Новости за 11.11.2019

Туркойчоьно оршотан дийнахь депортаци ян йолийна Шемахь шаьш лецначу "Исламан пачхьалкх" тобанан декъашхой хила мега аьлла шеко йолчу кхечу пачхьалкхийн махкахошна. Туркойн чоьхьарчу гIуллакхийн министралло хаам бина Iамеркин Цхьаьнатоьхначу Штатийн махкахочун депортаци ярх лаьцна. Дийцарехь, кху беттан 14-хь цIахьажош ву Германин 7 махкахо. Депортаци ян кечвеш ву кхин а Францера 11 стаг а, Ирландера а, Данера а "Исламан пачхьалкх" тобанан 2 декъашхо а.   Уьш дIахьовсор бу шаьш бехачу пачхьалкхашка. Читать дальше...

Кадыров адамалле кхайкхина, Эккхар толлуш ю прокуратура, 21 бер дийна некъаца 5 шарахь (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Идрисова Барият Дагестанерчу НогIийн кIоштан кхелехь хатта долийна полицехь болхбинчу Джамалудинов Сайпулакъадин дов. Иза бехкево 22 шо долу Асанов Эрадил верна. "Кавказ.Реалиис" дуьйцу хилларг. НогIийн кIоштан полицерчу бехк-такхаман декъан куьйгалхочун кабинета чохь 2014-чу шеран ГIадужу-беттан 6-чу дийнахь вийра Асанов. Оццу дийнахь ваийтина хиллера белхан гIоьнна бехк-такхам таллархо Джамалудинов а, цуьнца кхин ши накъост а - кIоштара яхархо хьийза а йина, йийна хьал дара хIетахь листа долош. Читать дальше...

Гезгмашин-баттахь "Бесланан наношна "бераш дIа а доьхкина, кхин дIа даха деза" аьлла хьехам бинчу Москварчу дизайнеро Лебедев Артемийс шен Telegram-каналехь гуманизмах лаьцна пост хIоттийна Нохчийчоьнан куьйгалхочун Кадыров Рамзанан тидам тIеберзош, хаам бо Кавказ.Реалиино. Нохчийн хьалханче Лебедевга кехат яздайтинарг ду, Кадыровс ша "байа а, чубохка а, кхеро а кийча ву адамашна юкъахь барт бохош а, эладитанаш даржош а, адамаш эгIош а болу нах" аьлла, дукха хан йоцуш дина дIахьедар.   "Хьо лоруш стаг ву... Читать дальше...

Меренкова Любовь Шаьш Iадаташ а, исламан мехаллаш а ларъеш ду, боху ваххIабхойн кхетам баржорна бехкебечу азербайджанхоша. "Кавказ.Реалиино" довзуьйту оьрсийн националисташний, Оьрсийчуьрчу азербайджанхойн патриоташний юкъадоьлларг. Азербайджанхойн массех юкъаралла ю оьрсийн патриоташа тидаме эцна. Масала, «Дерриг а халкъан дуьхьа» (ВБОН) цIе йолчу азербайджанхойн цхьаьнакхетараллина полице арз дахьийтина «Царьград» телеканалан комментаторо, «Двуглавый орел» («Ши корта болу аьрзу») юкхъараллин Москварчу декъан куьйгалхочо Афанасьев Андрейс. Читать дальше...

КIиранах масийттаза бо Къудсе цхьа сахьт ах сахьт некъ Израилерчу Арара гIаларчу вахархочо, Ал-Акъса маьждигна уллехь гуллучу цицигашна а, олхазаршна а кхача тасархьама. 20 шо ду иза цига лела.

Нохчийчохь таллам болийна Шелан кIоштарчу Жимачу-АтагIахь Госхозная урамерчу гIишло чохь эккхар хилар бахьана долуш, хаам бо "Грозный информ" агенталло, меттигерчу прокуратурина тIе а тевжаш. Болчу хаамца, цу чохь дIатаръелла хиллачу фельдшерийн амбулаторан пунктан пенаш чуэгна. Вийна а, лазийна а стаг вац.

ТIаьхьарчу 5 шарахь 12 шо кхачанза долу 21 бер дийна Нохчийчохь некъан хьовзамашкахь, кхин а 86 лазийна. Цу гайтамца 74-чу меттехь ю республика ерриг а Оьрсийчоь схьаэцча, хаам бо "Priority" (Приоритет) олучу бераш машенахь дIаcадуьгуш лело гIаьнташ дечу ассоциацино.   Цо бинчу талламца а догIуш, уггар дукха бераш дайина юьйцучу хеначохь Краснодаран махкахь - 85, лазийначу берийн терахь ду 1301. ШолгIачу а, кхоалгIачу а меттехь ю Москва а, Москван кIошт а. Дерриг а 2014 шарахь дуьйна Оьрсийчохь... Читать дальше...

Нохчий хир бу Орьсийчохь уггаре дукха коммуналах мах лурш 2020-чу шарахь Оьрсийчоьнан массо а мехкашкахь лакхабер бу коммуналах дIалучу механ барам. Iедало тIечIагIйина цуьнан тарифаш. Царалахь уггаре лакхара ю Нохчийчоьнна къастийна тариф - 6,5%. Муха хета Соьлж-ГIаларчу бахархошна мехаш хьалдахарах долу керла низам аьллан хаттар дира Маршо Радионо кху мукъденошкахь.

Цхьа стаг а вуьйш шиъ некъан хьовзам хилла Нохчийчохь тIаьхьарчу дийнахь-бусий, хаам бо чоьхьарчу гIуллакхийн министраллан Нохчийчуьрчу урхаллан зорбан сервисо. Иштта, Гуьмсан кIоштахь Бена боьдучу некъаца хаьрцина «Лада Гранта» жима машен. И бахьана долуш хиллачу чевнех велла цунна урхалла деш хилла 66 шо долу вахархо.   Оццу хенахь Гуьмсера Куршлойн-Эвла боьдучу некъаца а хилла хьовзам. Илсхан-Юьртана гергахь тӀеттӀакхета ши машен - 21 шо долчу Гуьмсан кIоштарчу яхархочо урхалла дон «Hyundai Solaris» а... Читать дальше...

Шеман куьйгалхочо Асад Башара дIахьедар дина 2021-чу шарахь махкахь президентан харжамаш хир бу аьлла, хаам бо ТАСС агенталло. Цунна хетарехь, дуккха а нах хир бу Шеман куьйгалхо хила лаам болуш.   Асада дийцарехь, хьалха хиллачу президентан харжамашкахь дакъалоцуш 3 кандидат а бен вацара, ткъа тIебогIучарна юкъахь дакъалаца аьтто хир бу массо а лаам болучийн.