Новости за 03.02.2019

2012-чу шарахь гоьяьлла тIеман репортер Колвин Мэри ерах жоьпалла Асад Башаран режимна тIехь ду аьлла хета Iамеркан Цхьанатоьхначу Штатийн пачхьалкхан департаментна. Британин The Sunday Times газетан корреспондент лаьттира иза дуккхаъчу шерашкахь. ТIеман конфликташ лаьттачу регионашкара хьал довзийтарна масийттазза профессионалан совгIаташ делира цунна. Пачхьалкхан департаментан дIахьедарехь билгалдаккхарца, 2012-чу шеран Iай Хомс гIалахь йийра Колвин. 2011-чу шарера схьа дуьйна Шемахь байинчу 126 журналисташлахь ю иза. Читать дальше...

Невада штатан Атлетикан комиссино шена исс баттана дисквалификаци яр политикан бух тIехь ду аьлла, дIахьедина "Матч ТВ" программан эфирехь Нурмагомедов Хьабиба. Макгрегоран командан декъашхошца турнир йирзинчул тIаьхьа Нурмагомедов латаран хьокъехь байначу беттан тIаьххьарчу деношкахь шаьш бина сацам бовзийтира Невада штатерчу Атлетикан комиссино. 500 эзар долларна гIуда а тухуш, исс баттана дисквалификаци йира чемпионна. Ишта латаршна юкъара ваьккхина 6 баттана Макгрегор а, 50 эзар доллар цунах гIуда а хьарчош. Читать дальше...

Кху аьхка КъахIирехь дIалаьцначу гIалгIайн пхеа студентех цхьаннан кхолламах хууш хIума дац аьлла, хаамбина Оьрсийчоьнан пачхьалкхан Думан депутато Газгиреев ЮшаIа. Уьш дIалецаран бахьанаш талла юкъаеанера омбудсмен Москалькова Татьяна а. Маршо Радионо яздира, дахначу шеран аьхка дуьйнна Мисарахь доьшуш хилла ГIалгIайчуьра пхи студент дIалацарх. Церан гергарчара хаамбарехь, тIулгийн цIенкъахь латтош хилла уьш, бухатийса гоьнаш ца луш, юучуьнца а кхачо йоцуш. ГIалгIайн диаспорийн векалша митингаш дIаяьхьира... Читать дальше...

Шеларчу кхело набахтехь даккха цхьа шо а, ахчанца гIуда а тоьхна меттигерчу вахархочунна, бакъо йоцуш оьккхуьйтург лелорна. Талламчийн версица, ши шо хьалха шен юьртахочунна куьйга йина граната йоьхкина хилла цо. Стохка тIекхиъна полисхой оцу зуламна. Бехкзуламан гIуллакх а долийна, бакъо йоцуш оьккхуьйтург ярна а, лелорна а, йохкарна а бехкевина, цхьа шо набахтехь а доккхуьйтуш, 10 эзар сом гIуда хьарчийна Шеларчу вахархочух. Дахначу шарахь Нохчийчохь 286 тIеман гIирсаца доьзна гIуллакх Iорадаьккхина ницкъахоша. Читать дальше...