Новости за 04.04.2020

ჩინეთში 4 აპრილს კორონავირუსის შედეგად დაღუპული ათასობით ადამიანის ხსოვნას მიაგეს პატივი და ქვეყანაში გლოვის დღე იყო. მსოფლიოს არაერთ ქვეყანაში კვლავ მძვინვარებს პანდემია და არნახულ ზარალი მიადგა ეკონომიკას. 4 აპრილის მონაცემებით ჩინეთში 82 500 შემხვევა აღირიცხა, გარდაცვლილთა რაოდენობა 3330-ია. ექსპერტები უნდობლად არიან ამ მონაცემების მიმართ და თვლიან, რომ რადგან სახელმწიფო მედია კონტროლდება და უცხოეთის მედიას არ აქვს მონაცემებზე წვდომა, ეს რიცხვები შეიძლება სინამდვილეს არ შეესაბამებოდეს. აშშ-ის ცენტრალური სადაზვერვო სააგენტო... Читать дальше...

თურქმენეთის ხელისუფლებამ სურსათის ნაკლებობის გამო საპროტესტო გამოსვლის გაბრაზებული მონაწილეები დააშოშმინა და მათ ფქვილი დაურიგა. რადიო თავისუფლების თურქმენული სამსახურის ცნობით, 30-მდე ქალი გავიდა ქუჩაში თურქმენეთის მარის რეგიონში, სამხრეთ აღმოსავლეთში და პროტესტი გამოხატეს სუბსიდირებული ფქვილის დეფიციტის გამო. ქალაქ მარის დასავლეთ უბანში შეკრებილებმა მცირე ხნით გადაკეტეს ავტომაგისტრალი, რომელიც რაიონს დედაქალქ აშხაბადთან აკავშირებს. შემდეგ ისინი გაემართნენ ადგილობრივი მთავრობს შენობისკენ. მათი პროტესტი დასრულდა მას მერე... Читать дальше...

stopcov.ge-ს მონაცემებით, საქართველოში კორონავირუსით ინფიცირების 162 შემთხვევაა დადასტურებული. აქედან 36 გამოჯანმრთელდა, 1 კი გარდაიცვალა.   ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, გერმანიიდან ჩასული 15 პირის შემოწმების შედეგად, მათ არ დაუდგინდა კორონავირუსი და ყველა საკარანტინო სივრცეში გადაიყვანეს 14 დღით. ისინი არ შესულან საქართველოში როგორც ინფიცირებულები, თქვა ეზუგბაიამ, რომელმაც ასევე განაცხადა, რომ ბოლო ორი დღეს ინფექციურ ცენტრს ახალი პაციენტი არ მიუღია. Читать дальше...

ახალციხის სავაჭრო ცენტრი სადეზინფექციო სამუშაოების გამო ორი დღით მუშაობას წყვეტს. დანარჩენ დღეებში ბაზარი ჩვეულ რეჟიმში გააგრძელებს ფუნქციონირებას. ახალციხის ბაზარში „სანიტარული დღეები“ 4 აპრილს დაიწყო და 6 აპრილამდე გაგრძელდება. კორონავირუსის გავრცელების თავიდან ასაცილებლად „ალფა მარკეტი“ სადეზინფექციო ხსნარით ორი დღის განმავლობაში დამუშავდება. მხარის რწმუნებული ბესიკ ამირანაშვილი აცხადებს, რომ ახალციხეში ამ დროისათვის ბაზრის დაკეტვა არ იგეგმება, თუმცა მომავალში გადაწყვეტილების მიღება ვითარების შესაბამისად მოხდება. Читать дальше...

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ახალი კორონავირუსით ინფიცირებულთა ჯანმრთელობის მდგომარეობაზე ილაპარაკა. მისი ცნობით, 13 წლის პაციენტის ჯანმრთელობის მდგომარეობა სტაბილურია და ის ინფექციონისტებისა და პედიატრების მეთვალყურეობის ქვეშაა. მკვეთრად დადებითია 62 წლის პაციენტის მდგომარეობა. „ის ჩამოვა აუცილებლად ხვალ დღისათვის თერაპიის განყოფილებაში და გააგრძელებს მკურნალობას თერაპევტებთან და ინფექციონისტებთან ერთად“, - განაცხადა ლევან რატიანმა. მისივე ინფორმაციით... Читать дальше...

