Новости за 18.11.2019

«Дагестан республикехь юкъара барамаш дIабахьарх долу цхьацца хеттарш» цIе йолу низаман № 98 дакъа конституцица ца догIу, аьлла сацамбина Дагестанан Конституцин кхело. Ткъа юьйцу артикл яра мехкан юстицин министралло ХIинжа-ГIалахь я кхечу меттигашкахь гуламаш хIитточарна дукха хьолехь дуьхьалйоккхуш, масала, «Черновикерчу» журналистан Гаджиев Iабдулмуминан агIолоцуш, гуламашка буьйлучарна. Конституцин кхело юхаяьккхинчу артикло доьхкура Iедалан гIишлошна гергахь гулам хIотто. Кхеле низаман и дакъа... Читать дальше...

Устрада-ГIаларчу полицин куьйгалхочо Цакаев Iалихана, стаг кхетош-кхион гIертачул атта ду «тапчан лаг озийча» бахар – иза харцо ю, аьлла «Взгляд» («Хьажар») газетехула Адвокатийн федералан палатин президента, Оьрсийчоьнан чоьхьарчу гIуллакхийн министраллерчу юкъараллин кхеташонан декъашхочо Пилипенко Юрийс. Шена «чIогIа халахета» иза яздинарг «оццул лакхарчу даржера стаг хилар», билгалдаьккхина вевзаш волчу юристо. Цакаевс шен Instagram-агIоне Стечкин-тапчин сурт хIоттийнера, «40 минотехь кхетош-кхиорхаьама... Читать дальше...

Уггаре миска пенсионераш – Нохчийчохь, Темирбаев валийна ша болх бинчу метте, Лохуш ву ЭльджаркиевгIар байинарг (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

«Беслан. Дагахь латтаде» цIе йолу Дудь Юрийн филмо совгIат даьккхина Берлинерчу «Говзалла - Журналист» олучу конкурсехь, «Видеон документ» номинацехь, хаам бо «Керла регион» портало. Алссам ахча делла филманна, ткъа блогеран Дудь Юрийн лаамца хьажийна иза Бесланехь дайинчу берийн наношна. Ша филмехь гайтинчу бохамо хьовзийначу наханна догIу и дерриг ахча, аьлла блогеро.

UFC-латархо, дуьненан чемпион Нурмагомедов Хьабиб тIедогIучу шеран бIаьста лата кечлуш ву Iаьмеркахочуьнца Фаргюсон Тоница, яздо «Дагестан» агенталло. Оцу хьокъехь ша хаийтина Хьабиба, Примаков Евгенийн цIе лелочу гимназин дешархошца къамел деш. "Тхойша лата тарло Зазадоккху-баттахь я Охан-баттахь. UFC ю бартбеш. Могашаллина эшамаш хиларца доьзна, доьазза тIехьатоттуш нисделла тхан латар, цундела наха а, ас а сатуьйсу оцу цхьаьнакхетаре. 12-зза тоьлла со, иза а тоьлла 12-зза, хала а, амма лааме а гIулч ю цуьнца латар. Читать дальше...

Официалехь шен векал волчуьра Шишманиди Константин дIавоккхуш, бахьана, «маьттаза леларна» аьлла довзийтина Ставропол-мехкан губернатора Владимиров Владимира. Оцу хьокъехь хаам баржийна «Регион Онлайн» портало. Шен гIайгIа бохьуш тIевеана хиллачу вахархочуьнга вон вистхилла Шишманиди. Оцу къамелан видео яьржина интернетехь, кхаьчна иза губернаторе а. Хьажна воллушехь, даржах вохийна цо шен векал. "Раж а язйина, нах тIеоьцучу хенахь мегаш дац уьш дIалехка. Аш нах лехкахь, ас шу дIалоьхкур ду», - аьлла Владимировс. Читать дальше...

Оьрсийчоьнан орцан министралло кема-амфиби а, бера-кема а дахийтина Абхазе цIерш яйа. 11 гектар хьаннаш ю цигахь тIекхочийла доцчу лаьмнашкахь йогуш, яздо "Апсадгьыл-инфо" агенталло. Оьршоьтан Iуьйранна цIеяйъархой бара белхаш дIахьош Шираxe Гагранна а, Шийлачу Хинна а гергахь. ХIорда чуьра я гонахарчу ишалш чуьра оьцу кеманаша цIе яйа хи. 5 тонна хи кхачадо оьшучу метте Ми-8 бера-кемано, 12 тонна – Бе-200 кемано. Кеманийн гIо оьшуш лаьтта меттигера цIеяйархой Сухуман а, Шина Хин Юкъ олучу а кIошташкахь а, Псху юьртахь а. Читать дальше...

