Новости за 31.03.2020

(Әлки, 31 март, «Татар-информ», «Әлки хәбәрләре»). Әлки районында өлкәннәргә ашамлыклар һәм даруларны волонтерлар китерә. Бу турыда коронавирус инфекциясе таралуны булдырмау буенча районда эшче төркем җитәкчесе Ленар Әһлиуллин сүзләренә сылтама белән район басмасы хәбәр итә.

(Кукмара, 31 март, «Татар-информ», «Хезмәт даны», Эльвира Мөбәракшина). Кукмара районында юл һәлакәте нәтиҗәсендә ике машина йөртүче имгәнгән. Авария бүген кич Янсыбы борылышында булган. Бу хакта район дәүләт автоинспекциясендә хәбәр иттеләр.

(Казан, 31 март, «Татар-информ», Зилә Мөбәрәкшина). Россия Империясенең төзүчесе рус халкы гына түгел, татар милләте дә зур роль уйнаган ди тарих фәннәре кандидаты Илнар Гарифуллин. Бу фикерен ул «Татарстан — Яңа гасыр» каналындагы «Ком сәгате» тапшыруында сөйләде.

(Казан, 31 март, «Татар-информ»). Татарстанда Күп функцияле үзәк офислары эшчәнлеге 1 апрельдән Татарстан Республикасы Министрлар Кабинетының аерым күрсәтмәсенә кадәр вакытлыча туктатыла. Бу хакта Татарстанда Күп функцияле үзәк матбугат хезмәте хәбәр итә.

(Казан, 31 март, «Татар-информ»). Татарстан полициясендә изоляция режимын бозган өчен каралган штрафлар турында сөйләделәр. Бу хакта ведомствоның матбугат хезмәтендә хәбәр иттеләр.

(Казан, 31 март, «Татар-информ», Зилә Мөбәрәкшина). Татарлар белән башкорт халкын бер милләт дип әйтү дөрес түгел. Бу хакта «Ком сәгате» тапшыруындагы әңгәмәсендә сәясәт белгече, тарих фәннәре кандидаты Илнар Гарифуллин сөйләде.

(Казан, 31 март, «Татар-информ»). «Яшел фитнес» проекты профессиональ фитнес-тренерлар катнашында бушлай онлайн-тренировкалар сериясен башлап җибәрә, дип хәбәр итә ТР Спорт министрлыгының матбугат хезмәте.

(Казан, 31 март, «Татар-информ»). 1 апрельдән Казан метросы яңа график буенча эшли башлаячак. Поездлар 6.00 сәгатьтә йөри башлаячак һәм 21.00 сәгатьтә метрополитен эшен төгәлләнәчәк, дип хәбәр итә Казан мэриясенең матбугат хезмәте.

(Казан, 31 март, «Татар-информ»). Татарстан Республикасы Транспорт һәм юл хуҗалыгы министрлыгы республиканың транспорт компанияләренә 1 апрельдән Татарстан торак пунктлары арасында пассажирлар ташуны туктатып торуны йөкләде. Яңа режим санитар-эпидемиологик хәл яхшырганга кадәр гамәлдә булачак. Бу хакта «Татар-информ»га министрлыкның матбугат хезмәтендә сөйләделәр.

(Казан, 31 март, «Татар-информ», Алексей Новиков). Әлмәт үзәк район хастаханәсе табибы «Инстаграм» социаль челтәрендәге үзенең аккаунтында коронавирус йоктырган пациент хатын-кыз турындагы мәгълүматны кире какты.

(Казан, 31 март, «Татар-информ»).1 апрельдә бизнес өчен «Адаптация технологияләре: ничек исән калырга һәм үсәргә?» дип аталган онлайн-конференция узачак. Кризиска каршы конференцияләр сериясен Татарстан Республикасы Икътисад министрлыгы, Татарстан Республикасы Эшмәкәрлеккә ярдәм фонды һәм «Эшмәкәрлек фабрикасы» проекты белән берлектә, республика Президенты Рөстәм Миңнеханов йөкләмәсе буенча башлап җибәрде. Проект эшмәкәрләрне агымдагы шартларга тиз арада җайлаштыру өчен булдырылган һәм бизнеска ярдәм итү экосистемасының бер өлеше булып тора.

(Казан, 31 март, «Татар-информ», Зилә Мөбәрәкшина). Сәясәт белгече, тарих фәннәре кандидаты Илнар Гарифуллин башкортлар арасында руслашу процессы көчлерәк булуын әйтте. Бу фикерен ул «Ком сәгате» тапшыруында сөйләде.

