Новости за 02.03.2020

(Әгерҗе, 2 март, «Татар-информ», «Әгерҗе хәбәрләре», Миләүшә Ягъфәрова). Әгерҗедә узган «Мари чаңгы юллары»нда йөз алтмыш спорт сөюче катнашты. Быел әлеге спорт бәйрәме районда уникенче тапкыр узды. Бу турыда район басмасы хәбәр итә.

(Казан, 2 март, «Татар-информ»). Түбән Камада «ТАССРның 100 еллыгы» сертификаты алган беренче предприятие икмәк комбинаты булды. Бу турыда Түбән Кама муниципаль районы рәсми сайтында хәбәр ителә.

(Казан, 2 март, «Татар-информ», Гөлия Хәсбиуллина). Бүген Казанда «Татнефть-Арена» боз сараенда ике Татарстан хоккей командасы көч сынашты. Казанның «Ак Барс» һәм Түбән Каманың «Нефтехимик» командалары плей-офф этабының беренче уенында очрашты. Матч «Ак Барс» файдасына 4:1 исәбе белән төгәлләнде.

(Казан, 2 март, «Татар-информ»). Уфада танылган скульптор, Россия Рәссамнар берлеге әгъзасы, Уфа дәүләт нефть техник университетының архитектура кафедрасы доценты Радик Хөсәенов вафат булган. Аңа 59 яшь иде. Бу хакта «Башинформ» хәбәр итә.

(Казан, 2 март, «Татар-информ»). Татарстанда һава торышы атна уртасында начарланачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 2 март, «Татар-информ», Надежда Гордеева). Татарстан Дәүләт Советы депутаты Римма Ратникова Бөек Ватан сугышы елларында балаларның батырлыгы темасын актуальләштерергә өндәде. Бу хакта ул «Балалар спорты» партия проектының республика иҗтимагый советы утырышында әйтте.

(Казан, 2 март, «Татар-информ»). Иртәгә, 3 мартта, Татарстанда җылы һәм коры һава шартлары булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 2 март, «Татар-информ»). Covid-19 коронавирусын йоктырган кеше белән элемтәдән соң, Мәскәүдә 24 кешене хастаханәгә салганнар һәм 83 кешене карантинга урнаштырганнар. Бу хакта шәһәр мэры Сергей Собянин үз блогында хәбәр итә, дип яза РИА Новости.

(Казан, 2 март, «Татар-информ»). Узган ял көннәрендә Мәскәүнең Муса Җәлил исемендәге 1186нчы мәктәбендә яшүсмерләр арасында билбау көрәше буенча XIII төбәкара турнир узды. Бу турыда Татарстанның Россиядәге Тулы вәкаләтле вәкиллеге хәбәр итә.

(Казан, 2 март, «Татар-информ»). «Ир-ат һәм хатын-кыз арасында никах төшенчәсен теркәү тәкъдиме Дәүләт Думасында икенче укылышка кергән РФ Конституциясен үзгәртү турындагы закон проектына төзәтмәләр кертелгән», — дип хәбәр итте Дәүләт Думасы вице-спикеры Пётр Толстой. Бу турыда РИА Новости хәбәр итә.

(Казан, 2 март, «Татар-информ»). Бүген кич һәм төнлә Татарстан территориясендә көчле җил исәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 2 март, «Татар-информ», Эвелина Киселева). Татарстан башкаласы укытучысы Любовь Никитина «Русское лото» тиражында миллион сум откан. Бу хакта «Столото» матбугат хезмәте хәбәр итә.

(Казан, 2 март, «Татар-информ»). Татарстан Президенты Рөстәм Миңнеханов 2023 елның августында «Ак Барс Арена» стадионында узачак УЕФА Суперкубогы өчен матчка әзерлек башларга кушты. Бу хакта «Татар-информ» мәгълүмат агентлыгына ТР Президенты матбугат хезмәте җитәкчесе Лилия Галимова хәбәр итте.

(Казан, 2 март, «Татар-информ», Гөлнара Әүхәдиева). Казанның Идел буе районы суды 39 яшьлек Марат Сабировны сак астына алмады. Узган елның ноябрендә Дәрвишләр бистәсендә аның гаебе белән юл-транспорт һәлакәтендә 42 яшьлек хатын-кыз һәлак булган иде.

