Новости за 26.02.2019

Акиев Тимур, "Эхо Кавказа" Шайгара тIемаша дIаяьхна хIусамаш Iедало меттахIитто еза ГIалгIайчуьрчу нохчийн мухIажирша боху ду …иттаннаш шераш. Къар ца ло я уьш а, я Iедал а. Бакъо лохуш, Конституцин кхеле арздина мухIажирша. ГIалгIайчоьнан Конституцин кхело кху беттан 19-чохь листира шайн махкахь баха саца луучу нохчийн мухIажирийн арз. 20-ха шо ду мухIажирш, петарара петара а кхелхаш, нехан хIусамашкахь беха. Iедало шайна тхов баларе сатуьйсу цара хIинццалц схьа. Дуккхаза а бийлина оцу бахьаница кхеле а. Читать дальше...

Австрерчу "Wiener Zeitung" газето бечу хаамца, 9400 стаг ву пачхьалкхерчу набахтешкахь хенаш токхуш. Оцу нахах 45% бу бухара австрихой, бисинарш – мигранташ. Нохчашкахь бац оцу "рейтинган" я кхоалгIа а, я пхьоьалгIа а меттиг. Амма меттигерчу прессе ладоьгIча, нохчий бу бахархошна массарел а балебевлларш. Стенна лела и харцо?

Латта такхаран кхерамерчу кхерамазалла йолчу меттигашка бахахаор бу Нохчийчохь 1700 сов доьзал. Цунах лаьцна Соьлж-ГIалахь хиллачу кхеташонехь хаам бина республикан Iедалан куьйгалхочо Хучиев Муслима. Цо дийцарехь, цу нахана керла хIусамаш нисъян ахча лур ду Оьрсийчоьнан Iедалан тIаьхьалонан фондера. Хучиевс бинчу хаамца, хьалхарчу муьрехь дахаран хьелаш тодийр ду 1774 доьзалан. И хаттар шен тидамехь латтор ду республикан куьйгалхочо Кадыров Рамзана.

Титиев Оюбан дов теллина даьлла, кхелан сацам ларбан дуьсу хIинца Адамийн бакъонаш ларъечу "Мемориал" центран Соьлжа-ГIаларчу декъан куьйгалхочун Титиев Оюбан девнехь ладегIарш дерзийна Шеларчу кхело дIадахначу кIиранах. РогIехь ду агIонашка дош алийтар, тIебогIучу Зазадоккху-беттан 11-чохь, цул тIаьхьа шен сацам кхайкхор бу кхело. Дагадоуьйту Титиев бехктакхаман кодексан 228-гIа артикл талхорна (алссам наркотикаш лелорна) бехкевеш хилар а, и бехк кхело цунна тIехь битахь, набахтехь даккха иттех шо тухург хилар а. Читать дальше...

Оьрсийчуьрчу актеро Жидков Ивана бехк цабиллар дехна Дагестанехь "Божарий таллар" театран пьеса гайтарна эргIадвахначу UFC чемпионе Нурмагомедов Хьабибе. Вевзаш волчу спортхочо критика йинера Жидковс а, цуьнан накъосташа а, эвхьаза сценаш а йолуш, ХIинжа-ГIалахь гайтинчу спектаклна. Нурмагомедовс Дагестанан халкъ кIинтера даккхарга кхайкхинера и пьеса хIоттийнарш. Ткъа хIинца "хIора къоман шен ламасташ а, гIиллакхаш а ду, оха уьш лору, амма оха тидаме ца эцна иза оццул къовламе хилар" аьлла... Читать дальше...

Оьрсийчохь цхьайоьлчу гIаланашка лелачу кеманийн билеташ дазделла кхоалгIачу декъанна, хаам бо "Коммерсант" газето, авиабилеташ духкучу сервисашна тIе а тевжаш. Biletix-то бинчу хаамца, Оьрсийчоьнан кеманийн чоьхьарчу рейсийн мехаш хьалабевлла 17%, ткъа махкал арахьарчу - 23%. Уггаре чIогIа дазделла Москвара Симферополе лелачу кеманан билеташ - 78%. ХIинца билетан мах бу 7 эзар гергга сом. Дуьненаюкъара рейсашна юкъахь 83% дазделла Москвара Барселоне вахар. ХIинца цхьана билетан мах бу 22 эзар гергга сом. Читать дальше...

Вуьйцург ву Кушлойн-кIоштарчу Гелдаганара 62 шо долу вахархо. Иза бехке веш ву шех тешна нах Iехош рицкъ гулдарна. Полисхоша бинчу талламца, стохка Лахьанан-баттахь Хьалха-МартантIера вахархо Iехийна цуьнан «Мерседес Бенц» шен долаяьккхина хилла курхалчо. Базарахь лучул а алсам мах бала кийча ву ша аьлла, иза дан дагахь а воцуш, ахча лург дIайигина хилла цо машен.   Гучудаьлларг ду цу тайпа цу стага курхалла лелийна хилла хилар 11-зза. Дерриг а цо гулдинарг ду 10 сов миллион сом. Лаьцначул тIаьхьа курхалчо дийцина... Читать дальше...

"Мираж-2000" олу Индин 12 кемано 1000 кила еза бомбанаш а тоьхна хIаллакъйина Пакистанан террритори тIехь йолу тIеман тобанийн лагерш, хаам бина Times of India газето. Пакистанан буьйранчалло дуьхьало ян дагахь гIаттийна хилла шен F16 олу тIеман кеманаш, амма юхадалийна уьш шайн базе, цу кепара дукха Индин кеманашца ларор дац аьлла.   Кашмирера хьал телхина Индино тохарш дар бахьана долуш, Пакиснанан территорина тIехь йолчу объекташна.

Iедалан цIарх бехкбиллархочо колонехь даккха 20 шо хан тохар дехна кхеле ГIалгIайчуьрчу вахархочун Хашагульгов ЯкIубана, хаам бо "Кавказский узело". Цо дийцарехь, Хашагульгов лаьцнера Iедалша 2013-чу шарахь Чиллан-беттан 8-чу дийнахь Яндарехь. Цунна бехке дуьллуш дара "Вилайат ГIалгIайчоь" шех олучу тIемалойн тобанан декъашхо хилар а, маситта тIерроран тIелатар дарна а, шайна юкъахь Буру-гIалахь 2010-чу шарахь Гезгмашин-баттахь коьртачу базарахь дина эккхийтар а долуш. 2015-чу шарахь Оханан-беттан... Читать дальше...