Новости за 22.03.2020

(Чирмешән, 22 март, «Татар-информ», «Безнең Чирмешән», Марат Гомәров). Чирмешән районы Югары Кәминкә авыл җирлегендә 4 хуҗалык кече ферма программасыннан, өчесе микроферма программасыннан файдаланган. Бер хуҗалыкка абзар салу өчен бушлай 1200 данә керамзит блок бирелгән.

(Сарман, 22 март, «Татар-информ», «Сарман»). Сарман районының Азалак төп гомуми белем бирү мәктәбендә «Солдатка хат яз» акциясе үткәрелде. Укучылар Билгесез солдатка хат язды. Бу турыда район басмасы хәбәр итә.

(Апас, 22 март, «Татар-информ», «Апастово-информ», Ләйлә Шиһабиева). Апас үзәк хастаханәсе табибәсе, олысына-кечесенә карата игътибарлы, үз эшенең чын остасы булган Карабанова Лариса Николаевна Татарстан Республикасының Атказанган табибәсе исеменә лаек булды. Бу турыда район басмасы хәбәр итә.

(Әгерҗе, 22 март, «Татар-информ», «Әгерҗе хәбәрләре», Асия Корбангалиева). Әгерҗенең Шаршады авылы тыл ветераннарына юбилей медальләре тапшырылды. Алар арасында узган ел 100 яшен тутырган Гамилә апа Камаева да бар. Бу турыда район басмасы хәбәр итә.

(Казан, 22 март, «Татар-информ»). Иртәгә, 23 мартта, Россия яңа типтагы Covid-19 коронавирус пандемиясе аркасында дөньяның барлык илләре белән авиаэлемтәне туктата. Бу хакта Росавиация белдерүенә сылтама белән РИА Новости хәбәр итә.

(Казан, 22 март, «Татар-информ»). Иртәгә, 23 мартта, Россия Covid-19 коронавирус инфекциясе кабынуы билгеләнгән тагын дүрт илгә очышларга вакытлыча чикләүләр кертәчәк. Бу хакта Росавиациянең телеграммасына сылтама белән ТАСС хәбәр итә.

(Казан, 22 март, «Татар-информ»). Тәүлек эчендә Россиянең алты төбәгендә коронавирус белән чирләгән тагын 61 кеше теркәлгән. Бу хакта COVID-19га каршы көрәш буенча оператив штабка сылтама белән РИА Новости хәбәр итә.

(Казан, 22 март, «Татар-информ»). Иртәгә, 23 мартта, республика территориясендә һава шартларының начараюы көтелә. Бу хакта Татарстан Гидрометеорология үзәге кисәтә.

(Казан, 22 март, «Татар-информ»). Яшел Үзәндә Полукамушки бистәсендә ике йорт янган. Янгыннан төшерелгән кадрлар социаль челтәрләрдән файдаланучылар тарафыннан бастырып чыгарылган.

(Казан, 22 март, «Татар-информ», Эвелина Киселева). «Түбәтәй» рестораннары челтәре коронавируска каршы көрәш чараларына җаваплы һәм уңай карашта. Бу хакта «Татар-информ» корреспондентына челтәргә нигез салучы Солтан Сафин сөйләде.

(Казан, 22 март, «Татар-информ»). Татарстан Республикасының атказанган артисты, «Голос» җиңүчесе Динә Гарипова вакытлыча әти-әнисе янына Яшел Үзәнгә китәргә булган. Бу хакта «Яшел Үзән яңалыклары» яза.

(Казан, 22 март, «Татар-информ»). Пенза өлкәсе губернаторы Иван Белозерцев Татарстан флешмобын хуплады. Флешмобка социаль челтәрләрдән файдаланучылар үз фотоларын #всебудетхорошо, #воВсе32 һәм # мечтайсомной хештеглары белән урнаштыралар.

(Казан, 22 март, «Татар-информ»). Татарстан кече шәһәрләрдә уңайлы шәһәр мохите булдыру проектларын гамәлгә ашыру өчен федераль бюджеттан 185 млн сум акча алды. РФ Премьер-министры Михаил Мишустин имзалаган боерык Министрлар Кабинетының рәсми сайтында басылып чыкты.

(Казан, 22 март, «Татар-информ»). Казанда «Савиново» сәүдә үзәге янында җир асты кичүен су баскан. Бу хакта социаль челтәрләрдән файдаланучылар хәбәр итте.

(Казан, 22 март, «Татар-информ»). Казанда туып-үскән Динара Мәҗитова «Әстерхан-24» телеканалына җитәкче итеп билгеләнде. Бу хакта Бөтендөнья татар яшьләре форумы хәбәр итә.

(Казан, 22 март, "Татар-информ"). Сәламәтлек саклау министрлыгының Гомуми практика һәм терапия буенча баш штаттан тыш белгече Оксана Драпкина йогышлы авырулар килеп чыкканда иммунитетны ничек сакларга кирәклеге турында сөйләде. Бу хакта РИА Новости хәбәр итә.

(Казан, 22 март, «Татар-информ»). Татарстан оператив штабы Казанга коронавирус белән авыручыларның кайсы рейс белән килүләрен әйтте.

(Казан, 22 март, "Татар-информ"). РФ Хакимияте илдә карантинны катгыйландырырга һәм коронавирус белән авыручыларга тест уздыру һәм аларны алга таба изоляцияләү өчен хәлиткеч чаралар күрергә омтыла. Бу хакта РИА Новостига Россия Хөкүмәтендәге чыганак хәбәр итте.

(Казан, 22 март, «Татар-информ»). Казанда автобус белән бәрелешкән «Лада» шоферы һәлак булган. Бу хакта ТР буенча Эчке эшләр министрлыгының матбугат хезмәтендә хәбәр иттеләр.

(Казан, 22 март, «Татар-информ»). Татарстанда Covid-19 коронавирусы аркасында 20дән артык кеше катнашында чаралар үткәрүне тыйдылар. ТР Премьер-министры Алексей Песошин имзалаган республика Хөкүмәте карары төбәкнең хокукый мәгълүмат рәсми порталында басылып чыкты.

(Казан, 22 март, «Татар-информ»). Кичә, 2020 елның 21 мартында, Самара Тарихи мәчете манарасына ярымай куелды. Бу хакта Самара татарлары сайтында хәбәр ителә.

(Казан, 22 март, «Татар-информ»). Covid-19 коронавирусының инкубация чоры уртача 5,1 көн дәвам итә, ә симптомнар 11,5 көн дәвамында барлыкка килә. Джон Хопкинс исемендәге иҗтимагый сәламәтлек саклау мәктәбе галимнәре әнә шундый нәтиҗәгә килгән. Бу хакта Роспотребнадзор хәбәр итә.

(Казан, 22 март, «Татар-информ»). CОVID-19 авыруын китереп чыгарган SARS-CoV-2 коронавирусы белән авыручылар саны бөтен дөнья буенча 300 меңнән артып киткән, дип раслый Америка университеты мәгълүматлары. Бу хакта РИА Новости хәбәр итә.

(Казан, 22 март, "Татар-информ", Рузилә Мөхәммәтова). Күренекле татар галиме Резеда Ганиева соңгы юлга үзенең ишегалдынан озатылды. Ике әдәбият галиме - Зөфәр Рәмиев һәм Резеда Ганиева яшәгән йорт ишегалдына татар җәмәгатьчелеге, нигездә, коллегалары һәм шәкертләре җыелган иде.

(Казан, 22 март, «Татар-информ», Полина Шевчук). Лаеш районында боз өстендә калган тагын биш балыкчыны коткарганнар. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.