Новости за 30.11.2019

Оьрсийчоьно аннекси йинчу ГIирмехь Украинан иччархошна информаци гулъеш зуда лаьцна шаьш аьлла, хаамбина ФСБ-но. Урхаллана тIе а тевжина, яздо цунах лаьцна "Новости" агенталло. Севастополехь лаьцна ю зуда ша. Пачхьалкхна ямартваларца йолчу артиклехь бехкзуламан гIуллакх айдина цунна дуьхьал. Цхьаболчу хаамашца, Черноморскан флотехь болх беш ю лаьцнарг, зорбанашкахь цIе йоккхуш яц цуьнан. Цкъачунна оцу инцидентех Украинас цхьана а кепара комментари йина яц. Дахначу кIирнах а дийца даьккхира, пачхьалкхна... Читать дальше...

"Исламан пачхьалкх" шех олучу тобанхошлахь тIемаш бинчу 14 шайн пачхьалкхан вахархочунна 10 шарера 17 шаре кхаччалц хенаш ехна Казахстанерчу прокуроро, яздо меттигерчу хаамийн гIирсаша. 25 шарера 50 шаре бевллачу божаршна тIехь дIахьош ю кхелан процесс. Кхеле хIиттийначех чевнаш йина хилла цхьаъ видеозIенехула дакъалоцуш вара кхелан процессехь ша Iуьллучу дарбан цIийнера. Ишта бехкаш дехкина царна, кегийрхой даIишан могIаре ийзорна а, терроризмна пропаганда ярна а, кхиндолу "къиза зуламаш" лелорна а. Читать дальше...

ПIераскан суьйранна Лондонехь динчу терактехь ши стаг вийна аьла, шеконашкахь верг хьалхо таIзар текхна хилла цу кепара терроран зулам дарна аьлла, хаамбина Британин полицино. 28 шо долу Хан Iусман ву тIелеттарг аьлла, шоьтадийнахь дIахьедина полисхоша. Уьрсаца пIераскандийнахь динчу тIелатарехь цхьа зуда а, стаг а дийна цо, чевнаш ян кхиъна кхин а кхаанна. Полисхоша герз тоьхна вийна зуламхо. "Iедалхошна хууш ду оцу стагах лаьцна, хIунда аьлча, 2012-чу шарахь терроризмца доьзна зулам дина ву иза. Читать дальше...

Бизнесхочунна Малахов Евгенийна тIелатар дина аьлла, шеконашца лаьцначу Сагаев Мохьмад-Насыран а, Янурсаев Мохьмадан а хьокъехь Самарерчу Железнодорожный кIоштан кхело шоьтадийнахь шен сацам бовзуьйтур бу. Цаьргара кийтарлонаш оьшучу полисхоша цу шинна йиттина аьлла, даьржинчул тIаьхьа шуьйра дийцадолийра оцу гIуллакхах. Лаьцначех цхьаъ кху шеран ГIадужу-баттахь Самарерчу хаамийн гIирсашкахь турпалхо санна вуьйцуш вара. Некъан бохамехь нисъеллачу «СамараАвтоГазан» автобусчуьра нах кIелхьарбохуш гIо динера цо. Читать дальше...

Шен социалан машанерчу агIон тIехь деллачу хаттарна нийса жоп деллачу махкарчу яхархочунна совгIатна iPhone елла нохчийн куьйгалхочо Кадыров Рамзана, яздо Ставрополерчу "Аргументы и факты" хьостано. Цхьана бевзаш боцчу стоьман сурт хIоттийнера цо, цуьнан цIе хьанна хаьа хоьттуш. "Масех сахьтехь 4 эзар гергга жоьпаш яздира поста бухахь, гранатна а, инжирна а тIера дIадолийна, хорбазан а, редискин а бисте кхаччалц. Ткъа ас хIоттийначу сурт тIехь сайн куьга бешара баьккхина Iаж бара", - дийцина Кадыровс. Читать дальше...

ГIалгIайчоьнан финансийн министр лаьттинчу Цечоев Русланна набахтехь даккха пхи шо хан тоьхна. Шен хьокъехь кхело сацам бовзуьйтучу процессе ца веана экс-министр федералан лехамашка велла. 2015-чу шеран Стигалкъекъа-баттахь финансийн министрна Цечоевна дуьхьал бехкзуламан гIуллакх диллира, шена даржо лучу бакъонел а совваларна. Талламчийн информацица, федералан субсидийн бюджетера хьажийначу ахчанах ши миллиард сом Цечоевс мехкан бюджетан дефицит токхуш дайинера. Магасан кIоштан кхело экс-министр бехкехилар тIе а чIагIдеш... Читать дальше...

Страсбургехь лаьцна Нохчийчуьра ши вахархо маьршаваьккхина полицино, церан телефонаш теллина, хеттарш динчул тIаьхьа.  Лаьцначух цхьаъ еарин сарахь дIахецна хилла, шолгIаниг пIераскана цIа ваийтина аьлла, яздо францхойн Le Figaro газетано. Хьостан информацица, лаьцна хиллачех цхьаъ Страсбургехь вехаш ву, шолгIаниг иза волчу хьошалгIа веана хилла Францин кхечу гIалара. Ши нохчо арахецар тIечIагIдина Францехь вехачу нохчийн историко Вачагаев Майрбека шен "Францера нохчех керланаш" Телеграм-каналехь. Читать дальше...

Нохчийчуьрчу Эвтарахь хIусам чохь газ иккхина цхьа стаг лазийна аьлла, хааме даьккхина республикерчу орцан министралло. "Шела кIоштарчу Эвтарарчу доьзалан цIа чохь иккхина газ, цул тIаьхьа цIе ца йоллуш дирзина", - аьлла министраллан пресс-гIуллакххоша. ХIусаман ах гIишло йохийна, лазийнарг дарбан цIийнехь ву. Газан а, ницкъаллийн структурийн а говзанчаш талламаш дIахьош бу бохам иккхинчу меттигехь