Новости за 05.03.2020

(Казан, 5 март, «Татар-информ»). 7 һәм 8 март көннәрендә Түбән Камада үзмәшгуль кешеләр үз товарларын ярминкәдә тәкъдим итәчәк. Бу турыда Түбән Кама муниципаль районы рәсми сайтында хәбәр ителә.

(Әлмәт, 5 март, «Татар-информ», «Әлмәт таңнары»). Әлмәт татар дәүләт драма театры артисты Илназ Гыймалетдинов Винера Ганиеваның VII Халыкара «Сандугач-Соловей» бәйгесендә «Язмышымда язлар булып кал» җыры белән 1 урын яулады. Бу турыда район басмасы хәбәр итә.

(Казан, 5 март, «Татар-информ», Зилә Мөбәрәкшина). Казанда Татарстанның заманча сәнгать галереясендә конкурслар лауреаты, фотограф Сергей Потеряевның «Тартария. Яңа топография» дигән күргәзмәсе ачылды. Күргәзмәнең кураторы — «Татмедиа» агентлыгы җитәкчесе урынбасары Эдуард Хәйруллин әлеге күргәзмәне «тамырларыбызга яңа караш» дип атады. Бу хакта ул күргәзмә ачылышында сөйләде.

(Казан, 5 март, «Татар-информ»). Казанда төзелештә күтәрткечтән биш эшче егылып төшкән, икесе урында һәлак булган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 5 март, «Татар-информ», Диана Авакян). Татарстан предприятиеләр өчен продукцияне транспортлауга 100 процентлы компенсациягә ирешәчәк. Хәзер ул 80 процент тәшкил итә. Бу хакта ТР сәнәгать һәм сәүдә министры Алберт Кәримов ведомствоның коллегия утырышында хәбәр итте.

(Казан, 5 март, «Татар-информ», Надежда Гордеева). Татарстанның муниципаль районнарына килә торган мобиль поликлиникаларның эшчәнлеге уңай бәяләмә ала. Бу хакта ТР Дәүләт Советы Президиумы утырышында ТР вице-премьеры Ләйлә Фазлыева хәбәр итте.

(Казан, 5 март, «Татар-информ», Наталья Рыбакова). Россия Президенты инициативасы буенча 2020 елда икенче бала өчен ана капиталы күләме 150 мең сумга – 616 617 сумга кадәр арттырылган. Бу хакта бүген «Татар-информ» мәгълүмат агентлыгында узган матбугат конференциясендә Россия Пенсия фондының Татарстан Республикасы буенча социаль түләүләр бүлеге башлыгы Гөлсинә Сабирова хәбәр итте.

(Казан, 5 март, «Татар-информ», Диана Авакян). Предприятиеләрнең бурыч йөкләнешен киметү аларга модернизациягә күбрәк инвестицияләр кертергә мөмкинлек бирәчәк. Бүген бу хакта Татарстан Республикасы Президенты Рөстәм Миңнеханов Татарстан Сәнәгать һәм сәүдә министрлыгы коллегиясе утырышында хәбәр итте.

(Казан, 5 март, «Татар-информ»). 6 мартта Казанда «Бердәм Россия» Бөтенроссия сәяси партиясенең Татарстан төбәк бүлеге Төбәк сәяси советы президиумының илкүләм проектларны тормышка ашыруда һәм мәгълүмат бирүдә ярдәм итү мәсьәләләре буенча киңәйтелгән утырышы узачак. Бу хакта «Бердәм Россия» Бөтенроссия сәяси партиясенең Татарстан төбәк бүлеге хәбәр итә.

(Казан, 5 март, «Татар-информ», Гөлнар Гарифуллина). Казан сырхауханәләре автопаркында 119 машина алмаштыруга мохтаҗ. Бу хакта коллегия утырышында Татарстанның сәламәтлек саклау министры урынбасары — Казан шәһәре Сәламәтлек саклау идарәсе башлыгы Владимир Жаворонков әйтте.

(Казан, 5 март, «Татар-информ», Гөлнар Гарифуллина). Казанда 2019 елда яман шеш авыруы артса да, онкологиядән үлем кимегән. Бу хакта коллегия утырышында Татарстанның сәламәтлек саклау министры урынбасары — Казан шәһәре Сәламәтлек саклау идарәсе башлыгы Владимир Жаворонков сөйләде.

(Казан, 5 март, «Татар-информ»). Татарстан авыл хуҗалыгы һәм азык-төлек министрлыгы 8 Мартка чәчәкләр сайлау буенча тәкъдимнәр әзерләде. Документ ТР буенча Россельхознадзор идарәсе белгечләре ярдәме белән төзелде. Бу хакта ведомствоның матбугат хезмәте хәбәр итә.

(Казан, 5 март, «Татар-информ», Надежда Гордеева). Татарстанда 19 мең 103 Бөек Ватан сугышы ветераны торак алу өчен субсидия алган. Бу хакта ТР Дәүләт Советы Президиумы утырышында ТР вице-премьеры Ләйлә Фазлыева хәбәр итте.

