Новости за 24.11.2019

Британерчу имама Абдуррахман Димашкъийас «дин харцхьадаккхарна» бехкебина Нохчийчоьнан куьйгалхой. Цара шайн доIанашкахь беллачаьрга кхойкху, теша 150 шо хьалха велла Киши Кунта-Хьаьжа дийна а ву, дин даржош дуьнентIехула ваьлла а лела бохучух, цу тIе шаьш « Дела цхьаъ во» бохуш а лела, аьлла шайха.   "Хьан динлелор харцхьа ду. Хьо теша Кунта-Хьаьжа, Батта тIе а хиина, нах тергал а беш, уьш АллахIна гонах боьхуш хьийза бохучух. Хьанна хаьа, кхана иза Марс тIе дехьаволий а», - аьшнашбо Нохчийчоьнан... Читать дальше...

Стохка аьхка ГIалгIайчуьрчу Экстремизмна дуьхьаллаьттачу центран 7 белхохочунна, уьш белхашкара мукъабаьхначул тIаьхьа, хенаш йиттира кхело, цара шаьш лоьцучу бахархошна гIелонаш ярна, талораш дарна, харц документаш кечдарна, цхьа стаг верна. Полковникан даржах а воккхуш, 6 шарна набахте хьажийра хIетахь царех цхьаъ - Безносюк Андрей. Амма иза, цхьа шо ах шо а даккхале  набахтера дIахецна Киров-махкарчу Кирово-Чепецк кIоштан кхело кху беттан юьххьехь –чохь яккхаза юьсу хан «маршо лагIъяр» олучу кепе а ерзош. Читать дальше...

Шоьтадийнахь Петарбухахь шен петарара лаьцна дIавигина Нохчийчуьра веана веха 21 шо долу Абдылхаисиев Мансур. Меттигерчу «5-гIа канал» телевизионо дийцарехь, харцхьа леларна бехктакхаман дов айдина цунна дуьхьал. Лаццале чекхъяьллачу буса цо социалан машанашка видео хIоттийна, «Лада Приора» машена чуьра, ша гIалин полицин урхаллина уллехула тIехволучу юкъанна, корах ара а яьккхина, маса-топ етташ. Ноьмарийн метта яздина «Мансур» а, корах латийна «Нохчийн борз» йоза тIехь долу сурт а дара цуьнан машенан, боху «5-чу канало». Читать дальше...

Нарокотикаш лелорах шеко йолуш, 28 шо долу стаг лаца Iуьйранна 6 сахьт долуш нехан хIусаме яхана хилла полици Екатеринбургехь. Амма дирзина «лацар» иза верца, хаамбо меттигерчу низамхойн сайто. Полисхой ша дIавига гIоьртича, царна хьалхара ведда и стаг. Цхьа полисхо тIаьхьавалла иза лаца. ТIаьхьакхиинчул тIаьхьа цо, тапча тоьхна, вийна полицин декъе ваха дуьхьалваьлларг. Чоьхьарчу гIуллакхийн урхалло чIагIдарехь, наркотикаш лелорна зуьйш волу вахархочо тапча дIаяьккха гIоьртина полисхочуьнгара. Читать дальше...