Иркутскерчу №1 изоляторерчу тутмакхна Хайдаев Хьумайдана сагатдо бакъоларъярхоша. Ангарскерчу №15 набахтехь хан текхна а ваьлла, 2020-чу шеран Дечкен-баттахь цIаваха везаш вара иза, амма чохь кхебира низамехь а доцуш. Цунах лаьцна дийцира бакъоларъярхочо Титиев Аюба.
Нохчийчохь 891 стаг ву ун даьлла, тIаьххьарчу 24 сахьтехь 26 тIекхетта. Ткъа доллу дуьненчохь 300 эзар дархо кхелхина. COVID-19 инфекци къаьстина 4 миллион сов стагаца. Гуьмсан кIоштарчу дарбан цIийнехь лоьрийн бунт гIаьттича балхара дIаваьккхина коьрта лор. Нохчийчуьрчу полисхоша лоьхуш ву Дагестанера пхи гIаттамхо. Дозанашкахь само чIагIйина.
Нохчийчохь нийса ца лору мехкан куьйгалхочун Кадыров Рамзанан, парламентан спикеран Даудов Мохьмадан, Пачхьалкхан Думин депутатан Делимханов Адаман, ницкъхойн блоках жоп лучу вице-премьеран Висмурадов Абузайдан инстаграм-аккаунташ дIакъовлар. Оцу юкъанна Кадыровн гIоьнчас Дудаев Ахьмада дIахьедина, дIакъевлина йолу @za_kadyrova_95eng а, @za_rkadyrov_95 а агIонаш Кадыровн а яцара, аьлла. Цо бахарехь, Кадыров Ахьмадан цIарх йолчу фондо лелош яра хьалхара агIо, шолгIаниг – «Грозный» телекомпанин цхьана белхахочо. Читать дальше...
Дагестанерчу Эндирей эвлара гIаттамхой хила тарлун пхи жимастаг лоьху Нохчийчуьрчу ницкъаллин структураша, яздо "Кавказский узел" агенталло. Дагестанан дозанашкахь ха дар чIагIдина полисхоша. "Махкарчу ницкъахошна тIедиллина, полисхошна тIелетарш дан Iалашонца арабевлла Гаджалиев Ханарслан а, Джанарслан а, Гаджимурадов Эльбрус а, Устарханов ИбрехIим а, Хасанханов Рашидхан а лаца аьлла. Зуламхошкахь герз а ду, Нохчийчоьнан лоьмаршца йолчу жимачу машенахь дIасалелаш а бу уьш", - дийцина агенталле чоьхьарчу гIуллакхийн министраллан векало. Читать дальше...
Нохчийчохь пIераскан дийнахь бинчу хаамашца, лоьраша толлуш ву 4 109 меттигера вахархо, коронавирусан ун дуй хьожуш, яздо "Грозный Информ" агенталло. Эпидеми республикехь яьржичхьана могушалла зийна 6 517 пациент дIаваьккхина карантинера. Ткъа тIаьххьарчу дийнахь а, буса а 257 стаг изоляцех хьалхаваьккхина. 496 пациентан могушалла толлуш ю лоьраша. Иштта тIечIагIдина, республикехь COVID-19 ун даьлла верриг а 891 дархо хилар а. ТIаьххьарчу 24 сахьтехь билгалвьалла вирус хиларца 26 стаг. Дарба хилла 502 пациентана, велла 9 дархо. Читать дальше...
ТIаьххьарчу 24 сахьтехь Къилбаседа Кавказехь коронавирусан уьнах велла 6 дархо, вирус къаьстина кхин а 517 вахархочуьнца. Оперативан штабан зерашца, Ставрополан кIоштахь кхоъ кхелхина, ГIалгIайчохь шиъ, Дагестанехь цхьаъ. Верриг а Къилбаседа Кавказехь велла COVID-19 вирусах 152 пациент. Къаьсттина дукха бу ун даьлларш, тIаьххьарчу хаамашца, Краснодаран махкахь – 99: Краснодаран кIошт +99 (2 418 вара эпидеми яьржичхьана) Дагестан +97 (3 192) Къилба ХIирийчоь+72 (1 943) ГIебарта-Балкхаройчоь+71... Читать дальше...