(Казан, 5 март, «Татар-информ», Гөлнар Гарифуллина). Татарстан сәламәтлек саклау министры урынбасары — Казанның сәламәтлек саклау идарәсе башлыгы Владимир Жаворонков башкалада яңа туган балалар үлемен киметү буенча план эшләргә кушты.

(Казан, 5 март, «Татар-информ», Наталья Рыбакова). Апрель уртасыннан Татарстан Республикасы буенча Россия Федерациясе Пенсия фондының Татарстан бүлеге ана (гаилә) капиталына сертификатлар бирүгә актив керешәчәк. Бу хакта ведомство матбугат хезмәте хәбәр итте.

(Казан, 5 март, «Татар-информ», Надежда Гордеева). ТР Дәүләт Советы Рәисе Фәрит Мөхәммәтшин Бөек Ватан сугышы ветераннарына бер тапкыр бирелә торган акчаны түләү эшен көчәйтергә чакырды. Бу хакта парламент башлыгы ТР Дәүләт Советы Президиумы утырышында белдерде.

(Казан, 5 март, «Татар-информ»). Ульяновск өлкәсендә герой-шагыйрь Муса Җәлил истәлегенә багышлап «Җәлил айлыгы» бара. Бу хакта Бөтендөнья татар конгрессы матбугат хезмәте хәбәр итә.

(Казан, 5 март, «Татар-информ», Егор Никитин).Татарстанның Сербия партнерлары белән хезмәттәшлеге алга таба үсеш өчен зур потенциалга ия. Бүген бу хакта Татарстан Республикасы Президенты Рөстәм Миңнеханов Сәүдә, икътисади һәм фәнни-техник хезмәттәшлек буенча Россия-Сербия Хөкүмәтара комитетының 18нче утырышында хәбәр итте.

(Казан, 5 март, «Татар-информ», Наталья Рыбакова). Ана капиталына дәүләт сертификатын бирү һәм бу акчалардан файдалану турындагы гаризаларны карау вакыты киләсе елдан өч тапкыр кыскартылачак. Бу хакта бүген «Татар-информ» мәгълүмат агентлыгында узган матбугат конференциясендә Россия Пенсия фондының Татарстан Республикасы буенча социаль түләүләр бүлеге башлыгы Гөлсинә Сабирова хәбәр итте.

(Казан, 5 март, «Татар-информ», Гөлназ Хәбибуллина) Татарстанның атказанган артисты Равил Галиев, «Татар-информ»га биргән әңгәмәсендә, бүген халыкның башын күтәреп сүз әйтергә, кискен эшләр эшләргә батырчылыгы җитмәве хакында әйтте.

(Казан, 5 март, "Татар-информ", Гөлнар Гарифуллина). Казанда укучыларның сәламәтлеген күзәтү максатыннан эшче төркем булдырылырга мөмкин. Бу тәкъдим белән бүген коллегия утырышында Татарстанның сәламәтлек саклау министры урынбасары – Казан шәһәре Сәламәтлек саклау идарәсе башлыгы Владимир Жаворонков чыкты.

(Казан, 5 март, «Татар-информ», Наталья Рыбакова). РФ Президенты йөкләмәсе белән март башыннан ана капиталы программасына кагылышлы үзгәрешләр үз көченә керде. Хәзер аны беренче балага карата бердәнбер уллыкка алучы саналган ир-атлар да рәсмиләштерә алачак. Россия Пенсия фонды ТР буенча бүлегенең социаль түләүләр бүлеге башлыгы Гөлсинә Сабирова бүген «Татар-информ» агентлыгында узган матбугат конференциясендә шул хакта хәбәр итте.

(Казан, 5 март, «Татар-информ», Динара Прокопьева). Россия вице-премьеры Юрий Борисов Сербия Президенты Александр Вучичны Мәскәүдә узачак Җиңү парадына чакырды. Сәүдә, икътисади һәм фәнни-техник хезмәттәшлек буенча Россия-Сербия Хөкүмәтара комитеты утырышында шундый белдерү яңгырады.

(Казан, 5 март, "Татар-информ", Гөлнар Гарифуллина). Казанда табиблар белән тәэмин ителеш югары һәм түбән булган хастаханәләр билгеле. Аларны бүген коллегия утырышында Татарстанның сәламәтлек саклау министры урынбасары - Казан шәһәре Сәламәтлек саклау идарәсе башлыгы Владимир Жаворонков атады.

(Казан, 5 март, «Татар-информ», Надежда Гордеева). Алтынчы чакырылыш Татарстан Дәүләт Советының сигезенче утырышы 12 мартта узачак. Анда депутатлар пенсионерларга ярдәм күрсәтү һәм социаль яклау чараларын гамәлгә ашыруга бәйле мәсьәләләрне тикшерәчәк. Бүген республика парламентының президиум утырышында шул хакта билгеле булды.