Новости за 12.10.2020

(Казан, 12 октябрь, «Татар-информ»). Әлмәт районында фермада кояш энергиясе белән суҗылыткычлар кулланалар. Бу турыда Т атарстан Авыл хуҗалыгы һәм азык-төлек министрлыгы матбугат хезмәте х әбәр итә. Әлмәт муниципаль районында Слесаревлар крестьян-фермерлык хуҗалыгы 2018 елда «Гаилә терлекчелек фермасы» программасы буенча 1 млн сум күләмендә Татарстан Авыл хуҗалыгы һәм азык-төлек министрлыгы грантын алды. Слесаревларның гаилә фермасы — авылда да акча эшләп булуга ачык мисал. Бүген фермерлар эре мөгезле терлек һәм кош-корт үстерүдән тыш... Читать дальше...

(Казан, 12 октябрь, «Татар-информ»). Бу ялларда Түбән Кама унөченче тапкыр «Милләтләр кроссы» бөтенроссия акциясенә кушылды. Шәһәр һәм районның 8 меңнән артык кешесе дистанциягә чыкты. Бу турыда Түбән Кама муниципаль районы рәсми сайты нда хәбәр ителә. Шартлар чикле булуга карамастан, массакүләм йөгерешләрдә катнашырга теләүчеләр саны кимемәде. 11 октябрьдә исә Түбән Камада йөгерергә яратучылар Казан марафонында катнаштылар, алар 21 һәм 42 км ераклыкка йөгерделәр.

(Казан, 12 октябрь, «Татар-информ»). Мәскәүдә Татар мәдәнияте үзәгендә иҗади сезон ачылышы узды. Үзәктә шөгыльләнә торган җыр һәм бию коллективлары җитәкчеләре һәм әгъзалары өчен традициягә әверелгән бу чара, Мәскәүдәге катлаулы санитар-эпидемиологик вазгыятьне исәпкә алып, тар даирәдә үтте. Бу хакта Бөтендөнья татар конгрессы хәбәр итә. Чарада Мәскәү татарлары автономиясе башлыгы Фәрит Фарисов, Татарстан Республикасының Вәкаләтле вәкиле урынбасары Эмиль Фәйзуллин, Татар мәдәнияте үзәге директоры Әнвәр Хөсәенов чыгыш ясады. Читать дальше...

(Казан, 12 октябрь, «Татар-информ», «Идел» , Мөршидә Кыямова). «Үзең янганда башкаларга яктырт!» Бу сүзләрне Гиппократ моннан безнең эрага кадәр әйтеп калдырган. Табиб — иң борынгы һөнәрләрнең берсе, әмма аларның абруе бер заманда да кимемәде. Ак халат ияләренең хезмәте безгә ни дәрәҗәдә мөһим икәнен соңгы вакытта аеруча яхшы аңладык. Казан егете, яшь хирург Камил Кадыров иң катлаулы өлкәләрнең берсе — йөрәк кан тамырлары хирургиясе кафедрасы табибы. Ул хәзерге вакытта Республиканың балалар клиник хастаханәсендә практика уза. Читать дальше...

(Казан, 12 октябрь, «Татар-информ»). Зәй районы аграрийлары шикәр чөгендерен җыюны төгәлләделәр. Шикәр чөгендере чыгаруны шулай ук Апас һәм Бөгелмә районнары да төгәлләгән. Финиш сызыгында — Тукай, Сарман, Буа һәм Минзәлә районнары. Бу турыда Татарстан Авыл хуҗалыгы һәм азык-төлек министрлыгы хәбәр итте. Зәй районында татлы тамыр җыюга 12 августта керешкәннәр иде. 9101 гектар мәйданда 442,5 мең тонна чөгендер җыеп алдылар, уңдырышлылык — 486 ц/га. Кырларда «Ропа Тигр» маркалы 12 чөгендер җыю комбайны һәм 3 «Ропа Маус» чөгендер төягече эшләде.

(Казан, 12 октябрь, «Татар-информ»). 12 октябрьдә шәйхелислам, Россия югары мөфтие, Россия мөселманнары Үзәк Диния нәзарәте рәисе Тәлгат Таҗетдин туган көнен билгеләп үтә. 10 октябрьдә мөфти, Россия мөселманнары Диния нәзарәте рәисе Әлбир хәзрәт Крганов туган көне иде. Татарстан мөфтие Камил Сәмигуллин аларны бәйрәм белән котлады. Бу турыда Диния нәзарәтенең матбугат хезмәте хәбәр итте. Камил хәзрәт Сәмигуллин Россия югары мөфтие, Россия мөселманнары Үзәк Диния нәзарәте рәисенә котлау сүзләрендә... Читать дальше...