(Казан, 31 март, «Татар-информ»). Татарстанда Cоvid-19 белән зарарланган тагын бер пациент терелде. Бу хакта Коронавирус белән көрәшү буенча республика оператив штабы хәбәр итте.

(Казан, 31 март, «Татар-информ», Казан). Татарстанның элекке мәгариф министры, профессор, педагогика фәннәре докторы, Россиянең һәм Татарстанның атказанган укытучысы Васил Гайфуллин ТНВ телеканалының «Ком сәгате» тапшыруында БДИның тискәре якларын атады.

(Казан, 31 март, «Татар-информ»). Ozon компаниясе Татарстан Президенты Рөстәм Миңнехановка республиканың эре шәһәрләрендә постаматлар санын арттыру буенча эксперименталь проектны башлап җибәрергә тәкъдим итте. Бу хакта мәгълүматны интернет-кибетнең матбугат хезмәте хәбәр итә.

(Казан, 31 март, «Татар-информ»). «Зәкят» хәйрия фонды мохтаҗ ялгыз өлкән яшьтәге кешеләргә азык-төлек җыелмалары сатып алуга иганә җыюны игълан итте. Бу хакта ТР Диния нәзарәтенең матбугат хезмәте хәбәр итә.

(Казан, 31 март, «Татар-информ»). Татарстан хакимияте халыкны кирәкле товарлар белән тәэмин итүче сәүдә компанияләренә йөкләрне вакытында китереп җиткерү өчен барысын да эшләячәк. Бу хакта Татарстан Президенты Рөстәм Миңнеханов онлайн-ретейлерлар белән очрашуда хәбәр итте. Бу хакта республика җитәкчесенең матбугат хезмәте хәбәр итә.

(Казан, 31 март, «Татар-информ», Зилә Мөбәрәкшина). Тарих фәннәре кандидаты Илнар Гарифуллин татарны көчләп башкортка әйләндереп булмый дигән фикер белән килешмәвен әйтте. Ул көчләп милләте алыштырылган татарларның татарга хезмәт итүдән туктавын әйтте. Бу хакта ул «Татарстан — Яңа гасыр» каналындагы «Ком сәгате» тапшыруында сөйләде.

(Казан, 31 март, «Татар-информ», Екатерина Ларионова).  Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы республика мәктәпләрендә укучыларны дистанцион укыту өчен интернет тизлеген арттырачак. Бу хакта «Татар-информ» мәгълүмат агентлыгы корреспондентына Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгында хәбәр иттеләр.

(Казан, 31 март, «Татар-информ»). ТР Диния нәзарәтенең «Зәкят» хәйрия фонды Казанда яшәүче ялгыз өлкән яшьтәге кешеләргә азык-төлекне өйләренә китереп тапшырды. Бу хакта ТР Диния нәзарәте матбугат хезмәте хәбәр итә.

(Казан, 31 март, «Татар-информ»). ТР Дәүләт Советы Рәисе Фәрит Мөхәммәтшин Сovid-19 таралу куркынычы белән бәйле рәвештә Татарстан халкына мөрәҗәгать итте.

(Казан, 31 март, «Татар-информ», Гөлнар Гарифуллина). Коронавирусны кисәтү буенча кертелгән режим аркасында, Татарстанның кече күләмле суднолар буенча дәүләт инспекциясендә халыкны шәхси сораулар буенча кабул итү вакытлыча туктатылган. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов сөйләде.

(Казан, 31 март, «Татар-информ»). Бүген Татарстан Президенты Рөстәм Миңнеханов видеоконференция режимында Татарстан Инвестицион советы утырышын үткәрде. Бу хакта Татарстан Президенты матбугат хезмәте хәбәр итә.

(Казан, 31 март, «Татар-информ», Гөлнар Гарифуллина). Суднода йөрү кагыйдәләрен үтәмәүчеләр штрафка тартыла. Бу хакта ТР Министрлар Кабинетында брифингта Татарстан Республикасының кече күләмле суднолар буенча баш дәүләт инспекторы Юрий Венедиктов сөйләде.

(Казан, 31 март, «Татар-информ»). Россия Мәгариф һәм югары белем бирү министрлыгы югары уку йортларына керү имтиханнарының вакытын күчерергә карар кылды. Бу хакта РФ Мәгариф һәм югары белем бирү министры Валерий Фальков «Россия-24» телеканалында «Диалог» программасына интервьюда хәбәр итте.