(Казан, 2 март, «Татар-информ»). Казанда пассажирлар утырган автобуста янгын сүндерү җайланмасы эшли башлаган. Фотолар һәм видео социаль челтәрләрдә чыкты.

(Казан, 2 март, «Татар-информ»). «Ак Барс Арена» стадионында 2022/23 еллар сезонында УЕФА Суперкубогы өчен матч узачак. Мондый карар бүген Амстердамда үткәрелгән УЕФА конгрессы нәтиҗәләре буенча кабул ителде.

(Казан, 2 март, «Татар-информ»). Бүген Италиядән кайткан Россия футбол берлегенең 29 яшьлек хезмәткәре Давид Беровнең Covid-2019 коронавирус йоктыруы расланды. Әлеге мәгълүматны Мәскәүнең Сәламәтлек саклау департаменты коронавирус белән вазгыятьне контрольдә тоту һәм күзәтү буенча оператив штаб раслады.

(Казан, 2 март, «Татар-информ»). Казанда, мөселманнарның күпсанлы үтенечләре буенча, янәдән «Коръән укырга өйрәнәбез» дип исемләнгән курслар башланып китте. Бу хакта ТР Диния нәзарәте матбугат хезмәте хәбәр итә.

(Казан, 2 март, «Татар-информ», Елена Сәлахова). Әнисе игезәк малайларына пычак белән чәнчегән гаилә имин санала һәм бер җирдә дә исәптә тормаган. Бу хакта «Татар-информ» мәгълүмат агентлыгына Татарстанда бала хокуклары буенча вәкаләтле вәкил Гүзәл Удачина хәбәр итте.

(Казан, 2 март, «Татар-информ»). Татарстан Республикасы Президенты Рөстәм Миңнеханов үзенең Инстаграмында шаян видео урнаштырды. Ул шулай итеп, бүген КХЛның плей-оффында очрашачак Татарстанның «Ак Барс» һәм «Нефтехимик» командаларын хуплады.

(Казан, 2 март, «Татар-информ»). Россия Президенты Владимир Путин халкы үз хезмәтләре белән Бөек Ватан сугышында Җиңүгә өлеш керткән торак пунктлар өчен «Хезмәт батырлыгы шәһәре» дигән мактаулы исем булдыру турындагы законны имзалады. Документ хокукый мәгълүмат интернет-порталында дөнья күргән.

(Казан, 2 март, «Татар-информ», Надежда Гордеева). ТР Архив эше буенча дәүләт комитеты Бөек Җиңүнең 75 еллыгына Татарстанның Бөек Ватан сугышы елларында керткән өлеше турында китап бастырачак. Бу хакта бүген «Балалар спорты» партия проектының республика иҗтимагый советы утырышында әлеге дәүләт комитеты рәисе Гөлнара Габдрахманова хәбәр итте.

(Казан, 2 март, «Татар-информ», Гөлүзә Ибраһимова). Татарстан Диния нәзарәтенең рәсми Хаҗ операторы, коронавирус аркасында чикләр ябылу сәбәпле, кече Хаҗ — Гомрәгә баруны теркәүне туктатты. Бу хакта «Татар-информ»га «ТР МДН Хаҗ» хезмәткәре Марат Тимершин әйтте.

(Казан, 2 март, «Татар-информ», Екатерина Ларионова). Татарстан Республикасы Президенты каршындагы Эшмәкәрлек советының 14нче киңәйтелгән утырышында автоматлаштырылган үлчәү контроле системасын камилләштерү проблемасын «Реверс» ҖЧҖ транспорт компаниясе директоры Сергей Сотников күтәрде.

(Казан, 2 март, «Татар-информ»). Краснодар крае ТАССРның 100 еллыгы флагы эстафетасын кабул итте. Тантаналы чара Көньяк һәм Төньяк Кавказ федераль округлары татар иҗтимагый оешмалары җитәкчеләре катнашында узды. Бу хакта Бөтендөнья татар конгрессының матбугат хезмәте хәбәр итә.