კახეთის რეგიონში დამონტაჟებული სეტყვის საწინააღმდეგო სისტემა სტიქიასთან საბრძოლველად მზადყოფნის რეჟიმზე გადავიდა. ბუნებრივ მოვლენებზე აქტიური ზემოქმედების ცენტრში ამბობენ, რომ მიუხედავად კორონავირუსის გავრცელების გამო შექმნილი მდგომარეობისა, სრულყოფილად ჩატარდა წინასასეზონო ტექნიკური სამუშაოები, დანადგარები შეივსო რაკეტებით. სეტყვის საწინააღმდეგო სისტემა უზრუნველყოფს კახეთში 600 000-მდე ჰექტარი სახნავ-სათესი მიწების სეტყვისაგან დაცვას. სეტყვის საწინააღმდეგო სისტემამ საქართველოში, დაახლოებით, 28 წლის წინ შეწყვიტა არსებობა... Читать дальше...

რუსეთის საგანგებო ვითარებათა სამინისტროს თქმით, ბუნებრივი აირის აფეთქებას საცხოვრებელ სახლში, მოსკოვიდან 85 კილომეტრში მდებარე ორეხოვო-ზუევოში, სულ მცირე, ერთი ადამიანის სიკვდილი და მეორის დაშავება მოჰყვა. აფეთქებამ დააზიანა არაერთი ბინა შენობაში.   აფეთქების ფონია მოსკოვსა და მისი შემოგარენის ქალაქებში კორონავირუსის გამო მკაცრი კარანტინი, რომლის მიხედვით, მოსახლეობა ბინებში უნდა დარჩეს. სამინისტროს თანახმად, აფეთქება მოხდა ხუთსართულიანი სახლის მესამე სართულზე.

აზერბაიჯანის ოპოზიციური სახალხო ფრონტის წევრი პოლიციამ დააპატიმრა ერთ დღეში მას მერე, რაც გაუშვეს ფსიქიატრიული კლინიკიდან, სადაც ის თავისი ნების წინააღმდეგ იმყოფებოდა სამი დღის განმავლობაში. აქილ ჰუმბათოვის ცოლმა, აიგუნ ჰუმბათოვამ უთხრა რადიო თავისუფლებას, რომ მისი ქმრის თანამშრომლების თანახმად, აქილი სამოქალაქო ტანსაცმლიანმა ორმა პირმა დააკავა ბაქოში 2 აპრილს. ჰუმბათოვას თქმით, მან ვერ დაადგინა ქმრის ადგილსამყოფელი და ბაქოს პოლიციამ არ მიაწოდა ინფორმაცია დაპატიმრების მიზეზზე. ჰუმბათოვმა ადრე რადიო თავისუფლებას უთხრა... Читать дальше...

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ ჟურნალისტებთან საუბარში კორონავირუსით გარდაცვლილის მდგომარეობა დაწვრილებით აღწერა. მისი თქმით, 79 წლის ქალს კახექსია ჰქონდა და 6-7 თვის განმავლობაში წონაში ძალიან დაიკლო - კლინიკაში შეყვანისას კუნთები მთლიანად ჰქონდა განლეული და 12-15 კილოს იწონიდა. „პაციენტს აღენიშნებოდა ბევრი ქრონიკული დაავადება, გულის კუნთის სერიოზული დაავადება, ყველა სარქველის უკმარისობა, ჰქონდა სეფსისი, სეპტიური... Читать дальше...

ტაჯიკეთის ფეხბურთის სეზონი იწყება კორონავირუსის პანდემიის მიუხედავად, როცა მთელ მსოფლიოში ყველა სპორტული შეხვედრა გადაიდო. შუა აზიის ამ ქვეყანაში, სადაც 9 მილიონი ადამიანი ცხოვრობს, კორონავირუსის არც ერთი შემთხვევა არ აღრიცხულა. ტაჯიკეთის სუპერთასის გათამაშების ფინალში „ისთიქლოლი“ და „ხუჯანდი“ ხვდებიან ერთმანეთს 4 აპრილს, თუმცა მთავრობამ გადაწყვიტა, შეხვედრა ქომაგების გარეშე გაიმართოს. 5 აპრილს უკვე ლიგის შეხვედრები გაიმართება, ასევე დახურულ კარს მიღმა. ტაჯიკეთის მიმართ კრიტიკა გაისმა დიდი აღლუმების... Читать дальше...

