Новости за 14.11.2019

"Цхьааллин Оьрсийчоь" партин Нохчийчуьрчу декъан исполкоман куьйгалхочо Динаев Iадлана харцбина бюджетникаш нуьцкъала цу парте дIаоьцуш бу боху хаамаш. Цо дийцарехь, иза рогIера юкъакхоссар (вброс) ду зорбан гIирсаша дина долу, хаам бо Кавказ.Реалиино. Шайна оьшуш хIума дац партин куьйгалхошна хьалха муьлхха а гайтамаш алсамбахар, аьлла Динаевс.   Кавказ.Реалиино дийцарехь, бюджетникаш нуьцкъала "Цхьааллин Оьрсийчоь" парте дIаоьцуш хиларх лаьцна хаамаш хIинца а кхочуш бу Нохчийчуьра. Иштта... Читать дальше...

Некъ баста дагахь бац гуьржий, Тилэкса бехк цабиллар дехна Кадыровг, ГIалгIайчохь яйна 19 шо долу йоI (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Пайхамарна (Делера Салам-Маршалла хуьлда цунна) 5 эзар салават диллар тIедожийна нохчийн динан дайша хьукматийн а, урхаллийн а белхахошна. Шуна хIун аьлла хета, оьший нахана планаш а етташ, бертаза цу кепарниг тIедожон?

Гуьржийчоьнан премьер-министран Оьрсийчоьнца юкъаметтигашкахула леррина векал волчу Абашидзе Зураба дIахьедар дина, нохчийн Итум-Кхаьллара гуьржийн Шатили боьгIу некъ схьабаьлла дагахь дац шаьш аьлла. Цул сов и хаттар цкъа а дийцаре а ца дина, аьлла цо. Цунах лаьцна хаам бо Kvira.ge сайто. Цу кепара комментари йина Абашидзес Нохчийчоьнан куьйгалхочо Кадыров Рамзана Нохчийчуьра Гуьржийчу некъ биллича дика хир дара аьлла юха а хьахорна.   Кхаарин дийнахь журналисташна хьалха вистхуьлуш Кадыровс... Читать дальше...

ГIалгIайчохь лоьхуш ю 8 де хьалха дуьйна карош йоцу Хампиева Мадина. 19 шо долу йоI цIераяьлла кху беттан 6-хь. Цу хенахь дуьйна зIене йолуш яц иза гергарчу нахаца, хаам бо «Регион Онлайн» сайто.     Лар йоцуш яйна Хампиева лахар доьхуш полице кехат чуделла цуьнан 37 шо долчу девашас. Хиллачух лаьцна хаамаш оцу сохьта дIасабаьржина социалан машанашкахь. Чоьхьарчу гIуллакхийн министраллан ГIалгIайчуьрчу урхалло бинчу хаамца, яйначу йоIех хилла паспорт а, мобилан телефон а.

Интервью кечйина Азатлык Радион корреспонденто Мордовин Сосновка олучу меттигерчу лоьмар 7 йолчу колонехь тутмакхаша мацаллин протест кхайкхинера. Цхьа кIира даьлча, кху беттан 9-чохь, юкъахъяьккхира протест. Карарчу шеран Чиллан-баттахь керла хьаькам Сергушкин Сергей хIоттийра набахтехь, хIетахь дуьйна тутмакхийн хьелаш талхийна аьлла хета. Цхьахволчу тутмакхан адвокато Ашимов Марата Азатлык Радиона еллачу интервьюхь дийцина, тутмакхаша мацалла кхайкхоран бахьанех а, колонин куьйгаллица берта бахарх а. Читать дальше...

Турчаев Хасанбекна набахтехь даккха итт шо хан кхайкхийна Францехь. Исламофобашна кхин тIе а бахьана хIоьттина цунах.

"Успешная группа" (Кхиаме тоба) тобанан солисто, блогеро Смирнов Александара (изза ву Саша Тилэкс) бехк ца биллар дехна Кадыров Рамзанна пароди ярна. Цуьнан а, цуьнан накъостан а видеокхайкхам гучубаьлла интернетехь кхаарийн дийнахь, яздо Кавказ.Реалиино. "Бехк ца биллар деха лууш ду тхо Нохчийн Республикан куьйгалхочуьнга, Оьрсийчоьнан турпалхочуьнга Кадыров Рамзан Ахматовиче а, дерриг а нохчийн халкъе а пародин ролик яккхарна", - болабо шайн кхайкхам жимачу наха.   "Контракт" клипан сюжетехь рэперо Тиматис гIо доьху Кадыров Рамзане... Читать дальше...

