Новости за 19.02.2019

Кадыровс блок-посташ дIаяха аларо гIайгIане баьхна "Чермен" пост латтош болу хIирийн хьаькамаш ХIара Iа долалучу муьрехь дара Нохчийчоьнан куьйгалхочо Кадыров Рамзана Къилбаседа Кавказан республикийн дозанашкахь лаьтта полицин хаш дIадаха дезара, цара дерза ца дуьту нехан дегнаш чуьра тIеман хьал, аьлча. Цхьаболучара, Кадыров бакъ ву, "КПП" олучу полицин хаша ирча сурт латтадо регонехь, олу. Амма хIирийн хьаькамашна ца тайна дIахьедар, кхерамзаллина эшам хир бу, боху. Массарел а чIогIа оьшу блок-пост ю ГIалгIайчоьнца лаьтта "Чермен" пост... Читать дальше...

Саццаза адамийн бакъонаш йохош йолчу пачхьалкхашна юкъахь Оьрсийчоь пхоьазза хьахийна Европан Бертан арахьарчу гIуллакхийн кхеташоно тIеэцначу резолюцехь. Цу документана тIехь иштта юьйцуш ю Белорусси а, Китай а, ГIажарийчоь а, Бурунди а, Камбоджа а, СаIудийн Iаьрбийн Пачхьалкх а, Мьянма а, Венесуэла а, Къилба Судан а, Туркойчоь а, Зимбабве а. Евробертана хетарехь, адамийн бакъонаш кхечу меттигашкахьчул а алсам кIоршаме йохош йолу меттигаш ю Нохчийчоь а, ГIирма а, Севатополь а, ткъа иштта Украинин... Читать дальше...

Кхин маситта юрт электросерлонах дIахаьдда Нохчийчохь Чиллан-беттан 19-чу дийнахь, хаам бо "Интерфаксо". ДIаяьлла "Гудермес" подстанцина тIе йогIу ток. Ток йоцуш висина 40, 5 эзар вахархо. Иза шолгIа электросерло дIаялар ду Нохчийн Республикехь, хаам бо Оьрсийчоьнан энергетикан министраллан сайто. Хьалхо хаам бина ма хиллара, 23 гергга эзар вахархо ток йоцуш висина ву Хьалха-Мартан кIоштарчу 6 эвлахь а.

1944 шарахь къам махках доккхуш а, 1957 шарахь депортацера цIавеъча а шена Iедалера а, Нохчийчохь бухахь бехачу нахера а хезарг цхьаъ дара боху 80 – лара ваьллачу хьалкелочо Iабдурахьмана.

Садовская Алена Казахстанерчу гIалгIаша, шайна аьтто бац даймахка юхадерза, реабилитацех долу низам кхочушдеш дацарна а, Къилбаседа ХIирийчоь дуьхьал латтарна а, боху. Иштта хоуьйту, шайна нохчийн-гIалгIайн дозанаш къасточу барамо бинчу хьаамах лаьцна а. Оьрсийчохь шаьш "массарел а кIезиг бакъо йолу къам ду", яздо цара президенте Путине. Махкахбаххарх Казахстанера цIаберзаза бисинчу гIалгIайн диаспоро – даймахкал арахьарчу гIалгIайн уггаре йоккха диаспора ю иза - 1000 куьг лахьийна шаьш Путин Владимире дечу дIахьедарна буха. Читать дальше...

ДIадаханчу кIиранан дийнахь лоторейх кхаж баьлла Нохчийчуьрчу вахархочун, хаам бо "Нохчийчоь тахана" агенталло. "Рапидох" ловзарехь 3 426 018 сом даьккхина цо. Цу ахчанан дех лаьцна хууш ду иза Соьлж-ГIалара вахархо хилар. "Рапидо" хIора 15 минот масоз йолу ловзочу сихачу лоторейн тираж ю. Соьлж-ГIаларчу вахархочунна хиина билетан хьархарчу декъан 20-нах 8 терахь а, шолгIа декъерчу 4-х цхьа терахь а. Цу кепара цо схьаэцна цу сохьтана гулделла хилла ахча – 3 миллион сов сом.

Ярославлехь лаьцна цигарчу №1 йолчу колонин хьаькам хилла Николаев Дмитрий. Цунах лаьцна хаам бина "Общественный вердикт" фондо, Талламан комитетана тIе а тевжаш. Болчу хаамца, цу стагана дуьхьал долийна бехктакхаман гIуллакх доьзна ду чубоьхкинчу нахана тIехь Iазап латторца. Эшам хилла лоруш ву цу колонехь хан токхуш хилла маситта тутмакх. Стохка, 2018-чу шарахь, Мангалан-баттахь Ярославлан кIоштарчу №1 колонехь кIиза йиттинера цигахь хан токхучу Макаров Евгенийна. Талламан комитето таллам болийра. Читать дальше...

Нохчийчохь кху шара арахоьцуш ю 600 нохчийн йиш а, мукъам а чулоцу гулар. Цу арахецарна юкъахь хир ю тексташ а, ноташ а. Проектана Iуналла деш ю республикера Халкъан кхоллараллан центр. Нохчийчоьнан културан министро Дааев Хож-Бауддис дийцарехь, тайп-тайпанчу композиторийн кхолларалла гулъярца боьзна болх болийна 2018-чу шарахь. Нохчийн композиторш кхоьллина иллеш а, мукъамаш а дIаяздеш ду ноташца.

23 гергга эзар вахархо ток йоцуш висина Нохчийчохь. Бахьана ду трансформатор болх бечура сацар. Тоьках дIахаьдда Хьалха-Мартан кIоштара цхьамогIа эвланаш, хаам бо "Интерфаксо", Оьрсийчоьнан энергетикан министраллан векалшна тIе а тевжаш. Ток йоцуш йисинчу меттигашкахь хIаваан температура ю 0 градус.

Нохчийчоьнан куьйгалхочо Кадыров Рамзана хаам бина, ша шен дарже юхавирзина хиларх лаьцна. Телеграм каналехь цо бинчу хаамца, иза могуш воцуш хиллера, лаьмнашка ваханчохь сиркхо а хьакхаелла. И бахьана долуш ханна республикан куьйгалхочуьнан декхарш кхочушдар тIедожийнера цо меттигерчу Iедалан куьйгалхочунна Хучиев Муслимана. Кадыровс билгалдаьккхина, шен могашалла хIинца дика хилар. Хьалхо Оьрсийчуьрчу зорбанан гIирсаша хаамаш баржийнера, Кадыровс шен метта Нохчийчоьнан куьйгалхочуьнан декхарш ханна кхочушдийриг хIоттийна аьлла... Читать дальше...

Ши стаг вийна, кхин а виъ лазийна Нохчийчохь Lada Kalina а, Mercedes а вовшахкхетарна. Цунах лаьцна ТАСС агенталлана хаам бина республикерчу некъан полицин урхаллан векало. Бохам хилла Хьалха-МартантIера Мартан-чу боьдучу некъана тIехь. Болчу хаамца, делларг ду зуда а стаг а. Кхин а виъ стаг чевнаш хилла ву, шайна юкъахь ши шо кхачаза бер а, кхиазхо йоI а йолуш. Полицин векалша билгалдаккхарехь, некъахьовзам хиларан бахьана хила мега цу шина машенах цхьаъ техникан кхачамбацарш долуш хилар.