შსს-ს ცნობით, ბოლო 24 საათის განმავლობაში, საქართველოს მასშტაბით საგანგებო მდგომარეობის რეჟიმის და კომენდანტის საათის შეზღუდვების დარღვევის 421 ახალი ფაქტი გამოავლინეს. 3 აპრილის 21 საათიდან 4 აპრილის დილის 6 საათამდე კომენდანტის საათის დარღვევის ფაქტზე ქვეყანაში 180 მოქალაქე დააჯარიმეს. საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო 72 მოქალაქე დაჯარიმდა. 1 ფიზიკური პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის გამო.... Читать дальше...

ავღანეთის შინაგან საქმეთა სამინისტროს თანახმად, შეიარაღებულმა პირებმა ქაბულის გარეუბანში მოკლეს პრეზიდენტის დაცვის სამსახურის წევრი. სამინისტროს წარმომადგენლის, თარიყ არიანის თქმით, 3 აპრილს გვიან, ქაბულის გარეუბან ფაღმანში მოხდა თავდასხმა, რომლის დროსაც პრეზიდენტის დაცვის სამსახურის ერთი წევრი მოკლეს და მეორე დაჭრეს. არ არის ცნობილი, ასრულებდნენ თუ არა ისინი სამსახურებრივ მოვალეობას. არიანის თქმით, გამოძიება დაიწყო. პასუხისმგებლობა არავის უკისრია მომხდარისთვის. ჩვეულებრივ, ამგვარი თავდასხმის უკან თალიბანი იდგა ხოლმე. Читать дальше...

გავეცანი სახალხო დამცველის დასკვნას 20 ივნისთან დაკავშირებით და იქ ახალი ვერაფერი ვნახე. ამ დასკვნამ დაადასტურა ის, რასაც ვამბობდით - რომ სახელმწიფოს ჰქონდა ძალის გამოყენების ლეგიტიმური უფლება, - განაცხადა საქართველოს პრემიერ-მინისტრმა გიორგი გახარიამ და დასძინა, რომ არც ერთი უკანონო ბრძანება 20 ივნისის ღამეს არ გაცემულა. „ხაზგასმით აღვნიშნავ, რომ პოლიციელებს, რომლებმაც თავდაცვის მიზნით შეიძლება რეზინის ტყვიები გამოიყენეს, ამის ლეგიტიმური უფლება ჰქონდათ. პროპორციულობის ნაწილში შევთანხმდით და ყოველთვის ვამბობდით, რომ ეს არის გამოძიების საგანი.

საუდის არაბეთის ენერგეტიკის მინისტმა უარყო რუსეთის მტკიცება, რომ სამეფომ დატოვა ნავთობის მოპოვების შემცირების შეთანხმება მარტში. პრინც აბდულაზიზ ბინ სალმანის სიტყვები მოჰყავს 4 აპრილს საუდის არაბეთის SPA-ს სააგენტოს, რაც წარმოადგენს რუსეთის მტკიცებაზე პასუხს. რუსეთთან კამათის თაობაზე კომენტარი გაკეთა საუდის არაბეთის საგარეო საქმეთა მინისტრმა, პრინც ფაიზალ ბინ ალ საუდმა, რომელმაც თქვა, რომ რუსეთის პრეზიდენტის, ვლადიმირ პუტინის განცხადება OPEC+ შეთანხმებიდან სამეფოს გასვლის შესახებ, არასწორია, და რომ რუსეთია ის ქვეყანა... Читать дальше...

