Новости за 27.11.2019

Герзо набахте вигина, ЭльджаркиевгIеран гIуллакх, ши шо хьалха вайна нохчо (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Катиб – иштта олура хьалха йоза шатайпа хаза долчу стагах. Дели гIалахь, Джама Масжидна (маьждигна) гена доццуш ю катиб ГIалиб Мохьаммада урду маттахь куьйга йозанаш ден меттиг.

Расулова Анастасия Iер-дахарехь адамаша, гул а еш, хIусамашкара арайоху нехаш дIакхехьар коммуналан белхахоша сацо там бу Оьрсийчоьнан 16 регионехь – оццул доьхна хьал ду тахана нехаш йохучу операторшкахь. Оцу хьокъехь хаамбина мехкийн куьйгалхошка Оьрсийчоьнан маьIданийн а, экологин а министра Кобылкин Дмитрийс. Дагестанехь нехаш яхарца хIоьттина хьал довзуьйту "Кавказ.Реалиин" корреспонденто. Нехех бала хиллачу мехкашлахь хьалхара ю Дагестан, ГIебарта-Балкхаройчоь, ГIалгIайчоь, Къилбаседа ХIирийчоь. Читать дальше...

Къайлаха наркотикаш лело организацеш официалехь террорхойн тобанех дIатоха лерина ю Iамеркан Цхьанатоьхна Штаташ аьлла, дIахьедина шинаридийнахь президенто Трамп Доналда. "ТIаьххьарчу 90 дийнахь оцу хаттарна тIехь ойланаш еш Iийна со…ХIуммаъ а аттачех яц хIара, тхо чекховла деза процесс", - аьлла Трампа телевизионехь еллачу интервьюхь. Мексикехь Iамеркан исс вахархо - кхо зуда а, 6 бер а (бIе шо сов хьалха Мексикехь баха бисина мормонийн сектан декъашхой) байинчул тIаьхьа Трамп Доналда Мексикан Iедалхошна хьийхира... Читать дальше...

Бакъо йоцуш герз а, патармаш а латторна 3 шо а, итт бутт а хан кхайкхийна Нохчийчуьрчу 24 шо долчу вахархочунна Асхабов Жамбулатна кхело, хаамбо республикерчу къайлахчу сервисийн пресс-гIуллакххоша. Ишта бехкала хьарчийна Нохчийчоьнан Лакхарчу кхело Асхабов зуламаш дан кечамбарна а, гIаттамхойн тоба вовшахтохарна а.

Нохчийчуьрчу талламчаша дехар дина Волгоградерчу шайн белхан накъосташка, "Лада-Приора" машенахь дIавахна 32 шо долу Махмудов Хьасан лохуш гIо де аьлла. "Волга-Каспий" хьостане регионерчу Талламан комитето хаамбарца, 2016-чу шеран Охан-беттан 3-чохь Шела кIоштарчу Гермчигара шен накъост волчуьра араваьлла, дIавахна иза. Цул тIаьхьа цхьанна а гина вац. Лоьхучун тIехьаьжна 30-35 шо ду, 170-175 сантиметар лекха, Iаьржа месаш йолуш. Дехар до иза гинчаьрга, я иза волу меттиг хуучаьрга 8(8712) 62-41-33... Читать дальше...

Дахначу шинаридийнахь Албанехь мохкбегийча охьахирцинчу гIишлош бухахь бисинарш схьалоьхуш, операци дIахьош бу орцанхой. ТIаьххьарчу хаамашца, мел лахара а 23 стаг ву велларг, лазийна 650 сов вахархо дарбан хIусамашкахь ву. Дуррес олучу портан гIалахь а, Туманехь а иттанашкахь нах бу херцаршлахь буьсуш хIинца а. Луларчу Косовера а, Черногорера а Албанина гIоьнна хьовсийна лерина гIалийн орцанхойн тобанаш Iамийначу жIаьлешца. Еврокомиссионо хаамбарехь, орца кхаьчна Италера а, Грецера а, Румынера а. Читать дальше...

Карабулакерчу полицин декъе вахна, шен гергара стаг вийна ша аьлла, мукIарло дина меттигерчу 66 шо долчу вахархочо, хаамбо республикан чоьхьарчу гIуллакхийн министраллан пресс-гIуллакххоша. Карарчу беттан 22-чу дийнахь хилла ду зулам. Кхин дагахь хIума а доцуш, цIеххьана шаьшинна юкъахь дов иккхича вийра ша иза аьлла тIевеанчо. ТIепаза вайначу 53 шо долчу Карабулакерчу вахархочун дакъа карийра полисхошна Юккъера-Ачалкхерчу Оскановн урамерчу цхьана цIа чохь. Бехкечунна дуьхьал бехкзуламан гIуллакх долийна.

"ГIалгIайчоьнан Республикан хьакъволу журналист" цIе ялар юкъадаккха сацамбина ГIалгIайчохь. Регионера журналистика кхиорехь доккха дакъа лаьцначу зорбанехь къахьегначу нахана дIасадоькъур ду и совгIат, яздо REGNUM агенталло. ГIалгIайчоьнан парламентан вице-спикере Светличный Василийга оцу кепара дехар дина мультимедийн журналистикан "Спецкор" школан куьйгалхо Буражев Адама. Иза тешна ву, дуккхаъчу махкарчу журналисташа къахьегна хиларх республика кхиорехь а, дIахIоттарехь а.   Масийтта шерашкахь ситемза регион яра ГIалгIайчоь... Читать дальше...

Кхин а виъ стаг дIалаьцна ГIалгIайчоьнан экстремизмна дуьхьало латточу Центран куьйгалхо Эльджаркиев ИбрахIим верна тIехула, яздо "Известия" хьостано. Ткъа "Коммерсанто" дийцарехь, батIалхьажойн тобанера пхи стаг ву шеконашка эцна. Ишта "Известияс" чIагIдо, Эльджаркиев верах гIуллакх къаьстина даьлла, Экажево олучу эвларчу батIалхьажин вирдехь болчу наха чIирна дуьхьал вийна иза аьлла. Шайн гергара стаг, хьалханча лаьттина Белхороев ИбрахIим верна Эльджаркиев бехке лорура батIалхьажоша. "Коммерсантан" информацица... Читать дальше...