Новости за 12.03.2020

(Кукмара, 12 март, «Татар-информ», «Хезмәт даны»). Районның Никахлашу сараенда «алтын» юбиляр Екатерина һәм Михаил Макаровлар гаиләсен хөрмәтләү тантанасы узды. Ә аларның уллары Виктор Макаров хатыны Лидия белән «көмеш» туйларын билгеләп үтә. Бу хакта Кукмара районы ЗАГС бүлегендә хәбәр иттеләр.

(Казан, 12 март, «Татар-информ»). Киләсе ял көннәрендә Татарстанга алдан фаразланган салкыннар киләчәк. Бу хакта Татарстан Гидрометеорология үзәге кисәтә.

(Казан, 12 март, «Татар-информ»). Самарада чыбыклы дисклы телефон аппаратларын (тотылган, ватык булса да ярый) җыялар. Әлеге телефон аппаратларында булган кыңгыраулар Казанда татар гармуннары — тальяннар ясау өчен файдаланылачак. Бу хакта Самара татарлары сайтында хәбәр ителә.

(Казан, 12 март, «Татар-информ»). Башкортстанда башкорт теле елына һәм танылган башкорт шагыйре, дәүләт эшлеклесе, оратор, музыкант Шәехзадә Бабичның тууына 125 ел тулуга багышланган «Бабич варислары» ачык республика конкурс-семинары игълан ителде. Бу хакта Бөтендөнья башкорт корылтае матбугат хезмәтенә сылтама белән «Башинформ» хәбәр итә.

(Казан, 12 март, «Татар-информ»). Татарстанның Питрәч районының Тогашево авылыннан Ульяновлар гаиләсе 2019 елда шәхси ярдәмче хуҗалыкларда сөт терлекчелегенә ярдәм итү буенча Татарстан Республикасы Авыл хуҗалыгы һәм азык-төлек министрлыгы субсидиясен ала. Алар альп кәҗәләре сөтен җитештерәләр. Бу турыда министрлыкның матбугат хезмәте хәбәр итте.

(Казан, 12 март, «Татар-информ», Ксения Перепеченова). Балалар һәм гаилә турында кайгыртуны иң мөһим дәүләт бурычы итеп Россия Конституциясендә беркетү ил үсешенең милли идеясен һәм өстенлекләрен чагылдыра. Бу хакта «Татар-информ» мәгълүмат агентлыгына Татарстан Министрлар Кабинетының ЗАГС идарәсе башлыгы Гөлшат Нигъмәтуллина әйтте.

(Казан, 12 март, «Татар-информ»). Иртәгә, 13 мартта, Татарстанда аномаль җылы һәм дымлы һава торышы саклана. Республика территориясендә һава торышын Скандинавиядән килгән «циклонлы өермә» билгеләячәк. Бу хакта Татарстан Гидрометеорология үзәге хәбәр итә.

(Казан, 12 март, «Татар-информ», Ксения Перепеченова). Covid-19 коронавирустан саклану өчен һәр көнне Кәгъба урнашкан әл-Хәрам мәчетендә дезинфекция ясала. Бу гыйбадәт кылучыларны коронавирустан саклау өчен эшләнә. Хезмәткәрләр идәнне һәм башка өслекләрне юалар, келәмнәрне зарарсызландыралар. Чисталык саклаучы кешеләр санын күптән түгел 330дан 450гә кадәр арттырганнар. Бу хакта Saudi Gazette хәбәр итә.

(Казан, 12 март, «Татар-информ», Гөлнар Гарифуллина). 2019 ел белән чагыштырганда, Татарстанда торак белән тәэмин ителәчәк ятим балалар саны быел ике тапкыр күбрәк булачак. Бу хакта алтынчы чакырылыш Дәүләт Советы утырышында узган елгы эшчәнлегенә хисап чыгышында Татарстанда бала хокуклары буенча вәкаләтле вәкил Гүзәл Удачина әйтте.

(Казан, 12 март, «Татар-информ», Гөлнара Әүхәдиева). Депутат Айрат Хәйруллинның вертолеты кеше факторы яки техник төзексезлек аркасында һәлакәткә очраган булуы ихтимал. Бу хакта матбугат чаралары вәкилләре белән видеоконференция барышында Идел буе транспорт прокуроры Тимур Кебеков сөйләде.

(Казан, 12 март, «Татар-информ», Гөлнар Гарифуллина). Бөек Ватан сугышы ветераннарына Җиңүнең 75 еллыгы уңаеннан бер тапкыр бирелә торган түләүләр 1 апрельдән күчә башлаячак. Бу хакта Татарстан Дәүләт Советы утырышында «Татарстан Республикасында пенсионерларны социаль яклау һәм аларга ярдәм чараларын гамәлгә ашыру турында» Хөкүмәт сәгате вакытында ТР хезмәт, халыкны эш белән тәэмин итү һәм социаль яклау министры Эльмира Зарипова әйтте.

(Казан, 12 март, «Татар-информ», Гөлүзә Ибраһимова). «Мәрҗани» мәчете имам-хатыйбы Мансур хәзрәт Җәләлетдинов «Татар-информ» хәбәрчесенә коронавирустан һәм башка авырулардан саклану өчен дога әйтте.