Оьрсийчохь коронавирусан ун кхеттачеран терахь 250 эзарал тIехдаьлла, амма баларш лахара ду: 2,3 эзар стаг. Оцу терахьаша дуккха а хаттарш кхуллу. Хетарехь, Iедалша статистикан гайтамаш лахбо, ткъа коронавирусах белларш дIаязбо пневманиях я инфарктах белла олий.
Инстаграмана (Instagram) тӀекхачар дихкина Нохчийчоьнан куьйгалхочунна а, Нохчийчоьнан цIарах Оьрсийчоьнан Пачхьалкхан Думан депутатана Делимханов Адамна а, Нохчийчоьнан парламентан спикерна Даудов Мохьмадна а, ткъа иштта Нохчийчоьнан вице-премьерна Висмурадов Абузайдна а. Instagram долахь йолчу Facebook-о дIахьедар дина, Америко санкцеш хьокъехь тIеэцначу низаман гурашкахь лелаш ду шаьш аьлла.
Инстаграмерчу шайн агIонашка язбеллачу нахе БуьритIерчу цомгашчу йоIана Персаева Арнеллина орцахдовлар дехна дуьненан футболан легендаша: Бразилерчу Карлос Робертос а, Камерунера Это'о Самуэла а. ХIинжа-ГIаларчу "Анжи" клубан хиллачу ловзархошка дехар дина церан клубехь волчу Къилба ХIирийчуьра Габулов Владимира. Дарба оьшучу йоIана жигара ахча вовшахтухуш гIо деш ву иза а. Персаева Арнеллин ден а, ненан а чоьта тIе Кокорин Александра миллион сом даьккхинчул тIаьхьа, марафонах схьакхетта дуккха а футболхой. Читать дальше...
Нохчийчоьнан куьйгалхо кест-кеста эфирашка вуьйлуш хилла @kadyrov._95 аккаунт шина денна къевлина а латтийна, меттахIоттийра, амма юха а блок тоьхна цунна. Изза дина, мехкан куьйгалхочо дечу гIуллакхех жигара дуьйцучу агIонашна а, доккхачу декъанна, Кадыров Ахьмадан цIарахчу фондан @za_kadyrova_95eng аккаунтана. Карарчу хенахь, церан агIонашка ваьлча яьсса аккаунташ гойту. Кадыровн дахарх дуьйцуш кхин а агIонаш ю инстаграмехь, масала, @za__kadyrov__95 аккаунт. Карарчу заманчохь иза а къевлина ю. Читать дальше...
Коронавирусан ун даьлла нах охьабахка кечйинчу Гуьмсан кIоштан дарбан цIийнан лоьраша а, лорйижарша а де хьалха коьртачу лоьрана тIедиллинера, шайна вирусах ларвен тоьаш доцу барзакъ а, медицинан гIирс а, белхан хенахь юург а хилийтар. Дарбан хIусаман холлехь хIоттийна протестан акци лазартнен куьйгаллина а, белхахошна а юкъахь девне йирзира. Дарбан цIийнан хьаькамо шена дохку бехкаш тIе ца дуьтура, шен ницкъ берриг дина ша, ткъа юург лоьраша шайна тIелаца мегар ду бохуш. Республикан парламентан спикер... Читать дальше...
Дуьненчохь коронавирусан инфекцех беллачийн терахь 300 эзарал тIехъиккхина, ХIопкинс Джонан университетан зераша тIечIагIдарца. Эпидеми юкъаяьлчхьана 4 миллион сов вахархочуьнца къаьстина вирусан ун. Дарба хилла 1 миллион 700 эзар гергга пациентана. COVID-19 вирусан ун даьлла нах тIех дукха хиларца хьалхарчу меттигехь ю Iамеркан Цхьаьнатоьхна Штаташ. Цигахь 1 миллион 400 эзар сов вахархочуьнца къаьстина диагноз. Кхелхина уьнах 85 эзар дархо. Коронавирусан инфекци яьлла нах алсам хиларца шолгIа меттиг дIалаьцна Оьрсийчоьно. Читать дальше...