(Казан, 12 октябрь, «Татар-информ»). Казахстанда Галимҗан Ибраһимовның «Алмачуар» повесте буенча Казахстан-Татарстан фильмын төшерү төгәлләнде. Бу хакта «Татаркино» оешмасы хәбәр итә. «Көкбозат» — фильмның эш исеме, сценарийны Бекболат Шекеров (Казахстан) язган, режиссеры Юлия Захарова (Татарстан). Фильмны төшерү 15 сентябрьдә башланды. Коронавирус пандемиясе аркасында килеп туган авырлыкларга карамастан, Татарстаннан режиссер һәм төп рольләрнең берсен башкаручы — Татарстанның атказанган артисты Алсу Әбелханова Казахстанга бара алган. Читать дальше...

(Казан, 12 октябрь, «Татар-информ»). Татарстан Президенты Рөстәм Миңнеханов Бөек Ватан сугышы ветераны һәм Татарстанның атказанган табибы Татьяна Емелинаның вафатына бәйле рәвештә кайгы уртаклаша. Ул мәрхүмәнең сеңлесе Анна Емелина исеменә телеграмма юллаган. Бу турыда Татарстан Президентының матбугат хезмәте хәбәр итте. «Институт эскәмиясеннән үк хәрби-кыр хирургы буларак фронтка китеп, Татьяна Андреевна йөзләгән кешене коткарды, ә соңрак туган республикасының сәламәтлек саклау өлкәсен камилләштерүдә фидакарь хезмәт куйды»... Читать дальше...

(Казан, 12 октябрь, «Татар-информ»). Россия Финанс министрлыгы яңа төзелә торган йорттан фатир алу өчен 6,5 процентлы ташламалы ипотеканы киләсе ел ахырына кадәр озайтырга тәкъдим итте. Бу хакта федераль министрлыкның рәсми сайтында хәбәр ителә «6,5 процентлы ташламалы ипотека программасын 2021 ел ахырына кадәр озайту тәкъдим ителә. Бу программа буенча кредитлар бирүне 900 млрд сумнан 2,8 триллион сумга арттыру планлаштырыла», — диелә хәбәрдә. Профильле ведомство төзегән проект карарын турында җәмәгатьчелек фикер алышсын өчен... Читать дальше...

(Казан, 12 октябрь, «Татар-информ»). Казан дәүләт медицина университеты иртәгә, 13 октябрьдән, дистанцион белем бирүгә күчә. Бу хакта югары уку йортының студентлар матбугат үзәгенең «Вконтакте» төркемендә хәбәр ителә. Төркемдә уку йорты ректорының боерыгын куйганнар. «2010 елның 13 октябреннән 25 октябренә кадәр Россия Сәламәтлек саклау министрлыгының Казан дәүләт медицина университетының бөтен биналарында да яңа коронавирус инфекциясе таралуны кисәтү максатыннан, махсус санитар-эпидемиологик режим кертергә», — диелгән документта. Читать дальше...

(Казан, 12 октябрь, «Татар-информ», Елена Сәләхова). Чаллыда яшәүче ир-ат коронавирустан ялган тестлар саткан өчен суд каршына басты. Җинаять эшен карау бүген Казанның Вахитов районы судында башланды. Гаепләнүче — 33 яшьлек Ильвир Әхмәтҗанов. Судның матбугат хезмәтендә хәбәр итүләренчә, афера быелның июнь аенда, сатып алучы булып кыланган Эчке эшләр министрлыгы хезмәткәренә тестлар партиясен сатарга җыенганда ачыклаган. «Әхмәтҗанов интернетта потенциаль сатып алучыга COVID-19 диагностикасы өчен тестлар җыелмасы алырга тәкъдим иткән. Читать дальше...

(Казан, 12 октябрь, «Татар-информ», Полина Шевчук). Түбән Новгород янында автобус тукталышында атышта өч кеше һәлак булган. Бу хакта РИА Новости хәбәр итте. Фаҗига бүген, Большеорловский бистәсендә булган. Беренчел мәгълүматлар буенча, билгесез яшь егет автобус тукталышына аткан. Нәтиҗәдә өч кеше һәлак булган, тагын өч кеше яраланган, аларны хастаханәгә алып киткәннәр. Матбугатта чыккан мәгълүматларга караганда, атышны 18 яшьлек егет оештырган. Җинаятьченең үзе белән рюкзагы һәм коралы булган. Читать дальше...