საქართველოს პრემიერ-მინისტრის, გიორგი გახარიას თქმით, ის პირადად არ დაესწრება სააღდგომო ლიტურგიას და მას თვალს ტელევიზორის საშუალებით მიადევნებს. "მე, რა თქმა უნდა, როგორც ერთი ცალკე აღებული ქრისტიანი, ამას ყველაფერს თვალყურს ვადევნებ სახლიდან, ტელევიზორით, ეს ჩემი სამოქალაქო პასუხისმგებლობაა როგორც ცალკე აღებული მოქალაქის, ისევე, როგორც მთავრობის ხელმძღვანელის. თითოეულ ჩვენს მოქალაქეს მოვუწოდებ, რომ ყველა მოვიქცეთ ასე", - თქვა გიორგი გახარიამ.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, დღევანდელი მდგომარეობით, კორონავირუსზე 3 ათასამდე ადამიანი შემოწმდა. ამის შესახებ მან ბრიფინგზე ისაუბრა. მისი ნათქვამიდან ირკვევა, რომ შესაძლო შემთხვევებიდან კორონავირუსი 6 პროცენტზე ნაკლებ შემთხვევაში დაფიქსირდა. "საქართველოში ჩვენ გვაქვს 157 დადასტურებული შემთხვევა, ეს გახლავთ იმ 2 762 შესაძლო შემთხვევიდან, რომლებიც საჭიროებდნენ ღრმა კვლევებს - ეპიდკვლევას, კლინიკურ კვლევას და ლაბორატორიულ კვლევას. აქედან გატესტილია 2 912 ნიმუში", - თქვა მან. Читать дальше...

გარდაცვალების ამ შემთხვევამ უნდა დაგვარწმუნოს, რომ ახალ კორონავირუსთან ბრძოლაში კომპრომისი არ არსებობს და ნაბიჯების სიმკაცრე არ არის ვიღაცის სურვილი. ეს არის ის ტრაგიკული აუცილებლობა, რომელიც თითოეულმა ჩვენგანმა უნდა დაიცვას, - განაცხადა საქართველოს პრემიერ-მინისტრმა გიორგი გახარიამ. პრემიერმა კორონავირუსით გარდაცვლილის ოჯახს სამძიმარი გამოუცხადა და თქვა, რომ მომხდარი ფაქტი უკიდურესად საგანგაშოა. „ყველას უნდა გვესმოდეს, რომ პასუხისმგებლები ვართ, პირველ რიგში, ჩვენი მშობლების, მოხუცებულების წინაშე. Читать дальше...

შიდა ქართლის რეგიონში არსებული აგრარული ბაზრები დღის ბოლომდე დაიხურება. საგანგებო შტაბის ამ გადაწყვეტილების შესახებ მოვაჭრეებს უკვე აცნობეს. რეგიონში სახელმწიფო რწმუნებულის, გიორგი ხოჯევანიშვილის თქმით, ბაზრების დროებითი დახურვა მუნიციპალიტეტებს შორის მოსახლეობის გადაადგილებას შეამცირებს. „გუშინ საღამოს გვქონდა შტაბის შეკრება, ვიმსჯელეთ ყველა იმ საკითხზე, რომლებიც რეგიონში მნიშვნელოვანი და აქტუალურია. მაღალი რისკების გათვალისწინებით, შტაბმა მიიღო გადაწყვეტილება აგრარული ბაზრების მუშაობის დროებით შეწყვეტასთან დაკავშირებით. Читать дальше...

დღეს, 4 აპრილს საქართველოში კორონავირუსით ინფიცირებული პირველი პაციენტი გარდაიცვალა. 79 წლის ქალს განსხვავებული წესით დაკრძალავენ. დაკრძალვის წესებზე დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ილაპარკა. მისი თქმით, კორონავირუსით ინფიცირების გამო გვამი სპეციალური დამუშავების შემდეგ სპეციალურ ჩანთაში უნდა მოთავსდეს, შემდეგ კი ჩანთით სამედიცინო სივრცეში ცალკე გამოყოფილ ადგილას მოათავსებენ. სათავსოში ჩანთას გაუკეთდება სპეციალური ნიშნული. საქართველომ კორონავირუსით გარდაცვლილთა... Читать дальше...

