, 10 эзар соьмера 20 эзаре гергга сом ахча охьадилла деза цара, нагахь санна, машен юхаезаш белахь. Читать дальше...
Кхушара цкъа а ца хиллачу кепара Марха дастар нисделла Нохчийохь, COVID-19 ун даржар бахьана долуш. ГIаланийн а, яртийн а даьсса урамаш, наггахь цхьана хIусамера кхечу хIусаме уьду нах, сиренаш латийна ха деш лела полицин машенаш, ницкъаллин структурийн белхахошца дуьйлу девнаш, адамаш дайна хьайре хилла лела жIаьлеш, цу юккъехула забаре лела хьеший боцуш бисна хIусамнаной - дерриг дара гIайгIане ойланаш кхуллуш.
Оьрсийчоьнан набахтешкахь а, талламан изоляторшкахь а респираторан цамгарш яржарх карти тIехь билгалдоккхуш, бакъонашларъярхойн тобано а, адвокаташа а "Серая зона" аьлла проект йолийна. "Коммерсанте" дийцина цунах лаьцна "Общественный вердикт" фондан директоро Таубина Натальяс. ТаIзарш кхочушдаран федералан урхаллан (ФСИН) цомгашчерах лаьцна официалан статистика зорбане яьккхина ца Iаш, проекто информаци ло тутмакхаша а, церан гергарчу наха а бечу хаамашна тIехь а. Иштта проектан авторша зуьйш ю хаамийн гIирсаша Iорайоккху информаци а. Читать дальше...
Москварчу "Спартак" тобан футболхочуьнца, ГIалгIайчуьра схьаваьллачу Бакаев Зеламхаца коронавирусан ун къаьстина аьлла, яздо "Коммерсанто". Цхьана а кепара билгалонаш йоцуш токхуш ду ша лазар, шена коронавирусо бина эшам бац, аьлла Бакаевс. Стигалкъекъа-беттан 21-чу дийнахь "Спартакан" ловзархой а, тренерийн штабан а, тоба ловзаршна кечъечу персоналан а декъашхой коронавирусан тестех чекхбехира. Де хьалха инстаграмерчу шен аккаунте язбеллачаьрга, церан марханаш къобалдеш, вистхилла футболист. Читать дальше...
COVID-19 пандеми йирзинчул тIаьхьа шайн республике 50 эзар гергга турист вогIур ву аьлла, тешна бу ГIалгIайчоьнан Iедалхой, хаам бо "Вестник Кавказа" гIирсо. Республикан туризман куьйгалхочунна Мизиев Бесланна хетарехь, эпидемиологин хьолаца доьзна, шо чекхдаллалц чоьхьарчу туризме бахка са хьаьвзина хир бу нах. Оьрсийчуьрчу туристашна ГIалгIайчоь марзъярхьама махкахь цхьа могIа барамаш вовшахтоха Iалашо ю ГIалгIайчоьнан. Маршо Радионо яздина ма хиллара, тIаьххьарчу заманчохь Кавказехь туризм кхуьуш ю бохуш... Читать дальше...