(Казан, 12 октябрь, «Татар-информ»). Татарстанда Бөек Ватан сугышы ветераннарын торак белән тәэмин итү өчен Россия хөкүмәте 20 млн сум акча бирәчәк. Бу максатларда Россия төбәкләренә барлыгы 1 млрд сум каралган. Әлеге карар Министрлар Кабинеты сайтында басылып чыккан. «Татарстан Республикасына — 20169,3 мең сум», — диелгән документта. Иң күп сумма Санкт-Петербургка (134812,7 мең сум), Ростов өлкәсенә (103006,5 мең сум), шулай ук Башкортстанга (100173,9 мең сум) биреләчәк. Гомуми сумма — 1,046 млрд. Читать дальше...

(Казан, 12 октябрь, «Татар-информ»). 18 октябрьдән соң Казанда температура төшү һәм явым-төшемнәр фаразлана. Бу хакта КФУның Экология һәм табигатьне файдалану институтының метеорология, климатология һәм атмосфера экологиясе кафедрасы мөдире Юрий Переведенцев әйтте. Профессор әйтүенчә, Россия Гидрометеорология үзәге фаразлары буенча, алдагы көннәрдә Казанда уңайлы, октябрь өчен гадәти булмаган һава торышы сакланачак. Бу атнада иң җылы көн чәршәмбе булачак: төнлә һава температурасы 7, ә көндез 18 градуска кадәр җылыначак. Читать дальше...

(Казан, 12 октябрь, «Татар-информ»). Татарстанда тагын ике кеше коронавирустан вафат булды. Бу хакта республиканың Сәламәтлек саклау министрлыгы хәбәр итә. «12 октябрьгә Татарстанда коронавирустан вафат булуның 90 очрагы теркәлде», — диелә хәбәрдә. Казанда яшәүче 1946 елгы ир-ат ике яклы пневмония диагнозы белән Республика клиник инфекцион хастаханәсенә китерелгән була. Пациентның хәле хроник авырулар кискенләшү аркасында катлауланган. Үлем сәбәбен патологоанатомик экспертиза ярдәмендә ачыклаганнар. Читать дальше...

(Казан, 12 октябрь, «Татар-информ»). «Мирас» журналы яңа санын ТАССРга нигез салучыларга, күренекле татар галимнәренә һәм сәнгать әһелләренә багышлаган. Укучы узган гасырның 20 нче еллары һәм республикага нигез салучыларның берсе Мирсәет Солтангалиевнең, язучы Гаяз Исхакыйның тормыш юлы, уңышлары һәм җиңелүләре белән таныша алачак. Журнал авторлары әйтүенчә, «Без кем булачакбыз?» дигән сорауга җавап табу өчен, башта кем булганыбызны белергә кирәк. Шуңа күрә яңа санны Татарстанда яшәгән бөек кешеләр мирасына багышлау карары кабул ителгән. Читать дальше...

(Казан, 12 октябрь, «Татар-информ»). Россия Дәүләт Думасында Татарстаннан депутат Олег Морозов Мәскәүдә Охотный рядтагы бинада мәрхүм Иосиф Кобзон кабинетында эшләячәк. Бу хакта ул үзенең Instagram аккаунтында язган. «Думадагы эш урыным. Минем дустым һәм көрәштәшем, бөек Иосиф Кобзон кабинеты. Аның вафатыннан соң ул буш торган иде. Әгәр Иосиф Давыдовичның рухы монда булса, димәк, ул миңа ярдәм итәчәк. Кобзон исән вакытында да шундый иде», — дип язган Олег Морозов. Татарстаннан экс-сенатор Олег... Читать дальше...

(Казан, 12 октябрь, «Татар-информ»).19 октябрьдә Мәгариф һәм фән өлкәсендә күзәтчелек буенча федераль хезмәт (Рособрнадзор) җитәкчесе Анзор Музеав әти-әниләр белән бөтенроссия очрашуы уздырачак. Киләсе елда булачак Бердәм дәүләт имтиханы һәм Төп дәүләт имтиханын уздыру турында сорауларны Россиянең барлык төбәкләрендә яшәүчеләр дә җибәрә алачак. Бу хакта Мәгариф һәм фән өлкәсендә күзәтчелек буенча федераль хезмәт хәбәр итә. «Очрашуда Рособрнадзор башлыгы һәм ведомство белгечләре 2020-2021 елда Бердәм... Читать дальше...

(Казан, 12 октябрь, «Татар-информ»). Йөзенче яшендә Татарстан сәламәтлек саклау легендасы, Бөек Ватан сугышы ветераны, хәрби-кыр хирургы Татьяна Андреевна Емелина вафат булды. Бу турыда Татарстан Сәламәтлек саклау министрлыгының матбугат хезмәте хәбәр итте. Татьяна Андреевна 20 яшендә фронтка китә. Ул Ленинград, Курск дугасындагы сугышларда, Украина, Молдавия, Польша һәм Германияне азат итүдә катнаша. Сугыштан соң үзен компетентлы, тәҗрибәле белгеч, чиксез тугры табиб һөнәренә таләпчән, принципиаль, энергияле һәм оста җитәкче буларак таныта. Читать дальше...