ქვეყანაში საგანგებო მდგომარეობაა. აკრძალულია ბევრი ადამიანის თავშეყრა. ეს ეხება ყველას, - განაცხადა დაავადებათა კონტროლის და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ აღდგომის დღესასწაულის აღნიშვნასთან დაკავშირებით და დასძინა: - „ვფიქრობ, საქართველოს ეკლესია მიყვება იმ რეკომენდაციებს, რომელიც დღეს მთლიანად საზოგადოებისთვისაა გაცემული. ჩვენი ყველას მიზანია, მოსახლეობა იყოს ჯანმრთელი“. ამირან გამყრელიძემ ასევე აღნიშნა, რომ საქართველოს ეკლესიამ და საპატრიარქომ უკვე გააკეთეს მნიშვნელოვანი განცხადებები... Читать дальше...

ახალი ტიპის კორონავირუსით ინფიცირება კიდევ სამ რუსთაველს დაუდასტურდა. ქალაქში COVID-19-ით დაავადებულთა საერთო რაოდენობა შვიდი გახდა. ქვემო ქართლში სახელმწიფო რწმუნებულის, შოთა რეხვიაშვილის, განცხადებით, კორონავირუსი დაუდასტურდა რუსთავის საკრებულოს ინფიცირებული წევრის მცირეწლოვან შვილსაც, ხოლო მეუღლესა და სხვა მცირეწლოვან შვილებს - არა. "ბავშვი თავს კარგად გრძნობს, დაავადება მსუბუქად მიმდინარეობს", თქვა გუბერნატორმა. მან განაცხადა ასევე, რომ აქამდე ინფიცირებულებს დაემატა ეროვნული ბანკის კიდევ ერთი თანამშრომელი და მისი მეუღლე... Читать дальше...

საქართველოში ახალი კორონავირუსით გამოწვეული დაავადებით პირველი გარდაცვლილის მდგომარეობა პირველივე დღიდან კრიტიკული იყო. 79 წლის ქალს მძიმე თანმხლები დაავადებები აღენიშნებოდა, - უთხრა ჟურნალისტებს დაავადებათა კონტროლის და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ. მისი ინფორმაციით, გარდაცვლილი ქვემო ბოლნისის სოფელ კაპანახჩის კლასტერს მიეკუთვნებოდა, სადაც სულ  5 შემთხვევა დაფიქსირდა. მას კონტაქტი ჰქონდა ადამიანებთან, რომლებიც რუსეთიდან და აზერბაიჯანიდან შემოვიდნენ და ერთ-ერთ სარიტუალო სუფრაზე მივიდნენ... Читать дальше...

ჩინეთი გლოვობს ათასობით დაღუპულს, რომლებიც COVID-19-ს ემსხვერპლნენ. მსოფლიოს ბევრ ქვეყანაში ჯერ კიდევ მოელიან ვითარების გაუარესებას. ჩინეთში 4 აპრილს დაშვებულია სახელმწიფო დროშები, შეჩერებულია ყოველგვარი გასართობი თავყრილობა, ადგილობრივი დროით დილის ათი საათისთვის სამი წუთით გამოცხადდა დუმილი გარდაცვლილთა, მათ შორის სამედიცინო პერსონალის და ექიმების, ხსოვნის პატივსაცემად. დუმილის დროს ისმოდა ავტომანქანების, მატარებლების და გემების საყვირების, ასევე საჰაერო თავდაცვის განგაშის ხმა. ჩინეთმა გამოაცხადა... Читать дальше...

საქართველოში კორონავირუსით გარდაცვლილი პირველი ადამიანი 79 წლის პაციენტი იყო მარნეული-ბოლნისის კლასტერიდან, - უთხრა ჟურნალისტებს პირველი საუნივერსიტეტო კლინიკის დირექტორმა, ლევან რატიანმა. მისი თქმით, კლინიკაში პაციენტი მძიმე თანმხლები დაავადებებით მიიყვანეს. stopcov.ge-ს მონაცემებით, საქართველოში კორონავირუსით ინფიცირების 156 შემთხვევაა დადასტურებული. აქედან 28 გამოჯანმრთელდა, 1 კი გარდაიცვალა.

ჩემი აზრით, საინტერესო მომავალი განვითარებისთვის ისაა, რომ ახლა ითქმება ან გამოიცდება რაღაცები, რაც ცოტა ხნის წინ წარმოუდგენელი იყო. ეს ხდება როგორც “უტოპიური”, ისე “ანტიუტოპიური” მიმართულებით.