"Исламан пачхьалкхан" тобанехь тIемаш бина бу аьлла, шеконашца дIалецна кхечу пачхьалкхашкара нах дIабала болийна Туркойчоьнан Iедалхоша. Дахначу оршотдийнахь туркойн чоьхьарчу гIуллакхийн министралло хаамбира, Iамеркан Цхьанатоьхначу Штатийн вахархо шаьш хIинцале а дIаваларх.

Оьрсийчохь пенсионерашна баха уггаре хала регион ю Къилбаседа Кавказ, боху РИА-Новости агенталло хIоттийначу рейтинго. Ткъа иза хIоттош тидаме эцна баккхийчийн экономикера жигаралла, царна кхочу ахча, церан могашалла. Регионийн тIаьххьарчу могIаршкахь ю Нохчийчоь – 78-чу меттехь. Цул кIеззиг хаьлха ю Кхарачой-Чергазийчоь – 74-гIа меттиг. Дагестан ю 54-чу меттехь. Кавказехь кхечарел гIолехьа беха Ставропол-махкара пенсионераш – 31-гIа меттиг кхаьчна царна Оьрсийчоьнан регионашлахь. Пенсинерашна... Читать дальше...

Москварчу Басманный кхело лаца сацамбина ГIалгIайчуьрчу Экстремизмехула йолчу центран куьйгалхо Эльджаркиев ИбрахIим а, цуьнан ваша а верна Картоев Къурайш, хаамбо «Интерфаксо». Ведда, карош воцчу Картоевна тIебаьхьина Оьрсийчоьнан Бехктакхаман кодексан 105-чу а, 222-чу а артиклаша къастошболу бехк – стаг вер а, низам а дохош герз лелор а. Интерполехула лохуш ву Картоев Къурайш. «Каравеанчул тIаьхьа шина баттана лаца я, пачхьалкхан дозанал ара иза ваьллехь, Оьрсийчоьнан карвала кхачийна бехкевийриг»... Читать дальше...

Устрада-ГIалин мэр Iийна Темирбаев ИбрахIим ша болх бинчу метте зераш дIадахьа валийна хилла деношкахь талламчаша. "Кавказ.Реалиин" хьостанаша дийцарехь, коьртах боьллина машин тоьрмиг а болуш вигина иза мэрин цIа чу. Мэрехь болхбийраш арабаьхна гIишло чуьра, кхерам тасарца дихкина царна телефон тоха я видео яккха. Темирбаев бехкево, низамехь а доцуш, нах лецна кхабарна, уьш хьийзорна, гIалин бюджетехь йоцу гIишлош яхка ахчанаш ницкъаша бахархошкара дахарна. Болийначу талламна тIехьожуш ву... Читать дальше...

КIиранан сарахь цIе яьлла ХIинжа-ГIаларчу "Тарнаир" базарх. Дагестанан орцан министралло бинчу хаамца, цIаро ягийна йохкархойн 20 контейнер. 300 квадрат-метр дIалаьцна хилла цIаро. Иза стенах яьлла къастош ду. Кхача а, юьртбахамийн сурсаташ а юхкура бахархоша оцу базарахь.

Материалан автор "Кавказ.Реалиин" корреспондент Романова Софья Нохчийчоьнан бахархоша дийцина, республикан куьйгалхо "гIараваьлла стаг" хета шайна аьлла. Красноярскан таIзар кхочушдаран федералан урхаллан "Ермак" олучу декъан спецназхо хиллачу, Нохчийчохь тIемашкахь дакъалаьцначу Перов Максима дIахьедина, Нохчийчоьнан куьйгалхо Кадыров Рамзан "дуьненахь а гоьваьлла стаг ву" аьлла. "Спорт-экспресс" хьостана еллачу интервьюхь дина цо цу кепара дIахьедар. Социалан машанашкахь дийцаредан бахьана хIоттар, Перовн и дешнаш хилла а ца Iа. Читать дальше...