Новости за 13.02.2019

Интернетехь харц хаамаш Iорабахарна а, Iедалхой сийсазбеш йозанаш дитарна а тухуш долу гIуда 20-зза алсамдаккха тарло Оьрсийчохь. Цу кепара хийцамаш бина пачхьалкхан Думан депутатийн тобано, яздо ТАСС агенталло. Тухучу гIудан барам юьхьанца 3 эзарна тIера 5 эзаре кхаччалц дара. МогIарерчу бахархошна 30 эзарна тIера 100 эзаре кхаччалц лакхабаккхар доьху депутаташа. Ткъа даржехь болчеран охьадилла дезар ду 60 эзарна тIера 200 эзар соьме кхаччалц. ШолгIа а низам хьаьшна меттиг нислахь, 100 эзар соьмера 300 эзаре гIуда тохар доьху парламентхоша. Читать дальше...

Кху гIалин 2000 шо ду. Цу чохь баьхначу кавказхоша биргIанашкахула кхачийна хи шайна тIе, кхоьллина хIусамаш йохъен гIирс а. Федералан "Кавказ" некъ тобечу белхахошна Дошлакх-юьртанна уллехь карийна аланаш баьхна и меттиг. Креупновн цIарахчу археологин центрера а, Кавказан археологин институтера а говзанчаш бу гIала толлуш.

15 шо хьалха ша вехачу Къатарахь маьждигера араваьлла шен машен чу хууш, Яндарбиев эккхийтира Оьрсийчоьнан къайлахчу сервисан белхахоша. Цуьнан воI Дауд лазийра, Зеламха велира хиллачу чевнех.

Пересишвили Мзия,                                                                                                "Кавказан аз" ("Эхо Кавказа"),                                                                                        (Маршо Радион гуьржийн сервис) Гуьржийн пачхьалкхо догдоху Атлантикан тIеман альянсо ша кестта шен декъа схьаэцаре. Тбилисерчу Iедало а, дерриг а санна къомо а сатуьйсу оцу дийне. Гуьржашна сихха НАТО-н декъабаха марздеш ду деношкахь Европерчу Iамеркан эскарийн баьччас... Читать дальше...

Дахначу шарахь Нохчийчуьрчу школашкара 9-чу классера 10-че дехьаваьлларг 46, 1 процент дешархо ву. Оцу ситуацина ша реза цахилар дIахаийтина республикан урхалхочо Кадыров Рамзана. ЕГЭ дIаяла хаарш тоьар дац шен аьллачу беро эшабо шен ницкъаш. "Исс класс яьккхина школера бер дIадахар ледара тенденци ю. Уггар хьалха, дайша-наноша дика дешийта деза шайн берашка. Шайн доьзалхоша дуIу са а хууш хила беза дай-наной, кхана-лама шаьш къанделча шайга хьажа церан дезий а хоуьйтуш. Тахана шаьш чудиллинарг схьаоьцур ду аш кхана шайн берашкара"... Читать дальше...

Ахчанца а, тIеман гIирсца а сепаратисташна гIо а латтош, Украинан Малхбалехь тIеман конфликт марсаяккхар сацаде аьлла, Оьрсийчоьне кхайкхамбина Францино, Германино, Великобританино, Белгис, Полшано а. Оьрсийчоьно ГIирмана аннекси ярна хьалха санна дуьхьал ю Европан пачхьалкхаш. Дуьненчуьрчу машарна кхерамаш латтош, Украинан суверенитет йохайо Москоха шен леларца аьлла ду юкъахь Евробертан пачхьалкхаша хIоттийначу дIахьедарехь. Украинерчу ситуацина леринчу ООН-ан Кхерамзаллан Кхеташонан цхьанакхетарехь бина цу кепара кхайкхам. Читать дальше...

Москохарчу аэропорташкахь 43 кеман рейс сацийна лаьтта йочана бахьана долуш. Яндекс.Расписание сервисан зерашца, Домодедовехь кхо рейс юкъахъяьккхина, ткъа Внуковехь 11. Шереметьевехь а ду гIатта ца луш 11 кема. Йочана хIоьттина Москох тIаьххьарчу буса. Орцан министраллан хаамашца, кхааридийнан сарралц тIедогIуш ло а долуш, цхьацца меттигашкахь ша хьаьхна хир ю. Москохарчу транспортан прокуратурано талламаш бу дIахьош "Аэрофлотан" рейсаш Шереметьевехь юкъахъяхаран бахьанашца доьзна, пассажирашна оьшу хьелаш латтош дуй, хьовсуш. Читать дальше...

Дуьненаюкъарчу синбахамаллин а, искусствон а World folk.Vision  фестивалехь толам баьккхина Дагестанера тоба СаIуда Iаьрбийчу гIур ю итт денна, хаамбина "Кавказ.Реалии" портале Къилбаседа Кавказан гонашкарчу конкурсан директоро Муршидова Разитас.  Дербентехь а, Сочехь а хиллачу конкурсан массо а муьрехь тоьлла дагестанхой, дуьненчуьра гулбеллачу пхи эзар декъашхошлахь. СаIуда Iаьрбийчоьнан паччахьо хIора толам баьккхинчунна лерина билгалдаьккхина 2, 5 эзар доллар. 2017-чу шарахь фестивалан финал Туркойчохь хIоттийра, стохка ГIиргIазойчохь. Читать дальше...

Хадархочунна чевнаш еш, ГIалгIайчуьрчу Карабулакан почтана къоладархьама герзашца тIелатар дина аьлла, шеконашца пхи стаг дIалаьцна полсихоша. Маршо Радионо хааме даьккхира, почтера 400 эзар сом а хьош, хадархочунна чевнаш еш, кху беттан 8-чохь хиллачу инцидентех. Росгвардин эскархойн гIоьнца дIалаца аьтто баьлла пхи стаг аьлла, хаамбина ГIалгIайчуьрчу Талламан комитетан сайтехь. "Уьш бехачу хIусамех хьоьвсинчул тIаьхьа, тоьшаллаш карийна, дуьйцу тIелатар цара дина хиларан", - яздо мехкан чоьхьарчу гIуллакхийн министралло шайн сайтехь а.

Нохчийчуьра Бугаев Iалви а, Атабаев Алхазур а вийна масех шо даьллачул тIаьхьа Европан кхеле латкъамбина гIуллакх листина даьлла кхелахоша. Цу шиннан гергарчарна 200 эзар евро ахча дIадалар тIедожийна кхелахоша, аьлла адвокато Ицлаев Доккас. Шайн нах байарх гIуллакх кхачо йоллуш теллина дац аьлла, арздинера Бугаевн, Атабаевн, ишта орцан министраллан куьйгалхочун гIовсан Юнусов Русланан а гергарчара. "Кавказский узел" агенталло хаамбарца, Абиев Джабраил а, Атабаев Iалви а, Атабаев Олхазар а тIехь волчу машен чу автоматаш а йиттинера... Читать дальше...