Новости за 24.03.2020

(Кукмара, 24 март, «Татар-информ», «Хезмәт даны»). Кукмара районында, коронавирус инфекциясе белән бәйле рәвештә, халыкны диспансерлаштыру вакытлыча туктатылды. Бу турыда район үзәк дәваханәсе баш табибы Равил Хәлиев хәбәр итте.

(Казан, 24 март, «Татар-информ»). Тугандаш Мэйшань шәһәре Түбән Камага биш мең медицина битлеге җибәрергә планлаштыра. Бу хакта Түбән Кама муниципаль районы башкарма комитеты җитәкчесенең беренче урынбасары Радмир Беляев җиткерде, диелгән Түбән Кама муниципаль районы рәсми сайтында.

(Казан, 24 март, «Татар-информ»). Татарстанда эшкуарларга ярдәм итү өчен кайнар линия эшли башлады. Бу хакта Казан мэриясенең матбугат хезмәте хәбәр итә.

(Казан, 24 март, «Татар-информ»). Иннополиста пилотсыз такси авариягә эләккән. Бу хакта социаль челтәрләрдән файдаланучылар хәбәр итте.

(Казан, 24 март, «Татар-информ»). Татарстанда ике айлык азык-төлек запасы булдырылды, чимал һәм әзер продукциягә кытлык юк. Шул турыда Татарстан Авыл хуҗалыгы һәм азык-төлек министрлыгы башлыгы Марат Җәббаров Россия Авыл хуҗалыгы министры Дмитрий Патрушев үткәргән социаль әһәмияткә ия авыл хуҗалыгы продукциясе һәм азык-төлек вазгыятен мониторинглау буенча оператив штаб утырышында сөйләде. Бу хакта аграр ведомствоның матбугат хезмәте хәбәр итә.

(Казан, 24 март, «Татар-информ»). Иртәгә, 25 мартта, Татарстанда чагыштырмача салкын һава торышы саклана. Аны элеккегечә үк циклон һәм атмосфера фронтлары билгеләячәк, әмма атмосфера күренешләренең интенсивлыгы сизелерлек кимиячәк. Бу хакта Татарстан Гидрометеорология үзәге хәбәр итә.

(Казан, 24 март, «Татар-информ»). Татарстан урманнарында янгын куркынычы сезоны быел 15 апрельдә ачылачак. Бу хакта «Татар-информ»га биргән интервьюсында Татарстан Урман хуҗалыгы министрының беренче урынбасары Илгизәр Зарипов сөйләде.

(Казан, 24 март, «Татар-информ»). Россия Президенты Владимир Путин Мәскәүнең Коммунарка бистәсендәге хастаханәдә булды, анда Covid-2019 коронавирусы белән авыручы пациентлар дәвалана. Дәүләт башлыгы пациентларны дәвалау барышы белән танышты. Бу хакта Кремль матбугат хезмәте хәбәр итә.

(Казан, 24 март, “Татар-информ”, Рузилә Мөхәммәтова). Иртәгә Әлмәт театры артистлары үзләренең тарихи сәхнәсе белән хушлаша. Әлеге тарихи мизгелне театрның инстаграм сәхифәсендә туры эфирдан карарга мөмкин дип чакыра театрның матбугат хезмәте.

(Казан, 24 март, «Татар-информ», Ксения Перепеченова). Россия Конституциясенә төзәтмәләр буенча тавыш бирү процедурасы коронавирус Covid-19 пандемиясе шартларында гражданнарның иминлеге өчен кирәкле үзгәрешләр кичерәчәк. Төбәк сайлау комиссияләренә медицина битлекләрен һәм дезинфекция чараларын сатып алырга тәкъдим иттеләр. Бу хакта «Татар-информ»га Россия хокук яклаучысы һәм җәмәгать эшлеклесе, Кеше хокуклары буенча совет әгъзасы Александр Брод сөйләде.

(Казан, 24 март, «Татар-информ», Елена Сәлахова). Совет районы суды Казан мәгариф идарәсенең элеккеге башлыгына арестны озайткан. Бу хакта «Татар-информ»га суд матбугат хезмәтендә хәбәр иттеләр.

(Казан, 24 март, «Татар-информ»). Иртәгә, 25 мартта, Татарстан юлларында төнлә дә, көндез дә көчле бозлавык барлыкка килә. Бу хакта Татарстан Гидрометеорология үзәге хәбәр итә.

(Казан, 24 март, «Татар-информ», Наталья Рыбакова). Бүген ТР Хезмәт, халыкны эш белән тәэмин итү һәм социаль яклау министры Эльмира Зарипова Covid-19 таралу куркынычы белән бәйле рәвештә өлкән яшьтәге кешеләрне юл йөрүгә һәм торак-коммуналь хезмәтләргә акчалата түләүне - субсидияләрне электрон рәвештә рәсмиләштерергә чакырды.

