Новости за 24.02.2019

75 шо хьалха доладелира нохчий а, гIалгIай а нуьцкъала Кавказера Юккъерчу Азе дIабигар. Нохч-ГIалгIайн АССР олу республика дIаяьккхира. "ЦIен Арми кхоьллина 26 шо кхачар даздеш сакъоьруш ерриг а пачхьалкх а йолуш, вайнах эшелонашна тIелоьхкуш бара, чубухкуш бара вагонашна, дуккха а деношкахь бигира уьш хIун хир ду ца хуучу кхане, Юккъерчу Азерчу адам ца дехачу ло хьакхначу аренашка", - яздо «Газета.Ru» портало, 75 шо хьалха хиллачу вайнехан депортацех лаьцна ша кечйинчу историн онлайн материалехь. Читать дальше...

Вайнах махкахбаьхна 75 шо кхачар дагалоцуш митинг хилла ГIалгIайчохь. Несарахь политикан репрессеш лайначу нахана хьажийначу мемориалана хьалха хиллачу акцехь дакъалоцуш бара эзарнаш бахархой. «Вайн дайша, шаьш шайн вежаршца-нохчашца махкахбохуш, вуно яккхийн халонаш лайнехь а, лардина къоман сий а, оьздангалла а, ларйина сийнан чIагIалла, корта айина чекхбевлла уьш халонех", - элира митингехь вистхуьлуш республикан куьйгалхочо Евкуров Юнус-Бека.

UFC чемпионо Нурмагомедов Хьабиба махкахбаьхна Сибрех а, Казахстане а, Юккъерчу Азе а хьажийначу нохчийн а, гIалгIайн а сийна йоза дитина шен instagram-хь. "ДагадогIу, дицдийр дац", - яздина Хьабиба шен агIонна тIехь арахецначу вайнах махкахбахарх лаьцначу видеонна кIеллахь, "#депортация #вайнахов #чечня #ингушетия #братья" тегаш тIе а тухуш.

Къилбаседа Кавказерчу цхьамогIа республикашкахь халахетаран мероприятеш дIаяьхьна Чиллан-беттан 23-чу дийнахь нохчийн а, гIалгIайн а къаьмнаш махкахдаьхна 75 шо кхачарна хьажийна. Нохчийчохь республикан куьйгалхочо цхьацца динца йоьзна акцеш ян бакъо еллера кху шара цу бохаме денна хьажийна. 2011-чу шарахь дуьйна къам махкахдаккхар хьехор дихкина дара республикехь. Цуьнца цхьаьна, Нохчийчуьрчу Iедалша шуьйра даздина ерриг Оьрсийчохь лоруш долу "Даймохк ларбархочуьнан де" олу дезаде. ГIалгIайчохь... Читать дальше...

Оьрсийчохь хийцаелла кеманна тIехоуьйту бакъонаш, хаам бо РИА Новости агенталло. Чиллан-беттан 24-чохь дуьйна болх бан доладелла транспортан министралло арахецна омра. Цуьнца а догIуш, аэропорташкахь некъахой кеманна тIеховшийта бакъо ю электронан талонашца. Болчу хаамца, хIинца ша онлайн-регистраци йинчу некъахочуьнан хир ю леррина талон. Цо бакъо лур ю дIасабоьлху нах бен чохь боцучу зоне кхача. Цуьнца цхьаьна, эропорташкахь некъахошна буьсуш бу зорба тоьхна кехата тIехь талон эца аьтто. Хьалхо... Читать дальше...