(Казан, 12 март, «Татар-информ», Зилә Мөбәрәкшина). Татар әдәбияты классигы Галимҗан Ибраһимовның 1917 елдагы инкыйлабка кадәр язылган тарих белән бәйле булган әсәрләре һәм 1908 елда язылган «Борынгы ислам мәдәнияте» китабы кирилл имлясында басылып чыгачак. Бу хакта «Татар-информ» агентлыгында үткән матбугат очрашуында Г.Ибраһимов исемендәге «Тел, әдәбият һәм сәнгать» институты текстология бүлегенең өлкән фәнни хезмәткәре Камил Әхсәнов хәбәр итте.

(Казан, 12 март, «Татар-информ», Энҗе Габдуллина). Мөслим районы егетләре Айдар Корбыев һәм Данияр Хәбибуллин 18-23 март көннәрендә Екатеринбургта үткән армспорт буенча Россия беренчелегендә чемпион булды. Остазлары Ларис Бариев әйтүенчә, егетләр хәзер Европа һәм дөнья беренчелегенә әзерләнә.

(Казан, 12 март, «Татар-информ», Зилә Мөбәрәкшина). Галимҗан Ибраһимов исемендәге Тел, әдәбият һәм сәнгать институты текстология бүлегенең өлкән фәнни хезмәткәре Әнисә Алиева татар әдәбияты классигы Галимҗан Ибраһимовны алынмалардан күп файдаланмаска һәм чит тел грамматикасына иярмәскә өндәгән. Бу хакта ул «Татар-информ» агентлыгында узган матбугат очрашуында әйтте.

(Казан, 12 март, «Татар-информ», Полина Шевчук). Татарстанда М7 трассасында йөк машинасы юл кырыена төшеп киткән һәм әйләнеп капланган. Бу хакта «Татар-информ»га юл-транспорт һәлакәтен күргән шаһитлар сөйләде.

(Казан, 12 март, «Татар-информ»). Башкортстан билгесе ТАССРның 100 еллыгы әләмендә үз урынын алды. Бу хакта Бөтендөнья татар конгрессы матбугат хезмәте хәбәр итә.

(Казан, 12 март, «Татар-информ», Ксения Перепеченова). Татарстан туган телне саклау һәм үстерү буенча шактый тәҗрибә туплады һәм Федерациянең башка субъектлары белән тәҗрибә уртаклашырга әзер. Татарстан Дәүләт Киңәшчесе Минтимер Шәймиев VI чакырылыш Татарстан Дәүләт Советының сигезенче утырышында шундый белдерү белән чыгыш ясады.

(Казан, 12 март, «Татар-информ», «Мәгариф», Ландыш Нәсыйхова). Интернет челтәрендә аларны йә «Саба сувенирлары», йә «Ихлас Татарстан» исеме аша табарга була. Бүгенге геройларыбыз Лилия һәм Фәрит Вафиннар белән гаилә шөгыле, уртак кыйммәтләр, бала тәрбияләү серләре хакында сөйләшәбез.

(Казан, 12 март, «Татар-информ»). Иртәгә, 13 мартта, Татарстан территориясендә көньяк-көнбатыштан көчле җил булачак. Бу хакта ТР Гидрометеорология үзәге кисәтә.

(Казан, 12 март, «Татар-информ», Гөлнар Гарифуллина). Республика Хөкүмәте коронавирус (Covid-19) аркасында чит илләргә сәяхәтләрдән тыелып торырга киңәш итте. Бу хакта Татарстан Премьер-министры урынбасары — Министрлар Кабинеты Аппараты җитәкчесе Шамил Гафаров алтынчы чакырылыш Дәүләт Советының сигезенче утырышында әйтте.

(Казан, 12 март, «Татар-информ»). 100tatarstan.ru сайтында элемтә төймәсе барлыкка килде - татарстанлылар бирегә ТАССРның 100 еллыгын бәйрәм итү буенча үз идеяләрен җибәрә ала.

(Казан, 12 март, «Татар-информ», Гөлнар Гарифуллина). Татарстанда елдан-ел социаль яктан имин булмаган гаиләләр саны кими. 2019 елда аларның саны, 2018 елга караганда, 500 гә кимегән. Бу хакта алтынчы чакырылыш Дәүләт Советының сигезенче утырышында Бала хокуклары буенча вәкаләтле вәкил Гүзәл Удачина әйтте.

(Казан, 12 март, «Татар-информ»). Бүген, Рәҗәб аеның 17нче көнендә, Татарстан мөфтие Камил хәзрәт Сәмигуллин танылган алып баручы Марсель Әхмәдуллин һәм дини җырлар башкаручылар — Татарстанның атказанган артистлары Марсель Вәгыйзев һәм Вәли Фазлыйәхмәтов белән дини җырларны торгызу хакында сөйләште. Бу турыда ТР Диния нәзарәте хәбәр итә.

(Казан, 12 март, “Татар-информ”, Рузилә Мөхәммәтова). Татар җыр сәнгатенә багышланган фәнни-гамәли конференциясендә музыка белгечләре “попса” термины белән дә эш итәчәк. Бу хакта Төркиядә яшәүче татар музыка белгече Гөлназ Җиһангирова әйтте.