Новости за 07.03.2020

(Казан, 7 март, «Татар-информ, Зилә Мөбәрәкшина). Татарстан Президенты Салих Сәйдәшев исемендәге Зур концертлар залында «Ана даны» медаленә ия булган хатын-кызларны тантаналы рәвештә бүләкләде.

(Казан, 7 март, «Татар-информ», Полина Шевчук). Казанда эшчеләре төзелештә күтәрткечтән егылып төшеп һәлак булган төзелеш компаниясе башлыгы тоткарланды. Бу хакта «Татар-информ»га Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе хәбәр итте.

(Казан, 7 март, «Татар-информ», Полина Шевчук). Чаллыда ир-ат простыня ярдәмендә 11нче каттан төшәргә омтылган, әмма тотынып ала алмыйча, егылып төшкән. Бу хакта «Челнинские известия» басмасы хәбәр итә.

(Казан, 7 март, «Татар-информ»). Россиядә Covid-19 коронавирус белән авыруның алты яңа очрагы расланган. Бу хакта РИА Новости хәбәр итә.

(Казан, 7 март, «Татар-информ»). Аппарат киңәшмәсендә республика министрлары хатын-кызларны 8 Март белән котлап, җыр башкарды.

(Казан, 7 март, «Татар-информ»). Татарстан Президенты Рөстәм Миңнеханов Федераль куркынычсызлык хезмәтенең Татарстан Республикасы буенча идарәсе җитәкчесе Динар Хәмитовны, ул отставкага чыкканнан соң, үз киңәшчесе итеп билгеләргә планлаштыра. Бу хакта республика җитәкчесе иртәнге киңәшмәдә хәбәр итте.

(Казан, 7 март, «Татар-информ», Әдилә Зыятдинова). ВИЧ-инфекция йоктыру күбесенчә җенси юл белән күчә. Бу хакта интервьюда Андрей Кузьминга балаларга, хатын-кызларга, ВИЧ инфекцияле яшьләргә ярдәм фондына нигез салучы Светлана Изамбаева сөйләде.

(Казан, 7 март, «Татар-информ»). Башкортстан Мәдәният министрлыгы Уфа опера һәм балет театрына биюче Рудольф Нуриев исемен бирү инициативасы белән чыкмаячак. Бу хакта UFA1.RU порталы хәбәр итә.

(Казан, 7 март, «Татар-информ», «Безнең Чирмешән», Кадыйр Гомәров). Бөек Ватан сугышында Җиңүнең 75 еллыгын каршылау һәм үткәрү буенча райондагы оештыру комитеты бу уңайдан эшчәнлекне атна саен йомгаклап барачак. Бу турыда район басмасы хәбәр итә.

(Баулы, 7 март, «Татар-информ», «Баулы-информ», Айгөл Хөсәенова). Баулы районының Кызылъяр авылы мәдәният йортында «Татар кызы» халыкара бәйгесенең район этабы үтте. Бөтендонья татар конгрессы җирле бүлекчәсе һәм район мәдәният бүлеге оештырган бәйгедә барлыгы унбер кыз катнашты. Бу турыда район басмасы хәбәр итә.

(Бөгелмә, 7 март, «Татар-информ», «Бөгелмә авазы», Оксана Гайсина). Бөгелмәдә Бөек Ватан сугышында Җиңүнең 75 еллыгына багышланган медаль тапшыру тантанасы узды. Бу турыда район басмасы хәбәр итә.

(Казан, 7 март, «Татар-информ»). Менделеевск районы Бәзәкә авылы Мәдәният йорты базасында Милли мәдәниятләр фестивале узды. Тамашачылар «Җиңү көне» җыры астында аягүрә басып кул чапты, Ватаныбыз өчен сугышта һәм тылда җиңүне якынайтучылар өчен хөрмәт һәм горурлык белдерде. Бу турыда Бөтендөнь татар конгрессы сайтында хәбәр ителә.

(Казан, 7 март, «Татар-информ»). Уфада «Мәҗит Гафуриның Россия халыкларының әдәбиятын һәм мәдәниятен үстерүдә иҗатының роле» бөтенроссия фәнни-гамәли конференциясе узачак. Конференция Башкортстанның халык шагыйренең тууына 140 ел тулуга багышланачак. Бу турыда «Башинформ» агентлыгы хәбәр итә.

(Әгерҗе, 7 март, «Татар-информ», «Әгерҗе хәбәрләре»). Әгерҗе районы ЗАГС идарәсе февраль аена йомгак ясады. Узган айда Әгерҗе районында аерылышучылар күбрәк булган. Бу турыда район басмасы хәбәр итә.