(Казан, 12 октябрь, «Татар-информ»). Татарстан Президенты Рөстәм Миңнеханов Россия Авыл хуҗалыгы оператив штабының «Авыл территорияләрен комплекслы үстерү» дәүләт программасын тормышка ашыру мәсьәләләренә багышланган утырышында катнашты. Видеоконференция режимындагы утырышны федераль аграр ведомство башлыгы Дмитрий Патрушев уздырды. Бу хакта республика Президентының матбугат хезмәте хәбәр итә. Патрушев искәрткәнчә, быел дәүләт программасы чараларын гамәлгә ашыруга федераль бюджеттан 35,9 млрд сум каралган. Читать дальше...

(Казан, 12 октябрь, «Татар-информ», Рузилә Мөхәммәтова). Юрий Шевчукның «ДДТ» төркеме вокалисты «Тала-тала» җырын башкарды. Бу хакта «Башинформ» хәбәр итә. Юрий Шевчук һәм аның «ДДТ» төркеме кичә Уфада Республика көненә багышланган концертның хедлайнеры булган. Балачагы Уфадан узган Юрий Шевчук якташларын бәйрәм белән котлаган, Уфага бәйле истәлекләрен яңарткан. Бәйрәм хөрмәтенә төркем яңа җыр әзерләгән. Юрий Шевчук тәкъдиме белән төркемнең вокалисты Алёна Романова «Эх, тала, тала» халык җырын өйрәнгән. Читать дальше...

(Казан, 12 октябрь, «Татар-информ», Эвелина Киселёва). Татарстанда гриппка каршы вакцинаның икенче партиясе кайтарылуын көтәләр. Бу хакта «Татар-информ»да узган матбугат конференциясендә Татарстан сәламәтлек саклау министры урынбасары Владимир Жаворонков әйтте. «Хәзер без икенче партияне көтәбез, ул бу атнада яки киләсе атна башында кайтыр дип өметләнәбез», — диде спикер. Владимир Жаворонков әйтүенчә, беренче партия тотылып беткән, чөнки республика халкы вакцинацияне актив узган. Министр урынбасары сүзләренчә... Читать дальше...

(Казан, 12 октябрь, «Татар-информ», Ксения Перепеченова). Татарстанда «Мин — гражданин» сайты һәм мобиль кушымтасы эшләнәчәк. Әлеге сервис республика халкын төзекләндерү эшләренә җәлеп итәргә, идарәче компанияләр белән аралашуны гадиләштерергә һәм кече бизнеска яңа клиентлар табарга мөмкинлек бирәчәк. Бу хакта мәгълүмат Дәүләт сатып алулары порталында урнаштырылды. «Эшләрне башкаруның төп нәтиҗәләре — халыкның идарәче компанияләр белән үзара хезмәттәшлеген автоматлаштыру, ишегалды чатларын автомат рәвештә барлыкка китерү булырга тиеш»... Читать дальше...

(Казан, 8 октябрь, «Татар-информ», Гөлнар Гарифуллина). Муса Җәлил Мәскәүдә университетта укыганда, тулай торакта төнлә Александр Пушкин шигырьләрен укыган. Бу хакта герой-шагыйрьнең кызы Чулпан Җәлилова Резедә Сәлахованың Бөтендөнья татар конгрессы сайты өчен алган интервьюсында сөйләгән. «Мәскәү университетына укырга килгәч, әти тулай торакта Варлам Шаламов белән бер бүлмәдә яшәгән. Шаламов аның турында хатирәләрен калдырган. Башта бүлмәләренә бер виолончелистны урнаштырганнар, ул туйдыргач, башка кешегә алмаштыруны сораганнар. Читать дальше...

(Казан, 12 октябрь, «Татар-информ», Эвелина Киселёва). Татарстанда яңа коронавирус инфекциясе аркасында санитар чараларны көчәйтү планлаштырылмый. Әмма, ОРВИ һәм грипп аркасында локаль чикләүләр булырга мөмкин. Бу хакта «Татар-информ»да узган матбугат конференциясендә Татарстан буенча Кулланучы хокукларын яклау һәм кеше иминлеге өлкәсендә күзәтчелек федераль хезмәт идарәсе җитәкчесе урынбасары Любовь Авдонина әйтте. «Бүген яңа коронавирус инфекциясенә бәйле эпидемиологик вазгыятьне исәпкә алып, бернинди чикләүләр кертүне планлаштырмыйбыз. Читать дальше...