(Казан, 24 март, «Татар-информ»). Яңа типтагы Covid-19 коронавирусы таралу сәбәпле, 23 марттан башлап Казанда никахлашу тантаналарында 20дән артык кеше катнаша алмый. Бу хакта Татарстан башкаласының ЗАГС идарәсе Instagram социаль челтәрендәге битендә хәбәр итә.

(Казан, 24 март, «Татар-информ»). Татарстан Президенты Рөстәм Миңнеханов 2020 елның февралендә соцмедиа өлкәсендә телгә алынучылар буенча төбәкләрнең 10 башлыгы исемлегенә керде. Республика җитәкчесе бер ай эчендә 9 пунктка күтәрелеп, коллегалары арасында иң зур үсеш күрсәтте. Рейтингны «Медиалогия» әзерләде.

(Казан, 24 март, «Татар-информ»). Татарстан территориясендә махсус санитар-эпидемиологик режим кертелү сәбәпле, мөфтияткә мөселманнар арасында популярлык казанган күп кенә чараларны туктатырга туры килде. Әмма аларның бер өлеше онлайн режимга күчте. Бу турыда Татарстан Диния нәзарәте матбугат хезмәте хәбәр итте.

(Казан, 24 март, «Татар-информ», Ксения Перепеченова). Конституциягә төзәтмәләр буенча булачак тавыш бирү халыкның ихтыярын ачыкларга мөмкинлек бирәчәк, ил гражданнарының күпчелеге сайлау участокларына килергә җыена. «Татар-информ» мәгълүмат агентлыгында Россия хокук яклаучысы һәм җәмәгать эшлеклесе, Кеше хокуклары буенча совет әгъзасы Александр Брод шундый фикер белән уртаклашты.

(Казан, 24 март, «Татар-информ»). Бүген Татарстан Республикасы Хөкүмәте йортында Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар советының чираттагы утырышы узды, анда берничә инновацион проект каралды. Бу турыда Татарстан Президенты матбугат хезмәте хәбәр итте.

(Казан, 24 март, «Татар-информ»). Коронавирус инфекциясе таралу куркынычы аркасында Кырым мәчетләрендә җомга намазларын укуны һәм күмәк гыйбадәтләрне быелның 12 апреленә кадәр туктатканнар. Бу хакта «Интерфакс» агентлыгы Кырым мөселманнары Диния нәзарәтенә сылтама белән хәбәр итә.

(Казан, 24 март, «Татар-информ», Алинә Айдарова). Быел үтәчәк халык санын алуда мишәрләр үзләрен татар дип атарга тиеш, чөнки алар татарлар эчендә булган субэтник төркем генә. Бу хакта ТНВ каналының «Татарлар» тапшыруының кунагы — тарих фәннәре кандидаты Илнар Гарифуллин «Татар-информ» мәгълүмат агентлыгы хәбәрчесенә әйтте.

(Казан, 23 март, «Татар-информ», Энҗе Габдуллина). Тарихчы Илдус Заһидуллин «Яңа Гасыр» телеканалында бара торган «Таяну ноктасы» тапшыруында 1897 елгы җанисәпнең татарларга төрле яссылыктагы проблемалар тудыруын турында сөйләде.

(Казан, 23 март, «Татар-информ», Энҗе Габдуллина). «Яңа Гасыр» телеканалында «Таяну ноктасы» тапшыруында тарихчы Дамир Исхаков 1897 елгы җанисәптә күпсанлы мишәр һәм типтәрләрнең ни өчен башкорт булып язылулары турында сөйләде.

(Казан, 24 март, «Татар-информ»). Татарстанның халык язучысы, җәмәгать эшлеклесе Рабит Батулла шушы көннәрдә Татарстан Республикасы Милли китапханәсенең сирәк китаплар һәм кулъязмалар бүлегенә фото- һәм кулъязма документлар бүләк итте. Бу турыда китапханәнең матбугат хезмәте хәбәр итте.

(Казан, 24 март, «Татар-информ»). Татарстанда тагын бер коронавирус Covid-19 авыруын ачыкладылар. Бу хакта «Татар-информ»га Татарстан Президенты матбугат хезмәте җитәкчесе Лилия Галимова сөйләде.

(Казан, 24 март, «Татар-информ»). Бүген Татарстан Республикасы Хөкүмәте йортында Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар советының чираттагы утырышы узды, анда берничә инновацион проект каралды. Президент җитәкчеләргә саклык чараларын күрергә кушты. Бу турыда Татарстан Президенты матбугат хезмәте хәбәр итте.