Новости за 16.02.2019

Дуьненаюкъарчу Save the Children организацино пIераскандийнахь арахецначу рапортехь хаамбо, лаьтта тIехь 420 миллион бер тIеман конфликташ лаьттачу зонехь дехаш ду аьлла. Уггар кхерамечу 10 пачхьалкхашлахь билгалъяьккхина Шема а, Юккъера Африка а. ХIора шарахь цигахь леш ду 100 эзар сов бер.  1990-чу шерийн юьххьехь и терахь шозза лахара дара, яздо документан авторша. ОвхIанистанехь, Йеменехь, Къилба Суданехь, Юккъерчу Африкехь, Конгохь, Шемахь, Иракъехь, Нигерехь, Сомалехь, Малихь 2013-чу шарера 2017-чу шаре кхаччалц делла... Читать дальше...

Йоллу Оьрсийчохь а дехка деза аьлла хета Нохчийчуьрчу Iедалхошна могIарерчу бахархоша ницкъаллийн структурехь болчеран барзакъ лелор. "Говорит Москва" хьостаца хиллачу къамелехь зорбан министро Умаров Джамбулата дина цу кепара дIахьедар. "Харц хIуммаъ дац кхузахь. Спецдухар лело деза бакъо йолчара. Ма-дарра аьлча, йоллу Оьрсийчохь дехка дезаш хIума дара иза. Кеп-кепара тIеман барзакъ лелош дукха нах баьржина, цара хIуъа а леладо. Цундела йоллу пачхьалкхехь талла дезара хIара гIуллакх", - аьлла Умаровс. Читать дальше...

Масех яккхийчу Москварчу а, Санкт-Петербургерчу а йохка-эцаран а, самукъадаккхаран а центрашкарчу нахана эвакуаци йина шоьтадийнахь, чохь ехкина лоьлхуьйтурш ю аьлла, кхаьчна хаамаш бахьанехь. "Интерфакс" агенталлан информацица, Москварчу "Атриумехь" а, "Капитолийн" йеа центрехь а нах кIелхьарабаьхна. Ткъа Петербургерчу "Румба", "Радуга", "Галерея" центрашкарчу нахана а йина эвакуаци, хаамбина "Фонтанка" хьостано а, социалан машанашкахь а. "Фонтанка" хьостано хаамбарца, шина а гIаланашкахь кхерамашца... Читать дальше...

ПIераскан сарахь Iамеркан Иллинойс штатерчу Henry Pratt компанин доларчу цIа чохь герзаш диттина, лазийна пхи полисхо а, компанин белхахо а. Хьалха цигахь болх беш хилла Мартин Гэри ву тIелатар динарг, иза вийна.  15 шарахь оцу компанехь болх бина Мартин дукха хан йоццуш дIаваьккхина хилла. Зулам даран коьрта бахьана и ду аьлла хета полисхошна.

"Исламан пачхьалкх" шех олучу тобанхойн Дейр-эз-Зор провинцера тIаьххьара форпост шайн кара ерзийна "Демократин Шеман ницкъаш" ("Силы демократической Сирии") колаицино. ТАСС агенталло бина и хаам, "Ал-Маядин" телеканална тIе а тевжаш. Агенталлан хьосташа дийцарехь, Iамеркан ВВС-н ницкъаша гIо а латтош, коалицин аьтто баьлла Иракъан дозанера Эл-Багуз эвла схьаяккха а. Оцу юьртахь куп тоьхна радикалаш, шаьш бен тIемаш совца а бина, карабахка реза хилла. "Демократин Шеман ницкъаш" коалицин даIишхошца хиллачу бертаца а догIуш... Читать дальше...

Нохчийчоьнца дозанаш къасточу Дагестанан юкъараллан комиссин декъахоша хаамбина меттигерчу парламентан спикере Шихсаидов Хизрига, дозанаш дIасадоькъучу заманчохь къовсаме хила тарлучу территорех лаьцна. Луларчу регионна латтанаш дIадала дагахь яц республика, ткъа латтанаш билгалдоху ша и процесс шина шаре дIаяхъяла тарло аьлла Шихсаидовс. Карара шо дерзале шина регионна юкъара территореш къастийна бовла барт хилла Нохчийчоьнан а, Дагестанан а Iедалхойн аьлла, хааме даьккхинера "Кавказский узел" агенталло. Читать дальше...

КарабогIучу беттан 2-чохь Соьлжа-ГIалахь «HONK FEST» аьлла, хьонкан фестивал хIоттош ю туризман министралло а, шахьаран мэрино а юкъахь. 2019-чу шеран дагахь доцу, гастрономин хилам бу дуьххьара дIакхайкхийна республикан «HONK FEST» фестивал. Нохчийн къоман уггар безаш тIеоьцу кхача кечбаран а, Iалашбаран а ламасташ чIагIдархьама, кеп-кепара хьонка кечбарехь зеделларг даржорхьама, нохчийн хьаша тIеэцаран гIиллакхаш а карладахаран Iалашонашца вовшахтухуш ю фестивал. Дийцарехь, республикан лаьмнийн... Читать дальше...