Соьлж-ГIаларчу аэропортана реконструкци яр дIадолор ду 2021-чу шарахь, дагалаьцна хиллачу хенал а хьалха, ткъа дIадоьрзур ду 2023-чу шарахь. Цунах лаьцна дIахьедар дина кхаарин дийнахь Нохчийчохь хиллачу Оьрсийчоьнан транспортан министро Дитрих Евгенийс.   Соьлж-ГIаларчу аэропортана реконструкци яр Росавиацин дехарца юкъадахийтинера "Оьрсийчоьнан Федерацин транспортан система кхиар" олучу пачхьалкхан программина. Кеманаш гIуьтту а, охьаховшу а аса а (2300 метр), аэропортан керла комплекс... Читать дальше...

Материалан язйинарг таджикийн Озоди Радио ю "Исламан пачхьалкхан" тобанехь тIемаш бина бу аьлла, шеконашца дIалецна кхечу пачхьалкхашкара нах дIабала болийна Туркойчоьнан Iедалхоша. Дахначу оршотдийнахь туркойн чоьхьарчу гIуллакхийн министралло хаамбира, Iамеркан Цхьанатоьхначу Штатийн вахархо шаьш хIинцале а дIаваларх. Ишта дIакхайкхийра, еаридийнахь Германин ворхI вахархо а дIахьажош ву аьлла. Депортаци ян кечвеш ву Францера 11 стаг а, даIишхой лаьттина Ирландера а, Данера а бахархой а. Шаьш схьабевллачу мехкашка дIахьийсош бу и нах. Читать дальше...

Оьрсийчоьнан дехарца Польшехь лаьцна хилла УНА-УНСО-н гIаьнтден когаметта Мазур Игорь цIавирзина Украине кхаарин сарахь. Цунах лаьцна шен Фейсбукерчу агIонехь хаам бина чоьхьарчу гIуллакхийн министран когаметто Геращенко Антона. Мазур юхавирзина хилар тIечIагIдина Украинин омбудсмено Денисова Людмилас а. Цо дийцарехь, кхечу украинахошца Варшаве конференце воьдуш кху беттан 9-чу дийнахь Польшехь лаьцна Мазур Украинин территорина тIеваллалц цунна юххе ваьлла хилла Украинин Люблинера инарлан консул. Читать дальше...

Оьрсийчоьно шена зуламе лоручу организацийн тептара язйина «Адам – кхерамна кIел» цIе йолу бакъоларъярхойн юкъаралла Юстицин министралло ша яржийначу пресс-релизехь боху, Оьрсийчохь хуьлийла лаам боцчу арахьарчу а, дуьненаюкъарчу а организацийн могIара язйина ша Чехера  "Člověk v tísni, o.p.s" ("People In Need", оьрсийн маттахь - "Человек в беде") юкъаралла. «Оьрсийчоьнан бахархойн коьрта бакъонаш а, маршонаш а эшош болчу наханна ечу дуьхьалонех» цIе йолчу федералан низамца а догIуш, Оьрсийчоьнан... Читать дальше...

Нохчийчоьнан куьйгалхочо Кадыров Рамзана кхаарин дийнахь журналисташна хьалха къамел деш юха а хьахийна Нохчийн Республикера Гуьржийчу некъ билларца доьзна хаттар. Цунах лаьцна хаам бо "Нохчийчоь тахана" агенталло. Кадыровс дийцарехь, цу тайпа некъ вуно маьIне бу ерриг а Кавказана. "Итум-Кхаьллара Гуьржийчу 40-50 минотехь кхача аьтто бу, цигахь некъ бара тхан. Нагахь цу тайпа некъ биллахь, Туркойчухула Европе а кхачалур ду, Къилбаседа Кавказана иза вуно оьшуш некъ бу", - аьлла Нохчийчоьнан куьйгалхочо. Читать дальше...